മെഡിക്കല്‍ കോളേജ് ആശുപത്രിക്ക് സമീപത്തുള്ള ആശ്വാസ് വാടക സ്ഥാപനത്തില്‍ നിന്നും പി.കെ ജോയി (54) എന്നയാളെ 2025 ഒക്ടോബര്‍ 10 മുതല്‍ കാണാതായി. ഇതു സംബന്ധിച്ച് മെഡിക്കല്‍ കോളേജ് പോലീസ് ക്രൈം നമ്പര്‍ 947/2025 കേസ് രജിസ്റ്റര്‍ ചെയ്തു അന്വേഷണം നടത്തി വരുന്നു. കാണാതാകുമ്പോള്‍ ഷര്‍ട്ടും പാന്റുമായിരുന്നു വേഷം, നരച്ച മേല്‍ മീശയുണ്ട്, 165 സെന്റിമീറ്റര്‍ ഉയരവും, ഇരു നിറവുമാണ്. ഈ വ്യക്തിയെക്കുറിച്ച് എന്തെങ്കിലും വിവരം ലഭിക്കുന്നവര്‍ മെഡിക്കല്‍ കോളേജ് പോലീസില്‍ അറിയിക്കുക. ഫോണ്‍: 0487 2202434, 9497947199.

കേരള വന ഗവേഷണ സ്ഥാപനത്തില്‍ 2027 മാര്‍ച്ച് 31 വരെ കാലാവധിയുള്ള സമയബന്ധിത ഗവേഷണ പദ്ധതിയില്‍ പ്രോജക്ട് ഫെല്ലോ താത്കാലിക ഒഴിവിലേക്ക് നിയമനം നടത്തുന്നു. ഫോറസ്ട്രി, സോഷ്യല്‍ വര്‍ക്ക്, എന്‍വിയോണ്‍മെന്റ് സയന്‍സ് എന്നിവയില്‍ ഒന്നാംക്ലാസോടുകൂടിയ ബിരുദാനന്തര ബിരുദമാണ് യോഗ്യത. മികച്ച ആശയവിനിയത്തോടുകൂടി ഡിസൈന്‍ ആന്റ് കണ്ടക്ട് ഓഫ് എക്‌സേട്രയ്ന്‍, ഔട്ട് റീച്ച് ഇന്‍ ഫോറസ്ട്രിയില്‍ പ്രവര്‍ത്തി പരിചയം, ഫോറസ്റ്റ് എക്സ്റ്റന്‍ഷന്‍, മെറ്റീരിയല്‍സ് കൈകാര്യം ചെയ്യുന്നതിലുള്ള പ്രവര്‍ത്തിപരിചയം അഭികാമ്യ യോഗ്യത. 2026 ജനുവരി 1 ന് 36 വയസ്സ് കവിയരുത്.

കേരള നിയമസഭാ തെരഞ്ഞെടുപ്പിനോടനുബന്ധിച്ച്  കൈപ്പമംഗലം നിയോജകമണ്ഡലത്തിന്റെ താല്‍ക്കാലിക സ്‌ട്രോങ്ങ് റൂമുകളായ മതിലകം സെന്റ് ജോസഫ് ഹയര്‍ സെക്കന്‍ഡറി സ്‌കൂളിലും ഇരിങ്ങാലക്കുട ക്രൈസ്റ്റ് കോളേജിലും, മണലൂര്‍ നിയോജകമണ്ഡലത്തിലെ സ്‌ട്രോങ്ങ് റൂമായ ഗുരുവായൂര്‍ ശ്രീകൃഷ്ണ കോളേജിലും സ്‌ട്രോങ്ങ് റൂമിന്റെ ജനലുകളും വാതിലുകളും മറയ്ക്കുന്നതിന് അംഗീകൃത കരാറുകാരില്‍ നിന്നും മുദ്ര വെച്ച ക്വട്ടേഷനുകള്‍ ക്ഷണിച്ചു. താല്‍പര്യമുള്ള ജി.എസ്.ടി രജിസ്‌ട്രേഷനുള്ള സ്ഥാപനങ്ങള്‍ നിശ്ചിത നിരക്കുകള്‍ രേഖപ്പെടുത്തിയ ക്വട്ടേഷനുകള്‍ മാര്‍ച്ച് 21 ന് വൈകീട്ട് മൂന്നിനകം കൈപ്പമംഗലം, മണലൂര്‍ ഇ.ആര്‍.ഒമാര്‍ക്ക് സമര്‍പ്പിക്കണം.

കേരള നിയമസഭാ തിരഞ്ഞെടുപ്പിന്റെ ഭാഗമായി സ്റ്റാറ്റിക് സര്‍വെയ്‌ലന്‍സ് ടീമുകളുടെ പ്രവര്‍ത്തനം ആരംഭിക്കുന്നതിന് ഒല്ലൂര്‍, നാട്ടിക നിയോജകമണ്ഡലങ്ങളിലെ എസ്.എസ്.ടി പോയിന്റുകളിലെ ടീമുകള്‍ക്ക് ആവശ്യമായ പന്തല്‍, കസേരകള്‍, മറ്റ് അടിസ്ഥാന സൗകര്യങ്ങള്‍ എന്നിവ ഒരുക്കുന്നതിനായി മുദ്രവച്ച ക്വട്ടേഷന്‍ ക്ഷണിച്ചു. ജി.എസ്.ടി രജിസ്‌ട്രേഷനുള്ള സ്ഥാപനങ്ങള്‍ക്കും വ്യക്തികള്‍ക്കും ക്വട്ടേഷന്‍ സമര്‍പ്പിക്കാം. മാര്‍ച്ച് 21 ന് വൈകിട്ട് മൂന്ന് മണിക്ക് മുന്‍പായി ഇ.ആര്‍.ഒ ഒല്ലൂര്‍, നാട്ടിക ഓഫീസില്‍ ക്വട്ടേഷന്‍ സമര്‍പ്പിക്കണം. അന്നേ ദിവസം വൈകിട്ട് നാലിന് ക്വട്ടേഷന്‍ തുറന്ന് പരിശോധിക്കും.

നിയമസഭാ തെരഞ്ഞെടുപ്പിനോടനുബന്ധിച്ച് തൃശ്ശൂര്‍ എഞ്ചിനീയര്‍ കോളേജിലെ ഇലക്ട്രിക്കല്‍ ആന്റ് ഇലക്ട്രോണിക്‌സ് വിഭാഗത്തിലും മെക്കാനിക്കല്‍ വിഭാഗത്തിലും സ്‌ട്രോങ് റൂമിന്റെ ജനലകളും വാതിലും മറയ്ക്കുന്നതിന് അംഗീകൃത കരാറുകാരില്‍ നിന്നും മുദ്രവെച്ച ക്വട്ടേഷനുകള്‍ ക്ഷണിച്ചു. ജി.എസ്.ടി രജിസ്‌ട്രേഷനുള്ള സ്ഥാപനങ്ങള്‍ക്കോ വ്യക്തികള്‍ക്കോ മാത്രമാണ് ക്വട്ടേഷന്‍ നടപടികളില്‍ പങ്കെടുക്കാന്‍ അര്‍ഹതയുള്ളത്.

കേരള നിയമസഭാ തിരഞ്ഞെടുപ്പുമായി ബന്ധപ്പെട്ട് വോട്ടര്‍ പട്ടികയില്‍ അടയാളപ്പെടുത്തിയ പ്രകാരം 85 വയസ്സിന് മുകളില്‍ പ്രായമുള്ളവര്‍ക്കും ഭിന്നശേഷിക്കാര്‍ക്കും (40 ശതമാനം മോ അതിലധികമോ) ഹോം വോട്ടിങ്ങിനായി ബൂത്തിലെ ഓഫീസര്‍മാര്‍ വഴി ഫോറം 12 ഡി വിതരണം തുടങ്ങി. ഫോറങ്ങള്‍ പൂരിപ്പിച്ച് മാര്‍ച്ച് 21 ന് മുന്‍പായി ബന്ധപ്പെട്ട ബൂത്ത് ലെവല്‍ ഓഫീസര്‍മാര്‍ക്ക് തിരികെ നല്‍കണം. ഭിന്നശേഷിക്കാര്‍ 40 ശതമാനമോ അതിലധികമോ ഭിന്നശേഷി തെളിവാക്കുന്നതിന് ആവശ്യമായ സാക്ഷ്യപത്രം/ തിരിച്ചറിയല്‍ രേഖ അപേക്ഷയോടൊപ്പം ഉള്ളടക്കം ചെയ്യണം.

നിയമസഭാ തിരഞ്ഞെടുപ്പിന്റെ ഭാഗമായി ജില്ലയിൽ വിവിധ മണ്ഡലങ്ങളിൽ സ്ഥാനാർത്ഥികൾ നാമനിർദ്ദേശപത്രികകൾ സമർപ്പിച്ചു. മണലൂർ മണ്ഡലത്തിൽ കോൺഗ്രസ് പ്രതിനിധി ടി.എൻ. പ്രതാപൻ നാല് സെറ്റ് നാമനിർദ്ദേശപത്രികകൾ സമർപ്പിച്ചു. ഇരിങ്ങാലക്കുട മണ്ഡലത്തിൽ ബി.ജെ.പി സ്ഥാനാർത്ഥിയായി സന്തോഷ് ചെറാക്കുളം ഒരു സെറ്റ് നാമനിർദ്ദേശപത്രികയും പുതുക്കാട് മണ്ഡലത്തിൽ ബഹുജൻസ് സമാജ് പാർട്ടി സ്ഥാനാർത്ഥിയായ പുഷ്പാകരൻ ഒരു സെറ്റ് നാമനിർദ്ദേശപത്രികയും സമർപ്പിച്ചു.

തൃശൂർ ജില്ലയിലെ നിയമസഭാ മണ്ഡലങ്ങളിലേക്ക് അനുവദിക്കുന്നതിന് ഇലക്ട്രോണിക് വോട്ടിംഗ് മെഷീൻ റാൻഡമൈസേഷൻ നടത്തി. ജില്ലാ തിരഞ്ഞെടുപ്പ് ഓഫീസർ, ഒബ്സർവർമാർ, റിട്ടേണിംഗ് ഓഫീസർമാർ, അംഗീകൃത രാഷ്ട്രീയ പാർട്ടി പ്രതിനിധികൾ എന്നിവരുടെ സാന്നിധ്യത്തിലാണ് ഇവിഎമ്മുകളുടെ ആദ്യ റാൻഡമൈസേഷൻ നടന്നത്. ആദ്യ റാൻഡമൈസേഷനെക്കുറിച്ചുള്ള വിശദമായ നിർദ്ദേശങ്ങൾ ഇലക്ട്രോണിക് വോട്ടിംഗ് മെഷീനിലെ മാനുവലിൽ പരാമർശിച്ചിട്ടുണ്ട്. ഇത് ഇലക്ഷൻ കമ്മീഷൻ വെബ് സൈറ്റിലും ലഭ്യമാണ്.

തെരഞ്ഞെടുപ്പ് പ്രചാരണത്തിനു വേണ്ടി അച്ചടിക്കുന്ന സാമഗ്രികൾ പൂർണമായും ഹരിതചട്ടം പാലിക്കുന്നതായിരിക്കണമെന്ന് ജില്ലാ തെരഞ്ഞെടുപ്പ് ഓഫീസർ അറിയിച്ചു. 

സംസ്ഥാന മലിനീകരണ നിയന്ത്രണ ബോർഡ് സർട്ടിഫൈ ചെയ്ത പുനഃചംക്രമണം ചെയ്യാൻ കഴിയുന്ന പോളിഎത്തിലീൻ,നൂറ് ശതമാനം കോട്ടൺ തുണി, ചണം, പുൽപായ, ഓല തുടങ്ങിയവ മാത്രം ഉപയോഗിച്ച് അച്ചടി നടത്തുക. പി.വി.സി ഫ്ളക്സ്, പോളി കോട്ടൺ, പോളിസ്റ്റർ, നോൺ വുവൻപോളിപ്രൊപ്പലീൻ, കൊറിയൻ തുണികൾ, പ്ലാസ്റ്റിക് കലർന്ന മറ്റ് തുണികൾ എന്നിവ അച്ചടിക്ക് ഉപയോഗിക്കരുത്.   

പ്രിന്റിംഗ് ചെയ്യുമ്പോൾ 

കേരള നിയമസഭാ തെരഞ്ഞെടുപ്പിനോടനുബന്ധിച്ച് സ്റ്റാറ്റിക് സർവയലൻസ് ടീമുകളുടെ പ്രവർത്തനം ആരംഭിക്കുന്നതിനായി ഗുരുവായൂർ-063 നിയോജകമണ്ഡലത്തിലെ ഒരു എസ്.എസ്.ടി പോയിന്റിലെ ടീമിന് ആവശ്യമായ പന്തൽ, കസേരകൾ മറ്റ് അടിസ്ഥാന സൗകര്യങ്ങൾ എന്നിവ സജ്ജമാക്കുന്നതിന് അംഗീകൃത കരാറുകാരിൽ നിന്നും മുദ്രവെച്ച ക്വട്ടേഷനുകൾ ക്ഷണിച്ചു.