മലപ്പുറം - പരപ്പനങ്ങാടി റോഡില്‍ വേങ്ങര പത്ത്മുച്ചി ഭാഗത്ത് നവീകരണ പ്രവൃത്തികള്‍ നടക്കുന്നതിനാല്‍ മേയ് 25  മുതല്‍ പ്രവൃത്തി പൂര്‍ത്തിയാകുന്നത് വരെ വേങ്ങര - കച്ചേരിപ്പടി  -  കൂരിയാടിന് ഇടയില്‍ ഗതാഗതം നിരോധിച്ചു. വാഹനങ്ങള്‍  വേങ്ങര - കച്ചേരിപ്പടി - പുത്തനങ്ങാടി  റോഡ് വഴി വേങ്ങര - കൂരിയാട് റോഡിലേക്ക് പ്രവേശിച്ച് കൂരിയാട്ടേക്ക് തിരിഞ്ഞു പോകണം.

മൃഗസംരക്ഷണവകുപ്പ് മുഖേന മലപ്പുറം ജില്ലയില്‍ നടപ്പിലാക്കി വരുന്ന രാത്രികാല അടിയന്തിര മൃഗചികിത്സാ സേവനപദ്ധതിയുടെ ഭാഗമായ നൈറ്റ് വെറ്റ് /മൊബൈല്‍ വെറ്ററിനറി യൂണിറ്റ് നിലവിലുള്ളതും വാരാനിരിക്കുന്നതുമായ ഒഴിവിലേക്ക് വെറ്ററിനറി സര്‍ജന്‍മാരെ നിയമിക്കുന്നതിനുള്ള അഭിമുഖം മേയ് 29ന് രാവിലെ 11ന് നടക്കും.  89 ദിവസത്തേക്ക് കരാര്‍ അടിസ്ഥാനത്തിലാണ് നിയമനം.  വെറ്ററിനറി സര്‍ജന്‍മാര്‍ ബി.വി.എസ്.സി (എ.എച്ച് ) യോഗ്യതയും വെറ്ററിനറി കൗണ്‍സില്‍ രജിസ്‌ട്രേഷനും ഉള്ളവരായിരിക്കണം.

സ്റ്റേറ്റ് റിസോഴ്സ് സെന്ററിന്റെ കീഴിലെ എസ്.ആര്‍.സി കമ്മ്യൂണിറ്റി കോളേജില്‍ ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍&എയര്‍പോര്‍ട്ട് മാനേജ്‌മെന്റിന് (ഡി.എ.എം) പ്രോഗ്രാമിലേക്ക് പ്ലസ്ടു/ തത്തുല്യ യോഗ്യതയുള്ളവര്‍ക്ക് അപേക്ഷിക്കാം. അപേക്ഷാ ഫോമും പ്രോസ്‌പെക്ടസും തിരുവനന്തപുരത്ത് നന്ദാവനം പോലീസ് ക്യാമ്പിനു സമീപത്തെ എസ്.ആര്‍.സി ഓഫീസില്‍ ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി.ഒ., തിരുവനന്തപുരം-33. താത്പര്യമുള്ളവര്‍ https://app.srccc.in/register എന്ന ലിങ്കില്‍ അപേക്ഷിക്കാം.

കേരള സ്റ്റേറ്റ് ഇലക്ട്രിസിറ്റി   ലൈസന്‍സിങ് ബോര്‍ഡ് നടത്തുന്ന ഇലക്ട്രിക്കല്‍ വയര്‍മാന്‍ എഴുത്തു പരീക്ഷ ജൂണ്‍ 13 ന് നടക്കും. മലപ്പുറം ജില്ലയിലെ എഴുത്തു പരീക്ഷ  കോട്ടപ്പടി ഗവ. ഗേള്‍സ്  ഹയര്‍സെക്കന്‍ഡറി സ്‌കൂളില്‍ നടക്കും. പരീക്ഷക്കുള്ള ഹാള്‍ ടിക്കറ്റ് വകുപ്പിന്റെ https://samraksha.ceikerala.gov.in എന്ന വെബ് സൈറ്റില്‍ നിന്നും ജൂണ്‍ ആറു മുതല്‍ ഡൗണ്‍ലോഡ് ചെയ്യാം. ഹാള്‍ടിക്കറ്റില്‍ സൂചിപ്പിച്ചിരിക്കുന്ന സമയത്തിന് 30 മിനിറ്റ് മുന്‍പ് പരീക്ഷാര്‍ത്ഥികള്‍ എത്തണം. പരീക്ഷക്ക് കാല്‍ക്കുലേറ്റര്‍ ഉപയോഗിക്കാം (സയന്റിഫിക് കാല്‍കുലേറ്റര്‍ അനുവദീനയമല്ല).

പുതിയ അധ്യയന വര്‍ഷം ആരംഭിക്കുന്നതിന്റെ ഭാഗമായി ജില്ലയിലെ വിദ്യാര്‍ഥികളുടെ ബസ് യാത്രയുമായി ബന്ധപ്പെട്ട പ്രശ്നങ്ങള്‍ ചര്‍ച്ച ചെയ്യുന്നതിനും പരിഹാര മാര്‍ഗങ്ങള്‍ രൂപീകരിക്കുന്നതിനുമായി സ്റ്റുഡന്റ്സ് ട്രാവലിങ് ഫെസിലിറ്റി കമ്മറ്റി യോഗം ഇന്ന് (തിങ്കൾ) കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്നു. എ.ഡി.എം. സി.എസ്. രാജേഷ്, റീജിയണല്‍ ട്രാന്‍സ്‌പോര്‍ട്ട് ഓഫീസര്‍ വി. ജോയി, ഡി.വൈ.എസ്.പി പ്രകാശന്‍ പടന്നയില്‍ എന്നിവര്‍ നേതൃത്വം നല്‍കി.

വിദ്യാര്‍ഥി സംഘര്‍ഷങ്ങള്‍ ലഘൂകരിക്കാന്‍ ബസ് തൊഴിലാളി സംഘടനകളെ ഉള്‍പ്പെടുത്തി 

ജില്ലയിലെ എല്ലാ വിദ്യാലയങ്ങൾക്കും ഫിറ്റ്നസ് സർട്ടിഫിക്കറ്റ് ഉറപ്പാക്കുന്ന നടപടി വേഗത്തിലാക്കാനും സ്കൂൾ തുറക്കൽ മുന്നൊരുക്കങ്ങൾ സമയബന്ധിതമായി പൂർത്തിയാക്കാനും ജില്ലാ കളക്ടർ ഷാജി വി നായർ നിർദ്ദേശിച്ചു.

പുതിയ അധ്യയന വർഷാരംഭത്തിന് മുന്നോടിയായി ജില്ലയിലെ സ്കൂളുകളുടെ സുരക്ഷയും മുന്നൊരുക്കങ്ങളും വിലയിരുത്തുന്നതിനായി കളക്ടറേറ്റിൽ വിവിധ വകുപ്പുകളുടെ  യോഗത്തിൽ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.

മെഡിക്കല്‍ കോളേജ് ഗേറ്റ് മുതല്‍ യാക്കര പുഴ വരെയുള്ള ഡ്രൈനേജ് പവൃത്തി നടക്കുന്നതിനാല്‍ പുഴയോട് ചേര്‍ന്നുള്ള മുന്‍സിപ്പാലിറ്റി റോഡ്(ശ്മാശനം റോഡ്) ഗതാഗതം ഇന്ന് (മെയ് 26)മുതല്‍ 30 വരെ പൂര്‍ണമായും നിരോധിക്കും. പകരം മണപ്പുള്ളിക്കാവ്- വാഴടവ് റോഡ് (മിലിട്ടറി കാന്റീന്‍ റോഡ്) വഴി വാഹനങ്ങള്‍ തിരിഞ്ഞുപോകണമെന്ന് അസി. എഞ്ചിനീയര്‍ അറിയിച്ചു.

തിരുവനന്തപുരം സ്വദേശിയും പാലക്കാട് വെസ്റ്റ് യാക്കര നിവാസിയും ആയുര്‍വേദ ഡോക്ടര്‍ ഗോപാലകൃഷ്ണ ആര്‍ (61 വയസ്സ് s/o രാമകൃഷ്ണന്‍, പൗര്‍ണമി എകെജി