ആരോഗ്യ വകുപ്പില്‍ ഇടുക്കി ജില്ലയില്‍ ഉപയോഗിച്ചു വരുന്ന വാഹനം (ടാറ്റാ സുമോ ആംബുലന്‍സ് ) ലേലത്തില്‍ വാങ്ങിയശേഷം അഞ്ച് വര്‍ഷത്തേക്ക് വാടകയ്ക്ക് നല്‍കുന്നതിന് താത്പര്യമുള്ളവരില്‍ നിന്ന് ടെന്‍ഡര്‍ ക്ഷണിച്ചു. ജനുവരി 12 ന് 4.30 ന് മുന്‍പായി ഇടുക്കി ജില്ലാ മെഡിക്കല്‍ ഓഫീസറുടെ കാര്യാലയത്തില്‍ ടെന്‍ഡറുകള്‍ സമര്‍പ്പിക്കണം. വിശദ വിവരങ്ങള്‍ക്ക് ഫോണ്‍: 04862 233030

ഇടുക്കി ജില്ലയിലെ പട്ടികജാതി, പട്ടികവര്‍ഗ ഉന്നതികളില്‍ പുസ്തകങ്ങളും, വായനാ സൗകര്യവും വര്‍ധിപ്പിക്കുന്നതിനായി തദേശ സ്വയം ഭരണ വകുപ്പ് ആര്‍ ജി എസ് എ പദ്ധതിയുടെ ഐ ഇ സി ഘടകത്തില്‍ ഉള്‍പ്പെടുത്തി ആവിഷ്‌കരിച്ച അക്ഷരോന്നതി പദ്ധതിക്ക് തുടക്കമായി. ജില്ലാ കളക്ടര്‍ ദിനേശന്‍ ചെറുവാട്ട് അക്ഷരോന്നതിയുടെ ലോഗോ തദേശ സ്വയം ഭരണ വകുപ്പ് ജോയിന്റ് ഡയറക്ടര്‍ ട്രീസ ജോസിന് നല്‍കി പ്രകാശനം നിര്‍വ്വഹിച്ചു.

കേരളത്തിന്റെ ആവേശോജ്ജ്വലമായ സാമൂഹിക പുരോഗതിയുടെ ചരിത്രത്തെ അടിസ്ഥാനപ്പെടുത്തിയുള്ള വിജ്ഞാന യാത്ര-ചീഫ് മിനിസ്റ്റേഴ്സ് മെഗാക്വിസ് മത്സരം സംസ്ഥാനവ്യാപകമായി ജനുവരി 12 ന് രാവിലെ 11 ന് ആരംഭിക്കും. സ്‌കൂള്‍  കോളേജ് വിദ്യാര്‍ഥികള്‍ക്കുള്ള പ്രാഥമികതല മത്സരങ്ങളുടെ ഒരുക്കങ്ങള്‍ പൂര്‍ത്തിയായി. 12000 ത്തോളം സ്‌കൂളുകളിലും 1200 ലധികം കോളേജുകളിലും നടക്കുന്ന ക്വിസ് മല്‍സരത്തില്‍ അഞ്ച് ലക്ഷത്തിലധികം വിദ്യാര്‍ഥികള്‍ പങ്കെടുക്കുമെന്നാണ് പ്രതീക്ഷിക്കുന്നത്.

* 16 വാദ്യോപകരണങ്ങൾ, 9  കലാകാരന്മാർ. പ്രവേശനം സൗജന്യം

തിരുവനന്തപുരം ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തിൽ തിരുവനന്തപുരം മേഖല 'നിയുക്തി മെഗാ തൊഴിൽ മേള 2025-26' 

സംസ്ഥാനത്തെ ആദ്യത്തെ വര്‍ക്ക് നിയര്‍ ഹോം ഉദ്ഘാടനം  ജനുവരി 19 ന്  വൈകിട്ട് 4ന് കൊട്ടാരക്കരയിലെ അമ്പലക്കര മൈതാനത്ത് മുഖ്യമന്ത്രി പിണറായി വിജയന്‍ നിര്‍വഹിക്കുമെന്ന് ധനകാര്യവകുപ്പ് മന്ത്രി കെ എന്‍ ബാലഗോപാല്‍. മുന്നൊരുക്കങ്ങളുമായി ബന്ധപ്പെട്ട ആലോചനായോഗം കൊട്ടാരക്കര മിനി സിവില്‍ സ്റ്റേഷന്‍ കോണ്‍ഫറന്‍സ് ഹാളില്‍  മന്ത്രിയുടെ അധ്യക്ഷതയില്‍ ചേര്‍ന്നു.

  സംസ്ഥാന കലോത്സവത്തിനോടനുബന്ധിച്ച് സ്വര്‍ണകപ്പ് വഹിച്ചു കൊണ്ടുള്ള ഘോഷയാത്ര ജില്ലയില്‍ ജനുവരി 10 ന് ആരംഭിക്കും.   ഉച്ചയ്ക്ക് 12 ന് പാരിപ്പള്ളി അമൃത ഹയര്‍സെക്കണ്ടറി സ്‌കൂളില്‍ ആദ്യ സ്വീകരണം ഏറ്റു വാങ്ങും.  ഉച്ചക്ക് രണ്ടിന്   വിമല ഹൃദയ ഹയര്‍സെക്കണ്ടറി സ്‌കൂളിലും വൈകിട്ട് നാലിന്  കരുനാഗപ്പള്ളി സര്‍ക്കാര്‍ ഹയര്‍സെക്കണ്ടറി സ്‌കൂളില്‍ എത്തിച്ചേരും. ജില്ലയിലെ അവസാന സ്വീകരണം ഏറ്റുവാങ്ങി അഞ്ച് മണിയോടുകൂടി സ്വര്‍ണക്കപ്പ് കരുനാഗപ്പള്ളി സബ് ട്രഷറിയില്‍ സൂക്ഷിക്കുകയും  ജനുവരി 11ന്  രാവിലെ എട്ടിന് സബ് ട്രഷറിയില്‍ നിന്നും ട്രോഫി സ്വീകരിച്ച് ആലപ്പുഴയിലേക്ക് പോകും.  
 
 

    പടനായര്‍കുളങ്ങര -ശാസ്താംകോട്ട റോഡില്‍ ബി.സി പ്രവൃത്തികള്‍ നടക്കുന്നതിനാല്‍ ഫെബ്രുവരി ഏഴ്  വരെ ഗതാഗതനിയന്ത്രണം ഉണ്ടായിരിക്കുമെന്ന് കെ.ആര്‍.എഫ്.ബി-പി.എം.യു എക്‌സിക്യൂട്ടീവ് എഞ്ചിനിയര്‍ അറിയിച്ചു.