കല്ലൂപ്പാറ ഹോമിയോ ഡിസ്പന്‍സറിയില്‍ കാഷ്വല്‍ സ്വീപ്പര്‍ തസ്തികയില്‍ താല്‍ക്കാലിക നിയമനം നടത്തുന്നു. കുടുംബശ്രീ അംഗങ്ങളായ കല്ലൂപ്പാറ ഗ്രാമപഞ്ചായത്തില്‍ സ്ഥിരതാമസക്കാരായ വനിതകള്‍ക്ക് പങ്കെടുക്കാം. പ്രായപരിധി 18-50. പ്രായം, വിലാസം, കുടുംബശ്രീ അംഗത്വം എന്നിവ തെളിയിക്കുന്ന രേഖകള്‍ സഹിതം ജൂലൈ 18 രാവിലെ 11 ന് കല്ലൂപ്പാറ ഗ്രാമപഞ്ചായത്ത് കാര്യാലയത്തില്‍ അഭിമുഖത്തിന് ഹാജരാകണം. ഫോണ്‍: 0469 2677237.

പന്തളം തെക്കേക്കര ഗ്രാമപഞ്ചായത്തിലെ പാറക്കര പകല്‍ വീട്ടിലേക്ക് കെയര്‍ ഗീവറെ (ഒരു ഒഴിവ്) താല്‍ക്കാലിക വ്യവസ്ഥയില്‍ നിയമിക്കുന്നു. പ്ലസ് ടു ആണ് യോഗ്യത. പ്രായപരിധി 18-45. ജെറിയാട്രിക് കോഴ്സില്‍ പരിശീലനം ലഭിച്ചവര്‍ക്കും പ്രദേശത്ത് സ്ഥിരതാമസമുള്ളവര്‍ക്കും മുന്‍ഗണന. അവസാന തീയതി ജൂലൈ 17 വൈകിട്ട് മൂന്ന്. ഉദ്യോഗാര്‍ഥികള്‍ വിദ്യാഭ്യാസ യോഗ്യത, പ്രായം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതം ഗ്രാമപഞ്ചായത്ത് കാര്യാലയത്തില്‍ അപേക്ഷ സമര്‍പ്പിക്കണം. ഫോണ്‍: 04734 228498.

ഓപ്പറേഷന്‍ തൂഫാന്റെ ഭാഗമായി റാന്നി-പഴവങ്ങാടി ഗ്രാമപഞ്ചായത്തും റാന്നി കേരള സ്റ്റേറ്റ് റൂട്രോണിക്‌സ് തൊഴില്‍ നൈപുണ്യ പരിശീലന പഠനകേന്ദ്രവും രണ്ടാഴ്ച നീളുന്ന ചിത്രരചന ക്യാമ്പ് ആരംഭിച്ചു. റാന്നി ഇട്ടിയപ്പാറ ബസ് സ്റ്റാന്‍ഡ് ടെര്‍മിനലില്‍ ഗ്രാമപഞ്ചായത്ത് പ്രസിഡന്റ് പ്രമോദ് മന്ദമരുതി ഉദ്ഘാടനം നിര്‍വഹിച്ചു. വൈസ് പ്രസിഡന്റ് സൗമ്യ ജി നായര്‍ അധ്യക്ഷയായി. വാര്‍ഡ് അംഗം മോളി മാത്യു പങ്കെടുത്തു.

ചിത്രം: 

ചിത്രരചന ക്യാമ്പ് ഉദ്ഘാടനം റാന്നി ഇട്ടിയപ്പാറ ബസ് സ്റ്റാന്‍ഡ് ടെര്‍മിനലില്‍ ഗ്രാമപഞ്ചായത്ത് പ്രസിഡന്റ് പ്രമോദ് മന്ദമരുതി നിര്‍വഹിക്കുന്നു

സമഗ്ര മാനസികാരോഗ്യ പരിപാടിയുടെ ഭാഗമായി മാനസികാസ്വാസ്ഥ്യമുള്ള പുരുഷ രോഗികളെ അവരവരുടെ വീടുകളില്‍ നിന്നും  കാഞ്ഞീറ്റുകരയിലെ പകല്‍വീട്ടിലേക്കും തിരിച്ചുവീടുകളിലേക്കും എത്തിക്കുന്നതിന് വാഹന ഉടമകളില്‍ നിന്നും ഇ ടെന്‍ഡര്‍ ക്ഷണിച്ചു. ടെന്‍ഡര്‍ റഫറന്‍സ് നമ്പര്‍ -  DHKZRY0PTA/935/2026B1, ടെന്‍ഡര്‍ ഐ ഡി -2026_DHS_856332_2. ടെന്‍ഡറില്‍ പങ്കെടുക്കുന്നതിന് www.etender.kerala.gov.in സന്ദര്‍ശിക്കണം. ഫോണ്‍: 0468 2214108.

പത്തനംതിട്ട ജില്ലയിലെ മൃഗസംരക്ഷണ വകുപ്പില്‍ ലബോറട്ടറി ടെക്‌നീഷ്യന്‍ ഗ്രേഡ് രണ്ട്/ലബോറട്ടറി അസിസ്റ്റന്റ് ഗ്രേഡ് രണ്ട് (നേരിട്ടുളള നിയമനം) (കാറ്റഗറി നമ്പര്‍ 614/24) തസ്തികയുടെ ചുരുക്കപ്പട്ടികയിലുള്ളവര്‍ക്കായി ജൂലൈ 17 ന് കൊല്ലം ജില്ല പി എസ് സി ഓഫീസില്‍ അഭിമുഖം നടത്തും. ഒറ്റത്തവണ വേരിഫിക്കേഷന്‍ സര്‍ട്ടിഫിക്കറ്റിനൊപ്പം ജനന തീയതി, ജാതി, യോഗ്യത എന്നിവ തെളിയിക്കുന്ന പ്രമാണങ്ങളുടെ അസ്സലും വ്യക്തിവിവര കുറിപ്പും സഹിതം അഭിമുഖത്തിന് ഹാജരാകണം. ഫോണ്‍: 0468 2222665.

ഉള്‍നാടന്‍ മല്‍സ്യകൃഷിയുടെ സുസ്ഥിരമായ വളര്‍ച്ചയും മല്‍സ്യതൊഴിലാളി സമൂഹത്തിന്റെ ക്ഷേമവും ഉറപ്പുവരുത്തുക എന്ന ലക്ഷ്യത്തോടെ ജില്ലയില്‍ ദേശീയ മല്‍സ്യകര്‍ഷക ദിനം ആചരിച്ചു.

റേഷന്‍കട വിജിലന്‍സ് കമ്മിറ്റിയില്‍ ഉള്‍പ്പെടുത്താനുള്ള അംഗങ്ങളെ ഗ്രാമപഞ്ചായത്തുകളും നഗരസഭകളും ഗ്രാമസഭ മുഖേന തിരഞ്ഞെടുത്ത് നല്‍കി പ്രവര്‍ത്തനം ഊര്‍ജിതമാക്കണമെന്ന് ഭക്ഷ്യ സുരക്ഷ കമ്മീഷന്‍ അംഗം കെ എന്‍ സുഗതന്‍. കലക്ടറേറ്റ് പമ്പ കോണ്‍ഫറന്‍സ് ഹാളില്‍ ചേര്‍ന്ന സംസ്ഥാന ഭക്ഷ്യ കമ്മീഷന്‍ ജില്ലാതല അവലോകന യോഗത്തിലാണ് നിര്‍ദേശം.
അമൃതം ന്യൂട്രീമിക്സ് യൂണിറ്റുകളില്‍ കമ്മീഷന്റെ നേതൃത്വത്തില്‍ പരിശോധന നടത്തും. ഇവിടെ ജോലി ചെയ്യുന്നവര്‍ക്ക് ബോധവല്‍കരണ ക്ലാസ് സംഘടിപ്പിക്കും. ഇതുമായി ബന്ധപ്പെട്ട് കുടുംബശ്രീയും ഐസിഡിഎസും സംയുക്തമായി യോഗം ചേരണമെന്ന് അദ്ദേഹം ആവശ്യപ്പെട്ടു.

കൊയിലാണ്ടി ഗവ. താലൂക്ക് ആശുപത്രിയിലെ പുതിയ കെട്ടിടത്തിന്റെ നിര്‍മാണം ഒരു വര്‍ഷത്തിനകം പൂര്‍ത്തീകരിക്കുമെന്നും പ്രവൃത്തി പൂര്‍ത്തിയായ ഉടന്‍ ജില്ലാ ആശുപത്രിയായി പ്രഖ്യാപിക്കുമെന്നും ആരോഗ്യ വകുപ്പ് മന്ത്രി കെ മുരളീധരന്‍. ആശുപത്രിയില്‍ സന്ദര്‍ശനത്തിനെത്തിയ മന്ത്രി, ജനപ്രതിനിധികളുടെയും ആശുപത്രി വികസന സമിതി അംഗങ്ങളുടെയും അവലോകന യോഗത്തില്‍ സംസാരിക്കുകയായിരുന്നു. 

മണ്ണിടിച്ചിൽ അപകടത്തെ തുടർന്ന് കാണാതായ  മുഴുവൻ ആളുകളെയും കണ്ടെത്തിയതിനാൽ പ്രദേശത്തെ തിരച്ചിൽ അവസാനിപ്പിച്ചു. എൻ.ഡി.ആർ.എഫ്, ഫയർഫോഴ്സ്, പോലീസ്,  സിവിൽ ഡിഫൻസ് വളണ്ടിയേഴ്‌സ്, പ്രദേശവാസികൾ എന്നിവരുടെ നേതൃത്വത്തിൽ മികച്ച ഏകോപനത്തോടെയുള്ള തീവ്രമായ തിരച്ചിലാണ് ആറ് ദിവസങ്ങളിലായി മേഖലയിൽ നടന്നതെന്ന് അവലോകന യോഗത്തിൽ മന്ത്രി ടി സിദ്ദീഖ് പറഞ്ഞു.