കേരള മീഡിയ അക്കാദമിയുടെ ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്‍ നടത്തുന്ന പി.ജി. ഡിപ്ലോമ കോഴ്സുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. ജേണലിസം ആന്‍ഡ് കമ്യൂണിക്കേഷന്‍, ടെലിവിഷന്‍ ജേണലിസം, പബ്ലിക് റിലേഷന്‍സ് ആന്‍ഡ് അഡ്വര്‍ടൈസിങ് എന്നീ കോഴ്സുകളിലേക്കാണ് ഓണ്‍ലൈനായി അപേക്ഷിക്കാവുന്നത്.ഏതെങ്കിലും വിഷയത്തില്‍ ബിരുദമാണ് അടിസ്ഥാന യോഗ്യത. അവസാനവര്‍ഷ ബിരുദ പരീക്ഷ എഴുതുന്നവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം. പട്ടികജാതി, പട്ടികവര്‍ഗ, ഒ.ഇ.സി. വിഭാഗങ്ങള്‍ക്ക് നിയമാനുസൃത ഫീസിളവ് ലഭിക്കും. അഭിരുചി പരീക്ഷയും ഇന്റര്‍വ്യൂവും അടിസ്ഥാനമാക്കിയാകും പ്രവേശനം.

എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷനും എംപ്ലോയീസ് സ്റ്റേറ്റ് ഇന്‍ഷുറന്‍സ് കോര്‍പ്പറേഷനും സംയുക്തമായി വിവരങ്ങള്‍ കൈമാറുന്നതിനും പരാതികള്‍ പരിഹരിക്കുന്നതിനുമായി നിധി ആപ്‌കെ നികാത്ത് എന്ന പേരില്‍ ജില്ലാ ബോധവത്കരണ ക്യാമ്പും ഔട്ട് റീച്ച് പ്രോഗ്രാമും സംഘടിപ്പിക്കുന്നു.  ഏപ്രില്‍ 27ന് രാവിലെ ഒന്‍പതിന് പനമരം ക്രസന്റ് പബ്ലിക് സ്്കൂളിലാണ് പരിപാടി. അംഗങ്ങള്‍, തൊഴിലുടമകള്‍, പെന്‍ഷന്‍കാര്‍ എന്നിവര്‍ https://forms.gle/tfJAjVXHVj41J6Zn6 എന്ന ഗൂഗിള്‍ ഫോം വഴിയോ സ്‌പോട്ട് രജിസ്ട്രേഷനിലൂടെ നേരിട്ടോ രജിസ്റ്റര്‍ ചെയ്യണം.

ബീനാച്ചി-പനമരം റോഡിലെ പുഞ്ചവയല്‍ മുതല്‍ മാത്തൂര്‍ വരെയുള്ള ഭാഗത്ത് നവീകരണ പ്രവര്‍ത്തനങ്ങള്‍ പുരോഗമിക്കുന്നതിനാല്‍, സുരക്ഷാ മുന്‍കരുതലുകള്‍ പാലിച്ച് വാഹന ഗതാഗതം അനുവദിച്ചു. നേരത്തെ റോഡ് നവീകരണവും സുരക്ഷാ കട്ടിങ് പ്രവൃത്തികളും പുരോഗമിക്കുന്നതിനിടെ കനത്ത മഴ പെയ്തതിനെ തുടര്‍ന്ന് അപകടസാധ്യത ഉയര്‍ന്ന സാഹചര്യത്തിലാണ് വാഹന ഗതാഗതം പൂര്‍ണ്ണമായി നിരോധിച്ചത്.

കെട്ടിട നിര്‍മ്മാണ തൊഴിലാളി ക്ഷേമബോര്‍ഡ് അംഗങ്ങളുടെ 2025 വര്‍ഷത്തെ അംഗത്വം പുതുക്കുന്നതിനുള്ള അവസാന തീയതി മെയ് 19 വരെ ദീര്‍ഘിപ്പിച്ചതായി ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ആവശ്യമായ രേഖകള്‍ സഹിതം കല്‍പ്പറ്റ അമ്മൂസ് കോംപ്ലക്സില്‍ പ്രവര്‍ത്തിക്കുന്ന ക്ഷേമനിധി ബോര്‍ഡ് ഓഫീസില്‍ അപേക്ഷ സമര്‍പ്പിക്കണം. ഫോണ്‍: 04936 204490.

വിയ്യൂർ സെൻട്രൽ പ്രിസൺ ആൻഡ് കറക്ഷണൽ ഹോമിലെ പന്നിഫാമിലെ വളർച്ചയെത്തിയ 14 പന്നികളെ പരസ്യമായി ലേലം ചെയ്ത് വിൽക്കുന്നു. ഏപ്രിൽ 29ന് രാവിലെ 11 മണിക്ക് വിയ്യൂർ സെൻട്രൽ പ്രിസൺ ആൻഡ് കറക്ഷണൽ ഹോമിൽ വെച്ച് ലേലം ചെയ്യും.  ഫോൺ -9020599991.

അസാപ് കേരളയുടെ ആഭിമുഖ്യത്തിൽ ശ്രീകൃഷ്ണപുരം വി. ടി.ബി കോളേജുമായി സഹകരിച്ച് ഏപ്രിൽ 25 ശനിയാഴ്ച പ്ലേസ്മെന്റ് ഡ്രൈവ് സംഘടിപ്പിക്കുന്നു. പ്രമുഖ കമ്പനികൾ പങ്കെടുക്കുന്ന ഈ ജോബ് ഡ്രൈവിൽ പങ്കെടുക്കുവാൻ ആഗ്രഹിക്കുന്ന ഉദ്യോഗാർത്ഥികൾ രാവിലെ 9:30 ന് ബയോഡാറ്റയും അനുബന്ധ സർട്ടിഫിക്കറ്റുകളും സഹിതം ശ്രീകൃഷ്ണപുരം വി ടി ബി കോളേജിൽ  എത്തിച്ചേരേണ്ടതാണ്. ഉദ്യോഗർത്ഥികൾക്ക് മുൻകൂട്ടി രജിസ്റ്റർ ചെയ്യാം. സ്പോട്ട് രജിസ്ട്രേഷൻ സൗകര്യം ഉണ്ടായിരിക്കുന്നതാണ്. രജിസ്ട്രേഷൻ ലിങ്ക് : https://forms.gle/JZrEHCVWJeN27HRa7
ഫോൺ : 9495999667, 9495999721
 

കുടുംബശ്രീ മിഷന്റെ ആഭിമുഖ്യത്തില്‍ പണിയ ആദിവാസി സമഗ്ര വികസന പദ്ധതിയുടെ ഭാഗമായി മീനങ്ങാടി സി.ഡി.എസിന്റെ നേതൃത്വത്തില്‍ ബാലസഭ കുട്ടികള്‍ക്ക് പേപ്പര്‍ ക്രാഫ്റ്റ് പരിശീലനം നല്‍കി. സി.ഡി.എസ് ചെയര്‍പേഴ്‌സണ്‍ സിന്ധു ശ്രീധരന്‍ ഉദ്ഘാടനം ചെയ്തു. മീനങ്ങാടി  സെന്റ് പീറ്റേഴ്‌സ് സ്‌കൂളിലെ ആര്‍ട്‌സ് ആന്‍ഡ് ക്രാഫ്റ്റ് ട്രെയിനിംഗ് അധ്യാപിക എ.യു ജംഷീന നേതൃത്വം  നല്‍കി. സി.ഡി.എസ് വൈസ് ചെയര്‍പേഴ്‌സണ്‍ ബെറ്റി സുരേന്ദ്രന്‍ അധ്യക്ഷയായി. ബ്ലോക്ക് കോ ഓര്‍ഡിനേറ്റര്‍ സി ഷിഫാനത്, ആനിമേറ്റര്‍മാര്‍, ബ്രിഡ്ജ് കോഴ്‌സ് ടീച്ചര്‍മാര്‍ എന്നിവര്‍ പങ്കെടുത്തു.

കേരള സ്റ്റേറ്റ് റൂട്രോണിക്സിന്റെ തിരുവനന്തപുരം, ആറ്റിങ്ങൽ അംഗീകൃത പഠനകേന്ദ്രങ്ങളിലേക്ക് ഒരുവർഷം, ആറ് മാസം, മൂന്ന് മാസം ദൈർഘ്യമുള്ള ലോജിസ്റ്റിക്‌സിന്റെ വിവിധ കോഴ്‌സുകളിലേക്ക് എസ്.എസ്‌.എൽ.സി, പ്ലസ് ടു, ഡിഗ്രി പാസ്സായവരിൽ നിന്നും അപേക്ഷ ക്ഷണിച്ചു. ഇന്റൺഷിപ്പോടുകൂടി റഗുലർ, പാർട്ട് ടൈം എന്നീ ബാച്ചുകളിലേക്കാണ് അപേക്ഷ ക്ഷണിച്ചത്. ഫോൺ : 7994926081.

 തൃശൂർ എസ്.എ.എസ്, എം.പി.കെ.ബി.വൈ ഏജൻസികൾ കൈകാര്യം ചെയ്യുന്ന ദേശീയ സമ്പാദ്യ പദ്ധതി ഏജൻ്റായ വിനയലക്ഷ്മി പി.വി, പൈ നിവാസ്, കീരംകുളങ്ങര, തൃശ്ശൂർ-5 എന്നയാൾ  എസ്.എ.എസ്. ഏജൻസി പ്രവർത്തനം അവസാനിപ്പിക്കുന്നതിനായി അപേക്ഷ നൽകിയിട്ടുണ്ട്. ഇയാളുടെ എം പി കെ ബി വൈ ഏജൻസി നിലവിലുണ്ട്. ഇയാളുടെ എസ്.എ.എസ് ഏജൻസി പ്രവർത്തനം സംബന്ധിച്ച് നിക്ഷേപകർക്ക് പരാതികൾ എന്തെങ്കിലും ഉണ്ടെങ്കിൽ 30 ദിവസത്തിനുള്ളിൽ അയ്യന്തോളിൽ പ്രവർത്തിക്കുന്ന ദേശീയ സമ്പാദ്യ പദ്ധതി ഡെപ്യൂട്ടി ഡയറക്ടറുടെ ഓഫീസുമായി ബന്ധപ്പെട്ട് രേഖാമൂലം പരാതി നൽകാവുന്നതാണ്. ഫോൺ: 0487 2361566.