തൃശ്ശൂര്‍ ജില്ലയില്‍ തദ്ദേശ സ്വയംഭരണ വകുപ്പില്‍ ഫാര്‍മസിസ്റ്റ് (മോഡേണ്‍ മെഡിസിന്‍) കാറ്റഗറി നം. 029/25 തസ്തികയിലേക്ക് 2026 മാര്‍ച്ച് 26 ന് പ്രസിദ്ധീകരിച്ച 05/2026/ഡിഒആര്‍ നമ്പര്‍ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്കുള്ള അഭിമുഖം ജൂലൈ 15, 16, 24 തിയ്യതികളില്‍ കേരള പബ്ലിക് സര്‍വ്വീസ് കമ്മീഷന്‍, തൃശ്ശൂര്‍ ജില്ലാ ഓഫീസില്‍ നടക്കും. ഉദ്യോഗാര്‍ത്ഥികള്‍ക്കുള്ള എസ്എംഎസ്, പ്രൊഫൈല്‍ മെസ്സേജ് എന്നിവ നല്‍കിയിട്ടുണ്ട്. ഉദ്യോഗാര്‍ത്ഥികള്‍ അഡ്മിഷന്‍ ടിക്കറ്റ് ഡൗണ്‍ലോഡ് ചെയ്ത് നിശ്ചിത സ്ഥലത്തും സമയത്തും ഹാജരാകേണ്ടതാണെന്ന് കേരള പബ്ലിക് സര്‍വ്വീസ് കമ്മീഷന്‍ ജില്ലാ ഓഫീസര്‍ അറിയിച്ചു.

പൊതുവിദ്യാഭ്യാസ വകുപ്പിന് കീഴില്‍ കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്നോളജി ഫോര്‍ എഡ്യൂക്കേഷന്‍ (കൈറ്റ്) സംസ്ഥാനത്തെ വിദ്യാലയങ്ങളില്‍ നടപ്പാക്കുന്ന 'ലിറ്റില്‍ കൈറ്റ്സ്' ഐടി ക്ലബ്ബുകളുടെ 2026 വര്‍ഷത്തെ സംസ്ഥാന-ജില്ലാതല അവാര്‍ഡുകള്‍ പ്രഖ്യാപിച്ചു. മാത എച്ച്.എസ്. മണ്ണംപേട്ട സ്‌കൂള്‍ ജില്ലാ തലത്തില്‍ ഒന്നാം സ്ഥാനം നേടി. എസ്.എച്ച്.സി.ജി.എച്ച്.എസ്.എസ്. ചാലക്കുടി, എസ്.സി.ജി.എച്ച്.എസ്.എസ് കോട്ടക്കല്‍ മാള എന്നീ വിദ്യാലയങ്ങള്‍ ജില്ലാ തലത്തില്‍ യഥാക്രമം രണ്ടും മൂന്നും സ്ഥാനങ്ങള്‍ നേടി.

പാറളം ഗ്രാമപഞ്ചായത്തിലെ 4, 16 വാര്‍ഡുകളിലേക്ക് ആശ പ്രവര്‍ത്തകരെ തിരഞ്ഞെടുക്കുന്നു. വിവാഹിതരും 25 നും 45 നും ഇടയില്‍ പ്രായമുള്ളവരും മിനിമം പത്താം ക്ലാസ് വിദ്യാഭ്യാസ യോഗ്യതയുള്ളവരും പാറളം പഞ്ചായത്തിലെ സ്ഥിരതാമസക്കാരുമായ വനിതകളില്‍ നിന്നും അപേക്ഷ ക്ഷണിച്ചു. ഉദ്യോഗാര്‍ത്ഥികള്‍ അവരുടെ വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റ്, ആധാര്‍/ ഐഡി കാര്‍ഡ്, റേഷന്‍ കാര്‍ഡ്, ജാതി സര്‍ട്ടിഫിക്കറ്റ് (പട്ടികജാതി, പട്ടികവര്‍ഗ്ഗ വിഭാഗക്കാര്‍) എന്നിവയുടെ ഒറിജിനല്‍ സഹിതം ജൂലൈ 21 ന് രാവിലെ 11 ന് പാറളം കുടുംബാരോഗ്യ കേന്ദ്രത്തില്‍ ഇന്റര്‍വ്യൂവിനായി എത്തിച്ചേരണം.  

കെല്‍ട്രോണിന്റെ ഒരു വര്‍ഷത്തെയും 4 മാസത്തേയും ഡിസൈനിംഗ് കോഴ്‌സുകളായ ആര്‍ക്കിടെക്ച്ചര്‍ ഡിസൈന്‍, ഇന്റീരിയര്‍ ഡിസൈന്‍, അഡ്വര്‍ടൈസിംഗ് ഗ്രാഫിക് ഡിസൈന്‍ കോഴ്‌സുകളിലേക്ക് സ്‌പോട്ട് അഡ്മിഷന്‍ ആരംഭിച്ചു. എസ്എസ്എല്‍സി, പ്ലസ്ടു, ഐടിഐ, ഐടിസി, ഡിഗ്രി, ബി ടെക് കഴിഞ്ഞവര്‍ക്ക് അപേക്ഷിക്കാം. അവസാന തീയതി ജൂലൈ 31. കൂടുതല്‍ വിവരങ്ങള്‍ക്കായി ഫോണ്‍: 9895415653, 04872429000.
 

തൃശ്ശൂര്‍ ജില്ലാ വിദ്യാഭ്യാസ പരിശീലനകേന്ദ്രം (ഡയറ്റ്, രാമവര്‍മപുരം) കോമ്പൗണ്ടില്‍ ജീവനും കെട്ടിടങ്ങള്‍ക്കും ഭീഷണിയായി അപകടാവസ്ഥയില്‍ നില്‍ക്കുന്ന മരങ്ങളുടെ ശിഖരങ്ങള്‍ മുറിച്ച് നീക്കം ചെയ്യുന്നതിന് ക്വട്ടേഷന്‍ ക്ഷണിച്ചു. ജൂലൈ 17 ന് ഉച്ചതിരിഞ്ഞ് 3 ന് മുന്‍പായി ക്വട്ടേഷന്‍ സമര്‍പ്പിക്കണം.