വിയ്യൂർ സെൻട്രൽ പ്രിസൺ ആൻഡ് കറക്ഷനൽ ഹോമിലെ ചപ്പാത്തി നിർമ്മാണ യൂണിറ്റിലേക്ക് ആവശ്യമായ കൺവെയർ ബെൽറ്റുകൾ വിതരണം ചെയ്യുന്നതിനായി അംഗീകൃത സ്ഥാപനങ്ങൾ/ വ്യക്തികളിൽ നിന്നും ക്വട്ടേഷൻ ക്ഷണിച്ചു. താത്പര്യമുള്ളവർ ക്വട്ടേഷൻ ജൂലൈ 24-ന് വൈകിട്ട് മൂന്നിനകം വിയ്യൂർ സെൻട്രൽ ജയിൽ സൂപ്രണ്ടിൻ്റെ ഓഫീസിൽ ലഭ്യമാക്കണം. ഫോൺ: 0487 2334267.

ദേശമംഗലം-വരവൂർ റോഡിൽ വിവിധ സ്ഥലങ്ങളിലായി കലുങ്ക് നിർമ്മാണ പ്രവൃത്തികൾ ആരംഭിക്കുന്നതിനാൽ ഇന്ന് (ജൂലൈ 14) മുതൽ പ്രവൃത്തി അവസാനിക്കുന്നത് വരെ വാഹനഗതാഗതം ഭാഗികമായി തടസ്സപ്പെടുമെന്ന് വടക്കാഞ്ചേരി പൊതുമരാമത്ത് നിരത്തുകൾ സെക്ഷൻ അസിസ്റ്റന്റ് എഞ്ചിനീയർ അറിയിച്ചു.

പൊതുവിഭാഗം റേഷൻകാർഡുകൾ മുൻഗണനാവിഭാഗത്തിലേക്ക് (പി.എച്ച്.എച്ച് പിങ്ക്) തരം മാറ്റുന്നതിനായി ഓൺലൈൻ വഴി അപേക്ഷിക്കാനുള്ള സമയപരിധി ജൂലൈ 17 വരെ നീട്ടിയതായി ജില്ലാ സപ്ലൈ ഓഫീസർ അറിയിച്ചു. അർഹരായ കുടുംബങ്ങൾക്ക് അക്ഷയകേന്ദ്രങ്ങൾ, ജനസേവനകേന്ദ്രങ്ങൾ എന്നിവ മുഖേന ഓൺലൈനായി അപേക്ഷ സമർപ്പിക്കാം.

തൃശ്ശൂർ ജില്ലയിൽ തദ്ദേശ സ്വയംഭരണ വകുപ്പിൽ ഫാർമസിസ്റ്റ് (മോഡേൺ മെഡിസിൻ- കാറ്റഗറി നമ്പർ: 029/25) തസ്തികയിലേക്ക് 2026 മാർച്ച് 26ന് പ്രസിദ്ധീകരിച്ച 05/2026/ഡി.ഒ.ആർ നമ്പർ ചുരുക്കപ്പട്ടികയിൽ ഉൾപ്പെട്ടിട്ടുള്ള ഉദ്യോഗാർത്ഥികൾക്കായുള്ള അഭിമുഖം ജൂലൈ 15, 16, 24 തീയതികളിൽ നടത്തുമെന്ന് പി.എസ്.സി ജില്ലാ ഓഫീസർ അറിയിച്ചു. പി.എസ്.സി തൃശ്ശൂർ ജില്ലാ ഓഫീസിലാണ് അഭിമുഖം. അർഹരായ ഉദ്യോഗാർത്ഥികൾക്ക് ഇത് സംബന്ധിച്ച എസ്.എം.എസ്, പ്രൊഫൈൽ മെസ്സേജ് എന്നിവ ഇതിനകം നൽകിയിട്ടുണ്ട്. ഉദ്യോഗാർത്ഥികൾ തങ്ങളുടെ പ്രൊഫൈലിൽ നിന്നും അഡ്മിഷൻ ടിക്കറ്റ് ഡൗൺലോഡ് ചെയ്ത് കൃത്യ സമയത്ത് ഹാജരാകണം. 

*വൈദ്യുതി തടസ്സങ്ങൾ സമയബന്ധിതമായി പരിഹരിക്കാൻ കെ.എസ്.ഇ.ബി ജാഗ്രത പുലർത്തണം*

കേരള കന്നുകാലി വികസന ബോര്‍ഡ് (കെ.എല്‍.ഡി.ബോര്‍ഡ്) മാട്ടുപ്പെട്ടിഫാമില്‍ 2026 ജൂലൈ 21, 22, 23 തീയതികളില്‍ നടത്താനിരുന്ന അവിദഗ്ധ തൊഴിലാളി നിയമനത്തിനുള്ള അഭിമുഖവും കായികക്ഷമതാപരിശോധനയും സാങ്കേതികകാരണങ്ങളാല്‍ മാറ്റിവെച്ചു. പുതുക്കിയ തീയതിയും സമയവും പിന്നീട് ഉദ്യോഗാര്‍ത്ഥികളെ അറിയിക്കുമെന്ന് മാനേജര്‍ അറിയിച്ചു.
 

ഒഴിവാക്കല്‍ മാദണ്ഡങ്ങളില്‍ ഉള്‍പ്പെടാത്ത കുടുംബങ്ങളുടെ പൊതുവിഭാഗം (വെള്ള, നീല) റേഷന്‍ കാര്‍ഡുകള്‍ പി.എച്ച്.എച്ച് വിഭാഗത്തിലേക്ക്(പിങ്ക് കാര്‍ഡ്) തരം മാറ്റുന്നതിനായി അര്‍ഹരായ മുന്‍ഗണനേതര റേഷന്‍ കാര്‍ഡ് ഉടമകള്‍ക്ക് ജൂണ്‍ 27 മുതല്‍ ജൂലൈ 17 വരെ ഓണ്‍ലൈനായി അപേക്ഷ സമര്‍പ്പിക്കുന്നതിന് അവസരം നല്‍കിയിട്ടുണ്ട്.

പട്ടികജാതി വിദ്യാര്‍ഥികള്‍ക്കുളള 9, 10  ക്ലാസുകളിലെ സെന്‍ട്രല്‍ പ്രീമെട്രിക് സ്‌കോളര്‍ഷിപ്പിന് അപേക്ഷിക്കാം. അപേക്ഷകള്‍ സ്വീകരിക്കുന്നതിനുള്ള അവസാന തീയതി  ആഗസ്റ്റ് 15 ആണ്.

കുടുംബവാര്‍ഷിക വരുമാനം 2.50 ലക്ഷം രൂപയില്‍ താഴെയുള്ളവര്‍ക്ക് ഇ -ഗ്രാന്റ് പോര്‍ട്ടല്‍ മുഖേന അപേക്ഷിക്കാം. പോര്‍ട്ടലില്‍ രജിസ്റ്റര്‍ ചെയ്തിട്ടുളള ഇ-ഗ്രാന്റ്‌സ് മുഖേന സ്‌കോളര്‍ഷിപ്പ് കൈപ്പറ്റുന്ന സര്‍ക്കാര്‍/ എയ്ഡഡ്/ അംഗീകൃത അണ്‍എയ്ഡഡ് സ്‌കൂള്‍ വിദ്യാര്‍ഥികള്‍ക്ക് അപേക്ഷിക്കാം.