ജില്ലയില്‍ ഒരു സര്‍ക്കാര്‍ സ്ഥാപനത്തില്‍ ജി.എന്‍.എം നഴ്‌സ് തസ്തികയില്‍ താല്‍ക്കാലിക ഒഴിവുണ്ട്. പ്ലസ്ടു സയന്‍സ് തത്തുല്യം, കേരള നഴ്‌സ് ആന്‍ഡ് മിഡ് വൈവ്‌സ് കൗണ്‍സിലില്‍ രജിസ്‌ട്രേഷനോടുകൂടി ജി.എന്‍.എം ല്‍ ഡിപ്ലോമ, പെയിന്‍ ആന്‍ഡ് പാലിയേറ്റീവ് കെയറിലെ ബേസിക് സര്‍ട്ടിഫിക്കറ്റ് എന്നിവയാണ് യോഗ്യത. യോഗ്യതയുള്ള ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളുമായി അതാത് എംപ്ലോയ്‌മെന്റ് എക്‌സ്‌ചേഞ്ചുകളില്‍ ജനുവരി അഞ്ചിന് മുന്‍പായി രജിസ്റ്റര്‍ ചെയ്യേണമെന്ന് എംപ്ലോയ്‌മെന്റ് ഓഫീസര്‍ അറിയിച്ചു.

പാലക്കാട് ഇന്‍സ്റ്റിറ്റ്യൂട്ട് ഓഫ് ഇന്റഗ്രേറ്റഡ് മെഡിക്കല്‍ സയന്‍സില്‍ (ഗവ മെഡിക്കല്‍ കോളേജ്) പാത്തോളജി വിഭാഗത്തിലെ സര്‍വീസ് ലാബിലേക്കാവശ്യമായ സാമഗ്രികള്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ജനുവരി 13 ന് ഉച്ചയ്ക്ക് രണ്ടിന് മുന്‍പായി ലഭ്യമാക്കണം. അന്നേദിവസം 2.30 ന് ക്വട്ടേഷനുകള്‍ തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍: 0491 2974125

സാങ്കേതിക വിദ്യാഭ്യാസ വകുപ്പിന് കീഴില്‍ മരുതറോഡ് ഗവ കൊമേഴ്‌സ്യല്‍ ഇന്‍സ്റ്റിറ്റൂട്ടില്‍ അസിസ്റ്റന്റ് ഇന്‍സ്ട്രക്ടറെ നിയമിക്കുന്നു. ബികോം, ഡിപ്ലോമ ഇന്‍ സെക്രട്ടേറിയല്‍ പ്രാക്ടീസ് അല്ലേങ്കില്‍ ഡിപ്ലോമ ഇന്‍ ഷോര്‍ട്ഹാന്‍ഡ് ടൈപ്പ്‌റൈറ്റിങ്, കമ്പ്യൂട്ടര്‍ വേര്‍ഡ് പ്രൊസസ്സിങ് എന്നിവയാണ് വിദ്യഭ്യാസ യോഗ്യത. താല്‍പര്യമുള്ള ഉദ്യോഗാര്‍ഥികള്‍ ജനുവരി ആറിന് രാവിലെ 10 ന് അസ്സല്‍ സര്‍ട്ടിഫിക്കറ്റുകളുമായി അഭിമുഖത്തിന് എത്തണമെന്ന് സൂപ്രണ്ട് അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍: 0491 2532371, 8111874768

ജില്ലയിലെ ഉള്‍നാടന്‍ മത്സ്യോത്പാദനത്തിന്റെ വിവരങ്ങള്‍ ശേഖരിക്കാനായി കരാറടിസ്ഥാനത്തില്‍ എനുമറേറ്ററെ നിയമിക്കുന്നു. ഫിഷറീസില്‍ പ്രൊഫഷണല്‍ ഡിഗ്രി അല്ലെങ്കില്‍ ഫിഷറീസ് സ്റ്റാറ്റിസ്റ്റിക്‌സ്, ഫിഷറീസ് ടാക്‌സോണമി ഉള്‍പ്പെടുന്ന ബിരുദാനന്തര ബിരുദമാണ് യോഗ്യത. പ്രായപരിധി 18-35. താല്‍പര്യമുള്ളവര്‍ ജനുവരി എട്ടിന് രാവിലെ 10 ന് മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ എത്തണമെന്ന് ഡെപ്യൂട്ടി ഡയറക്ടര്‍ അറിയിച്ചു.

ജില്ലാ സാമൂഹ്യനീതി ഓഫീസിലേക്ക് കരാര്‍ അടിസ്ഥാനത്തില്‍ വാഹനം വാടകയ്ക്ക് എടുക്കുന്നതിന് വ്യക്തികള്‍/ സ്ഥാപനങ്ങളില്‍ നിന്നും മത്സരാധിഷ്ഠിത ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഡിസംബര്‍ 30 വൈകീട്ട് മൂന്ന് വരെ ജില്ലാ സാമൂഹ്യ നീതി ഓഫീസില്‍ സ്വീകരിക്കും. അന്നേദിവസം വൈകിട്ട് നാലിന് ക്വട്ടേഷനുകള്‍ തുറന്നു പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍: 04912505791

വനിത ശിശു വികസ വകുപ്പിന് കീഴിലുള്ള പട്ടാമ്പി അഡീഷണല്‍ ശിശു വികസന പദ്ധതി ഓഫീസിലേക്ക് ഒരു വര്‍ഷ കാലയളവില്‍ ഉപയോഗിക്കുന്നതിനായി ഏഴു വര്‍ഷത്തില്‍ താഴെ പഴക്കമുള്ള ടാക്സി പെര്‍മിറ്റ് ഉള്ള വാഹന ഉടമകളില്‍ നിന്ന് ടെന്‍ഡര്‍ ക്ഷണിച്ചു.  പൂരിപ്പിച്ച ടെന്‍ഡര്‍ ഫോമുകള്‍ ഡിസംബര്‍ 30 വൈകീട്ട് മൂന്ന് വരെ ഓഫീസില്‍ സ്വീകരിക്കും. ലഭിച്ച ടെന്‍ഡറുകള്‍ അന്നേ ദിവസം വൈകീട്ട് നാലിന് തുറക്കുമെന്നും പട്ടാമ്പി അഡീഷ്ണല്‍ ഐ സി ഡി എസ് ശിശു വികസന പദ്ധതി ഓഫീസര്‍ അറിയിച്ചു.  ഫോണ്‍: 8078165163.

അറ്റകുറ്റപ്പണികള്‍ നടക്കുന്നതിനാല്‍ പട്ടാമ്പി-പള്ളിപ്പുറം റെയില്‍വെ സ്റ്റേഷനുകള്‍ക്കിടയിലെ  ലെവല്‍ ക്രോസ് ഗേറ്റ് (ഗേറ്റ് നമ്പര്‍: 167 A)  ഡിസംബര്‍ 31ന് രാവിലെ ഒന്‍പത് മണി മുതല്‍ വൈകീട്ട് അഞ്ച് മണി വരെ അടച്ചിടുമെന്ന് ഷൊര്‍ണൂര്‍ സതേണ്‍ റെയില്‍വെ സീനിയര്‍ സെക്ഷന്‍ എഞ്ചിനീയര്‍ അറിയിച്ചു. ഇതു വഴിയുള്ള വാഹനങ്ങള്‍ പട്ടാമ്പി-വെള്ളിയാംകല്ല് പാലം-പള്ളിപ്പുറം റോഡ് വഴി തിരിഞ്ഞു പോകണം.