നിയമസഭ തിരഞ്ഞെടുപ്പിന് മുന്നോടിയായി ജില്ലാ കലക്ടര്‍ സ്നേഹില്‍ കുമാര്‍ സിങ്ങിന്റെ അധ്യക്ഷതയില്‍ രാഷ്ട്രീയ പാര്‍ട്ടി പ്രതിനിധികളുടെ യോഗം ചേര്‍ന്നു. പോസ്റ്റല്‍ ബാലറ്റ്, ഇ.വി.എം, വിതരണ കേന്ദ്രങ്ങള്‍, കൊട്ടിക്കലാശം, ക്രമസമാധാനം, വോട്ടെടുപ്പ് ദിന മുന്നൊരുക്കങ്ങള്‍ തുടങ്ങിയ വിഷയങ്ങള്‍ ചര്‍ച്ച ചെയ്തു. വോട്ടെടുപ്പ് ദിവസം പെരുമാറ്റച്ചട്ട ലംഘനം ഉണ്ടാവാതിരിക്കാന്‍ എല്ലാ രാഷ്ട്രീയ പാര്‍ട്ടികളും ശ്രദ്ധിക്കണമെന്നും സമാധാനപരമായ തിരഞ്ഞെടുപ്പ് ഉറപ്പാക്കാന്‍ അതത് മണ്ഡലങ്ങളില്‍ രാഷ്ട്രീയ പാര്‍ട്ടി പ്രതിനിധികളുടെ പൂര്‍ണ സഹകരണം വേണമെന്നും കലക്ടര്‍ അഭ്യര്‍ഥിച്ചു.

ജില്ലയില്‍ നിയമസഭ തിരഞ്ഞെടുപ്പുമായി ബന്ധപ്പെട്ട ഒരുക്കങ്ങള്‍ വിലയിരുത്തുന്നതിനും അടിയന്തര ഘട്ടങ്ങളിലെ പ്രവര്‍ത്തനങ്ങള്‍ ഏകോപിപ്പിക്കുന്നതിനുമായി ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്നേഹില്‍ കുമാര്‍ സിങ്ങിന്റെ അധ്യക്ഷതയില്‍ അവശ്യ സര്‍വീസ് വകുപ്പുകളുടെ യോഗം ചേര്‍ന്നു.

തിരഞ്ഞെടുപ്പ് ബോധവൽക്കരണത്തിന്റെ ഭാഗമായി ജില്ലാ ഭരണകൂടം,  സ്വീപ് എറണാകുളം എന്നിവ സംയുക്തമായി പുതുവൈപ്പിൻ ബീച്ചിൽ കൈറ്റ് ഫെസ്റ്റിവൽ സംഘടിപ്പിച്ചു.

കളമശ്ശേരി ഗവ. ഐ ടി ഐയിലെ വിദ്യാർത്ഥികളും ബീറ്റിൽ സായാഹ്നം ചെലവഴിക്കാൻ എത്തിയ വിനോദസഞ്ചാരികളും പട്ടം പറത്തി തിരഞ്ഞെടുപ്പ് ബോധവൽക്കരണ പരിപാടിയിൽ പങ്കെടുത്തു. 

ഓരോ വോട്ടും വിലപ്പെട്ടതാണെന്നും ജനാധിപത്യത്തിൽ ജനങ്ങൾക്കുള്ള ഏറ്റവും വലിയ അവകാശമാണ് അതെന്നും അത് പാഴാക്കരുതെന്നും കൈറ്റ് ഫെസ്റ്റിവലിന് നേതൃത്വം നൽകിക്കൊണ്ട് സ്വീപ് നോഡൽ ഓഫീസർ കൂടിയായ അസിസ്റ്റൻ്റ് കളക്ടർ പാർവതി ഗോപകുമാർ പറഞ്ഞു.

നിയമസഭാ തിരഞ്ഞെടുപ്പിന് മുന്നോടിയായി പോളിങ് സാമഗ്രികളുടെ വിതരണം ജില്ലയിലെ 14 വിതരണ കേന്ദ്രങ്ങളിൽ ഇന്ന് ( ഏപ്രിൽ 8) രാവിലെ എട്ടിന് ആരംഭിക്കും. 

നിയമസഭാ തിരഞ്ഞെടുപ്പിനുള്ള ഉദ്യോഗസ്ഥരുടെ വിന്യാസവുമായി ബന്ധപ്പെട്ട നിർണ്ണായക മൂന്നാം ഘട്ട റാൻഡമൈസേഷൻ നടപടികൾ പൂർത്തിയായി. ജില്ലയിലെ 3,149 പോളിങ് സ്റ്റേഷനുകളിലേക്കായി ആകെ 15,148 ഉദ്യോഗസ്ഥരെയാണ് വിവിധ പോളിങ് ഡ്യൂട്ടികൾക്കായി അന്തിമമായി നിയോഗിച്ചിരിക്കുന്നത്.

•പ്രിസൈഡിംഗ് ഓഫീസർമാർ: 3,787 പേർ

•ഫസ്റ്റ് പോളിങ് ഓഫീസർമാർ: 3,787 പേർ

•പോളിങ് ഓഫീസർമാർ: 7,574 പേർ

•ആകെ പോളിങ് ഉദ്യോഗസ്ഥർ: 15,148 പേർ

റിസർവ് ഉദ്യോഗസ്ഥർ: അപ്രതീക്ഷിത സാഹചര്യങ്ങൾ നേരിടുന്നതിനായി 20% ഉദ്യോഗസ്ഥരെ റിസർവ് വിഭാഗത്തിൽ നിലനിർത്തിയിട്ടുണ്ട്.

ജില്ലയിലെ തിരഞ്ഞെടുപ്പ് പ്രക്രിയ നേരിട്ട് കണ്ട് മനസ്സിലാക്കാൻ അന്താരാഷ്ട്ര പ്രതിനിധി സംഘം.

ഇന്ന് (ഏപ്രിൽ 8) കൊച്ചിൻ അന്താരാഷ്ട്ര വിമാനത്താവളത്തിൽ  എത്തുന്ന പ്രതിനിധി സംഘം ജില്ലയിലെ വോട്ടെടുപ്പ് സാമഗ്രികളുടെ സ്വീകരണ വിതരണ കേന്ദ്രങ്ങളും, കാക്കനാട് സിവിൽ സ്റ്റേഷനിൽ പ്രവർത്തിക്കുന്ന വെബ് കാസ്റ്റിംഗ് കൺട്രോൾ റൂമും, മീഡിയ സർട്ടിഫിക്കേഷൻ ആൻഡ് മോണിറ്ററിംഗ് സെല്ലും സന്ദർശിക്കും. 

എസ്റ്റോണിയ, ജോർജിയ, ഫിജി, കെനിയ, നമീബിയ എന്നീ രാജ്യങ്ങളിലെ പ്രതിനിധികൾ അടങ്ങുന്ന സംഘം വോട്ടെടുപ്പ് ദിവസം വിവിധ പോളിങ് സ്റ്റേഷനുകൾ സന്ദർശിക്കും.

ഇവിഎം ബാലറ്റ് പേപ്പറുകൾ വായിക്കാൻ സൗകര്യപ്രദമാക്കുന്നതിനായി തിരഞ്ഞെടുപ്പ് കമ്മീഷൻ മാർഗനിർദേശങ്ങളിൽ ഭേദഗതികൾ വരുത്തി സ്ഥാനാർത്ഥികളുടെ കളർ ഫോട്ടോകൾ ആദ്യമായി ഇവിഎമ്മുകളിൽ ഉൾപ്പെടുത്തുന്നു എന്ന പ്രത്യേകതയും ഇത്തവണത്തെ തിരഞ്ഞെടുപ്പിനുണ്ട്.

നിയമസഭാ തിരഞ്ഞെടുപ്പിൽ വോട്ട് രേഖപ്പെടുത്താൻ പോളിങ്ങ് ബൂത്തിലെത്തുമ്പോഴുള്ള സംശയങ്ങൾ സ്വാഭാവികമാണ്. ഇനി സംശയങ്ങൾ ഇല്ലാതെ വോട്ട് രേഖപ്പെടുത്താം.  

വോട്ട് ചെയ്യാൻ തയ്യാറാണ്

വോട്ടിംഗ് കമ്പാർട്ട്മെന്റിന് മുന്നിൽ എത്തുമ്പോൾ മൂന്നാം പോളിംഗ് ഓഫീസർ ബാലറ്റ് യുണിറ്റ് വോട്ടിങ്ങിന് സജ്ജമാക്കും. അപ്പോൾ ബാലറ്റ് യൂണിറ്റിലെ 'റെഡി' ലൈറ്റ് പ്രകാശിക്കും. 

താങ്കളുടെ വോട്ട് രേഖപ്പെടുത്തുക

 ബാലറ്റ് യൂണിറ്റിൽ നിങ്ങൾ തിരഞ്ഞെടുത്ത സ്‌ഥാനാർത്ഥിയുടെ പേരിന്റെയും ചിഹ്നത്തിന്റെയും നേരെയുള്ളതോ നോട്ടക്ക് നേരെയുള്ളതോ ആയ നീല ബട്ടണിൽ അമർത്തി വോട്ട് ചെയ്യാം. 

നിയമസഭാ തിരഞ്ഞെടുപ്പിന്റെ പശ്ചാത്തലത്തിൽ എറണാകുളം ജില്ലയിൽ ഭാരതീയ നാഗരിക് സുരക്ഷാ സംഹിത (BNSS) സെക്ഷൻ 163 പ്രകാരം കർശന നിയന്ത്രണങ്ങൾ ഏർപ്പെടുത്തി.

 പരസ്യപ്രചാരണം അവസാനിച്ചതു മുതൽ വോട്ടെടുപ്പ് അവസാനിക്കുന്ന 9-ാം തീയതി വൈകിട്ട് 6  വരെയാണ് നിയന്ത്രണങ്ങൾ പ്രാബല്യത്തിലുള്ളത്.
  
​സ്വതന്ത്രവും നീതിപൂർവ്വവുമായ തിരഞ്ഞെടുപ്പ് ഉറപ്പാക്കുന്നതിനാണ് ഈ നിയന്ത്രണങ്ങൾ എന്ന് ജില്ലാ തിരഞ്ഞെടുപ്പ് ഓഫീസർ കൂടിയായ  ജില്ലാ കളക്ടർ ജി പ്രിയങ്ക ഉത്തരവിൽ അറിയിച്ചു.

​പ്രധാന നിയന്ത്രണങ്ങൾ: