നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയിലെ ഒരുക്കങ്ങളും  ക്രമീകരണങ്ങളും വിലയിരുത്തുന്നതിനായി എത്തിച്ചേർന്ന കേന്ദ്ര തിരഞ്ഞെടുപ്പ് കമ്മീഷന്റെ ചെലവ് നിരീക്ഷകരെ കാക്കനാട് സിവിൽ സ്റ്റേഷനിൽ ജില്ലാ കളക്ടറും ജില്ലാ തിരഞ്ഞെടുപ്പ് ഓഫീസറുമായ ജി. പ്രിയങ്കയുടെ നേതൃത്വത്തിൽ സ്വീകരിച്ചു.  

​കേന്ദ്ര നിരീക്ഷകരായ നീരജ് കുമാർ, അങ്കിത കാർ, സാഹിൽ സേത്ത്, അജയ് കുമാർ ജാ എന്നിവരാണ് ജില്ലയിലെത്തി പ്രവർത്തനങ്ങൾ വിലയിരുത്തിയത്.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ ഒൻപത് മണ്ഡലങ്ങളിലെ  മാർച്ച് 18 വരെയുള്ള വോട്ടർമാരുടെ കണക്ക്. നിലവിൽ 1679791 വോട്ടര്‍മാരാണ് ജില്ലയിലുള്ളത്. 869534 സ്ത്രീകളും 810242 പുരുഷന്മാരും 15 ട്രാൻസ്ജെൻഡേഴ്‌സുമാണ്  പട്ടികയിലുള്ളത്. വിശദ വിവരങ്ങള്‍ നിയോജകമണ്ഡലം, പുരുഷന്‍, സ്ത്രീ, ട്രാൻസ്ജെൻഡർസ്, ആകെ എന്ന ക്രമത്തില്‍ ചുവടെ.

അരൂർ 
 പുരുഷൻ- 93778
 സ്ത്രീ - 97459 
 ട്രാൻസ്ജെൻഡർ - 0
 ആകെ -  191237

 ചേർത്തല 
 പുരുഷൻ- 99694
 സ്ത്രീ - 106034 
 ട്രാൻസ്ജെൻഡർ - 2
 ആകെ -  205730

നിയമസഭ തെരഞ്ഞെടുപ്പിനോടനുബന്ധിച്ച് ജില്ലയിലെ 16 നിയമസഭാ മണ്ഡലങ്ങളിലെയും തെരഞ്ഞെടുപ്പ് ഉദ്യോഗസ്ഥര്‍ക്ക് പരിശീലനം നല്‍കുന്ന മാസ്റ്റര്‍ ട്രെയിനര്‍മാര്‍ക്കുള്ള പരിശീലനം ജില്ലാ കളക്ടര്‍ വിനയ് ഗോയലിന്റെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ നടന്നു. 

വെള്ളമുണ്ട ഇലക്ട്രിക്കല്‍ സെക്ഷന്‍ പരിധിയിലെ കരിങ്ങാരി കപ്പേള, കരിങ്ങാരി പ്രദേശങ്ങളില്‍ ഇന്ന് (മാര്‍ച്ച് 17) രാവിലെ 8.30 മുതല്‍ വൈകിട്ട് 5.30 വരെ വൈദ്യുതി വിതരണം ഭാഗികമായി മുടങ്ങും.

നിയമസഭാ തെരഞ്ഞെടുപ്പുമായി ബന്ധപ്പെട്ട് നിയോഗിച്ച നിരീക്ഷകര്‍ മലപ്പുറം ജില്ലയിലെത്തി. കാലിക്കറ്റ് യൂണിവേഴ്‌സിറ്റി ഗസ്റ്റ് ഹൗസില്‍ എത്തിയ നിരീക്ഷകരെ ജില്ലാ കളക്ടര്‍ ഡോ. വിനയ് ഗോയല്‍, ജില്ലാ പൊലീസ് മേധാവി ചൈത്ര തെരേസ ജോണ്‍ എന്നിവര്‍ ചേര്‍ന്ന് സ്വീകരിച്ചു. വിവിധ നിയമസഭാ മണ്ഡലങ്ങളുടെ ചുമതലയുള്ള ഏഴ് നിരീക്ഷകരാണ് ഇന്ന് ജില്ലയില്‍ എത്തിയത്.

പൊതു നിരീക്ഷകരായ വിശേഷ് സാരംഗല്‍, എം.ബി. രാജേഷ് ഗൗഡ, ചെലവ് നിരീക്ഷകരായ അനൂപ് കുമാര്‍ വെര്‍മ, അനുരാഗ് ശ്രീവാസ്തവ, റാവുത്ത് മനീഷ് മഹേന്ദ്ര, വിദ്യാ നൂപുര്‍, പോലീസ് നിരീക്ഷകനായ ചന്ദ്രഗുപ്ത എന്നിവരാണ് ജില്ലയിലെത്തിയത്.

നിയമസഭാ പൊതുതെരഞ്ഞെടുപ്പിനോടനുബന്ധിച്ച് ലഘുലേഖകള്‍, പോസ്റ്ററുകള്‍ തുടങ്ങിയവ അച്ചടിക്കുന്നതിനും പ്രസിദ്ധീകരിക്കുന്നതിനും കര്‍ശന നിയന്ത്രണങ്ങള്‍ ഏര്‍പ്പെടുത്തി മലപ്പുറം ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ ഡോ. വിനയ് ഗോയല്‍ ഉത്തരവിട്ടു. 1951-ലെ ജനപ്രാതിനിധ്യ നിയമത്തിലെ സെക്ഷന്‍ 127 എ പ്രകാരമാണ് ഈ നടപടി. ഇതുമായി ബന്ധപ്പെട്ട് അച്ചടിശാല ഉടമകളുടെയും പ്രസാധകരുടെയും യോഗം ജില്ലാ കളക്ടറുടെ നേതൃത്വത്തില്‍ ചേംബറില്‍ ചേര്‍ന്നു.

അച്ചടി സ്ഥാപനങ്ങള്‍ പാലിക്കേണ്ട പ്രധാന നിര്‍ദ്ദേശങ്ങള്‍ താഴെ പറയുന്നവയാണ്:

വോട്ടര്‍ പട്ടികയില്‍ ഭിന്നശേഷിക്കാരായി രജിസ്റ്റര്‍ ചെയ്തവര്‍ക്കും 85 കഴിഞ്ഞ വയോജനങ്ങള്‍ക്കും വോട്ട് ചെയ്യുന്നതിനായി തെരഞ്ഞെടുപ്പ് കമ്മീഷന്‍ ആവിഷ്‌കരിച്ച മൊബൈല്‍ ആപ്ലിക്കേഷനായ ഈസിഐ നെറ്റ് വഴി രജിസ്റ്റര്‍ ചെയ്ത് വീല്‍ചെയര്‍, വാഹന സൗകര്യം എന്നിവ ആവശ്യപ്പെടാം. തെരഞ്ഞെടുപ്പില്‍ ഭിന്നശേഷിക്കാരുടെയും വയോജനങ്ങളുടെയും ട്രാന്‍സ്ജെന്‍ഡര്‍ വോട്ടര്‍മാരുടെയും മുഴുവന്‍ പങ്കാളിത്തം ഉറപ്പുവരുത്തുക എന്ന ലക്ഷ്യത്തോടെ മലപ്പുറം സ്വീപിന്റെ നേതൃത്വത്തിലാണ് ഇത്തരം പ്രവര്‍ത്തനങ്ങള്‍ നടത്തുന്നത്. തിരൂര്‍ സബ് കലക്ടര്‍ ദിലീപ് കെ. കൈനിക്കരക്കാണ് മലപ്പുറം സ്വീപിന്റെ ചുമതല.

നിയമസഭാ പൊതുതെരഞ്ഞെടുപ്പിനോടനുബന്ധിച്ച് മാതൃകാ പെരുമാറ്റച്ചട്ടം നിലനില്‍ക്കുന്നതിനാല്‍ ജില്ലയില്‍ സമാധാനാന്തരീക്ഷം ഉറപ്പാക്കുന്നതിനായി ആയുധങ്ങള്‍ കൈവശം വെക്കുന്നതിനും കൊണ്ടുനടക്കുന്നതിനും നിരോധനം ഏര്‍പ്പെടുത്തി ജില്ലാ മജിസ്ട്രേറ്റ് കൂടിയായ ജില്ലാ കളക്ടര്‍ ഡോ. വിനയ് ഗോയല്‍ ഉത്തരവായി. തെരഞ്ഞെടുപ്പ് പ്രക്രിയ സ്വതന്ത്രവും നിഷ്പക്ഷവുമായി നടത്തുന്നതിനും  സമാധാനം നിലനിര്‍ത്തുന്നതിനുമായി ബി.എന്‍.എസ്.എസ്. സെക്ഷന്‍ 163 പ്രകാരമാണ് ഈ ഉത്തരവ് പുറപ്പെടുവിച്ചിരിക്കുന്നത്.

നിയമസഭാ തെരഞ്ഞെടുപ്പിനോടനുബന്ധിച്ച് ജില്ലയിലെ സര്‍വീസ് സംഘടനകളുടെ യോഗം ജില്ലാ കളക്ടര്‍ ഡോ. വിനയ് ഗോയലിന്റെ നേതൃത്വത്തില്‍ ചേര്‍ന്നു. ജില്ലയില്‍ സുതാര്യമായ തെരഞ്ഞെടുപ്പ് പ്രക്രിയ ഉറപ്പുവരുത്തുന്നതിന് ജീവനക്കാരും സംഘടനകളും സഹകരിക്കണമെന്ന് അദ്ദേഹം അഭ്യര്‍ഥിച്ചു. നിയമസഭാ തെരഞ്ഞെടുപ്പിനോടനുബന്ധിച്ച് നിലവിലുള്ള മാതൃകാ പെരുമാറ്റച്ചട്ട ലംഘനം സംഘടനകളുടെയോ ജീവനക്കാരുടെയോ ഭാഗത്തുനിന്ന് ഉണ്ടാകരുതെന്ന് കളക്ടര്‍ പറഞ്ഞു.

നിയമസഭാതെരഞ്ഞെടുപ്പിനോടനുബന്ധിച്ച് ജില്ലയിലെ പ്രവര്‍ത്തനങ്ങള്‍ ഏകോപിപ്പിക്കുന്നതിനായി മലപ്പുറം ജില്ലാപഞ്ചായത്ത് കാര്യാലയത്തില്‍ കണ്‍ട്രോള്‍ റൂം സജ്ജീകരിച്ചു. പ്രവര്‍ത്തനം വിലയിരുത്തുന്നതിനായി ജില്ലാ കളക്ടര്‍ ഡോ. വിനയ് ഗോയല്‍ കണ്‍ട്രോള്‍ റൂം സന്ദര്‍ശിച്ചു. സി-വിജില്‍, വെബ്കാസ്റ്റിംഗ്, കൂടാതെ എന്‍ക്വയറി, ഹെല്‍പ് ഡെസ്‌ക്,  പരാതിപരിഹാര കണ്‍ട്രോള്‍ റൂം എന്നിവയടങ്ങുന്ന ജനറല്‍ കണ്‍ട്രോള്‍ റൂമാണ് സജ്ജീകരിച്ചിരിക്കുന്നത്. ഓരോ കണ്‍ട്രോള്‍ റൂമിനും 24 മണിക്കൂര്‍ പ്രവര്‍ത്തിക്കുന്ന മൂന്ന് ടീമുകളെയാണ് നിയമിച്ചിട്ടുള്ളത്.