ഇത്തിക്കര ബ്ലോക്ക് പഞ്ചായത്തില്‍ ആരംഭിച്ച  ജനസേവന കേന്ദ്രത്തിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് സുശീലാദേവി നിര്‍വഹിച്ചു. വൈസ് പ്രസിഡന്റ് അഡ്വ കെ ജയന്‍ അധ്യക്ഷനായി. ക്ഷേമകാര്യ സ്റ്റാന്‍ഡിംഗ് കമ്മിറ്റി അധ്യക്ഷന്‍ ജി ബിജു, ബ്ലോക്ക് പഞ്ചായത്ത് അംഗം ജി ബിന്ദു, ജനപ്രതിനിധികള്‍, ഉദ്യോഗസ്ഥര്‍, തുടങ്ങിയവര്‍ പങ്കെടുത്തു.
 

ജില്ലയില്‍ നടപ്പാക്കുന്ന കേന്ദ്രാവിഷ്‌കൃതപദ്ധതികള്‍ സമയബന്ധിതമായി പൂര്‍ത്തിയാക്കാന്‍ ജില്ലാതല കോ-ഓര്‍ഡിനേഷന്‍ ആന്‍ഡ് മോണിട്ടറിംഗ് സമിതി (ദിശ) അവലോകന യോഗത്തില്‍ നിര്‍ദ്ദേശം. 47 പദ്ധതികളുടെ പുരോഗതി യോഗം വിലയിരുത്തി.
സ്‌കൂള്‍ തുറക്കുന്നതിന് മുന്നോടിയായി ഉച്ചഭക്ഷണ വിതരണത്തിനുള്ള പാചകവാതകസിലിണ്ടറുകളുടെ ലഭ്യത ഉറപ്പാക്കാനും ആവശ്യമെങ്കില്‍ ബദല്‍ മാര്‍ഗങ്ങള്‍ തേടാനും നിര്‍ദേശിച്ചു. ദേശീയ ആരോഗ്യദൗത്യം, അമൃത് തുടങ്ങിയ പദ്ധതികളുടെ വിശദവിശകലനത്തിനായി ഉദ്യോഗസ്ഥരുടെയും ജനപ്രതിനിധികളുടെയും സാന്നിധ്യത്തില്‍ അടിയന്തര യോഗം ചേരുന്നതിനും തീരുമാനിച്ചു.

ഒറ്റപ്പാലം താലൂക്ക് ആശുപത്രിയില്‍ കിടക്ക, തലയിണ, മേശ തുടങ്ങിയവ റെക്ഷിന്‍ കവറിങ് പ്രവൃത്തികള്‍ ചെയ്യുന്നതിന് ടെന്‍ഡര്‍ ക്ഷണിച്ചു. നിരതദ്രവ്യം- 1750 രൂപ. ജൂണ്‍ അഞ്ച് രാവിലെ 11 വരെ സ്വീകരിക്കും. ഫോണ്‍: 0466 2344053.

പാലക്കാട് ഗവ. മെഡിക്കല്‍ കോളജിലെ ബയോ കെമിസ്ട്രി വിഭാഗം സര്‍വീസ് ലാബില്‍ അഗാപ്പെ മെഷീന്റെ അനുബന്ധ ഉപകരണങ്ങള്‍ വിതരണം ചെയ്യുന്നതിനും പാത്തോളജി വിഭാഗത്തിലെ സര്‍വീസ് ലാബിലേക്കാവശ്യമായ ഹെമടോളജി അനലൈസര്‍ വിതരണം ചെയ്യുന്നതിനും ക്വട്ടേഷന്‍ ക്ഷണിച്ചു. ക്വട്ടേഷനുകള്‍ യഥാക്രമം ജൂണ്‍ നാലിനും ജൂണ്‍ ഒന്നിനും ഉച്ചയ്ക്ക് രണ്ടിനകം സമര്‍പ്പിക്കണം. ഫോണ്‍: 0491 2974125.

പാലക്കാട് ഗവ. ടെക്‌നിക്കല്‍ ഹൈസ്‌കൂളില്‍ ഉണങ്ങി ദ്രവിച്ച വേപ്പ് മരം ജൂണ്‍ ആറ് രാവിലെ 11 ന് ലേലം ചെയ്യുന്നു. നിരതദ്രവ്യം 300 രൂപ. ഫോണ്‍: 0491 2572038, 9400006485.

ശ്രീകൃഷ്ണപുരം സര്‍ക്കാര്‍ എന്‍ജിനീയറിങ് കോളജില്‍ ഇലക്ട്രോണിക്സ് ആന്‍ഡ് കമ്മ്യൂണിക്കേഷന്‍ എന്‍ജിനീയറിങ് വിഭാഗത്തിലേക്ക് ഡിജിറ്റല്‍ ഐസി ട്രെയിനര്‍ കിറ്റ്, മൈക്രോ കണ്‍ട്രോളര്‍ ട്രെയിനര്‍ കിറ്റ് വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. യഥാക്രമം ജൂണ്‍ നാല്, ആറ് തീയതികളില്‍ വൈകീട്ട് മൂന്ന് വരെ സ്വീകരിക്കും. വിവരങ്ങള്‍ www.gecskp.ac.in ല്‍ ലഭിക്കും. ഫോണ്‍: 0466 2260565.

കുമരനെല്ലൂരിലെ ആണ്‍കുട്ടികളുടെ ഗവ. പ്രീ മെട്രിക് ഹോസ്റ്റലിലേക്ക് ട്യൂട്ടര്‍, മേട്രണ്‍ കം റസിഡന്റ് ട്യൂട്ടര്‍ നിയമനത്തിന് അപേക്ഷ ക്ഷണിച്ചു. ഹൈസ്‌കൂള്‍ വിഭാഗത്തില്‍ ഫിസിക്കല്‍ സയന്‍സ്, സോഷ്യല്‍ സയന്‍സ്, നാച്ചുറല്‍ സയന്‍സ്, ഇംഗ്ലീഷ്, ഹിന്ദി, കണക്ക് എന്നീ വിഷയങ്ങളിലും യു.പി വിഭാഗത്തില്‍ ഒരു ട്യൂട്ടറെയുമാണ് നിയമിക്കുക. യോഗ്യത-ബി.എഡ്. ഇവരുടെ അഭാവത്തില്‍ ടി.ടി.സി ഉള്ളവരെ പരിഗണിക്കും. അപേക്ഷയും വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ സഹിതം ജൂണ്‍ മൂന്ന് വൈകീട്ട് അഞ്ചിനകം തൃത്താല ബ്ലോക്ക് പട്ടികജാതി വികസന ഓഫീസില്‍ ലഭ്യമാക്കണം. ഫോണ്‍: 9446723714, 8547630121.

സംസ്ഥാന അസംഘടിത തൊഴിലാളി സാമൂഹിക സുരക്ഷാ പദ്ധതിയിലെ അംഗങ്ങളുടെ മക്കളില്‍ പത്താം ക്ലാസില്‍ മുഴുവന്‍ എ പ്ലസ് നേടിയ വിദ്യാര്‍ഥികള്‍ക്ക് ക്യാഷ് അവാര്‍ഡ് ലഭിക്കുന്നതിന് അപേക്ഷ ക്ഷണിച്ചു. അവസാന തീയതി ജൂണ്‍ 15. ഓണ്‍ലൈന്‍ അപേക്ഷകള്‍ ഓഫീസില്‍ ലഭ്യമാക്കണമെന്നും ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍: 0491 2505358.

ചിറ്റൂര്‍, ആലത്തൂര്‍ താലൂക്കുകളില്‍ വിവിധ ക്ഷേത്രങ്ങളില്‍ ട്രസ്റ്റിമാരെ നിയമിക്കുന്നു. പല്ലശ്ശന ശ്രീ പുത്തന്‍കാവ് ഭഗവതി ക്ഷേത്രത്തിലും കണ്ണമ്പ്ര ശ്രീ ഋഷിനാരദമംഗലം ക്ഷേത്രത്തിലുമാണ് ഒഴിവുള്ളത്. കണ്ണമ്പ്ര ക്ഷേത്രത്തിലേക്കുള്ള അപേക്ഷ മെയ് 30നും പല്ലശ്ശന ക്ഷേത്രത്തിലേക്കുള്ള അപേക്ഷകള്‍ ജൂണ്‍ 10നും വൈകീട്ട് അഞ്ചിന് മുന്‍പായി ലഭ്യമാക്കണം. പാലക്കാട് അസി. കമ്മീഷണറുടെ ഓഫീസിലും www.malabardevaswom.kerala.gov.in ലും അപേക്ഷ ലഭിക്കും. ഫോണ്‍: 0491 2505777.