കല്‍പറ്റ പുത്തൂര്‍വയല്‍ എസ്.ബി.ഐ പരിശീലന കേന്ദ്രത്തില്‍ സൗജന്യ കേക്ക് നിര്‍മ്മാണ പരിശീലനം നല്‍കുന്നു. ഏപ്രില്‍ 23ന് ആരംഭിക്കുന്ന ആറു ദിവസത്തെ പരിശീലനത്തിന് 18നും 50നുമിടയില്‍ പ്രായമുള്ളവര്‍ക്ക് അപേക്ഷിക്കാം. ഫോണ്‍: 7012992238, 8078711040

കൊച്ചി സിറ്റി പോലീസ് കമ്മീഷണറേറ്റിന്റെ പരിധിയിലുള്ള വിവിധ പോലീസ് സ്റ്റേഷനുകളിൽ ഉടമസ്ഥരില്ലാതെ കെട്ടിക്കിടക്കുന്ന 18 വാഹനങ്ങൾ ഇ-ലേലം ചെയ്യുന്നു. 

വാഹനങ്ങളിൽ എന്തെങ്കിലും തരത്തിലുള്ള അവകാശവാദം ഉന്നയിക്കാനുള്ളവർക്ക് ലേല പരസ്യം പ്രസിദ്ധീകരിച്ച് 30 ദിവസത്തിനകം ആവശ്യമായ രേഖകൾ സഹിതം കൊച്ചി സിറ്റി പോലീസ് അസിസ്റ്റന്റ് കമ്മീഷണർ (നർക്കോട്ടിക് സെൽ) മുമ്പാകെയോ ബന്ധപ്പെട്ട പോലീസ് സ്റ്റേഷൻ ഹൗസ് ഓഫീസർ മുമ്പാകെയോ നേരിട്ട് ഹാജരാകാവുന്നതാണ്.

പനമരം വില്ലേജ് ഓഫീസ് പരിസരത്തുള്ള രണ്ട് മാവുകളിലെ കണ്ണിമാങ്ങ ഏപ്രില്‍ 29 ന് രാവിലെ 11ന് പനമരം വില്ലേജ് ഓഫീസ് പരിസരത്ത് ലേലം ചെയ്യും. ഫോണ്‍: 04935240231

ജില്ലയിലെ വിവിധ വകുപ്പുകളില്‍ നിന്നും വനം വകുപ്പിന്റെ കുപ്പാടി ഡിപ്പോയിലെത്തിച്ച തേക്ക്, വീട്ടി, മറ്റിനം തടികള്‍, ഏപ്രില്‍ 23ന് ഇ- ലേലം ചെയ്യുമെന്ന് കുപ്പാടി റെയിഞ്ച് ഫോറസറ്റ് ഓഫീസര്‍ അറിയിച്ചു. താത്പര്യമുള്ളവര്‍ www.mstcecommerce.com ല്‍ രജിസ്റ്റര്‍ ചെയ്യണം. ഫോണ്‍- 8547602856, 8547602858, 04936 221562.

വെള്ളമുണ്ട ഇലക്ട്രിക്കല്‍ സെക്ഷനു കീഴില്‍ വാളേരി, പാറക്കടവ്, കുനിക്കരച്ചാല്‍ ട്രാന്‍സ്‌ഫോര്‍മര്‍ പരിധിയില്‍ ഇന്ന് (ഏപ്രില്‍ 22) രാവിലെ 8.30 മുതല്‍ 5.30വരെ വൈദ്യുതി വിതരണം ഭാഗികമായി തടസ്സപ്പെടും

കരണിയില്‍ പ്രവര്‍ത്തിക്കുന്ന സഹകരണ പരിശീലന കേന്ദ്രത്തില്‍ 2026-2027 അധ്യയന വര്‍ഷത്തേക്കുള്ള ജെ.ഡി.സി കോഴ്‌സിലേക്ക് പ്രവേശനം ആരംഭിച്ചു. പത്ത് മാസമാണ് കോഴ്‌സിന്റെ ദൈര്‍ഘ്യം. അടിസ്ഥാന യോഗ്യത എസ്.എസ്.എല്‍.സി. ജനറല്‍ വിഭാഗത്തില്‍ 80 സീറ്റുകളും പട്ടികജാതി/പട്ടികവര്‍ഗ്ഗ വിഭാഗത്തിനായി 80 സീറ്റുകളുമാണുള്ളത്. ജനറല്‍, പട്ടികജാതി/പട്ടികവര്‍ഗ്ഗം, സഹകരണ സംഘം ജീവനക്കാര്‍ എന്നീ മൂന്ന് വിഭാഗങ്ങളിലേക്കാണ് അപേക്ഷ നല്‍കേണ്ടത്. അപേക്ഷകള്‍ www.scu.kerala.gov.in മുഖേന ഏപ്രില്‍ 30നകം നല്‍കണം. ഫോണ്‍: 04936 293775, 9744737513.

തിരുവനന്തപുരത്തെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റില്‍ (കിക്മ) 2026-28 ബാച്ചിലേക്ക് എം.ബി.എ അഡ്മിഷനുള്ള അഭിമുഖം ഏപ്രില്‍ 25ന് രാവിലെ 10മുതല്‍ കരണി സഹകരണ സഹകരണ പരിശീലന കേന്ദ്രത്തില്‍നടത്തും. 50 ശതമാനം മാര്‍ക്കില്‍ കുറയാത്ത അംഗീകൃത സര്‍വകലാശാല ബിരുദമാണ് യോഗ്യത. കേരള സര്‍വ്വകലാശാലയുടെയും എ.ഐ.സി.റ്റി.യുടെയും അംഗീകാരത്തോടെ നടത്തുന്ന ദ്വിവല്‍സര കോഴ്സില്‍ ഫിനാന്‍സ്, മാര്‍ക്കറ്റിംഗ്, ഹ്യൂമന്‍ റിസോഴ്സ്, ലോജിസ്റ്റിക്സ്, ബിസിനസ് അനലിറ്റിക്‌സ് എന്നിവയില്‍ സ്പെഷ്യലൈസേഷന് അവസരം.

സുല്‍ത്താന്‍ ബത്തേരി നഗരസഭ സിഡിഎസിന്റെ നേതൃത്വത്തില്‍ വനിത വികസന കോര്‍പറേഷനുമായി സഹകരിച്ച് അയല്‍ക്കൂട്ടങ്ങള്‍ക്ക് സംരംഭ വികസനത്തിനായി വായ്പ വിതരണം നടത്തി. സുല്‍ത്താന്‍ ബത്തേരി സിഡിഎസ് ചെയര്‍പേഴ്‌സണ്‍ രാജലക്ഷ്മി അധ്യക്ഷത വഹിച്ചു. സുല്‍ത്താന്‍ ബത്തേരി നഗരസഭ സിഡിഎസിന്റെ പരിധിയിലുള്ള 33 അയല്‍ക്കൂട്ടങ്ങള്‍ക്കായി ആകെ 2.70 കോടി രൂപ് വിതരണം ചെയ്തു. ഏഴ് ശതമാനം പലിശനിരക്കിലാണ് വായ്പ നല്‍കുന്നത്. കുടുംബശ്രീ അയല്‍ക്കൂട്ട അംഗങ്ങളുടെ സാമ്പത്തിക ശാക്തീകരണം ലക്ഷ്യമാക്കി ജില്ലാ മിഷന്റെ നേതൃത്വത്തില്‍ വിവിധ പൊതുമേഖല സ്ഥാപനങ്ങളുമായി സഹകരിച്ചാണ് സിഡിഎസുകള്‍ക്ക് വായ്പ ലഭ്യമാക്കുന്നത്.

കുടുംബശ്രീ ജില്ലാ മിഷന്റെ ആഭിമുഖ്യത്തില്‍ സുല്‍ത്താന്‍ ബത്തേരി ബ്ലോക്കിലെ വിവിധ സി.ഡി.എസുകളിലെ അയല്‍ക്കൂട്ട അംഗങ്ങള്‍ക്കായി സംഘടിപ്പിച്ച കുട നിര്‍മാണ പരിശീലനം സമാപിച്ചു. 15 ദിവസത്തെ പരിശീലനം പൊന്നാനി സ്‌കില്‍ ഫാക്ടറി ട്രെയിനിംഗ് ആന്‍ഡ് കണ്‍സള്‍ട്ടന്‍സി പ്രൈവറ്റ് ലിമിറ്റഡിന്റെ സഹകരണത്തോടെയാണ് സംഘടിപ്പിച്ചത്. പരിശീലനം പൂര്‍ത്തിയാക്കിയവര്‍ക്കുള്ള സര്‍ട്ടിഫിക്കറ്റ് വിതരണം കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ കെ.പി. ജയചന്ദ്രന്‍ നിര്‍വഹിച്ചു. അസിസ്റ്റന്റ് കോ ഓര്‍ഡിനേറ്റര്‍ കെ.എം സലീന, ഡി.പി.എം പി.