ട്രാൻസ്‌ഫോർമർ അറ്റകുറ്റപ്പണികൾ നടക്കുന്നതിനാൽ പടിഞ്ഞാറത്തറ ഇലക്ട്രിക്കൽ സെക്ഷൻ പരിധിയിൽ ഉൾപ്പെടുന്ന നാഗത്തിങ്കൽ, അരമ്പേറ്റകുന്ന്, കാവുംമന്ദം ടൗൺ, ശാന്തിനഗർ, ബി.എസ്.എൻ.എൽ കാവുംമന്ദം, പത്താം മൈൽ, സ്റ്റേഡിയംകുന്ന് എന്നീ ട്രാൻസ്‌ഫോർമർ പരിധികളിൽ ഇന്ന് (വ്യാഴാഴ്ച) രാവിലെ 9 മുതൽ വൈകുന്നേരം 6 വരെ പൂർണമായോ ഭാഗികമായോ  വൈദ്യുതി മുടങ്ങുമെന്ന് കെ.എസ്.ഇ.ബി അസിസ്റ്റന്റ് എഞ്ചിനീയർ അറിയിച്ചു.

വെള്ളമുണ്ട ഇലക്ട്രിക്കല്‍ സെക്ഷന്‍ പരിധിയിലെ പാറക്കടവ്, ദേവസ്യ കവല, മൂളിത്തോട് പ്രദേശങ്ങളില്‍ ഇന്ന് (ഏപ്രില്‍ 23) രാവിലെ 8.30 മുതല്‍  വൈകിട്ട് 5.30 വരെ വൈദ്യുതി വിതരണം ഭാഗികമായി  മുടങ്ങും.

കല്‍പറ്റ ബ്ലോക്ക് പട്ടികജാതി വികസന ഓഫീസിന് കീഴില്‍ പ്രവര്‍ത്തിക്കുന്ന വൈത്തിരി പ്രീമെട്രിക് ഹോസ്റ്റലില്‍ 2026-27 അധ്യയന വര്‍ഷത്തേക്കുള്ള ഒഴിവുകളിലേക്ക് അപേക്ഷ ക്ഷണിച്ചു. നിലവില്‍ അഞ്ച് മുതല്‍ 10 വരെ ക്ലാസുകളില്‍ പഠിക്കുന്ന പട്ടികജാതി വിഭാഗത്തില്‍പ്പെട്ട ആണ്‍കുട്ടികള്‍ക്ക് അപേക്ഷിക്കാം. പട്ടികജാതി വിഭാഗത്തില്‍പ്പെട്ടവരുടെ അഭാവത്തില്‍ പട്ടികവര്‍ഗ്ഗ വിഭാഗത്തില്‍പ്പെട്ട വിദ്യാര്‍ത്ഥികളെ പരിഗണിക്കും.അപേക്ഷകര്‍ ജാതി സര്‍ട്ടിഫിക്കറ്റ്, വരുമാന സര്‍ട്ടിഫിക്കറ്റ്, ആധാര്‍ കാര്‍ഡിന്റെ പകര്‍പ്പ് എന്നിവ സഹിതം അപേക്ഷ മെയ് 28നകം കല്‍പ്പറ്റ ബ്ലോക്ക് പട്ടികജാതി വികസന ഓഫീസില്‍ നല്‍കണം.

ജില്ലയിലെ തെരഞ്ഞെടുത്ത മൃഗാശുപത്രികളില്‍ വന്ധ്യംകരണ ശസ്ത്രക്രിയ ക്യാമ്പുകള്‍ക്കായുള്ള രജിസ്‌ട്രേഷന്‍ ആരംഭിച്ചു. മൃഗസംരക്ഷണ വകുപ്പിന്റെ ആഭിമുഖ്യത്തില്‍  ജില്ലാ വെറ്ററിനറി കേന്ദ്രത്തിന്റെയും മൊബൈല്‍ സര്‍ജറി യൂണിറ്റിന്റെയും സഹകരണത്തോടെയാണ് ക്യാമ്പുകള്‍ നടത്തുന്നത്. ഓപ്പറേഷന്‍ തിയേറ്റര്‍ സൗകര്യമുള്ള മൃഗാശുപത്രികളിലാണ് ക്യാമ്പുകള്‍ സംഘടിപ്പിക്കുക. പ്രൊസീജര്‍ ചാര്‍ജായി പെണ്‍ നായയ്ക്ക് 2500 രൂപ, ആണ്‍ നായയ്ക്ക് 1500 രൂപ, പെണ്‍ പൂച്ചയ്ക്ക് 1500 രൂപ, ആണ്‍ പൂച്ചയ്ക്ക് 750 രൂപ എന്നിങ്ങനെയാണ് നിരക്ക്.

കുടുംബശ്രീമിഷന്റെ നേതൃത്വത്തില്‍ പണിയ സ്പെഷ്യല്‍ പ്രോജക്ട് പദ്ധതിയുടെ ഭാഗമായി ഉന്നതികളിലെ ബാലസഭാംഗങ്ങളായ കുട്ടികള്‍ക്കായി ലഹരിവിമുക്ത ബോധവത്കരണവും ലഹരി വിമുക്ത ക്ലാസ്സും സംഘടിപ്പിച്ചു. കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍  കെ.പി. ജയചന്ദ്രന്‍ ഉദ്ഘാടനം ചെയ്തു. മീനങ്ങാടി പഞ്ചായത്ത് ഹാളില്‍ നടന്ന പരിപാടിയില്‍ സിഡിഎസ് ചെയര്‍പേഴ്സണ്‍ സിന്ധു ശ്രീധരന്‍ അധ്യക്ഷയായി. റിട്ട. ഹെല്‍ത്ത് ഇന്‍സ്പെക്ടര്‍ ഷാജി കൈമൂല, കുടുംബശ്രീ സ്പെഷ്യല്‍ പ്രോജക്ട് കോ-ഓര്‍ഡിനേറ്റര്‍ സായി കൃഷ്ണ എന്നിവര്‍ ക്ലാസുകള്‍ നയിച്ചു. ബ്ലോക്ക് കോ ഓര്‍ഡിനേറ്റര്‍ സി. ഷിഫാനത്, അനിമേറ്റര്‍മാര്‍ എന്നിവര്‍ പങ്കെടുത്തു.

ആരോഗ്യവകുപ്പിന്റെ നേതൃത്വത്തില്‍ ലോക ഭൗമ ദിനാചരണം സംഘടിപ്പിച്ചു. ദിനാചരണത്തിന്റെ ജില്ലാതല ഉദ്ഘാടനം കല്‍പറ്റ ഭക്ഷ്യ സുരക്ഷാ ഓഫീസിന് മുന്നില്‍ ഫലവൃക്ഷ തൈകള്‍ നട്ടുകൊണ്ട് ജില്ലാ മെഡിക്കല്‍  ഓഫീസര്‍ ഡോ. കെ.ടി രേഖ നിര്‍വഹിച്ചു. കല്‍പറ്റ സ്റ്റേഷന്‍ ഹൗസ് ഓഫീസര്‍ ടി.പി ദിനേശ് വൃക്ഷ തൈകള്‍ നടുന്നതിന് നേതൃത്വം നല്‍കി. 'നമ്മുടെ ഭൂമി, നമ്മുടെ ശക്തി' എന്ന ഭൗമദിന സന്ദേശത്തെ അടിസ്ഥാനമാക്കിയാണ് ജില്ലയില്‍  വിവിധ പരിപാടികള്‍ നടത്തുന്നത്. ജില്ലാ എന്‍.സി.ഡി. നോഡല്‍ ഓഫീസര്‍ ഡോ. കെ.ആര്‍ ദീപയുടെ നേതൃത്വത്തില്‍ ഭൗമദിന പ്രതിജ്ഞ എടുത്തു.
 

ദേശീയ സെന്‍സസിന് മുന്നോടിയായി ജില്ലാതല ഉദ്യോഗസ്ഥര്‍ക്കായി സംഘടിപ്പിച്ച ത്രിദിന പരിശീലനം സമാപിച്ചു. കളക്ടറേറ്റ് എ.പി.ജെ ഹാളില്‍ നടന്ന പരിശീലന പരിപാടിയില്‍ രണ്ട് ഘട്ടങ്ങളിലായി നടക്കാന്‍ പോകുന്ന സെന്‍സസ് പ്രവര്‍ത്തനങ്ങളിലെ ഓരോ നടപടികളും ഉദ്യോഗസ്ഥരെ പരിചയപ്പെടുത്തുകയും സെന്‍സസ് മാനേജ്‌മെന്റ് ആന്റ് മോണിട്ടറിങ് പോര്‍ട്ടല്‍, ഹൗസ് ലിസ്റ്റിങ് ഓപ്പറേഷന്‍ മൊബൈല്‍ ആപ്ലിക്കേഷന്‍ എന്നിവയില്‍ പ്രായോഗിക പരിശീലനം നല്‍കുകയും ചെയ്തു. പരിശീലനത്തിന്റെ സമാപന സെഷന്‍ പ്രിന്‍സിപ്പല്‍ സെന്‍സസ് ഓഫീസര്‍ കൂടിയായി ജില്ലാ കളക്ടര്‍ ഡി.ആര്‍ മേഘശ്രീ ഉദ്ഘാടനം ചെയ്തു.

കൊടുന്തിരപുള്ളി കല്ലേക്കാട് റോഡില്‍ ബോക്‌സ് കള്‍വര്‍ട്ട് നിര്‍മ്മാണം പ്രവര്‍ത്തി നടക്കുന്നതിനാല്‍ ഏപ്രില്‍ 24 രാവിലെ ഏഴ് മുതല്‍ പണി പൂര്‍ത്തിയാവുന്നത് വരെ ഗതാഗതം നിരോധിക്കുമെന്ന് പൊതുമരാമത്ത് സെക്ഷന്‍ നമ്പര്‍ ഒന്ന് അസി.എഞ്ചിനീയര്‍ അറിയിച്ചു. കൊടുന്തിരപ്പുള്ളി ഭാഗത്ത് നിന്ന് വരുന്ന വാഹനങ്ങള്‍ മേലാമുറി-പുടൂര്‍ കോട്ടായി വഴിയും കല്ലേക്കാട് ഭാഗത്ത് നിന്ന് വാഹനങ്ങള്‍ മെട്രോനഗര്‍- മാപ്പിളക്കാട് വഴിയും തിരിഞ്ഞുപോകണമെന്ന് അസി.എഞ്ചിനീയര്‍ അറിയിച്ചു. 

വേനല്‍ച്ചൂട് ഉയർന്ന് നിൽക്കുന്ന സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്ന് ജില്ലാ ദുരന്തനിവാരണ ചെയര്‍പേഴ്സണ്‍ കൂടിയായ ജില്ലാ കലക്ടര്‍  മാധവിക്കുട്ടി
എം.എസ്.
 ജില്ലയിലെ വേനല്‍ക്കാല പ്രതിരോധപ്രവര്‍ത്തനങ്ങളുമായി ബന്ധപ്പെട്ട് ചേര്‍ന്ന ഓണ്‍ലൈന്‍ യോഗത്തില്‍ വിവിധ വകുപ്പുകളുടെ സംയുക്ത സഹകരണം അനിവാര്യമാണെന്ന് ജില്ല കളക്ടർ വ്യക്തമാക്കി. അതത് വകുപ്പുകളുടെ അധീനയില്‍ വരുന്ന കാര്യങ്ങളില്‍ കര്‍ശന നിരീക്ഷണം ഉറപ്പാക്കാനും നിര്‍ദേശിച്ചു.

നിയമസഭാ ദിനാഘോഷത്തിന്റെ ഭാഗമായി ഏപ്രിൽ 27, തിങ്കളാഴ്ച രാവിലെ 10 മണിക്ക് നിയമസഭാ സമുച്ചയത്തിൽ സ്ഥാപിച്ചിട്ടു