നവീകരിച്ച പത്തായച്ചിറ  ഉപ്പുവെള്ള പ്രതിരോധ ക്രോസ് ബാർ എം.വി ഗോവിന്ദൻ മാസ്റ്റർ എം എൽ എ ഉദ്ഘാടനം ചെയ്തു. തളിപ്പറമ്പ് നഗരസഭ ചെയർമാൻ പി.കെ സുബൈർ അധ്യക്ഷനായി. തളിപ്പറമ്പ് മുനിസിപ്പാലിറ്റിയിലുള്ള  കുറ്റിക്കോൽ വയലിലേക്ക് ഉപ്പുവെള്ളം കയറുന്നത് തടയാൻ പണി കഴിപ്പിച്ചതാണ് പത്തായച്ചിറ ഉപ്പുവെള്ള പ്രതിരോധ ക്രോസ് ബാർ. എന്നാൽ  കാലപഴക്കത്താൽ ക്രോസ് ബാർ ഉപയോഗശൂന്യമായതോടെ ഏക്കറുകണക്കിന് കൃഷി ഭൂമിയാണ്  ഉപയോഗശൂന്യമായത്. ഇതേത്തുടർന്നാണ് ഉപ്പുവെള്ള പ്രതിരോധ ക്രോസ് ബാർ നവീകരിക്കാൻ പദ്ധതി രൂപീകരിച്ചത്.

കോട്ടയം: ജില്ലയിൽ വിവിധ വകുപ്പുകളിലെ ആയ (കാറ്റഗറി നമ്പർ 363/2024) തസ്തികയിലേക്ക് ജനുവരി 30ന് നിലവിൽ വന്ന റാങ്ക് പട്ടികയിൽ ഉൾപ്പെട്ട ഉദ്യോഗാർഥിയെ നിയമന ശുപാർശ ചെയ്തതിനാൽ പട്ടിക നിലവിലില്ലാതായതായി പബ്ലിക് സർവീസ് കമ്മീഷൻ ജില്ലാ ഓഫീസർ അറിയിച്ചു.

ഇടുക്കി അഡീഷണല്‍ ജില്ലാ മജിസ്‌ട്രേറ്റായി (എ.ഡി.എം) എസ്. ശ്രീജിത്ത് ചുമതലയേറ്റു. കോട്ടയം അഡീഷണല്‍ ജില്ലാ മജിസ്‌ട്രേറ്റായി പ്രവര്‍ത്തിച്ചുവരികയായിരുന്നു. രാമപുരം സ്വദേശിയാണ്.

സംസ്ഥാന വനിതാ ശിശു വികസന വകുപ്പ്, ജില്ലാ വനിതാ ശിശു വികസന ഓഫീസ്, ജില്ലാ സങ്കല്‍പ് ഹബ്ബ് ഫോര്‍ എംപവര്‍മെന്റ് ഓഫ് വുമണ്‍ എന്നിവയുടെ നേതൃത്വത്തില്‍ വനിതാ ദിനാഘോഷം നടത്തി. ജില്ലാ പഞ്ചായത്ത് വൈസ് പ്രസിഡന്റ് ടി ഷബ്‌ന ഉദ്ഘാടനം ചെയ്തു. ജില്ലാപഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ ബോബി എണ്ണച്ചേരിയില്‍ അധ്യക്ഷയായി.

കോട്ടയം: പട്ടികവർഗ വികസന വകുപ്പിന് കീഴിൽ ഏറ്റുമാനൂരിൽ പ്രവർത്തിക്കുന്ന ഗവൺമെന്റ് മോഡൽ റസിഡൻഷ്യൽ സ്‌കൂളിലെ അന്തേവാസികളായ പെൺകുട്ടികൾക്ക് 2026- 27 അദ്ധ്യയന വർഷത്തേയ്ക്ക് രണ്ട് ജോഡി നൈറ്റ് ഡ്രസ്സ്  വിതരണം ചെയ്യാൻ താൽപര്യമുള്ള സ്ഥാപനങ്ങൾ, വ്യക്തികൾ എന്നിവരിൽ നിന്ന് ടെൻഡർ ക്ഷണിച്ചു.  മാർച്ച് 12ന് രാവിലെ 11 വരെ ടെൻഡറുകൾ സ്വീകരിക്കും. ഫോൺ: 8075400423.

ഭക്ഷ്യസുരക്ഷാ വകുപ്പ് ജനുവരി, ഫെബ്രുവരി മാസങ്ങളിലായി ഹോട്ടലുകളിലും ഭക്ഷ്യോത്പന്ന നിര്‍മ്മാണ യൂണിറ്റുകളിലുമായി 478 പരിശോധനകള്‍ നടത്തി. ആകെ 53 സ്ഥാപനങ്ങളില്‍ നിന്നായി 180000 രൂപ പിഴ ഈടാക്കി. കണ്ടെത്തിയ പിഴവുകള്‍ക്കെതിരേ രണ്ട് പ്രോസിക്യൂഷന്‍ കേസുകളുള്‍പ്പടെ നാല് കേസുകള്‍ ഫയല്‍ ചെയ്തു. 166 സ്റ്റാറ്റിയൂട്ടറി സാമ്പിളുകളും 100 സര്‍വെയ്‌ലന്‍സ് സാമ്പിളുകളും പരിശോധനയ്ക്കായി ശേഖരിച്ചു. ഇതില്‍ അഞ്ചെണ്ണം സുരക്ഷിതമല്ലെന്ന് കണ്ടെത്തി. മൂന്നെണ്ണത്തില്‍ ഫുഡ് കളര്‍ ചേര്‍ത്തതും രണ്ട് കറി പൗഡറുകളില്‍ കീടനാശിനിയുടെ അംശവും കണ്ടെത്തി. ഇതു സംബന്ധിച്ച് തുടര്‍നടപടികള്‍ സ്വീകരിച്ചുവരികയാണ്.

ഗതാഗത നിയന്ത്രണം

പരിയാരം ഗ്രാമപഞ്ചായത്തിലെ മന്ന - കുറ്റിയേരി -പനങ്ങാട്ടൂര്‍ - കാട്ടാമ്പള്ളി - പൂവ്വം റോഡില്‍ കലുങ്ക് നിര്‍മാണ പ്രവൃത്തി നടക്കുന്നതിനാല്‍ മാര്‍ച്ച് പത്തുമുതല്‍ 30 ദിവസത്തേക്ക് ഇതുവഴി ഭാഗിക വാഹന ഗതാഗത നിയന്ത്രണം ഏര്‍പ്പെടുത്തുമെന്ന് തളിപ്പറമ്പ് പൊതുമരാമത്ത് നിരത്തുവിഭാഗം അസിസ്റ്റന്റ് എഞ്ചിനീയര്‍ അറിയിച്ചു.

സ്ത്രീപദവി പഠന ശില്‍പശാല ചൊവ്വാഴ്ച 

കോട്ടയം: പട്ടികവർഗ വികസന വകുപ്പിന് കീഴിൽ ഏറ്റുമാനൂരിൽ പ്രവർത്തിക്കുന്ന ഗവൺമെന്റ് മോഡൽ റസിഡൻഷ്യൽ സ്‌കൂളിലെ അന്തേവാസികളായ പെൺകുട്ടികൾക്ക് 2026 - 27 അധ്യയന വർഷത്തേയ്ക്ക് രണ്ട് ജോഡി യൂണിഫോം  വിതരണം ചെയ്യാൻ താൽപര്യമുള്ള സ്ഥാപനങ്ങൾ, വ്യക്തികൾ എന്നിവരിൽ നിന്ന് ടെൻഡർ ക്ഷണിച്ചു. മാർച്ച് 12 ന് ഉച്ചകഴിഞ്ഞ് രണ്ട് വരെ ടെൻഡറുകൾ സ്വീകരിക്കും. ഫോൺ: 8075400423.

ആറളം ഫാമിൽ കാട്ടാനയുടെ ആക്രമണത്തിൽ മരിച്ച അനീഷിന്റെ കുടുംബത്തിന് പട്ടികജാതി, പട്ടികവർഗ പിന്നാക്കക്ഷേമ വികസന വകുപ്പിന്റെ ധനസഹായമായ രണ്ട് ലക്ഷം രൂപ അനുവദിച്ചതിന്റെ ഉത്തരവ് അനീഷിന്റെ പത്താം ബ്ലോക്കിലെ വീട്ടിലെത്തി ഭാര്യ അമ്പിളിക്ക് മന്ത്രി ഒ.ആർ കേളു കൈമാറി. അമ്പിളിയേയും മക്കളായ പ്ലസ്ടു വിദ്യാർഥിനി അനുഷ, എട്ടാം ക്ലാസ് വിദ്യാർഥിനി ആദി കൃഷ്ണ, കുടുംബാംഗങ്ങൾ എന്നിവരെയും മന്ത്രി ആശ്വസിപ്പിച്ചു. തുക കുടുംബത്തിന്റെ ബാങ്ക് അക്കൗണ്ടിലേക്ക് കൈമാറിയതായി ഐടിഡിപി പ്രൊജക്ട് ഓഫീസർ അറിയിച്ചു.