അസാപ് കേരളയുടെ തവനൂർ കമ്മ്യൂണിറ്റി സ്‌കിൽ പാർക്കിൽ തൊഴിൽ മേള സംഘടിപ്പിക്കുന്നു. പത്താം തരം, പ്ലസ് ടു, ഐടിഐ, ഡിപ്ലോമ, ഡിഗ്രി എന്നിവയാണ് യോഗ്യത. പങ്കെടുക്കാൻ ആഗ്രഹിക്കുന്ന ഉദ്യോഗാർത്ഥികൾ ഏപ്രിൽ 25ന് രാവിലെ 9:30ന് കുറഞ്ഞത് മൂന്ന് ബയോഡാറ്റ സഹിതം അനുബന്ധ സർട്ടിഫിക്കറ്റുകളുമായി തവനൂർ അസാപ് കമ്മ്യൂണിറ്റി സ്‌കിൽ പാർക്കിൽ എത്തിച്ചേരണം. ഉദ്യോഗാർത്ഥികൾ മുൻകൂട്ടി രജിസ്റ്റർ ചെയ്യേണ്ടതാണ്.

മാള പോസ്റ്റ് ഓഫീസിന് കീഴിൽ അറ്റാച്ച് ചെയ്ത് പ്രവർത്തിച്ചിരുന്ന എസ്. എ.എസ് ഏജന്റായ വി. തങ്കം, വാക്കയിൽ ഹൌസ്, മാള പി.ഒ, 680661 എന്നയാൾ എസ്.എ.എസ്. ഏജൻസി പ്രവർത്തനം അവസാനിപ്പിക്കാൻ അപേക്ഷിച്ചിട്ടുണ്ട്. ഇയാളുടെ എം പി കെ ബി വൈ ഏജൻസി നിലവിലുണ്ട്. ഇയാളുടെ എസ്.എ.എസ് ഏജൻസി പ്രവർത്തനം സംബന്ധിച്ച് നിക്ഷേപകർക്ക് പരാതികൾ എന്തെങ്കിലും ഉണ്ടെങ്കിൽ 30 ദിവസത്തിനുള്ളിൽ അയ്യന്തോളിൽ പ്രവർത്തിക്കുന്ന ദേശീയ സമ്പാദ്യ പദ്ധതി ഡെപ്യൂട്ടി ഡയറക്ടറുടെ ഓഫീസുമായി ബന്ധപ്പെട്ട് രേഖാമൂലം പരാതി നൽകാവുന്നതാണ്. ഫോൺ: 0487 2361566

ജില്ലാ സാക്ഷരതാമിഷന്റെ ആഭിമുഖ്യത്തില്‍ ലോകപുസ്തകദിനാചരണം സംഘടിപ്പിച്ചു. ജില്ലാ പഞ്ചായത്ത് ഹാളില്‍ സെക്രട്ടറി പി.എം. രാജീവ് ഉദ്ഘാടനം ചെയ്തു. ഫിനാന്‍സ് ഓഫീസര്‍ എം. മുഹമ്മദ് ബഷീര്‍ അധ്യക്ഷത വഹിച്ചു. 'വായിക്കൂ നിങ്ങളുടെ വഴിയില്‍' എന്ന തീം ഉള്‍പ്പെടുത്തി എഴുത്തുകാരന്‍ കൃഷ്ണന്‍ മങ്കട മുഖ്യപ്രഭാഷണം നടത്തി. എന്റെ ജീവിതം മാറ്റിയ പുസ്തകം എന്ന വിഷയത്തില്‍ നടത്തിയ പുസ്തക ചര്‍ച്ചക്ക് സാക്ഷരതാ മിഷന്‍ അസിസ്റ്റന്റ് കോ-ഓര്‍ഡിനേറ്റര്‍ എം. മുഹമ്മദ് ബഷീര്‍ നേത്യത്വം നല്‍കി.

ഏറനാട് താലൂക്കില്‍ അരീക്കോട് വില്ലേജ് ഓഫീസ് കോമ്പൗണ്ടിലെ കായ്ഫലമുള്ള മൂന്ന് തെങ്ങുകളിലെ 2026-27 സാമ്പത്തിക വര്‍ഷത്തിലെ ഫലങ്ങള്‍ മെയ് അഞ്ചിന് രാവിലെ 11ന് അരീക്കോട് വില്ലേജ് ഓഫീസില്‍ പരസ്യമായി ചെയ്യും.

അസാപ് കമ്മ്യൂണിറ്റി സ്കിൽ പാർക്ക്‌ കുന്നംകുളം കേന്ദ്രത്തിൽ വനിതകൾക്കായി സംഘടിപ്പിക്കുന്ന നാരീചക്ര പരിശീലന പരിപാടിയുടെ രണ്ടാം ബാച്ചിലേക്ക് അഡ്മിഷൻ ആരംഭിച്ചു. ഐടിഐ, ഡിപ്ലോമ, ഡിഗ്രി യോഗ്യതയുള്ള വനിതകൾക്ക് അപേക്ഷിക്കാം. ഹയർ ആന്റ് ട്രെയിനിങ് പ്രോഗ്രാം ആയതിനാൽ ആദ്യം ഉദ്യോഗാർത്ഥികളെ നിയമിച്ച ശേഷം ആവശ്യമായ പരിശീലനം നൽകുന്ന രീതിയിലാണ് പരിപാടി നടപ്പാക്കുന്നത്. രണ്ട് മാസം ദൈർഘ്യമുള്ള കോഴ്സിൽ ഒരു മാസം തിയറിയും ഒരു മാസം ഓൺ ദി ജോബ് ട്രെയിനിങ്ങും ഉണ്ടായിരിക്കും. പരിശീലനം പൂർണ്ണമായും സൗജന്യമായിരിക്കും.

പിന്നോക്ക വിഭാഗത്തില്‍പ്പെട്ട വിദ്യാര്‍ത്ഥികള്‍ക്കായി മാനന്തവാടി പി.കെ കാളന്‍ മെമ്മോറിയല്‍ കോളേജിന്റെയും കാളന്‍ മെമ്മോറിയല്‍ സ്റ്റഡി സെന്ററിന്റെയും സംയുക്താഭിമുഖ്യത്തില്‍  സഹവാസ ക്യാമ്പ് സംഘടിപ്പിച്ചു. മാനന്തവാടി പട്ടികവര്‍ഗ വികസന ഓഫീസര്‍ എം മജീദ് ക്യാമ്പ് ഉദ്ഘാടനം ചെയ്തു. വിദ്യാര്‍ഥികളുടെ വ്യക്തിത്വ വികാസ മുന്നേറ്റം, സാമൂഹ്യ ബോധവത്കരണം എന്നിവ ലക്ഷ്യമിട്ടാണ് പരിപാടി നടത്തിയത്. കോളേജ് പ്രിന്‍സിപ്പല്‍ ഷീബ ജോസഫ് അധ്യക്ഷയായ പരിപാടിയില്‍ സി.കെ ജാനു അനുഭവങ്ങള്‍ പങ്കുവെച്ചു.

ഹജ്ജ് തീര്‍ഥാടനം 2026ന്റെ മുന്നൊരുക്കവുമായി ബന്ധപ്പെട്ട ഉന്നത തല അവലോകന യോഗം നാളെ (വെള്ളി) രാവിലെ 10.30ന് ഹജ്ജ് കമ്മിറ്റി എക്സിക്യൂട്ടീവ് ഓഫീസർ കൂടിയായ ജില്ലാ കളക്ടറുടെ ചേംബറില്‍ ചേരും.

പോസ്റ്റ് ഓഫീസ് ആര്‍ ഡി നിക്ഷേപകർ സുരക്ഷിതത്വം ഉറപ്പാക്കി ലഘു സമ്പാദ്യ പദ്ധതികളിൽ ഇടപാടുകൾ നടത്തണമെന്ന് ദേശീയ സമ്പാദ്യ പദ്ധതി തൃശൂർ ഡെപ്യൂട്ടി ഡയറക്ടർ അറിയിച്ചു.

ഉയർന്ന താപനിലയും ഉയർന്ന അന്തരീക്ഷ ഈർപ്പവും മൂലമുള്ള അത്യുഷ്ണം അനുഭവപ്പടുന്ന സാഹചര്യത്തിൽ മലപ്പുറം ജില്ലയിൽ ദുരന്ത നിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ ജാഗ്രത നിർദേശം പുറപ്പെടിവിച്ചു. ചൂടിലെ വർധനവ് ഗുരുതരമായ ആരോഗ്യപ്രശ്നങ്ങൾ സൃഷ്ടിക്കാനും മരണത്തിന് വരെ കാരണമായേക്കാവുന്നതുമാണ്. അതുകൊണ്ട് തന്നെ സംസ്ഥാന ദുരന്ത നിവാരണ അതോറിറ്റിയുടെ സുരക്ഷാ നിർദേശങ്ങൾ കർശനമായി  പാലിക്കണമെന്ന് ജില്ലാ  കളക്ടർ ഓർമിപ്പിച്ചു.

പൊതുജനങ്ങൾക്കുള്ള പ്രധാന ജാഗ്രത നിർദേശങ്ങൾ

പകൽ 11 മുതൽ വൈകുന്നേരം 

ജലസേചന വിഭാഗം വാഴാനി ഇറിഗേഷൻ സെക്ഷന്റെ പരിധിയിലുള്ള വാഴാനി കൺവെൻഷൻ സെന്റർ നിർമ്മിക്കുന്ന സ്ഥലത്തെ 64 മരങ്ങൾ ജലസേചന വകുപ്പിന്റെ നിലവിലുള്ള വ്യവസ്ഥകൾക്ക് വിധേയമായി പരസ്യമായി ലേലം ചെയ്യും. മെയ് ഏഴിന് രാവിലെ 11 മണിക്ക് ഇറിഗേഷൻ സബ് ഡിവിഷൻ തലപ്പിള്ളി കാര്യാലയത്തിലാണ് ലേലം നടക്കുക.  താത്പര്യമുള്ളവർ തലപ്പിള്ളി ഇറിഗേഷൻ സബ് ഡിവിഷൻ അസിസ്റ്റൻറ് എക്സിക്യൂട്ടീവ് എഞ്ചിനീയറുടെ കാര്യാലയവുമായി ബന്ധപ്പെടുക.