കൊയിലാണ്ടി നഗരസഭ വെറ്ററിനറി ഹോസ്പിറ്റല്‍ 2025-26 ജനകീയാസൂത്രണ പദ്ധതില്‍ കിടാരി വിതരണം ചെയ്തു. നഗരസഭ ചെയര്‍പേഴ്‌സണ്‍ യു കെ ചന്ദ്രന്‍ വിതരണോദ്ഘാടനം നിര്‍വഹിച്ചു. കൊയിലാണ്ടി മൃഗാശുപത്രിയില്‍ നടന്ന ചടങ്ങില്‍ വികസന സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ സുധാകരന്‍, വാര്‍ഡ് കൗണ്‍സിലര്‍മാരായ ജസ്ലു, പി ടി ഉമേന്ദ്രന്‍, വര്‍ക്കിങ് ഗ്രൂപ്പ് ചെയര്‍മാന്‍ പി കെ ഷൈജു, സീനിയര്‍ വെറ്ററിനറി സര്‍ജന്‍ സുനില്‍കുമാര്‍ എന്നിവര്‍ പങ്കെടുത്തു.

ബാലുശ്ശേരി താലൂക്ക് ആശുപത്രിയില്‍ വിപുലമായ സൗകര്യങ്ങളോടെ നിര്‍മിച്ച പുതിയ കെട്ടിടം ഇന്ന് (മാര്‍ച്ച് 10) പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് നാടിന് സമര്‍പ്പിക്കും. അഡ്വ. കെ എം സച്ചിന്‍ ദേവ് എം.എല്‍.എ അധ്യക്ഷനാകും. 

സാധ്യതാ പട്ടിക പ്രസിദ്ധീകരിച്ചു

ജില്ലയില്‍ മണ്ണ് പര്യവേഷണ, മണ്ണ് സംരക്ഷണ വകുപ്പുകളില്‍ വര്‍ക്ക് സൂപ്രണ്ട് (കാറ്റഗറി നമ്പര്‍: 385/2024) തസ്തികയുടെ സാധ്യതാ പട്ടിക പ്രസിദ്ധീകരിച്ചതായി പി.എസ്.സി ജില്ലാ ഓഫീസര്‍ അറിയിച്ചു.

സിവില്‍ സര്‍വീസ് അക്കാദമിയില്‍ പ്രവേശനം

മെഡിക്കല്‍ കോളേജ് സേവനങ്ങള്‍ ശക്തിപ്പെടുത്തുന്നു

കോട്ടത്തറ ഗ്രാമപഞ്ചായത്തിൽ  ജെൻഡർ റിസോഴ്സ് സെൻ്ററിലേക്ക് കമ്മ്യൂണിറ്റി വുമൺ ഫെസിലിറ്റേറെ  നിയമിക്കുന്നു.

 സോഷ്യൽ വർക്ക്, സൈക്കോളജി, സോഷ്യോളജി, വിമൺ സ്റ്റഡീസ്, ജെൻഡർ സ്റ്റഡീസ് എന്നീ വിഷയങ്ങളിൽ  ഒന്നിൽ ബിരുദാനന്തര ബിരുദമുള്ള വനിതകൾക്ക് അപേക്ഷിക്കാം. കോട്ടത്തറ ഗ്രാമപഞ്ചായത്ത് പരിധിയിൽ താമസിക്കുന്നവർക്ക് മുൻഗണന. പ്രായപരിധി 40 വയസ്സ്. 

 ഉദ്യോഗാര്‍ഥികള്‍ ബയോഡാറ്റ, യോഗ്യത എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പം വെള്ളപ്പേപ്പറിൽ തയ്യാറാക്കിയ അപേക്ഷയും സഹിതം മാർച്ച് 12 രാവിലെ 10.30 ന്  ഗ്രാമപഞ്ചായത്ത് ഓഫീസിൽ നടത്തുന്ന കൂടിക്കാഴ്ച്ചയിൽ പങ്കെടുക്കണം. ഫോൺ-9605289237

മാനന്തവാടി താലൂക്കിലെ വെള്ളമുണ്ട ഗ്രാമപഞ്ചായത്തിൽ 22 വാർഡ്‌ മൊതക്കരയിൽ  22620101 നമ്പര്‍ ന്യായവില കട ലൈസന്‍സിയെ നിയമിക്കുന്നു. ഭിന്നശേഷി വിഭാഗക്കാർക്ക് അപേക്ഷിക്കാം. താത്പര്യമുള്ളവർ  മാർച്ച് 27 വൈകിട്ട് മൂന്നിനകം ജില്ലാ സപ്ലൈ ഓഫീസിൽ 

തപാൽ മുഖേനയോ നേരിട്ടോ അപേക്ഷ നൽകണം. അപേക്ഷയുടെ പകർപ്പും അനുബന്ധ രേഖകളും ജില്ലാ സപ്ലൈ ഓഫീസിലും സിവിൽ സപ്ലൈസ് വകുപ്പിൻ്റെ ഔദ്യോഗിക വെബ്സൈറ്റിലും civilsupplieskerala.gov.in ലഭ്യമാണ്. ഫോൺ- 04936 202273.

ജില്ലാ മൃഗസംരക്ഷണ വകുപ്പ് മൊബൈല്‍ വെറ്ററിനറി യൂണിറ്റുകളിലേക്ക് കരാറടിസ്ഥാനത്തില്‍ വെറ്ററിനറി ഡോക്ടറെ നിയമിക്കുന്നു. വെറ്ററിനറി ബിരുദം, കേരള വെറ്ററിനറി കൗണ്‍സില്‍ രജിസ്ട്രേഷനാണ് യോഗ്യത. താത്പര്യമുള്ള ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റിന്റെ അസല്‍, പകര്‍പ്പ്, അംഗീകൃത തിരിച്ചറിയല്‍ രേഖയുമായി ഇന്ന് (മാർച്ച് 10) ഉച്ചയ്ക്ക് രണ്ടിന്  കല്‍പ്പറ്റയില്‍ പ്രവര്‍ത്തിക്കുന്ന ജില്ലാ മൃഗസംരക്ഷണ ഓഫീസില്‍ നടക്കുന്ന അഭിമുഖത്തില്‍ പങ്കെടുക്കണം. ഫോണ്‍-04936 202292.

മാനാഞ്ചിറ-വെള്ളിമാട്കുന്ന് റോഡിന്റെ നവീകരിച്ച മാനാഞ്ചിറ-മലാപ്പറമ്പ് റീച്ചിന്റെ സമര്‍പ്പണവും മലാപ്പറമ്പ്-വെള്ളിമാട്കുന്ന് റീച്ചിന്റെ പ്രവൃത്തി ഉദ്ഘാടനവും മന്ത്രി നിര്‍വഹിച്ചു

പുൽപ്പള്ളി ഖേലോ ഇന്ത്യ സെന്ററിന്റെ ആഭിമുഖ്യത്തിൽ അന്താരാഷ്ട്ര വനിതാദിനാചരണവും അമ്പയ്ത്തുമത്സരവും സംഘടിപ്പിച്ചു. ജില്ലാ സ്പോർട്സ് കൗൺസിൽ വൈസ് പ്രസിഡന്റ്  കെ പി വിജയി പരിപാടി ഉദ്ഘാടനം ചെയ്തു. കായിക രംഗത്ത് വനിതകൾക്ക് കൂടുതൽ പ്രാതിനിധ്യവും പ്രോത്സാഹനവും നൽകേണ്ടത് അനിവാര്യമാണെന്ന് അദ്ദേഹം അഭിപ്രായപ്പെട്ടു. 

വനിതാദിനാചരണത്തിന്റെ ഭാഗമായി വനിതകൾക്കായി പ്രത്യേക അർച്ചറി  ചാമ്പ്യൻഷിപ്പ് സംഘടിപ്പിച്ചു. 

പരിപാടിയിൽ പുൽപ്പള്ളി ഗ്രാമപഞ്ചായത്ത് വൈസ് പ്രസിഡന്റ് ജോഷി ചാരുവേൽ, ഖേലോ-ഇന്ത്യ പരിശീലക അക്ഷയ ദാസ് , ജില്ലാ സ്പോർട്സ് കൗൺസിൽ അംഗം  ലതാഗോപിദാസ് എന്നിവർ സംസാരിച്ചു. 

 നിയമസഭ തെരഞ്ഞെടുപ്പിന് മുന്നോടിയായി ജില്ലയിൽ എക്‌സൈസ് വകുപ്പ്  പ്രേത്യേക എൻഫോഴ്‌സ്‌മെന്റ് ഡ്രൈവ് നടത്തും.

 പൊതുജനങ്ങൾക് പരാതികൾ അറിയിക്കുന്നതിനായി വയനാട് എക്‌സൈസ് ആസ്ഥാനത്തു 24 മണിക്കൂർ പ്രവർത്തിക്കുന്ന കണ്ട്രോൾ റൂം ആരംഭിച്ചിട്ടുണ്ട്. മദ്യം മയക്കുമരുന്ന് എന്നിവയുമായി ബന്ധപ്പെട്ട ഉത്പാദനം, വിപണനം, കടത്തു എന്നിവ സംബന്ധിചുള്ള പരാതികളും, കൃത്യമായ വിവരങ്ങളും പൊതുജനങ്ങൾക്കും സന്നദ്ധ സംഘടനകൾക്കും ജില്ലാ കണ്ട്രോൾ റൂമിലെ 04936-288215 എന്ന നമ്പറിലും ടോൾ ഫ്രീ നമ്പറായ 1800-425-2848 എന്ന നമ്പറിലേക്കോ അറിയിക്കാം.