ബാലസംരക്ഷണ സ്ഥാപനങ്ങളില്‍ കഴിയുന്ന കുട്ടികളുടെ സമഗ്ര വികസനം ലക്ഷ്യമിട്ട്  ചൈല്‍ഡ് വെല്‍ഫെയര്‍ കമ്മിറ്റിയുടെ നേതൃത്വത്തില്‍, വനിതാ ശിശു വികസന വകുപ്പ് - ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെയും, മംഗോ  മെഡോസ് ഇന്‍സ്ട്രക്ഷണല്‍ ഫാമിന്റെയും സഹകരണത്തോടെ നടപ്പാക്കുന്ന വിപുലമായ അവധിക്കാല പരിപാടി 'വേനല്‍ മഴ' പരിപാടിയുടെ ഭാഗമായി കുട്ടികള്‍ക്കായി നാടക കളരി പരിപാടി മംഗോ മെഡോസ് ഇന്‍സ്ട്രക്ഷണല്‍ ഫാമില്‍   സംഘടിപ്പിച്ചു.

ബാലസംരക്ഷണ സ്ഥാപനങ്ങളില്‍ കഴിയുന്ന കുട്ടികളുടെ സമഗ്ര വികസനം ലക്ഷ്യമിട്ട്  ചൈല്‍ഡ് വെല്‍ഫെയര്‍ കമ്മിറ്റിയുടെ നേതൃത്വത്തില്‍ വനിതാ ശിശു വികസന വകുപ്പ് - ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ്, ഔവര്‍ റെസ്പോണ്‍സിബിലിറ്റി ടു ചില്‍ഡ്രന്‍ എന്നിവര്‍ സംയുക്തമായി നടത്തുന്ന 'വേനല്‍ മഴ' അവധിക്കാല പരിപാടിയുടെ ഭാഗമായി ലൈഫ് സ്‌കില്‍ പരിശീലന പരിപാടി സംഘടിപ്പിച്ചു. ദൈനംദിന ജീവിതത്തിലെ വെല്ലുവിളികളും ആവശ്യങ്ങളും ഫലപ്രദമായി കൈകാര്യം ചെയ്യാന്‍ കുട്ടികളെ പ്രാപ്തരാക്കുന്ന മാനസിക-സാമൂഹിക കഴിവുകളുടെ പരിശീലനമാണ് ലൈഫ് സ്‌കില്‍ ട്രെയിനിംഗ്.

മേലാറ്റൂര്‍ പോലീസ് സ്‌റ്റേഷന്‍ പരിസരത്തുള്ള ഉപയോഗ ശൂന്യമായ 11 പഴയ ക്വാര്‍ട്ടേഴ്‌സ് കെട്ടിടങ്ങള്‍ പൊളിച്ച് നീക്കുന്നതിനുള്ള പുനർലേലം മെയ് 15ന് രാവിലെ 11ന് മേലാറ്റൂര്‍ പോലീസ് സ്‌റ്റേഷന്‍ പരിസരത്ത് നടക്കും. ലേലത്തില്‍ പങ്കെടുക്കാന്‍ താത്പര്യമുള്ളവര്‍ സീല്‍ ചെയ്ത ദര്‍ഘാസുകള്‍ നിരതദ്രവ്യതുക അടച്ചതിന്റെ ഡിമാന്റ് ഡ്രാഫ്റ്റ് സഹിതം മെയ് 14ന് വൈകിട്ട് അഞ്ചിനുള്ളില്‍ ജില്ലാ പോലീസ് മേധാവിയുടെ കാര്യാലയത്തില്‍ എത്തിക്കണം. കവറിന് പുറത്ത്, 'മലപ്പുറം ജില്ലാ പോലീസ്, മേലാറ്റൂര്‍ പോലീസ് സ്‌റ്റേഷന്‍ വക സ്ഥലത്തെ 11 പഴയ ക്വാര്‍ട്ടേഴ്‌സ് കെട്ടിടങ്ങള്‍ ലേലം ചെയ്യുന്നതിനുള്ള ദര്‍ഘാസ്' എന്ന് രേഖപ്പെടുത്തണം.

ജില്ലയിൽ സെൻസസ് 2027 നുള്ള ഒരുക്കങ്ങൾ ഊർജിതമായി പുരോഗമിക്കുന്നു. ഇതിന്റെ ഭാഗമായി നടക്കുന്ന ജില്ലാ- താലൂക്ക് തല ഉദ്യോഗസ്ഥർക്കുള്ള പരിശീലനപരിപാടി നാളെ (ശനി) സമാപിക്കും.

മെഡിസെപ് ആനുകൂല്യമുള്ളയാളുടെ ചികിത്സ പാക്കേജ് പ്രകാരം തന്നെ പൂര്‍ത്തീകരിക്കണമെന്നും അധികമായി പണം ഈടാക്കരുതെന്നും ഉപഭോക്തൃ കമ്മീഷന്‍. മഞ്ചേരി തൃപ്പന്‍ച്ചി സ്വദേശിയ്ക്ക് ഓറിയന്റല്‍ ഇന്‍ഷ്യുറന്‍സ് കമ്പനിയും സ്വകാര്യ ആശുപത്രിയും ചേര്‍ന്ന് 3,22,865/രൂപ നഷ്ടപരിഹാരം നല്‍കണമെന്നും വിധി. മെഡിസെപ് കാര്‍ഡുടമയുടെ അവകാശികള്‍ സമര്‍പ്പിച്ച ഹര്‍ജിയിലാണ് കമ്മീഷന്റെ വിധി.

ഇളംദേശം ബ്ലോക്ക് പഞ്ചായത്തില്‍ പട്ടികജാതി വികസന വകുപ്പിന്റെ നിയന്ത്രണത്തില്‍ പ്രവര്‍ത്തിച്ചു വരുന്ന പെണ്‍കുട്ടികള്‍ക്കായുള്ള കരിമണ്ണൂര്‍ പ്രീ-മെട്രിക് ഹോസ്റ്റലിലേക്കും, ആണ്‍കുട്ടികള്‍ക്കായുള്ള കൂവപ്പള്ളി പ്രീ-മെട്രിക് ഹോസ്റ്റലിലേക്കും പ്രവേശനം ആരംഭിച്ചു. 5 മുതല്‍ 10 വരെ ക്ലാസുകളില്‍ പഠിക്കുന്ന കുട്ടികള്‍ക്കാണ് പ്രവേശനം. 90 ശതമാനം സീറ്റുകള്‍ പട്ടികജാതി വിഭാഗക്കാര്‍ക്കും, 10 ശതമാനം മറ്റ് വിഭാഗക്കാര്‍ക്കുമായി നീക്കിവെച്ചിരിക്കുന്നു.

ആരോഗ്യവകുപ്പ് നടത്തുന്ന സ്റ്റാഫ് നഴ്‌സുമാര്‍ക്കായുള്ള 45 ദിവസത്തെ ബി.സി.സി.പി.എന്‍ (ബേസിക്ക് സര്‍ട്ടിഫിക്കറ്റ് കോഴ്‌സ് ഇന്‍ പാലിയേറ്റീവ് നേഴ്‌സിംഗ്) കോഴ്സ് മെയ് 15 മുതല്‍ ജൂലൈ 7 വരെ തൊടുപുഴ ജില്ലാ ആശുപത്രിയിലെ പാലിയേറ്റീവ് കെയര്‍ ജില്ലാ പരിശീലന കേന്ദ്രത്തില്‍ നടക്കും. എം.എസ്.സി നഴ്‌സിംഗ്, ബി.എസ്.സി നഴ്‌സിംഗ്, ജനറല്‍ നഴ്‌സിംഗ് യോഗ്യത ഉള്ളവര്‍ക്ക് അപേക്ഷിക്കാം. ജില്ലാശുപത്രി തൊടുപുഴയിലോ ബന്ധപ്പെട്ട കേന്ദ്രങ്ങളിലോ പ്രവര്‍ത്തിക്കുന്ന നഴ്‌സുമാര്‍ക്ക് അപേക്ഷിക്കാം.കോഴ്സ് ഫീസ് 5000 രൂപയാണ്. പത്ത് സീറ്റുകളാണുള്ളത്. മേയ് 12 നകം അപേക്ഷ സമര്‍പ്പിക്കണം.

വേനല്‍ കനക്കുമ്പോള്‍ ജലജന്യരോഗങ്ങളായ വയറിളക്കം, മഞ്ഞപ്പിത്തം എന്നിവ പടര്‍ന്നുപിടിക്കാന്‍ സാധ്യതയുള്ളതിനാല്‍ ജനങ്ങള്‍ അതീവജാഗ്രത പാലിക്കണമെന്ന് ജില്ലാ മെഡിക്കല്‍ ഓഫിസര്‍ അറിയിച്ചു. പുറത്തുനിന്നു ശീതളപാനീയങ്ങളും ഭക്ഷണവും കഴിക്കുമ്പോള്‍ കൂടുതല്‍ ശ്രദ്ധിക്കണം. വയറിളക്ക രോഗങ്ങള്‍, ഹെപ്പറ്റൈറ്റിസ് എ എന്നിവ സാധാരണയായി കാണപ്പെടുന്ന ജലജന്യ രോഗങ്ങളാണ്

*കനിവ് 108ൽ വിളിച്ചാൽ പ്രഥമ ശുശ്രൂഷയും വിദഗ്ധ ചികിത്സയും

സംസ്ഥാനത്തെ എല്ലാ സ്‌കൂളുകളിലും ഏപ്രിൽ മെയ് മാസങ്ങളിൽ നടത്തുന്ന പരിശീലനങ്ങൾ രാവിലെ 10.30 ന് അവസാനിപ്പിക്കണമെന്ന് ബാലാവകാശ കമ്മിഷൻ ഉത്തരവായി.  കുട്ടികളുടെ കളികൾ, എൻ സി സി, എസ്.പി.സി സ്‌കൗട്ട്‌സ് ആന്റ് ഗൈഡ്‌സ് പരേഡ്, പരിശീലനം,  അസ്സംബ്ലി, വിനോദയാത്രകൾ തുടങ്ങിയവ പൂർണ്ണമായും ഒഴിവാക്കുന്നതിനാണ് കമ്മിഷൻ ചെയർപേഴ്‌സൺ കെ.വി.മനോജ്കുമാർ, അംഗങ്ങളായ ഷാജേഷ് ഭാസ്‌കർ, ഡോ.വിൽസൺ  എന്നിവരുടെ ഫുൾബഞ്ച് ഉത്തരവായത