സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍ വിമെന്‍ (സാഫ്) പദ്ധതിയില്‍ മിഷന്‍ കോ-ഓര്‍ഡിനേറ്റര്‍ തസ്തികയിലേക്ക് താല്‍കാലിക നിയമനം. ഒരു ഒഴിവാണ് ഉള്ളത്. യോഗ്യത:   ബിരുദം, ഉപജീവന പദ്ധതികളില്‍ പ്രവൃത്തിപരിചയം,  ഇരുചക്ര വാഹന ലൈസന്‍സ്. മത്സ്യത്തൊഴിലാളി കുടുംബങ്ങളില്‍ നിന്നുള്ളവര്‍ക്ക് മുന്‍ഗണന.  പ്രായപരിധി: 35 വയസ്. ജൂണ്‍ ആറിനകം തേവള്ളി സാഫ് നോഡല്‍ ഓഫീസില്‍ അപേക്ഷ സമര്‍പ്പിക്കണം. വിവരങ്ങള്‍ക്ക്: safnodalklm@gmail.com ഫോണ്‍: 9497280336, 8547783211.
 
 

കുളത്തൂപ്പുഴ മോഡല്‍ റസിഡന്‍ഷ്യല്‍ സ്‌കൂളിലെ ബസ് ഡ്രൈവര്‍ തസ്തികയിലെ നിയമനത്തിനായി പുനലൂര്‍ ജില്ലാ പട്ടികവര്‍ഗ വികസന ഓഫീസില്‍ മെയ് 29 ന്   വോക്ക് ഇന്‍ ഇന്റര്‍വ്യൂ നടത്തും. പട്ടികവര്‍ഗ വിഭാഗത്തില്‍പ്പെട്ടവര്‍ക്ക് പങ്കെടുക്കാം. യോഗ്യത: പി.എസ്.സി നിഷ്‌കര്‍ഷിക്കുന്ന യോഗ്യത, ഹെവി വാഹനങ്ങള്‍ ഓടിക്കുന്നതിനുള്ള ലൈസന്‍സും പ്രവൃത്തിപരിചയവും. പ്രായപരിധി: 25- 45 വയസ്. വിദ്യാഭ്യാസ യോഗ്യത, ജാതി, വരുമാനം, പ്രവൃത്തിപരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം രാവിലെ 10ന് ഹാജരാകണം. ഫോണ്‍ : 0475 2222353.
 

പട്ടികവര്‍ഗ വികസന വകുപ്പിന് കീഴില്‍ പ്രവര്‍ത്തിക്കുന്ന കൊല്ലം, ആലപ്പുഴ ജില്ലകളിലെ ഹോസ്റ്റലുകളിലും മോഡല്‍ റസിഡന്‍ഷ്യല്‍ സ്‌കൂളിലും കുക്ക്, വാച്ച്മാന്‍, ആയ തസ്തികകളിലേക്ക് ദിവസവേതനാടിസ്ഥാനത്തില്‍ നിയമനം നടത്തും. ജില്ലയില്‍ അമൃതകുളം, കുളത്തുപ്പുഴ, അച്ചന്‍കോവില്‍, ഉറുകുന്ന് ഹോസ്റ്റലുകള്‍, കുളത്തുപ്പുഴ മോഡല്‍ റസിഡന്‍ഷ്യല്‍ സ്‌കൂളിലേക്കും ആലപ്പുഴ ജില്ലയില്‍ മായിത്തറ പ്രീ മെട്രിക് ഹോസ്റ്റലിലുമാണ് ഒഴിവുകള്‍. അപേക്ഷകര്‍ പി.എസ്.സി നിഷ്‌കര്‍ഷിച്ചിട്ടുള്ള യോഗ്യതയുള്ളവരും പട്ടികവര്‍ഗ വിഭാഗക്കാരുമായിരിക്കണം.

ജില്ലാ എംപ്ലോയ്‌മെന്റ് എക്‌സ്ചേഞ്ച്, എംപ്ലോയബിലിറ്റി സെന്ററില്‍ സ്വകാര്യ സ്ഥാപനങ്ങളിലേക്കുള്ള അഭിമുഖം  മെയ് 26ന് രാവിലെ 10.30ന് നടത്തും. യോഗ്യത: പ്ലസ് ടു, ബിരുദം, ബിരുദാനന്തര ബിരുദം, ഡിപ്ലോമ, ഐ.ടി.ഐ, എഞ്ചിനീയറിംഗ്. പ്രായപരിധി: 18- 35 വയസ്. ബയോഡേറ്റയുടെ മൂന്ന് പകര്‍പ്പും ആധാര്‍ കാര്‍ഡും സഹിതം ഹാജരാകണം. ഫോണ്‍: 8281359930, 8304852968.
 
   

 ജില്ലാ ആശുപത്രിയുടെ അധീനതയിലുള്ള കെ.എല്‍ 02 ബി.എം 6990 നമ്പര്‍ ആംബുലന്‍സ്  റിപ്പയര്‍ ചെയ്ത് ഗതാഗത യോഗ്യമാക്കുന്നതിന്  സര്‍ക്കാര്‍ അംഗീകൃത സ്ഥാപനങ്ങള്‍/ഏജന്‍സികളില്‍ നിന്നും ടെന്‍ഡര്‍ ക്ഷണിച്ചു. ജൂണ്‍ 30 വൈകിട്ട് മൂന്ന് വരെ സ്വീകരിക്കും. ഫോണ്‍: 0474 2742004.
 

കരുനാഗപ്പള്ളി മോഡല്‍ പോളിടെക്നിക് കോളേജില്‍  ഇലക്ട്രോണിക്സ്, കമ്പ്യൂട്ടര്‍ , ഇലക്ട്രിക്കല്‍, മെക്കാനിക്കല്‍ എന്നീ ഡിപ്ലോമ എഞ്ചിനീയറിംഗ് കോഴ്‌സുകളിലേയ്ക്ക് രണ്ടാം വര്‍ഷത്തിലേയ്ക്കുള്ള പ്രവേശനം ആരംഭിച്ചു . പ്ലസ്ടു സയന്‍സ് / കമ്പ്യൂട്ടര്‍ ,  വി.എച്ച്.എസ്.ഇ,  രണ്ട് വര്‍ഷ ഐ.ടി.ഐ  കഴിഞ്ഞവര്‍ക്ക് അപേക്ഷിക്കാം . ഒന്നാം വര്‍ഷ ഡിപ്ലോമ കോഴ്സുകളിലേയ്ക്കും പ്രവേശനം ആരംഭിച്ചു.  ഫോണ്‍ : 8547005083, 9447488348.
 
 

കുണ്ടറ ഐ.എച്ച്.ആര്‍.ഡി അപ്ലൈഡ് സയന്‍സ് കോളേജിലേക്ക് കരാര്‍ അടിസ്ഥാനത്തില്‍ കമ്പ്യൂട്ടര്‍ ഹാര്‍ഡ്‌വെയര്‍ ടെക്നീഷ്യനെ നിയമിക്കുന്നതിന് മെയ് 30-ന് രാവിലെ 10ന് അഭിമുഖം നടത്തും. യോഗ്യത: ഇലക്ട്രോണിക്സ് / കമ്പ്യൂട്ടര്‍ ഡിപ്ലോമ.    ഫോണ്‍: 0474-2580866, 8547005066.
 
 

   കുണ്ടറ ഐ.എച്ച്.ആര്‍.ഡി  കോളേജ് ഓഫ് അപ്ലൈഡ് സയന്‍സില്‍   നാല് വര്‍ഷ ബിരുദ കോഴ്‌സുകളിലേക്ക് പ്രവേശനം ആരംഭിച്ചു. കോഴ്‌സുകള്‍: ബി.എസ്.സി കമ്പ്യൂട്ടര്‍ സയന്‍സ്, ബി.സി.എ, ബി.കോം- ബിസിനസ് ഇന്‍ഫര്‍മേഷന്‍ സിസ്റ്റം, ബി.കോം- ടാക്സേഷന്‍, ബി.കോം- കോ ഓപ്പറേഷന്‍.  യോഗ്യത: പ്ലസ് ടു അല്ലെങ്കില്‍ തതുല്യം.   പട്ടികജാതി, പട്ടികവര്‍ഗ വിഭാഗക്കാര്‍ക്ക് ഫീസ് ഇളവ് ലഭിക്കും. വിവരങ്ങള്‍ക്ക് : admissions.ihrd.ac.in, ihrd.ac.in,  ഫോണ്‍: 0474-2580866, 8547005066.
 

വലിയ പെരുന്നാളിനോട് അനുബന്ധിച്ച് അവശ്യവസ്തുക്കളും സബ്സിഡി സാധനങ്ങളും ഉറപ്പാക്കുന്നതിനായി സപ്ലൈകോയുടെ  ബക്രീദ് സ്‌പെഷ്യല്‍ കിറ്റുകള്‍.  മെയ് 26 വരെ കിറ്റുകള്‍ ലഭ്യമാകും. 1101 രൂപ വിലവരുന്ന പത്തിന ഭക്ഷ്യസാധനങ്ങള്‍ അടങ്ങിയ കിറ്റിന് 850 രൂപയാണ് വില.
മൂന്ന് കിലോഗ്രാം ബിരിയാണി അരി, ഒരു കിലോ പഞ്ചസാര, ഒരു ലിറ്റര്‍ ശബരി വെളിച്ചെണ്ണ, ഒരു കിലോ ശബരി അപ്പം പൊടി, 250 ഗ്രാം  ശബരി ഗോള്‍ഡ് ചായപ്പൊടി, 100 ഗ്രാം  മീറ്റ് മസാല, 50 ഗ്രാം ഗരം മസാല, 100 ഗ്രാം ചിക്കന്‍ മസാല, 100 ഗ്രാം കുരുമുളകുപൊടി, ഏലക്കായ,  ഗ്രാമ്പു എന്നിവ ഉള്‍പ്പെടുന്ന 50 ഗ്രാം മസാലക്കൂട്ടും കിറ്റിലുണ്ട്.  
 
 

     
കാലവര്‍ഷത്തിന് മുന്നോടിയായുള്ള മുന്‍കരുതല്‍ നടപടികളുടെ ഭാഗമായി ഇത്തിക്കര ബ്ലോക്ക് പഞ്ചായത്തിന്റെ നേതൃത്വത്തില്‍ സംഘടിപ്പിച്ച മഴക്കാലപൂര്‍വ ശുചീകരണ പ്രവര്‍ത്തനങ്ങളുടെ ഉദ്ഘാടനം ബ്ലോക്ക് പഞ്ചായത്ത് ഹാളില്‍ പ്രസിഡന്റ് സി. സുശീലാദേവി നിര്‍വഹിച്ചു. വൈസ് പ്രസിഡന്റ് അഡ്വ. കെ. ജയന്‍, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ആഷാറാണി, ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ബിജു ജി., സെക്രട്ടറി ഷിബി എന്‍., ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.