ഹജ്ജ് തീര്‍ഥാടനം 2026ന്റെ മുന്നൊരുക്കവുമായി ബന്ധപ്പെട്ട ഉന്നത തല അവലോകന യോഗം നാളെ (വെള്ളി) രാവിലെ 10.30ന് ഹജ്ജ് കമ്മിറ്റി എക്സിക്യൂട്ടീവ് ഓഫീസർ കൂടിയായ ജില്ലാ കളക്ടറുടെ ചേംബറില്‍ ചേരും.

പോസ്റ്റ് ഓഫീസ് ആര്‍ ഡി നിക്ഷേപകർ സുരക്ഷിതത്വം ഉറപ്പാക്കി ലഘു സമ്പാദ്യ പദ്ധതികളിൽ ഇടപാടുകൾ നടത്തണമെന്ന് ദേശീയ സമ്പാദ്യ പദ്ധതി തൃശൂർ ഡെപ്യൂട്ടി ഡയറക്ടർ അറിയിച്ചു.

ഉയർന്ന താപനിലയും ഉയർന്ന അന്തരീക്ഷ ഈർപ്പവും മൂലമുള്ള അത്യുഷ്ണം അനുഭവപ്പടുന്ന സാഹചര്യത്തിൽ മലപ്പുറം ജില്ലയിൽ ദുരന്ത നിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ ജാഗ്രത നിർദേശം പുറപ്പെടിവിച്ചു. ചൂടിലെ വർധനവ് ഗുരുതരമായ ആരോഗ്യപ്രശ്നങ്ങൾ സൃഷ്ടിക്കാനും മരണത്തിന് വരെ കാരണമായേക്കാവുന്നതുമാണ്. അതുകൊണ്ട് തന്നെ സംസ്ഥാന ദുരന്ത നിവാരണ അതോറിറ്റിയുടെ സുരക്ഷാ നിർദേശങ്ങൾ കർശനമായി  പാലിക്കണമെന്ന് ജില്ലാ  കളക്ടർ ഓർമിപ്പിച്ചു.

പൊതുജനങ്ങൾക്കുള്ള പ്രധാന ജാഗ്രത നിർദേശങ്ങൾ

പകൽ 11 മുതൽ വൈകുന്നേരം 

ജലസേചന വിഭാഗം വാഴാനി ഇറിഗേഷൻ സെക്ഷന്റെ പരിധിയിലുള്ള വാഴാനി കൺവെൻഷൻ സെന്റർ നിർമ്മിക്കുന്ന സ്ഥലത്തെ 64 മരങ്ങൾ ജലസേചന വകുപ്പിന്റെ നിലവിലുള്ള വ്യവസ്ഥകൾക്ക് വിധേയമായി പരസ്യമായി ലേലം ചെയ്യും. മെയ് ഏഴിന് രാവിലെ 11 മണിക്ക് ഇറിഗേഷൻ സബ് ഡിവിഷൻ തലപ്പിള്ളി കാര്യാലയത്തിലാണ് ലേലം നടക്കുക.  താത്പര്യമുള്ളവർ തലപ്പിള്ളി ഇറിഗേഷൻ സബ് ഡിവിഷൻ അസിസ്റ്റൻറ് എക്സിക്യൂട്ടീവ് എഞ്ചിനീയറുടെ കാര്യാലയവുമായി ബന്ധപ്പെടുക.

തൃശൂര്‍ പൂരത്തിനോടനുബന്ധിച്ച് പൂര നഗരിയില്‍ വരുന്ന ജനങ്ങള്‍ക്ക് കുടിവെള്ളവും ഭക്ഷ്യവസ്തുക്കളും വിതരണം ചെയ്യുന്നവരും സന്നദ്ധ സംഘടനകളും ഭക്ഷ്യസുരക്ഷ രജിസ്‌ട്രേഷന്‍ നിര്‍ബന്ധമായും എടുക്കേണ്ടതാണെന്ന് ഭക്ഷ്യസുരക്ഷ അസി. കമ്മീഷണര്‍ അറിയിച്ചു. ദാഹജലം വിതരണം ചെയ്യുന്നവര്‍ ശുദ്ധജലം മാത്രം വിതരണത്തിനായി ഉപയോഗിക്കണം. ഫലവര്‍ഗ്ഗങ്ങള്‍ വിതരണം ചെയ്യുന്നവര്‍ ഫലവര്‍ഗ്ഗങ്ങള്‍ കേടുപാടുകള്‍ ഇല്ലാത്തതാണെന്ന് ഉറപ്പു വരുത്തണം. ഐസ്‌ക്രീം വിതരണം ചെയ്യുന്നവര്‍ ഐസ്‌ക്രീം നിശ്ചിത ഊഷ്മാവില്‍ സൂക്ഷിച്ചു മാത്രം വിതരണം ചെയ്യേണ്ടതാണ്.

അഴിമതി നിവാരണത്തിന്റെ ഭാഗമായി മലപ്പുറം കളക്ടറേറ്റില്‍ സ്ഥാപിച്ച പരാതിപ്പെട്ടി തുറന്നു. അഞ്ച് പരാതികളാണ് ലഭിച്ചത്. അഞ്ച് പരാതികളും അഴിമതിയുമായി ബന്ധപ്പെട്ടതായതിനാല്‍ ബന്ധപ്പെട്ട വകുപ്പുകള്‍ക്ക് കൈമാറി. റിട്ട. ജില്ലാ ജഡ്ജ് പി. നാരായണന്‍കുട്ടി മേനോന്‍, ഡെപ്യൂട്ടി കളക്ടര്‍ (ജനറല്‍) സി.എസ്. രാജേഷ്, ഹൂസൂര്‍ ശിരസ്തദാര്‍ പി.കെ. വിനില്‍, ജൂനിയര്‍ സൂപ്രണ്ട് എ.പി സിന്ധു എന്നിവരുടെ സാന്നിധ്യത്തിലാണ് പരാതിപ്പെട്ടി തുറന്ന് പരിശോധിച്ചത്.

പ്രശസ്ത അഭിനേത്രി നിലമ്പൂര്‍ ആയിഷയോടുള്ള ആദരസൂചകമായി മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമി കൊണ്ടോട്ടിയില്‍ ''നിലമ്പൂര്‍ ആയിഷക്ക് നവതി ആദരം'' എന്ന പേരില്‍ 2026 മെയ് ഒന്ന്, രണ്ട്, മൂന്ന് തീയതികളില്‍ വൈവിധ്യമാര്‍ന്ന കലാസാംസ്‌കാരിക പരിപാടികള്‍ സംഘടിപ്പിക്കുന്നു. പരിപാടിയുടെ ഭാഗമായി മെയ് മൂന്നിന് രാവിലെ 10 മുതല്‍ ഒന്ന് വരെ മലയാള നാടകങ്ങളിലെയും സിനിമകളിലെയും മാപ്പിളപ്പാട്ടുകളുടെ ആലാപന മത്സരം സംഘടിപ്പിക്കുന്നു. അക്കാദമിയുടെ സ്‌കൂള്‍ ഓഫ് മാപ്പിള ആര്‍ട്സ് വിദ്യാര്‍ത്ഥികള്‍ക്കും പൂര്‍വ്വ വിദ്യാര്‍ത്ഥികള്‍ക്കുമാണ് മത്സരം.

കേരള കെട്ടിട നിർമ്മാണ തൊഴിലാളി ക്ഷേമ ബോർഡിലെ അംഗ തൊഴിലാളികളുടെ 2025 വർഷത്തെ അംഗത്വ പുതുക്കൽ മെയ് 19 വരെ ദീർഘിപ്പിച്ചു.

രാജ്യത്തെ ക്ഷയരോഗ മുക്തമാക്കുക എന്ന ലക്ഷ്യത്തോടെ കേന്ദ്ര സര്‍ക്കാര്‍ ആവിഷ്‌കരിച്ച 'ടിബി മുക്ത് ഭാരത്' പദ്ധതിയുടെ ഭാഗമായി പുതിയ മൊബൈല്‍ ആപ്ലിക്കേഷന്‍ പുറത്തിറക്കി. ക്ഷയരോഗികള്‍ക്ക് മികച്ച ചികിത്സാ പിന്തുണ ഉറപ്പാക്കുന്നതിനൊപ്പം രോഗത്തെക്കുറിച്ചുള്ള അവബോധം പൊതുജനങ്ങളില്‍ എത്തിക്കുകയുമാണ് ഈ ആപ്പിന്റെ ലക്ഷ്യം. ദേശീയ ക്ഷയരോഗ നിര്‍മാര്‍ജന പരിപാടിയുടെ കീഴില്‍ തയ്യാറാക്കിയ ആപ് രോഗികള്‍ക്കും സന്നദ്ധപ്രവര്‍ത്തകര്‍ക്കും ഒരുപോലെ ഉപയോഗപ്രദമാണ്. ക്ഷയരോഗികള്‍ക്ക് പോഷകാഹാരവും മറ്റും നല്‍കാന്‍ താത്പര്യമുള്ള വ്യക്തികളെയും രോഗികളെയും തമ്മില്‍ ബന്ധിപ്പിക്കാന്‍ ആപില്‍ സൗകര്യമൊരുക്കിയിട്ടുണ്ട്.