നിയമസഭാ  തിരഞ്ഞെടുപ്പിനോടനുബന്ധിച്ച്  ജില്ലാ തിരഞ്ഞെടുപ്പ് ഓഫീസറും ജില്ലാ കളക്ടറുമായ അനു കുമാരി ചെയർപേഴ്‌സണും ജില്ലാ ഇൻഫർമേഷൻ ഓഫീസർ എസ് ബീനാമോൾ മെമ്പർ സെക്രട്ടറിയുമായി ജില്ലാതല മീഡിയ സർട്ടിഫിക്കേഷൻ ആൻഡ് മോണിറ്ററിങ് കമ്മിറ്റി (എം സി എം സി) രൂപീകരിച്ചു.
നിർമ്മൽ കുമാർ ജി (അഡീഷണൽ ഡിസ്ട്രിക്ട് മജിസ്‌ട്രേറ്റ്), അഭിജിത്ത് പി എസ് ( ജില്ലാ പ്രോജക്ട് മാനേജർ, കെ എസ് ഐ ടി എം), അനൂപ് സാഗർ ( അസിസ്റ്റന്റ് ഡയറക്ടർ, റീജിയണൽ യൂണിറ്റ്, ദൂരദർശൻ)  എം ബി സന്തോഷ്( റിട്ട. മാധ്യമപ്രവർത്തകൻ)  എന്നിവരാണ് സമിതിയിലെ മറ്റ് അംഗങ്ങൾ.

2025 ഒക്ടോബർ 16, 17, 2026 ഫെബ്രുവരി 19, 20 തീയതികളിൽ തിരുവനന്തപുരം / കോഴിക്കോട് / താമരശ്ശേരി കേന്ദ്രങ്ങളിൽ വച്ച് നടത്തിയ ചെയിൻ സർവേ ലോവർ (മൂന്നു മാസം) പരീക്ഷാഫലം പ്രസിദ്ധപ്പെടുത്തി.

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്‌സിൽ എം.ബി.എ. (ട്രാവൽ ആന്റ് ടൂറിസം) 2026-28 ബാച്ചിലേക്ക് ഓൺലൈനായി അപേക്ഷിക്കാം.

നോർക്ക ഇൻസ്റ്റിറ്റ്യൂട്ട് ഓഫ് ഫോറിൻ ലാംഗ്വേജസിന്റെ (എൻ.ഐ.എഫ്.എൽ) തിരുവനന്തപുരം സെന്ററിൽ ഏപ്രിലിൽ ആരംഭിക്കുന്ന IELTS ഓഫ്‌ലൈൻ ബാച്ചുകളിലേയ്ക്ക് (ലിസണിംഗ്, 

തിരുവനന്തപുരം കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മ) എം.ബി.എ (ഫുൾടൈം) 2026-28 ബാച്ചിലേക്കുള്ള അഭിമുഖം മാർച്ച് 23 രാവിലെ 10 മുതൽ കിക്മ ക്യാമ്പസിൽ നടക്കും. 50 ശതമാനത്തിൽ കുറയാതെയുള്ള ബിരുദമാണ് അടിസ്ഥാന യോഗ്യത. അവസാന വർഷ ബിരുദ വിദ്യാർഥികൾക്കും കെ-മാറ്റ്/ സി-മാറ്റ്/ ക്യാറ്റ് പ്രവേശന പരീക്ഷ സ്കോർ കാർഡ് ഉള്ളവർക്കും അതിനായി തയ്യാർ എടുക്കുന്നവർക്കും അഭിമുഖത്തിൽ പങ്കെടുക്കാം.

നിയമസഭാ തിരഞ്ഞെടുപ്പിൽ  ജില്ലയിലെ എല്ലാ പോളിംഗ് സ്റ്റേഷനുകളിലും വെബ്കാസ്റ്റിംഗ് ക്യാമറ സംവിധാനം ഏർപ്പെടുത്തുമെന്നും ആദ്യമായാണ് ജില്ലയിൽ തിരഞ്ഞെടുപ്പിൽ ഇത്തരത്തിൽ ഒരു നിരീക്ഷണ സംവിധാനം ഏർപ്പെടുത്തുന്നതെന്നും ജില്ലാ കളക്ടർ കെ. ഇമ്പശേഖർ പറഞ്ഞു. കളക്ടറുടെ ചേമ്പറിൽ മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം.

 നിയമസഭാ തെരഞ്ഞെടുപ്പിനോടനുബന്ധിച്ച് പോളിംഗ് ഡ്യൂട്ടിക്കായി   നിയോഗിക്കേണ്ട ഉദ്യോഗസ്ഥരുടെ വിവരങ്ങൾ ശേഖരിക്കുന്നത് പ്രത്യേകമായി സജ്ജമാക്കിയ 'ഓർഡർ' (ORDER) സോഫ്റ്റ്‌വെയറിൽ ഇന്ന് ( മാർച്ച്‌ 18) പൂർത്തിയാക്കാൻ നിർദേശം.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ ആന്റി ഡീഫേസ്‌മെന്റ് സ്‌ക്വാഡിന്റെ നേതൃത്വത്തില്‍ ഇതുവരെ നീക്കം ചെയ്തത് 350 പ്രചരണ ബോര്‍ഡുകള്‍. 

വിവിധ രാഷ്ട്രീയപാര്‍ട്ടികളുടെ 250 പോസ്റ്ററുകൾ, 70 ബാനറുകൾ, 50 മറ്റ് പ്രചരണ ബോര്‍ഡുകള്‍ എന്നിവയാണ് നീക്കം ചെയ്തത്.

​നിഷ്പക്ഷവും സുതാര്യവുമായ തിരഞ്ഞെടുപ്പ് ഉറപ്പാക്കുന്നതിൻ്റെ ഭാഗമായി രൂപീകരിച്ച ജില്ലാതല ആൻ്റി ഡീഫേസ്മെന്റ് സ്ക്വാഡ് ജില്ലയുടെ വിവിധ ഭാഗങ്ങളിൽ പരിശോധ നടത്തി. 

നിയമസഭാ തിരഞ്ഞെടുപ്പുമായി ബന്ധപ്പെട്ട് വൈപ്പിൻ നിയോജകമണ്ഡലത്തിലെ രാഷ്ട്രീയപാർട്ടികളുടെ യോഗം
ഇന്ന് (മാർച്ച് 18) ഉച്ചക്ക് 3.30 ന്   കാക്കനാട് തദ്ദേശസ്വയംഭരണ വകുപ്പ് ജോയിൻ്റ് ഡയറക്ടറുടെ കാര്യാലയത്തിൽ ചേരും.  യോഗത്തിൽ എല്ലാ രാഷ്ട്രീയ കക്ഷി പ്രതിനിധികളും പങ്കെടുക്കണമെന്ന് തദ്ദേശസ്വയംഭരണ വകുപ്പ് ജോയിൻ്റ് ഡയറക്ടർ ബിനു ജോൺ അറിയിച്ചു.

ജില്ലയിൽ വാണിജ്യ ഗ്യാസ് സിലിണ്ടറുകളുടെ ലഭ്യത ഉറപ്പാക്കാൻ ജില്ലാ കളക്ടർ ജി. പ്രിയങ്കയുടെ നേതൃത്വത്തിൽ പ്രത്യേക യോഗം ചേർന്നു. ഇന്ധന കമ്പനി പ്രതിനിധികളെയും വിതരണക്കാരെയും  ഉപയോക്താക്കളെയും സംഘടിപ്പിച്ചുകൊണ്ട് ചേർന്ന യോഗത്തിൽ  ജില്ലയിലെ നിലവിലെ സാഹചര്യം വിലയിരുത്തി.

മുൻഗണനാ അടിസ്ഥാനത്തിൽ ആശുപത്രികൾ, സ്കൂളുകൾ, സാമൂഹ്യനീതി വകുപ്പിന്റെ  കീഴിൽ വരുന്ന ക്ഷേമ സ്ഥാപനങ്ങൾ തുടങ്ങിയവക്ക് സിലിണ്ടറുകൾ ലഭ്യമാക്കണമെന്ന് ജില്ലാ കളക്ടർ നിർദേശിച്ചു.