ജില്ലാ ജല ശുചിത്വ മിഷന്റെ യോഗം ജനുവരി 17ന് വൈകിട്ട്  മൂന്നിന് ജില്ലാ കലക്ടറുടെ ചേമ്പറില്‍ ചേരും.
 

  ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍  സ്വകാര്യ സ്ഥാപനങ്ങളിലെ ഒഴിവുകളിലേക്ക് ജനുവരി 13 ന്  രാവിലെ 10.30 മുതല്‍ അഭിമുഖം നടത്തും. പ്ലസ്ടു മുതല്‍  ഉയര്‍ന്ന യോഗ്യതയുള്ളവര്‍ക്ക് പങ്കെടുക്കാം. പ്രായപരിധി: 18-35 വയസ്.  മൂന്ന് സെറ്റ്  ബയോഡാറ്റയും ആധാര്‍ കാര്‍ഡുമായി  പങ്കെടുക്കണം. ഫോണ്‍: 9497474677, 8281359930, 8304852968.
 

വിജ്ഞാന കേരളം പദ്ധതിയുടെ ഭാഗമായി ജനുവരി 10ന് രാവിലെ 10 മുതല്‍   വെര്‍ച്വല്‍ തൊഴില്‍ മേള സംഘടിപ്പിക്കും. ഡി.ഡബ്ല്യൂ.എം.എസ് പോര്‍ട്ടല്‍ മുഖേന അപേക്ഷിക്കാം.  ചാത്തന്നൂര്‍ എം.ഇ.എസ് കോളേജ് ഓഫ് എഞ്ചിനീയറിംഗ് ആന്‍ഡ് ടെക്‌നോളജി, കരുനാഗപ്പള്ളി കോളേജ് ഓഫ് എഞ്ചിനീയറിങ്, കൊട്ടാരക്കര കോളേജ് ഓഫ് എഞ്ചിനീയറിങ്,  പത്തനാപുരം കോളേജ് ഓഫ്  എഞ്ചിനീയറിങ്  എന്നിവിടങ്ങളിലാണ് മേള നടത്തുന്നത്. ഫോണ്‍ : 04742794692, 9645063292.
 

പട്ടയമിഷന്റെ ഭാഗമായി പത്തനാപുരം, പുനലൂര്‍ താലൂക്കുകളില്‍ ഡേറ്റാ എന്‍ട്രി ഓപ്പറേറ്റര്‍മാരെ  ദിവസവേതനാടിസ്ഥാനത്തില്‍ നിയമിക്കും.   യോഗ്യത:   ബിരുദം,  കംപ്യൂട്ടര്‍ ആപ്ലിക്കഷനില്‍ ഡിപ്ലോമ.  ജനുവരി 14ന് രാവിലെ 11 ന് കലക്‌ട്രേറ്റില്‍  നടത്തുന്ന  വോക്ക് ഇന്‍ ഇന്റര്‍വ്യൂവില്‍ പങ്കെടുക്കണം. ഫോണ്‍: 0474 2793473.
 

കേരളത്തിന്റെ ആവേശോജ്ജ്വലമായ സാമൂഹിക പുരോഗതിയുടെ ചരിത്രത്തെ അടിസ്ഥാനപ്പെടുത്തിയുള്ള വിജ്ഞാന യാത്ര-ചീഫ് മിനിസ്റ്റേഴ്സ് മെഗാക്വിസ് മത്സരം സംസ്ഥാനവ്യാപകമായി ജനുവരി 12 ന് രാവിലെ 11 ന് ആരംഭിക്കും. സ്‌കൂള്‍  കോളേജ് വിദ്യാര്‍ഥികള്‍ക്കുള്ള പ്രാഥമികതല മത്സരങ്ങളുടെ ഒരുക്കങ്ങള്‍ പൂര്‍ത്തിയായി. 12000 ത്തോളം സ്‌കൂളുകളിലും 1200 ലധികം കോളേജുകളിലും നടക്കുന്ന ക്വിസ് മല്‍സരത്തില്‍ അഞ്ച് ലക്ഷത്തിലധികം വിദ്യാര്‍ഥികള്‍ പങ്കെടുക്കുമെന്നാണ് പ്രതീക്ഷിക്കുന്നത്.

കൊട്ടാരക്കര നെടുവത്തൂരില്‍ നിര്‍മിക്കുന്ന തീയറ്റര്‍ സമുച്ചയം ഉടന്‍ യാഥാര്‍ഥ്യമാകുമെന്ന് ധനകാര്യ വകുപ്പ് മന്ത്രി കെ എന്‍ ബാലഗോപാല്‍. കൊട്ടാരക്കര ശ്രീധരന്‍ നായര്‍, ഭരത് മുരളി എന്നിവരുടെ പേരില്‍ നെടുവത്തൂരില്‍ ആരംഭിക്കുന്ന സിനി കോംപ്ലക്‌സ് പദ്ധതി പ്രദേശം സന്ദര്‍ശിക്കുകയായിരുന്നു അദ്ദേഹം.

  ജില്ലാ ശിശുക്ഷേമ സമിതി സംഘടിപ്പിക്കുന്ന ക്ലിന്റ് സ്മാരക  ജില്ല ബാല ചിത്രരചന മത്സരം  ജനുവരി 10ന് രാവിലെ ഒമ്പത് മുതല്‍   ആശ്രാമം ശ്രീനാരായണഗുരു സാംസ്‌ക്കാരിക സമുച്ചയത്തില്‍ നടത്തും. മന്ത്രി ജെ. ചിഞ്ചുറാണി,  എം.മുകഷ്  എം.എല്‍.എ, ജില്ലാ കലക്ടര്‍ എന്‍. ദേവിദാസ് എന്നിവര്‍ പങ്കെടുക്കും.

2025-26 സാമ്പത്തിക വർഷം പട്ടികവർഗ വികസന വകുപ്പ് നടപ്പിലാക്കുന്ന പോസ്റ്റ് ഗ്രാജ്വേറ്റ് പ്രോഗ്രാം ഇൻ ഡാറ്റാ സയൻസ് ആൻഡ് മെഷീൻ ലേണിംഗ് എന്ന ഒരു വർഷത്തെ പരിശീലന പരിപാടിയിലേക്ക് പരിശീലനം നൽകുന്നതിനായി നൈപുണ്യ വികസന പരിശീലന സ്ഥാപനങ്ങളിൽ നിന്നും താൽപര്യപത്രം ക്ഷണിച്ചു. അവസാന തീയതി ജനുവരി 15ന് വൈകിട്ട് 5.