ഭക്ഷ്യസുരക്ഷാ വകുപ്പ് ജനുവരി, ഫെബ്രുവരി മാസങ്ങളിലായി ഹോട്ടലുകളിലും ഭക്ഷ്യോത്പന്ന നിര്‍മ്മാണ യൂണിറ്റുകളിലുമായി 478 പരിശോധനകള്‍ നടത്തി. ആകെ 53 സ്ഥാപനങ്ങളില്‍ നിന്നായി 180000 രൂപ പിഴ ഈടാക്കി. കണ്ടെത്തിയ പിഴവുകള്‍ക്കെതിരേ രണ്ട് പ്രോസിക്യൂഷന്‍ കേസുകളുള്‍പ്പടെ നാല് കേസുകള്‍ ഫയല്‍ ചെയ്തു. 166 സ്റ്റാറ്റിയൂട്ടറി സാമ്പിളുകളും 100 സര്‍വെയ്‌ലന്‍സ് സാമ്പിളുകളും പരിശോധനയ്ക്കായി ശേഖരിച്ചു. ഇതില്‍ അഞ്ചെണ്ണം സുരക്ഷിതമല്ലെന്ന് കണ്ടെത്തി. മൂന്നെണ്ണത്തില്‍ ഫുഡ് കളര്‍ ചേര്‍ത്തതും രണ്ട് കറി പൗഡറുകളില്‍ കീടനാശിനിയുടെ അംശവും കണ്ടെത്തി. ഇതു സംബന്ധിച്ച് തുടര്‍നടപടികള്‍ സ്വീകരിച്ചുവരികയാണ്.

കോട്ടയം: തിരുവല്ല കുന്നന്താനത്ത് പ്രവർത്തിക്കുന്ന അസാപ് കമ്യൂണിറ്റി സ്‌കിൽ പാർക്കിൽ ജൂനിയർ എക്സിക്യൂട്ടീവ്  ഒഴിവിലേക്ക് മാർച്ച് ഒൻപതിന് വാക് ഇൻ ഇന്റർവ്യൂ നടത്തും. ബിരുദം/ ബിരുദാനന്തര ബിരുദമുള്ളവർക്ക് പങ്കെടുക്കാം. സമാന മേഖലയിൽ പ്രവൃത്തിപരിചയമുളളവർക്ക് മുൻഗണന. താൽപര്യമുള്ളവർ കുന്നന്താനത്തെ കമ്യൂണിറ്റി സ്‌കിൽ പാർക്കിൽ രാവിലെ 10.30 ന് എത്തിച്ചേരണം. ഫോൺ: 9495999688.  

ജില്ലാ ട്രഷറി ഇനി പൈനാവില്‍

കോട്ടയം: ഏറ്റുമാനൂർ അഡീഷണൽ ഐ.സി.ഡി.എസ്. പ്രോജക്ട് ഓഫീസിന്റെ പരിധിയിലുള്ള 117 അങ്കണവാടികളിലേക്ക് കണ്ടിജൻസി സാധനങ്ങൾ വിതരണം ചെയ്യുന്നതിന് ടെൻഡർ ക്ഷണിച്ചു. മാർച്ച് 13ന് ഉച്ചകഴിഞ്ഞ് രണ്ടുവരെ ടെൻഡറുകൾ സ്വീകരിക്കും. ഫോൺ: 7510162787.
 

കോട്ടയം: നിയമസഭാ തെരഞ്ഞെടുപ്പിന് മുന്നോടിയായി ജില്ലയിലെ കോളജ് വിദ്യാർത്ഥികൾക്ക് ഇ.വി.എം വിവിപാറ്റ് മെഷീനുകൾ പരിചയപ്പെടുന്നതിനും വോട്ടിംഗ്  രീതി മനസ്സിലാക്കുന്നതിനുമായി വോട്ട് വണ്ടി ജില്ലാ സ്വീപ് വിഭാഗത്തിന്റെ മേൽനോട്ടത്തിൽ മാർച്ച് ആറുവരെയാണ് വോട്ട് വണ്ടിയെത്തുന്നത്.

തലശ്ശേരി മഞ്ഞോടിയിലെ മത്സ്യഫെഡ് സീ ഫുഡ് റസ്റ്റോറന്റ് നിയമസഭാ സ്പീക്കര്‍ അഡ്വ. എ.എന്‍ ഷംസീര്‍ ഉദ്ഘാടനം ചെയ്തു. നല്ല ഭക്ഷണത്തിനായി എത്രദൂരം വേണമെങ്കിലും സഞ്ചരിക്കുന്നവരാണ് മലയാളികളെന്നും ജനങ്ങള്‍ക്ക് ഗുണമേന്മയുള്ള ഭക്ഷണം നല്‍കി കഫെ വന്‍ വിജയമാക്കാന്‍ സാധിക്കണമെന്നും സ്പീക്കര്‍ പറഞ്ഞു. തലശ്ശേരി നഗരസഭ ചെയര്‍പേഴ്സണ്‍ കാരായി ചന്ദ്രശേഖരന്‍ അധ്യക്ഷനായി.

കോട്ടയം: കായിക യുവജന വകുപ്പ് ജില്ലയിലെ തദ്ദേശ സ്വയംഭരണ സ്ഥാപനങ്ങള്‍ക്ക്  സ്‌പോര്‍ട്‌സ് കിറ്റുകള്‍ വിതരണം ചെയ്തു. ക്രിക്കറ്റ് ബാറ്റ്, ബോള്‍, സ്റ്റമ്പ്, വോളിബോള്‍, ഫുട്‌ബോള്‍ എന്നിവടങ്ങിയ കിറ്റാണ് നല്‍കിയത്. തദ്ദേശസ്ഥാപന ഭാരവാഹികള്‍ കിറ്റുകള്‍ ഏറ്റുവാങ്ങി. ജില്ലാ സ്‌പോര്‍ട്‌സ് കൗണ്‍സില്‍ എക്‌സിക്യൂട്ടീവ് കമ്മിറ്റി അംഗങ്ങളുടെ സത്യപ്രതിജ്ഞയും ചടങ്ങില്‍ നടന്നു.

ആന്തൂര്‍ നഗരസഭ നിര്‍മിക്കുന്ന ഷീ ടര്‍ഫിന്റെ പ്രവൃത്തി ഉദ്ഘാടനം എം.വി ഗോവിന്ദന്‍ മാസ്റ്റര്‍ എംഎല്‍എ നിര്‍വഹിച്ചു. ആന്തൂര്‍ നഗരസഭാ ചെയര്‍പേഴ്സണ്‍ വി സതീദേവി അധ്യക്ഷയായി. 

നഗരസഭാ ആസ്ഥാന മന്ദിരത്തോടും മുനിസിപ്പല്‍ സ്റ്റേഡിയത്തോടും ചേര്‍ന്ന് 69 ലക്ഷം രൂപ ചെലവിലാണ് ടര്‍ഫ് നിര്‍മിക്കുന്നത്. സ്ത്രീകള്‍ക്കായി കായിക വിനോദത്തിലൂന്നിയ ആരോഗ്യ സംരക്ഷണമാണ് പദ്ധതിയിലൂടെ ലക്ഷ്യമിടുന്നത്.

കേരള കയര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്കായി മാര്‍ച്ച് ആറു മുതല്‍ കളക്ഷന്‍ ക്യാമ്പ്  നടത്തും. ആറിന് മറവന്‍തുരുത്ത് പഞ്ചായത്ത് ഓഫീസിലും മാര്‍ച്ച് 10ന്  10 ടി.വി.പുരം കമ്മ്യൂണിറ്റി ഹാളിലും 13ന്  ഉദയനാപുരം പഞ്ചായത്ത് ഓഫീസിലും രാവിലെ 10 മുതല്‍ ഉച്ചകഴിഞ്ഞു മൂന്നു വരെയാണ് ക്യാമ്പ്. 

 2026 -27 വര്‍ഷത്തെ ക്ഷേമനിധി വിഹിതവും കുടിശികയും അടയ്ക്കുന്നതിനും പുതിയതായി അംഗത്വം എടുക്കുന്നതിനും സൗകര്യമുണ്ടാകും.
60 വയസ്സുവരെ മുടക്കം കൂടാതെ വിഹിതം അടയ്ക്കുന്ന തൊഴിലാളികള്‍ക്കു മാത്രമെ വിരമിക്കല്‍ ആനുകൂല്യം ലഭിക്കൂ.