​കേരള ഹൈക്കോടതിയുടെ 2026 ജനുവരി 20-ലെ ഇടക്കാല ഉത്തരവ് പ്രകാരം മലിനീകരണ നിയന്ത്രണ സംവിധാനങ്ങളും സർട്ടിഫിക്കറ്റും ഇല്ലാതെ സർവീസ് നടത്തുന്ന ഹൗസ്ബോട്ടുകൾ, ഉത്തരവ് പുറപ്പെടുവിച്ച് മൂന്ന് മാസത്തിന് ശേഷം വേമ്പനാട്  കായലിൽ സർവീസ് നടത്താൻ അനുവദിക്കില്ല എന്ന് നിർദ്ദേശിച്ചിട്ടുണ്ട്. അതിനാൽ 2026 ഏപ്രിൽ 19-ന് ശേഷം മലിനീകരണ നിയന്ത്രണ സംവിധാനങ്ങളും സർട്ടിഫിക്കറ്റും ഇല്ലാത്ത ഹൗസ്ബോട്ടുകൾ വേമ്പനാട് കായലിൽ സർവീസ് നടത്താൻ പാടില്ല എന്ന് ആലപ്പുഴ തുറമുഖ ഓഫീസർ ആൻഡ് രജിസ്റ്ററിംഗ് അതോറിറ്റി അറിയിച്ചു.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, പ്രധാനമന്ത്രി ആവാസ് യോജന (ഗ്രാമീൺ) ഭവന പദ്ധതി എന്നിവ സംബന്ധിച്ച പരാതികൾ കേൾക്കുന്നതിനായി മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഓംബുഡ്സ്പേഴ്സൺ എം.എസ്. അബ്ദുൾകലാം ആസാദ് ഏപ്രിൽ 21-ന് രാവിലെ 11 മണി മുതൽ മുതുകുളം ബ്ലോക്ക് പഞ്ചായത്ത് ഓഫീസിൽ സിറ്റിംഗ് നടത്തും. സിറ്റിംഗിൽ ഗ്രാമപഞ്ചായത്തുകളിലെ തൊഴിലുറപ്പ് പദ്ധതി, പി.എം.എ.വൈ(ജി) പദ്ധതി എന്നിവ സംബന്ധിച്ച പരാതികൾ നേരിട്ടോ രേഖാമൂലമോ സമർപ്പിക്കാവുന്നതാണ്.

ഏപ്രിൽ 20 മുതൽ തണ്ണീർമുക്കം ബണ്ടിന്റെ ഷട്ടറുകൾ ഘട്ടം ഘട്ടമായി തുറക്കുന്നതിന് ജില്ലാ കളക്ടർ കെ. ഇമ്പശേഖർ ഉത്തരവായി. ഷട്ടറുകൾ തുറക്കുന്നതിനുള്ള നടപടികൾ സ്വീകരിക്കുന്നതിന് ആലപ്പുഴ ഇറിഗേഷൻ മെക്കാനിക്കൽ വിഭാഗം എക്സിക്യൂട്ടീവ് എഞ്ചിനീയറെ ചുമതലപ്പെടുത്തി.

​ഷട്ടറുകൾ ക്രമീകരിക്കുമ്പോൾ ഇരുവശങ്ങളിലുമുള്ള മത്സ്യത്തൊഴിലാളികളുടെ ജീവനോപാധികളെ (വള്ളം, വല മറ്റുള്ളവ) ബാധിക്കുന്നില്ലെന്ന് ബന്ധപ്പെട്ട എൽ.എസ്.ജി.ഡി. ജോയിന്റ് ഡയറക്ടർ, ഫിഷറീസ് ഡെപ്യൂട്ടി ഡയറക്ടർ എന്നിവർ ഉറപ്പുവരുത്തണമെന്നും മത്സ്യത്തൊഴിലാളികൾക്ക് മുൻകൂർ നിർദ്ദേശം നൽകണമെന്നും ഉത്തരവിൽ പറയുന്നു.

ആലപ്പുഴ ജില്ലയിൽ ആരോഗ്യ വകുപ്പിൽ ​ജൂനിയർ പബ്ലിക് ഹെൽത്ത് നഴ്സ് ഗ്രേഡ് II (എസ് ആർ ഫോർ എസ് സി/ എസ് ടി ആൻഡ് എസ് ടി  ഒൺലി )(കാറ്റഗറി നമ്പർ 339/2020) തസ്തികയ്ക്കായി 2023 മാർച്ച് 13-ന് നിലവിൽ വന്ന റാങ്ക് പട്ടിക, 2026 മാർച്ച് 12 അർദ്ധരാത്രി മുതൽ നിലവിലില്ലാത്ത വിധം റദ്ദാക്കിയതായി ആലപ്പുഴ ജില്ലാ പി എസ് സി ഓഫീസർ അറിയിച്ചു.

കേരള സർക്കാർ സാംസ്കാരിക വകുപ്പിന് കീഴിലുള്ള ഗുരു ഗോപിനാഥ് നടനഗ്രാമത്തിൽ കേരള നടനം സർട്ടിഫിക്കറ്റ് കോഴ്സ്, ഇന്റഗ്രേറ്റഡ് ഡിപ്ലോമ കോഴ്സ് എന്നിവയുടെ അഡ്മിഷൻ ആരംഭിച്ചു. കൂടുതൽ വിവരങ്ങൾക്ക്: 0471 2364771, 9496749011.

        കേരള സർക്കാർ സാംസ്കാരിക വകുപ്പ്  സ്ഥാപനമായ ഗുരു ഗോപിനാഥ് നടനഗ്രാമത്തിൽ കഥക് നൃത്ത വിദഗ്ദ്ധർ പത്മശ്രീ നളിനി കമാലിനി ആസ്ഥാനയുടെ നേതൃത്വത്തിൽ ഏപ്രിൽ 19, 20 തീയതികളിൽ കഥക് ശിൽപശാലയും ഡെമോൺസ്ട്രേഷനും നടക്കും. രജിസ്ട്രേഷൻ ഫീസ് 300 രൂപ.

സംസ്ഥാന സഹകരണ യൂണിയൻ നടത്തുന്ന ജെ.ഡി.സി (2026-27) കോഴ്സിന്റെ ഓൺലൈൻ അപേക്ഷ സ്വീകരിക്കുന്ന തീയതി ഏപ്രിൽ 30 വൈകിട്ട് 5 വരെ ദീർഘിപ്പിച്ചു.

ഐഎച്ച്ആർഡിയുടെ സംസ്ഥാനത്തെ വിവിധ നൈപുണ്യ വികസന കേന്ദ്രങ്ങളിൽ നടത്തുന്ന ഇന്റേൺഷിപ്പ് ട്രെയിനിംഗ് പദ്ധതികളിലേക്ക് അപേക്ഷ ക്ഷണിച്ചു. ഡിഗ്രി പഠനം നാലാം സെമസ്റ്റർ പൂർത്തിയാക്കിയവർക്ക് 20 ദിവസത്തെ ഇന്റേൺഷിപ്പാണ് നൽകുന്നത്. താൽപര്യമുള്ളവർ സെന്ററിൽ നേരിട്ടോ www.skillcentre.ihrd.ac.in ലോ രജിസ്റ്റർ ചെയ്യണം.

തിരുവനന്തപുരം ഗവ.

കേരള സ്റ്റേറ്റ് സിവിൽ സർവീസ് അക്കാഡമിയുടെ തിരുവനന്തപുരം, കൊല്ലം, ആലുവ (എറണാകുളം), പാലക്കാട്, പൊന്നാനി (മലപ്പുറം), കോഴിക്കോട്, കല്യാശ്ശേരി (കണ്ണൂർ) കേന്ദ്രങ്ങളിൽ ഏപ്രിൽ 27ന് ആരംഭിക്കുന്ന സിവിൽ സർവീസ് പ്രിലിംസ് കം മെയിൻസ് പരീക്ഷാ പരിശീലന ക്ലാസിലേക്ക് അപേക്ഷ ക്ഷണിച്ചു.