നിയമസഭാ തിരഞ്ഞെടുപ്പ് കവറേജിനുള്ള തിരഞ്ഞെടുപ്പ് കമ്മീഷന്റെ പാസിനു വേണ്ടി ജില്ലയിലെ അക്രഡിറ്റഡ് പത്ര -ദൃശ്യ മാധ്യമപ്രവര്‍ത്തകര്‍ക്ക് അപേക്ഷിക്കാം. പേര്, തസ്തിക, സ്ഥാപനം, ഫോണ്‍ നമ്പര്‍, ഫോട്ടോ എന്നീ വിവരങ്ങള്‍ ഉള്‍പ്പെടുന്ന അപേക്ഷ  സ്ഥാപനമേധാവി  (പത്ര യൂണിറ്റാണെങ്കില്‍ യൂണിറ്റ് ഹെഡ്, ബ്യൂറോ ആണെങ്കില്‍ ബ്യൂറോ ചീഫ്) സാക്ഷ്യപ്പെടുത്തിയ കത്ത് സഹിതമാണ്  സമര്‍പ്പിക്കേണ്ടത്. പല മാധ്യമ സ്ഥാപനങ്ങളിലും അക്രഡിറ്റേഷന്‍ ഉള്ളവരുടെ എണ്ണം കുറവായതിനാല്‍ പിആര്‍ഡി യുടെ മീഡിയ ലിസ്റ്റില്‍ ഉള്‍പ്പെട്ടവര്‍ക്കും പാസ് അനുവദിക്കും.

നിയമസഭാ തിരഞ്ഞെടുപ്പിനോടനുബന്ധിച്ച് കാട്ടാക്കട, പാറശാല, നെയ്യാറ്റിൻകര നിയമസഭാ മണ്ഡലങ്ങളിലെ തിരഞ്ഞെടുപ്പ് സംബന്ധമായ പരാതികളുമായി ബന്ധപ്പെട്ട് പൊതുജനങ്ങൾക്ക് തിരഞ്ഞെടുപ്പ് പൊതുനിരീക്ഷകനായ ഗോപാൽ മീണ ഐഎഎസിനെ നേരിൽ കാണാവുന്നതാണ്. കോവളം ഗസ്റ്റ് ഹൗസിലെ 101-ാം നമ്പർ മുറിയിൽ ഇന്ന് (20.03.2026) രാവിലെ 9 മുതൽ 11വരെയാണ് സന്ദർശന സമയം. ഫോൺ: 8075983221

വോട്ടിംഗുമായി ബന്ധപ്പെട്ട ബോധവത്കരണപ്രവർത്തനങ്ങൾ ശക്തിപ്പെടുത്തുന്ന പ്രവര്‍ത്തനങ്ങളുടെ ഭാഗമായി സ്വീപ് തിരുവനന്തപുരം ലോഗോ ജില്ലാ കളക്ടര്‍ അനു കുമാരി പ്രകാശനം ചെയ്തു.
തിരുവനന്തപുരം കളക്ടറേറ്റില്‍ ആരംഭിച്ച മീഡിയ  മോണിറ്ററിംഗ് സെന്ററിൽ നടന്ന ലോഗോ പ്രകാശന ചടങ്ങില്‍ അസിസ്റ്റന്റ് കളക്ടര്‍ ഡോ.ശിവശക്തിവേല്‍.സി
 സ്വീപ് തിരുവനന്തപുരം അംഗങ്ങളായ ഷീജ വി.വി, രഞ്ജിത് ഡി, ബിനുകുമാര്‍ എ. എല്‍ തുടങ്ങിയവര്‍ പങ്കെടുത്തു.

നിയമസഭാ തിരഞ്ഞെടുപ്പിന്റെ ഭാഗമായി ജില്ലാതല കൺട്രോൾ  റൂമും വോട്ടര്‍ ഹെല്‍പ്പ്ലൈന്‍ സ ർവീസും   കുടപ്പനക്കുന്ന് സിവില്‍ സ്റ്റേഷനിലെ ആറാം നിലയില്‍ പ്രവര്‍ത്തനം ആരംഭിച്ചു. നിയമസഭാ തിരഞ്ഞെടുപ്പുമായി ബന്ധപ്പെട്ട വിഷയങ്ങളില്‍ പൊതുജനങ്ങള്‍ക്ക് 18004250242 എന്ന ടോള്‍ ഫ്രീ നമ്പറില്‍ ബന്ധപ്പെടാവുന്നതാണ്.  കൺട്രോൾ  റൂമില്‍ പൊതുജനങ്ങള്‍ക്ക് നേരിട്ടും പരാതികൾ നൽകാം .

ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ  ആരോഗ്യപ്രശ്നങ്ങൾക്ക് കാരണമാകും. ആയതിനാൽ പൊതുജനങ്ങൾ താഴെ പറയുന്ന നിർദേശങ്ങൾ പാലിക്കേണ്ടതാണ്.

* പകൽ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക.

* ദാഹമില്ലെങ്കിലും വെള്ളം കുടിക്കുന്നത് തുടരുക. പരമാവധി ശുദ്ധജലം കുടിക്കുക. 

* നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക.

* അയഞ്ഞ, ഇളം നിറത്തിലുള്ള കോട്ടൺ വസ്ത്രങ്ങള്‍ ധരിക്കുക.

നിയമസഭാ തിരഞ്ഞെടുപ്പിനോടനുബന്ധിച്ച് കാട്ടാക്കട, പാറശാല, നെയ്യാറ്റിൻകര നിയമസഭാ മണ്ഡലങ്ങളിലെ തിരഞ്ഞെടുപ്പ് നടത്തിപ്പുമായി ബന്ധപ്പെട്ട പരാതികൾ ബോധിപ്പിക്കുന്നതിനായി പൊതുജനങ്ങൾക്ക് തിരഞ്ഞെടുപ്പ് പൊതുനിരീക്ഷകനായ ഗോപാൽ മീണ ഐഎഎസിനെ നേരിൽ കാണാവുന്നതാണ്. കോവളം ഗസ്റ്റ് ഹൗസിലെ 101-ാം നമ്പർ മുറിയിൽ രാവിലെ എട്ടു മുതൽ പത്ത് മണി വരെയാണ് സന്ദർശന സമയം. ഫോൺ: 8075983221

പൊതുതിരഞ്ഞെടുപ്പിന്റെ ഭാഗമായി പോലീസിന്റെ ഭാഗത്തുനിന്നുള്ള എല്ലാ മുന്നൊരുക്കങ്ങളും ജില്ലയില്‍ പൂര്‍ത്തിയായിവരുന്നതായി സിറ്റി പോലീസ് കമ്മീഷണര്‍ കെ.കാര്‍ത്തിക് യോഗത്തില്‍ അറിയിച്ചു.  തിരഞ്ഞെടുപ്പ് ബോധവത്ക്കരണം സംബന്ധിച്ച് പോലീസ് ഉദ്യോഗസ്ഥര്‍ക്കുള്ള പരിശീലനവും പൂര്‍ത്തിയായി. സോഷ്യല്‍ മീഡിയ മോണിറ്ററിംഗിനായി ഡിസിപി, എസിപി റാങ്കിലുള്ള ഉദ്യോഗസ്ഥരെ നോഡല്‍ ഓഫീസര്‍മാരായി നിയമിച്ചതായും കമ്മീഷണര്‍ അറിയിച്ചു.  

നിയമസഭാ തിരഞ്ഞെടുപ്പിനുള്ള സ്ഥാനാർത്ഥികളുടെ  നോമിനേഷൻ  ഫോമുകൾ എല്ലാ റിട്ടേണിംഗ് ഓഫീസർ മാരുടെയും എ ആർ ഓമാരുടെയും ഓഫീസുകളിൽ ലഭ്യമാണെന്ന് ജില്ലാ തിരഞ്ഞെടുപ്പ് ഓഫീസറും  കളക്ടറുമായ  അനു കുമാരി അറിയിച്ചു.
സ്ഥാനാർത്ഥികൾക്കും രാഷ്ട്രീയപാർട്ടി പ്രതിനിധികൾക്കും ബന്ധപ്പെട്ട ഓഫീസു കളിൽ നിന്ന് അവ ലഭിക്കുമെന്നും കളക്ടർ അറിയിച്ചു.

നിയമസഭാ പൊതുതിരഞ്ഞെടുപ്പുമായി ബന്ധപ്പെട്ട് തിരുവനന്തപുരം ജില്ലയിൽ തിരഞ്ഞെടുപ്പ് നിരീക്ഷകർ ചുമതലയേറ്റു. നാല് ജനറൽ ഒബ്സർവർമാരും നാല് എക്സ്പെൻഡിച്ചർ ഒബ്സർവർമാരും ഒരു പോലീസ് ഒബ്സർവറുമാണ് ജില്ലയിൽ ഉള്ളത്.

വർക്കല, ആറ്റിങ്ങൽ, ചിറയിൻകീഴ്, കഴക്കൂട്ടം മണ്ഡലങ്ങളിൽ ആഷിഷ് ജോഷി ഐഎഎസ് (ഫോൺ- 8848313957) ആണ് ജനറൽ ഒസ്ബസർവർ. വർക്കല ബ്ലോക്ക് പഞ്ചായത്ത് ഓഫീസ് ഹാളിൽ എല്ലാ ദിവസവും രാവിലെ 10.30 മുതൽ 11.30 വരെ ആഷിഷ് ജോഷി ഐഎഎസിന്റെ നേതൃത്വത്തിൽ പബ്ലിക് ഹിയറിംഗ് നടത്തും. വർക്കല ഗസ്റ്റ് ഹൗസിലാണ്  ഓഫീസ് പ്രവർത്തിക്കുന്നത്.

സംസ്ഥാന പോലീസ് കംപ്ലയിന്റ് അതോറിറ്റിയില്‍ കോണ്‍ഫിഡന്‍ഷ്യല്‍ അസിസ്റ്റന്റ് തസ്തികയില്‍ ദിവസ വേതനാടിസ്ഥാനത്തിൽ മാര്‍ച്ച് 25, 26 തീയതികളില്‍ നടത്തുവാന്‍ നിശ്ചയിച്ചിരുന്ന അഭിമുഖം തെരഞ്ഞെടുപ്പ് പെരുമാറ്റചട്ടം നിലവില്‍ വന്ന സാഹചര്യത്തില്‍ മാറ്റി വെച്ചതായി അധികൃതര്‍ അറിയിച്ചു. പുതുക്കിയ തീയതി പിന്നീട് അറിയിക്കും.