മുന്നൊരുക്കയോഗം ചേര്‍ന്നു

മുട്ടിൽ ഗ്രാമപഞ്ചായത്തിലെ പമ്പിങ് ലൈനിൽ അറ്റകുറ്റ പ്രവർത്തികൾ നടക്കുന്നതിനാൽ ഇന്ന് (ഡിസംബർ 30), നാളെ (ഡിസംബർ 31) കല്ലുപാടി, കാരിയമ്പാടി ടാങ്കുകളിൽ നിന്നുള്ള ജല വിതരണം താത്കാലികമായി മുടങ്ങും.

വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ 8/4 എച്ച്.എസ്, പഴഞ്ചന പ്രദേശങ്ങളിൽ ഇന്ന് (ഡിസംബർ 30) രാവിലെ 8.30 മുതൽ വൈകിട്ട് അഞ്ച് വരെ വൈദ്യുതി വിതരണം പൂർണമായി മുടങ്ങും.

തദ്ദേശസ്വയംഭരണ വകുപ്പ് പ്ലാനിങ് ഓഫീസിൽ ഉപയോഗിക്കുന്ന ബൊലേറോ വാഹനം ലേലത്തിൽ വാങ്ങി തിരികെ ഓഫീസിലേക്ക് തന്നെ പ്രതിമാസ ലീസിന് നൽകാൻ താൽപര്യമുള്ളവരിൽ നിന്നും ക്വട്ടേഷൻ ക്ഷണിച്ചു. ക്വട്ടേഷനുകൾ 2026 ജനുവരി ഏഴ് വൈകിട്ട് അഞ്ചിനകം തദ്ദേശസ്വയംഭരണ വകുപ്പ് ജില്ലാ ജോയിന്റ് ഡയറക്ടറുടെ ഓഫീസിൽ (പ്ലാനിങ് വിഭാഗം) ലഭിക്കണം. ക്വട്ടേഷൻ ഫോമിനും, മറ്റ് വിവരങ്ങൾക്കും ഓഫീസുമായി ബന്ധപ്പെടാം. 2026 ജനുവരി എട്ട് 11ന് ക്വട്ടേഷൻ തുറക്കും. ഫോൺ: 04936 203202

അവകാശികൾ ഇല്ലാത്ത നിക്ഷേപങ്ങൾ തിരികെ നൽകാൻ ഭാരതീയ റിസര്‍വ് ബാങ്ക്, സെബി, പി.എഫ്.ആർ.ഡി.എ എന്നിവയുടെ സംയുക്താഭിമുഖ്യത്തിൽ സംഘടിപ്പിക്കുന്ന ജില്ലാതല മെഗാ ക്യാമ്പയിനിന് തുടക്കമായി. പത്തു വർഷത്തിലധികമായി ഇടപാടുകൾ ഇല്ലാത്ത അക്കൗണ്ടുകളാണ് അവകാശികൾ ഇല്ലാത്തതായി കണക്കാക്കുന്നത്. ഇത്തരത്തിലുള്ള നിക്ഷേപങ്ങളെക്കുറിച്ച് ബാങ്ക് രേഖകൾ പ്രകാരമുള്ള വിലാസത്തിൽ അന്വേഷണം നടത്തി അറിയിപ്പ് നൽകിയിട്ടും പ്രതികരണമില്ലാത്ത അക്കൗണ്ടുകളിലെ പണം നൽകുന്നതിനാണ് ലീഡ് ബാങ്കിൻറെ നേതൃത്വത്തിൽ ക്യാമ്പ് സംഘടിപ്പിച്ചത്. പണത്തെക്കുറിച്ച് പൊതുജനങ്ങളെ ബോധമുള്ളവരാക്കാനും പണം അവകാശികൾക്ക് എത്തിക്കാനുമാണ് ക്യാമ്പ് ലക്ഷ്യമിടുന്നത്.

മന്ത്രി ഒ.ആർ കേളുവിന്റെ ആസ്തി വികസന പദ്ധതിയിൽ ഉൾപ്പെടുത്തി മാനന്തവാടി നിയോജക മണ്ഡലത്തിലെ അരണപാറ റേഷൻകട മുതൽ തോൽപ്പെട്ടി വരെ സോളാർ ഹാങ്ങിങ് ഫെൻസിങ് സ്ഥാപിക്കൽ പ്രവൃത്തിക്ക് 29,75,000 രൂപയുടെയും തിരുനെല്ലി ഗ്രാമപഞ്ചായത്തിലെ വട്ടക്കുനി ഹൈ സ്കൂൾ റോഡ് നിർമ്മാണ പ്രവർത്തിക്ക് 20 ലക്ഷം രൂപയുടെയും തിരുനെല്ലി ഗ്രാമപഞ്ചായത്തിലെ പുളിമൂട് കുന്ന് റോഡ് പൂർത്തീകരണ പ്രവർത്തിക്ക് 50 ലക്ഷം രൂപയുടെയും ഭരണാനുമതി ലഭിച്ചു.

സാക്ഷരതാ മിഷന്‍ മുഖേന ജില്ലയിൽ നടപ്പാക്കുന്ന തുടര്‍ വിദ്യാഭ്യാസ പ്രവര്‍ത്തനങ്ങള്‍ക്ക് മികച്ച പിന്തുണ നല്‍കുമെന്ന് ജില്ലാ പഞ്ചായത്ത് പ്രസിഡൻ്റ് ചന്ദ്രിക കൃഷ്ണൻ. കേന്ദ്ര-സംസ്ഥാന സര്‍ക്കാറുകളുടെ ധനസഹായത്തോടെ നടപ്പാക്കുന്ന ന്യൂ ഇന്ത്യ ലിറ്ററസി പ്രോഗ്രാമിന്റെ അവലോകന യോഗത്തിലും പുതുവത്സരാഘോഷത്തിലും പങ്കെടുത്ത് സംസാരിക്കുകയായിരുന്നു അവർ. സാക്ഷരതാ സര്‍വ്വെയിലൂടെ കണ്ടെത്തിയ 4238 പേരാണ് ജനുവരിയിൽ നടക്കുന്ന മികവുത്സവത്തില്‍ പങ്കെടുക്കുന്നത്. സന്നദ്ധ അധ്യാപകരുടെ നേതൃത്വത്തില്‍ 398 പഠന ക്ലാസുകള്‍ ജില്ലയിൽ ആരംഭിച്ചിട്ടുണ്ട്.

കൽപ്പറ്റ പുത്തൂർവയൽ എസ്‍.ബി.ഐ ഗ്രാമീണ സ്വയം തൊഴിൽ പരിശീലന കേന്ദ്രത്തിൽ സൗജന്യ ഫോട്ടോഗ്രാഫി-വീഡിയോഗ്രാഫി പരിശീലനത്തിലേക്ക് അപേക്ഷ ക്ഷണിച്ചു.  ജനുവരി അഞ്ചിന് ആരംഭിക്കുന്ന പരിശീലന പരിപാടി 31 ദിവസം നീണ്ടു നിൽക്കും. സൗജന്യ പരിശീലനത്തിലേക്ക് 18 നും 50 നും ഇടയിൽ പ്രായമുള്ള തൊഴിൽ രഹിതർക്ക് അപേക്ഷിക്കാം. ഫോൺ -9446257665, 8078711040, 04936206132.

മാനന്തവാടി താലൂക്ക് വികസന സമിതി യോഗം ജനുവരി മൂന്നിന് രാവിലെ 10.30 ന് മാനന്തവാടി താലൂക്ക് കോൺഫറൻസ് ഹാളിൽ ചേരുമെന്ന് തഹസിൽദാർ അറിയിച്ചു.

കൽപ്പറ്റ ഗവ ഐ.ടി.ഐയിലെ  എൻ.എസ്.എസ് വളണ്ടിയർ മാർക്കായി സംഘടിപ്പിച്ച  സപ്തദിന സഹവാസ ക്യാമ്പിൽ  വിമുക്തി മിഷൻ  സെമിനാർ സംഘടിപ്പിച്ചു. എടപ്പെട്ടി ഗവ എൽ.പി സ്കൂളിൽ  സംഘടിപ്പിച്ച സെമിനാറിന് വിമുക്തി മിഷൻ ജില്ലാ കോ-ഓർഡിനേറ്റർ എൻ.സി സജിത്ത് കുമാർ നേതൃത്വം നൽകി. എൻ.എസ്.എസ് പ്രോഗ്രാം ഓഫീസർ എ രജീഷ് അധ്യക്ഷനായ സെമിനാറിൽ ഗ്രൂപ്പ് ഇസ്ട്രക്ടർ ഇ. നിസാമുദ്ദീൻ, സീനിയർ ഇൻസ്ട്രക്ടർ കെ. ബിബിൻ, വളണ്ടിയർ ലീഡർമാരായ കെ വിനോയി, കെ.കെ മാനസ,  കെ സഫ ഫാത്തിമ എന്നിവർ സംസാരിച്ചു.