പേരൂര്‍ക്കട-എ.കെ.ജി-കൃഷ്ണനഗര്‍-കുടപ്പനക്കുന്ന് റോഡില്‍ ടാറിംഗ് പ്രവൃത്തി നടക്കുന്നതിനാല്‍ മാര്‍ച്ച് 19വരെ ഇതുവഴിയുള്ള ഗതാഗതം ഭാഗികമായി തടസ്സപ്പെടുമെന്ന് പി.ഡബ്ലു.ഡി സിറ്റി റോഡ്‌സ് സെക്ഷന്‍ അസിസ്റ്റന്റ് എഞ്ചിനീയര്‍ അറിയിച്ചു.

നിയമസഭാ തിരഞ്ഞെടുപ്പുമായി ബന്ധപ്പെട്ട് സ്ഥാനാർത്ഥികളുടെ വരവ് ചെലവ് നിരീക്ഷിക്കുന്നതിനും സ്വതന്ത്രവും   നീതിയുക്തവുമായ തിരഞ്ഞെടുപ്പ് ഉറപ്പ് വരുത്തുന്നതിനുമായി ഇലക്ഷൻ എക്സ്പെൻഡിച്ചർ മോണിറ്ററിങ് സംവിധാനം ജില്ലയിൽ പ്രവർത്തനം ആരംഭിച്ചു.

2026-ലെ നിയമസഭാ തിരഞ്ഞെടുപ്പുമായി ബന്ധപ്പെട്ട് എറണാകുളം ജില്ലയിലെ വിവിധ തിരഞ്ഞെടുപ്പ് വിഭാഗം ഉദ്യോഗസ്ഥർക്കുള്ള പരിശീലനം ഇന്ന് ( മാർച്ച് 17 )  കളക്ടറേറ്റ് കോൺഫറൻസ് ഹാളിൽ നടക്കും. തിരഞ്ഞെടുപ്പ് ചെലവ് നിരീക്ഷിക്കുന്നതിനായി നിയോഗിച്ചിട്ടുള്ള വീഡിയോ സർവൈലൻസ് ടീം, വീഡിയോ വ്യൂയിംഗ് ടീം, അക്കൗണ്ടിംഗ് ടീം എന്നിവർക്ക് രാവിലെ 10.30 നും , ഫ്ലയിംഗ് സ്ക്വാഡ്, സ്റ്റാറ്റിക് സർവൈലൻസ് ടീം എന്നിവയിലെ എക്സിക്യൂട്ടീവ് മജിസ്‌ട്രേറ്റുമാർക്ക് ഉച്ചയ്ക്ക് രണ്ടിനുമാണ്  പരിശീലനം ക്രമീകരിച്ചിരിക്കുന്നത്.

എറണാകുളം ജില്ലയിൽ പാചകവാതക വിതരണവുമായി ബന്ധപ്പെട്ട് നിലനിൽക്കുന്ന ആശങ്കകൾ പരിഹരിക്കാൻ ജില്ലാ കളക്ടർ ജി പ്രിയങ്കയുടെ അധ്യക്ഷതയിൽ അടിയന്തര യോഗം ചേർന്നു. പാചക വാതക ഏജൻസി പ്രതിനിധികൾ, കമ്പനി പ്രതിനിധികൾ, ഉപഭോക്തൃ കാര്യ വകുപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.

കുസാറ്റ് മെട്രോ സ്റ്റേഷന് സമീപവും അപ്പോളോ പ്രീമിയർ ജംഗ്ഷനിലും പുതുതായി സ്ഥാപിച്ച പെലിക്കൻ ക്രോസ് വ്യവസായ വകുപ്പ് മന്ത്രി പി രാജീവ് ഉദ്ഘാടനം ചെയ്തു.

ലയൺസ് ക്ലബ്ബിന്റെ നേതൃത്വത്തിൽ 'യാത്രികർക്കൊപ്പം' എന്ന പദ്ധതിയുടെ ഭാഗമായാണ് പെലിക്കൻ ക്രോസ് സംവിധാനം സജ്ജമായിരിക്കുന്നത്.

 ജനങ്ങൾക്ക് ഉപകരിക്കുന്ന രീതിയിൽ  നിയമങ്ങൾക്ക് ജീവൻ നൽകുന്നത് അഭിഭാഷകരാണെന്നും  അതിനു വേണ്ടി യുവ അഭിഭാഷകരെ വാർത്തെടുക്കുവാൻ ഉതകുന്ന ഏറ്റവും നല്ല മേഖലയാണ് മൂട്ട് കോർട്ടുകൾ എന്ന് 23-മത് അഖിലേന്ത്യാ മൂട്ട് കോർട്ട് കോമ്പറ്റിഷൻ എറണാകുളം ഗവൺമെന്റ് ലോ കോളേജിൽ ഉദ്ഘാടനം നിർവ്വഹിച്ചു കൊണ്ട് ഹൈക്കോടതി ജഡ്ജി ജസ്റ്റിസ് പി.വി. കുഞ്ഞി കൃഷ്ണൻ പറഞ്ഞു. കോളേജ് പ്രിന്‍സിപ്പല്‍ ഇന്‍ ചാര്‍ജ് ഡോ. ബിന്ദുമോള്‍ വി സി അദ്ധ്യക്ഷത വഹിച്ച ചടങ്ങിൽ
 എറണാകുളം ഗവൺമെൻ്റ്

ജില്ലയിലെ മുഴുവൻ തദ്ദേശ സ്വയംഭരണ സ്ഥാപനങ്ങളുടെയും 2026-27 വർഷത്തെ വാർഷിക പദ്ധതികൾക്ക്  അംഗീകാരം. ജില്ലാ അസൂത്രണ സമിതി ചെയർമാനും ജില്ലാ പഞ്ചായത്ത് പ്രസിഡന്റുമായ കെ.ജി രാധാകൃഷ്ണന്റെ അധ്യക്ഷതയിൽ ചേർന്ന അഡ്ഹോക്ക് കമ്മിറ്റി യോഗത്തിൽ കൊച്ചി കോർപ്പറേഷന്റെ വാർഷിക പദ്ധതികൾ കൂടി അംഗീകരിച്ചതോടെയാണ് ജില്ലയിലെ ആകെ 111 തദ്ദേശസ്ഥാപനങ്ങളുടെയും  പദ്ധതി അംഗീകാര നടപടികൾ പൂർത്തിയായത്. 

കത്തുന്ന വെയിലിലും കനത്ത മഴയിലും അടച്ചുറപ്പില്ലാത്ത കൂരകളിൽ കഴിഞ്ഞിരുന്ന ആയിരക്കണക്കിന് കുടുംബങ്ങൾക്ക് പ്രതീക്ഷയുടെ വെളിച്ചമേകി  ജില്ലയിൽ ലൈഫ് മിഷൻ പദ്ധതി ജൈത്രയാത്ര തുടരുകയാണ്.  കേരളത്തിലെ പാർപ്പിടരഹിതരായ ജനതയ്ക്ക് സുരക്ഷിതവും മാന്യവുമായ തലചായ്ക്കാനൊരിടം ഉറപ്പാക്കുക എന്ന സംസ്ഥാന സർക്കാരിന്റെ  ലക്ഷ്യം ജില്ലയിൽ വൻ വിജയമാകുന്നു എന്നതിന്റെ തെളിവാണ്  കണക്കുകൾ വ്യക്തമാക്കുന്നത്. ജില്ലയിലെ 14 മണ്ഡലങ്ങളിലായി 37,535 കുടുംബങ്ങളാണ് സ്വന്തം വീടെന്ന സ്വപ്നം പൂവണിഞ്ഞ് പുതുജീവിതത്തിലേക്ക് പ്രവേശിച്ചത്. 

42,018 വീടുകൾക്കാണ് ജില്ലയിൽ കരാർ ചെയ്തത്. ഇതിൽ 4483 വീടുകളുടെ നിർമ്മാണം പുരോഗമിക്കുകയാണ്. 

എറണാകുളം ജില്ലാ എംപ്ലോയ്മെ‌ൻ്റ് എക്സ്ചേഞ്ചിനോടനുബന്ധിച്ച് പ്രവർത്തിക്കുന്ന എംപ്ലോയബിലിറ്റി സെൻ്ററിൻ്റെയും മൂവാറ്റുപുഴ ടൗൺ എംപ്ലോയ്മെൻ്റ് എക്സ്ചേഞ്ചിന്റെയും ആഭിമുഖ്യത്തിൽ സ്വകാര്യ മേഖലയിൽ  തൊഴിൽ ലഭിക്കുന്നതിനായുള്ള രജിസ്ട്രേഷൻ ക്യാമ്പ്  സംഘടിപ്പിക്കുന്നു. മാർച്ച് 16  രാവിലെ 10.30 മുതൽ 03.30 വരെ മൂവാറ്റുപുഴ ടൗൺ എംപ്ലോയ്മെൻ്റ് എക്സ്ചേഞ്ചിൽ നടക്കുന്ന ക്യാമ്പിൽ  എംപ്ലോയ്മെന്റ് എക്സ്‌ചേഞ്ചിൽ രജിസ്റ്റർ ചെയ്തവർക്കും അല്ലാത്തവർക്കും 300 രൂപ രജിസ്ട്രേഷൻ ഫീ അടച്ച് ആജീവനാന്ത ഒറ്റത്തവണ രജിസ്ട്രേഷൻ ചെയ്യാവുന്നതാണ്. 

ജില്ലാ പ്രൊബേഷൻ ഓഫീസിന്റെ ഔദ്യോഗിക ആവശ്യങ്ങൾക്കായി 2026-27 സാമ്പത്തിക വർഷത്തിൽ ടാക്സി പെർമിറ്റുള്ള എ.സി കാർ ലഭ്യമാക്കുന്നതിന് വാഹന ഉടമകളിൽ നിന്നും റീ-ടെൻഡർ ക്ഷണിച്ചു.12 വർഷത്തിൽ കൂടുതൽ പഴക്കമുള്ള വാഹനങ്ങൾ പരിഗണിക്കുന്നതല്ല. മാർച്ച് 23 ഉച്ചയ്ക്ക് 12 വരെ ടെൻഡറുകൾ സമർപ്പിക്കാം.
താൽപ്പര്യമുള്ളവർ ആർ.സി ബുക്ക്, ടാക്സി പെർമിറ്റ്, ഇൻഷുറൻസ് തുടങ്ങിയ രേഖകളുടെ പകർപ്പുകൾ സഹിതം അപേക്ഷിക്കണം. 

ഫോൺ -0484-2425249