കോഴിക്കോട് ഇംഹാന്‍സില്‍ കരാര്‍ അടിസ്ഥാനത്തില്‍ ഒക്യുപ്പേഷണല്‍ തെറാപിസ്റ്റ് നിയമനത്തിനുള്ള അഭിമുഖം ഏപ്രില്‍ 29ന് രാവിലെ 11ന് നടക്കും. യോഗ്യത: ബാച്ച്‌ലര്‍ ഇന്‍ ഒക്യൂപ്പേഷണല്‍ തെറാപി (പ്രവൃത്തി പരിചയം ഉള്ളവര്‍ക്ക് മുന്‍ഗണന). അസ്സല്‍ സര്‍ട്ടിഫിക്കറ്റ് സഹിതം കോഴിക്കോട് മെഡിക്കല്‍ കോളേജ് കാമ്പസിലുള്ള ഇംഹാന്‍സില്‍ എത്തണം. വിശദവിവരങ്ങള്‍ www.imhans.ac.in ല്‍ ലഭിക്കും. ഫോണ്‍: 0495 2359352.

കേരള ശാസ്ത്ര സാങ്കേതിക പരിസ്ഥിതി കൗണ്‍സിലിന് കീഴില്‍ കോഴിക്കോട് പ്രവര്‍ത്തിക്കുന്ന മലബാര്‍ ബൊട്ടാണിക്കല്‍ ഗാര്‍ഡന്റെ സ്ഥാപക ദിനം ആഘോഷിച്ചു. കേരള ശാസ്ത്ര സാങ്കേതിക പരിസ്ഥിതി കൗണ്‍സില്‍ മെമ്പര്‍ സെക്രട്ടറി പ്രൊഫ. എ സാബുവിന്റെ അധ്യക്ഷതയില്‍ നടന്ന ചടങ്ങില്‍ ഗോവ സ്റ്റേറ്റ് റിസര്‍ച്ച് ഫൗണ്ടേഷന്‍ ചെയര്‍പേഴ്‌സണ്‍ പ്രൊഫ. എം കെ ജനാര്‍ദനന്‍ സ്ഥാപക ദിന പ്രഭാഷണം നിര്‍വഹിച്ചു. ഡോ. ആര്‍ വി വര്‍മ്മ, ഡോ. ആര്‍ അന്‍സാരി, പ്രൊഫ. എ യൂസഫ്, പ്രൊഫ. സി സി ഹരിലാല്‍, ഡോ. വി ബാലകൃഷ്ണന്‍, പ്രൊഫ. എം സാബു എന്നിവര്‍ സംസാരിച്ചു.

മെയ് നാലിന് നടക്കുന്ന നിയമസഭ തിരഞ്ഞെടുപ്പ് വോട്ടെണ്ണലിനായി ജില്ലയില്‍ ഒരുക്കുന്നത് വിപുലമായ സംവിധാനങ്ങള്‍. ജില്ലയിലെ 13 മണ്ഡലങ്ങളിലെ വോട്ടെണ്ണല്‍ മൂന്ന് കേന്ദ്രങ്ങളിലായാണ് നടക്കുക. ഇതുമായി ബന്ധപ്പെട്ട ഒരുക്കങ്ങള്‍ വിലയിരുത്തുന്നതിനായി ജില്ലാ തെരഞ്ഞെടുപ്പ് ഓഫീസര്‍ കൂടിയായ കലക്ടര്‍ സ്നേഹില്‍ കുമാര്‍ സിങ്ങിന്റെ അധ്യക്ഷതയില്‍ യോഗം ചേര്‍ന്നു. 

ഉയർന്ന താപനിലയും അന്തരീക്ഷ ഈർപ്പവും മൂലം അത്യുഷ്ണം അനുഭവപ്പെടുന്ന  സാഹചര്യത്തിൽ പകൽ സമയത്ത് ജനങ്ങൾ സ്വയം ലോക്ഡൗൺ ചെയ്യണമെന്ന് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ നിർദേശിച്ചു. പകൽ 11 മുതൽ 3 വരെ പുറത്തിറങ്ങുന്നതും കൂടുതൽ സമയം ശരീരത്തിൽ വെയിലേൽക്കുന്നതും പരമാവധി ഒഴിവാക്കണം. ലോക്ഡൗണിന് സമാനമായ ജാഗ്രത ഈ ഘട്ടത്തിൽ ആവശ്യമാണ്. ചൂടിലെ വർദ്ധനവ് ഗുരുതരമായ ആരോഗ്യപ്രശ്നങ്ങൾ സൃഷ്ടിക്കാനും മരണത്തിന് വരെ കാരണമായേക്കാവുന്നതുമാണ്.

കടുത്ത വേനൽച്ചൂട് അനുഭവപ്പെടുന്ന സാഹചര്യത്തിൽ പാമ്പുകൾ തണുപ്പ് തേടി വീടുകളിലേക്കും ജനവാസ മേഖലകളിലേക്കും എത്താൻ സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന്  ജില്ലാ മെഡിക്കൽ ഓഫീസർ അറിയിച്ചു.

പ്രധാന മുൻകരുതലുകൾ

വീടിനോട് ചേർന്നുള്ള പുൽക്കാടുകൾ, കരിയിലക്കൂട്ടങ്ങൾ, വിറക് കൂട്ടിയിട്ടിരിക്കുന്ന ഇടങ്ങൾ എന്നിവ കൃത്യമായി വൃത്തിയാക്കുക. വീടിന്റെ വാതിലുകൾക്കും ജനാലകൾക്കും താഴെയുള്ള വിടവുകൾ അടയ്ക്കുക.

2024-26 അധ്യയന വർഷത്തെ ഡി.എൽ.എഡ് ജനറൽ കോഴ്സിന്റെ നാലാം സെമസ്റ്റർ റഗുലർ പരീക്ഷയും സപ്ലിമെന്ററി പരീക്ഷയും ജൂൺ 4, 5, 8 തീയതികളിൽ നടക്കും.

പശ്ചിമേഷ്യയിൽ നിലനിൽക്കുന്ന സംഘർഷങ്ങൾ നമ്മുടെ ദൈനംദിന ജീവിതത്തെ എപ്രകാരം ബാധിക്കുമെന്നതിനെക്കുറിച്ച് പ്രഭാഷണം സംഘടിപ്പിക്കുന്നു. സെന്റർ ഫോർ മാനേജ്മന്റ് ഡെവലപ്‌മെന്റിന്റെ (സി.എം.ഡി.)  പ്രതിമാസ പ്രഭാഷണ പരമ്പരയുടെ ഭാഗമായി ഏപ്രിൽ 29 ബുധൻ വൈകിട്ട് 5 മണിയ്ക്ക് തൈക്കാടുള്ള  സി.എം.ഡി.

നെടുമങ്ങാട് മഞ്ച സർക്കാർ ടെക്‌നിക്കൽ ഹൈസ്‌കൂളിൽ അടുത്ത അക്കാദമിക വർഷത്തേയ്ക്കുളള എട്ടാം ക്ലാസ്സ് പ്രവേശനത്തിന് 21 ന് നടത്തിയ അഭിരുചി പരീക്ഷയുടെ മാർക്ക് അടിസ്ഥാനത്തിൽ പ്രസിദ്ധീകരിച്ച റാങ്ക് പട്ടിക പ്രകാരം ആദ്യ ഘട്ട പ്രവേശന നടപടികൾ ഏപ്രിൽ 27, 28 തീയതികളിൽ സ്‌കൂളിൽ നടക്കും.

കെൽട്രോണിൽ പ്രൊഫഷണൽ ഡിപ്ലോമ ഇൻ ലോജിസ്റ്റിക്സ് ആന്റ് സപ്ലൈ ചെയിൻ മാനേജ്‌മെന്റ്, ഡാറ്റാ സയൻസ് ആന്റ് എ.ഐ, സർട്ടിഫിക്കറ്റ് കോഴ്സ് ഇൻ സൈബർ സെക്യൂരിറ്റി, ഹാർഡ്‌വെയർ ആന്റ് നെറ്റ്‌വർക്ക്‌ മെയിന്റനൻസ് എന്നീ കോഴ്സുകളിലേക്കും ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ, ടാലി ആന്റ് ജി.എസ്.റ്റി ഫയലിംഗ് കോഴ്സുകളിലേക്കും അഡ്മിഷൻ ആരംഭിച്ചു.

കോന്നി സി.എഫ്.ആർ.ഡിയുടെ ഉടമസ്ഥതയിലുള്ള കോളേജ് ഓഫ് ഇൻഡിജിനസ് ഫുഡ് ടെക്നോളജി (സി.എഫ്.റ്റി.കെ) നടത്തുന്ന ബി.എസ്.സി, എം.എസ്.സി ഫുഡ് ടെക്നോളജി ആന്റ് ക്വാളിറ്റി അഷ്വറൻസ് കോഴ്‌സിൻ്റെ മാനേജമെന്റ് ക്വാട്ടയിലേക്കുള്ള അഡ്മിഷൻ ഏപ്രിൽ 27 മുതൽ ആരംഭിക്കും. കൂടുതൽ വിവരങ്ങൾക്ക് 0468-2240047, 9562147793, 9846585609, 9074566097.