ഐ.എച്ച്.ആർ.ഡി. മോഡൽ ഫിനിഷിങ് സ്കൂളിൽ വയോജന പരിചരണം പരിശീലിപ്പിക്കുന്ന ആറ് മാസം ദൈർഘ്യമുള്ള ഡിപ്ലോമ കോഴ്സിന് അപേക്ഷ ക്ഷണിച്ചു.

2027 സെൻസസിൻ്റെ ആദ്യഘട്ടം ജൂലൈ ഒന്നു മുതൽ ജൂലൈ 30 വരെ നടക്കും. ഐ ടി സാങ്കേതികവിദ്യയുടെ സഹായത്തോടെയുള്ള ആദ്യ സെൻസസാണിത് .

ജില്ലാതല സെൻസസ് ഉദ്യോഗസ്ഥരുടെ ആദ്യ ബാച്ചിനുള്ള പരിശീലനവു൦ ജില്ലയിൽ പുരോഗമിക്കുകയാണ്. .ജില്ലാതല ഉദ്യോഗസ്ഥർക്കുള്ള രണ്ടാം ഘട്ട പരിശീലനം ഏപ്രിൽ 23 മുതൽ 25 വരെ കളക്ടറേറ്റ് കോൺഫറൻസ് ഹാളിൽ നടക്കും.

 ഇതിന് മുമ്പത്തെ അവസാന  സെൻസസ് 2011 ലാണ് നടന്നത്.

 നേഗ്ലെറിയ ഫൗലേറി, അക്കാന്ത അമീബ, സാപ്പിനിയ, ബാലമുത്തിയ, വെർമീബ എന്നീ അമീബ വിഭാഗത്തിൽപ്പെട്ട രോഗാണുക്കൾ തലച്ചോറിനെ ബാധിക്കുമ്പോഴാണ് അമീബിക് മസ്തിഷ്ക ജ്വരം  അഥവാ അമീബിക്  എന്സെഫലൈറ്റിസ്  ഉണ്ടാകുന്നത്.

ഏപ്രില്‍ 22 ന് കളക്ടറേറ്റ് കോണ്‍ഫറന്‍സ് ഹാളില്‍ നടത്താനിരുന്ന പാലക്കാട് ജില്ലാ പൊലീസ് കംപ്ലയിന്റ് അതോറിറ്റിയിലെ പരാതികളുടെ ഹിയറിങ് മാറ്റിവച്ചതായും പുതുക്കിയ തിയതി പിന്നീട് അറിയിക്കുമെന്നും സെക്രട്ടറി അറിയിച്ചു.  ജില്ലാ പൊലീസ് കംപ്ലയിന്റ് അതോറിറ്റി ചെയര്‍മാന്റെ കാലാവധി പൂര്‍ത്തിയായതിനാലാണ് ഹിയറിങ് മാറ്റിയത്. ഫോണ്‍: 0491 2505309.

അറ്റകുറ്റപ്പണികൾ നടത്തുന്നതിനാൽ പാലക്കാട് - പാലക്കാട് ടൗൺ റെയിൽവേ സ്റ്റേഷനുകൾക്കിടയിലുള്ള സബ്‌വേ (നമ്പർ 164 എ) ഏപ്രിൽ 18 രാവിലെ 10 മുതൽ 24 വൈകിട്ട് 6 വരെ അടച്ചിടും. യാത്രക്കാർ  ഗവ. വിക്ടോറിയ കോളേജ് റോഡ്,  കാവിൽപ്പാട് റോഡുകൾ ഗതാഗതത്തിനായി ഉപയോഗിക്കണമെന്ന് സതേൺ റെയിൽവേ അസിസ്റ്റന്റ് ഡിവിഷണൽ എൻജിനീയർ അറിയിച്ചു.

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയിൽ പോളിംഗ് നടപടികൾ പൂർത്തിയാക്കിയ വോട്ടിംഗ് മെഷീനുകൾ സൂക്ഷിക്കുന്ന സ്ട്രോങ്ങ് റൂമുകൾക്ക് കനത്ത സുരക്ഷ . ഓരോ നിയമസഭാ മണ്ഡലങ്ങൾക്കുമായി ഒന്ന് വീതം ആകെ 12 സ്ട്രോങ്ങ് റൂമുകളാണ് സജ്ജീകരിച്ചിരിക്കുന്നത്. ഇവയുടെ സുരക്ഷയും സുരക്ഷിതത്വവും ഉറപ്പാക്കുന്നതിനായി എല്ലാ സ്ട്രോങ്ങ് റൂമുകൾക്കും മുന്നിലായി കേന്ദ്ര സേനയെ വിന്യസിച്ചിട്ടുണ്ട്. കേന്ദ്ര സേനയ്ക്ക് പുറമെ സംസ്ഥാന പൊലീസും അഗ്നി രക്ഷ സേനയും ഇവിടെ ഡ്യൂട്ടിയിലുണ്ട്.