കോട്ടയം: ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ തദ്ദേശ സ്വയംഭരണ സ്ഥാപന അധ്യക്ഷന്‍മാര്‍ക്കും ഉദ്യോഗസ്ഥര്‍ക്കുമായി ഈസ് ഓഫ് ഡൂയിംഗ് ബിസിനസ് ബോധവത്കരണ ശില്‍പ്പശാല നടത്തി. തെള്ളകം ചൈതന്യ പാസ്റ്ററല്‍ സെന്ററില്‍ നടന്ന പരിപാടിയില്‍ കോട്ടയം, ചങ്ങനാശേരി താലൂക്കുകള്‍, വൈക്കം  ബ്ലോക്ക് പഞ്ചായത്ത്,  വൈക്കം മുനിസിപ്പാലിറ്റി എന്നീ മേഖലകളിലെ തദ്ദേശ സ്ഥാപനങ്ങളില്‍നിന്നുള്ളവര്‍ പങ്കെടുത്തു. 

കോട്ടയം: എംപ്ലോയീസ് സ്റ്റേറ്റ് ഇന്‍ഷുറന്‍സ് കോടതിയുടെ ക്യാമ്പ് സിറ്റിംഗ്  മാര്‍ച്ച് ഒന്‍പത്,16,23,30 തീയതികളില്‍ കോട്ടയം സിവില്‍ സ്റ്റേഷനിലെ ബാര്‍ അസോസിയേഷന്‍ ഹാളില്‍ നടത്തും. കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ തൊഴില്‍ത്തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും വിചാരണ നടത്തും. ഫോണ്‍: 0474 2792892.

കോട്ടയം:നാഷണൽ ആയുഷ് മിഷൻ കോട്ടയം ജില്ലയിൽ കരാർ അടിസ്ഥാനത്തിൽ  നിയമനം നടത്തുന്നതിന് മാർച്ച് ഒന്‍പതിന് വയസ്ക്കരകുന്നിലെ ജില്ലാ പ്രോഗ്രാം മാനേജ്മെന്‍റ് യൂണിറ്റിൽ അഭിമുഖം നടത്തും.

തെറാപ്പിസ്റ്റ്, തെറാപ്പി അസിസ്റ്റന്‍റ് തസ്തികകളിലേക്കുള്ള ആഭിമുഖം രാവിലെ 10.00 മുതലും ക്ലിനിക്കൽ സൈക്കോളജിസ്റ്റ് തസ്തികയിലേക്കുള്ളത് ഉച്ചകഴിഞ്ഞ് രണ്ടിനുമാണ്. 

വിശദ വിവരങ്ങള്‍ www.nam.kerala.gov.in.careers opportunities എന്ന വെബ്സൈറ്റില്‍. ഫോൺ: 0481-2991918
 

കോട്ടയം: കുറവിലങ്ങാട് താലൂക്ക് ആശുപത്രിയിൽ  ഡോക്ടർ തസ്തികയില്‍ നിലവിലുള്ള ഒഴിവിലേക്ക് താൽക്കാലിക നിയമനം നടത്തുന്നതിന് മാർച്ച് ഏഴിന് രാവിലെ 11 ന്  വാക്-ഇന്‍-ഇന്‍റര്‍വ്യൂ നടത്തും.

എം.ബി.ബി.എസും ടി.സി.എം.സി രജിസ്ട്രേഷനുമുള്ളവരെയാണ് പരിഗണിക്കുന്നത്. പങ്കെടുക്കുന്നവര്‍ യോഗ്യത തെളിയിക്കുന്ന അസൽ സർട്ടിഫിക്കറ്റുകൾ, ആധാര്‍ കാര്‍ഡ്, പാന്‍ കാര്‍ഡ്, ഏറ്റവും പുതിയ പാസ്പോര്‍ട്ട് സൈസ് ഫോട്ടോ എന്നിവ സഹിതം ആശുപത്രിയില്‍ എത്തണം. ഫോൺ: 7012043489,9447675594

നവീകരണം പൂര്‍ത്തിയാക്കിയ ഓമശ്ശേരി-കോടഞ്ചേരി-പുലിക്കയം-പുല്ലൂരാംപാറ റോഡിന്റെ ഉദ്ഘാടനം പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓണ്‍ലൈനായി നിര്‍വഹിച്ചു. ലിന്റോ ജോസഫ് എം.എല്‍.എ ഫലകം അനാച്ഛാദനം ചെയ്തു.

സംസ്ഥാന വിനോദ സഞ്ചാര വകുപ്പിന് കീഴില്‍ പ്രവര്‍ത്തിക്കുന്ന ഗ്രാന്റ്-ഇന്‍-എയ്ഡ് സ്ഥാപനമായ ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടിന്റെ പുതിയ കെട്ടിടം പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്തു. കോഴിക്കോട് ഗവ. ഗസ്റ്റ് ഹൗസിനോട് ചേര്‍ന്ന് 10 കോടി രൂപ വിനിയോഗിച്ചാണ് ആധുനിക സൗകര്യങ്ങളോടെ നാലുനില കെട്ടിടം പണിതത്. ആദ്യം കോഴിക്കോട് ഗവ. പോളിടെക്‌നിക് ക്യാമ്പസിലും തുടര്‍ന്ന് കോഴിക്കോട് സിവില്‍ സ്റ്റേഷനു സമീപം വാടക കെട്ടിടത്തിലുമായി പ്രവര്‍ത്തിച്ചു വരികയായിരുന്നു സ്ഥാപനം. 

വിവിധ പദ്ധതികള്‍ക്ക് 140 കോടി രൂപ വകയിരുത്തി 2026-27 വര്‍ഷത്തെ ജില്ലാ പഞ്ചായത്ത് ബജറ്റ്. ഗ്രാമങ്ങളുടെ സമഗ്ര വികസനം, ആരോഗ്യ സംരക്ഷണം, വിദ്യാഭ്യാസം, ടൂറിസം, പരിസ്ഥിതി സംരക്ഷണം തുടങ്ങിയവക്ക് മുന്‍ഗണന നല്‍കിയുള്ള ബജറ്റ് ജില്ലാ പഞ്ചായത്ത് വൈസ് പ്രസിഡന്റ് കെ കെ നവാസ് അവതരിപ്പിച്ചു. പ്രസിഡന്റ് മില്ലി മോഹന്‍ കൊട്ടാരത്തില്‍ അധ്യക്ഷയായി.  

പേരാമ്പ്ര, നാദാപുരം നിയോജകമണ്ഡലങ്ങളെ ബന്ധിപ്പിച്ച് നിര്‍മിക്കുന്ന ചവറമൂഴി പാലത്തിന്റെ പ്രവൃത്തി ഉദ്ഘാടനം പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓണ്‍ലൈനായി നിര്‍വഹിച്ചു. ടി പി രാമകൃഷ്ണന്‍ എം.എല്‍.എ അധ്യക്ഷനായി. മലയോര ഹൈവേയില്‍ ഉള്‍പ്പെടുത്തി കിഫ്ബി ഫണ്ടായ 9.289 കോടി രൂപ വിനിയോഗിച്ചാണ് ചവറമൂഴിയില്‍ കുറ്റ്യാടി പുഴക്ക് കുറുകെ പാലം നിര്‍മിക്കുന്നത്. 

സംസ്ഥാന സര്‍ക്കാറിന്റെ 'തീരത്തു നിന്നും ജനങ്ങളിലേക്ക്' പദ്ധതിയുടെ ഭാഗമായി വിഷരഹിതവും ഗുണമേന്മയുള്ളതുമായ വിവിധ ഇനം കടല്‍മത്സ്യങ്ങള്‍ മിതമായ വിലയ്ക്ക് ലഭ്യമാക്കുന്നതിനായി മാവൂരില്‍ നിര്‍മിച്ച മത്സ്യഫെഡ് ഫിഷ്മാര്‍ട്ട് പി.ടി.എ റഹീം എം.എല്‍.എ ഉദ്ഘാടനം ചെയ്തു. വിഷരഹിതമായ വിവിധയിനം മത്സ്യങ്ങള്‍, മത്സ്യഫെഡിന്റെ വിവിധയിനം മത്സ്യ അച്ചാറുകള്‍, ചമ്മന്തിപ്പൊടി, പ്രോണ്‍റോസ്റ്റ്, അമിതവണ്ണവും കൊഴുപ്പും കുറക്കുന്നതിനുള്ള കൈറ്റോണ്‍ കാപ്‌സ്യൂള്‍ തുടങ്ങിയവ ഫിഷ്മാര്‍ട്ടില്‍ ലഭ്യമാണ്. ആധുനിക സൗകര്യങ്ങളോടെ പൂര്‍ണമായും ശീതീകരിച്ചാണ് ഫിഷ്മാര്‍ട്ട് ഒരുക്കിയിരിക്കുന്നത്.