കള്ളാടി തുരങ്ക നിർമാണ പ്രദേശത്തെ മണ്ണിടിച്ചിൽ സംബന്ധിച്ച് സമഗ്ര അന്വേഷണം നടത്താൻ സംസ്ഥാന സർക്കാർ അഞ്ചംഗ വിദഗ്ധ സമിതിയെ നിയോഗിച്ചു. ദുരന്ത നിവാരണ വകുപ്പ് -2026 പ്രകാരമാണ് സർക്കാർ സമിതി രൂപീകരിച്ചത്. ഭൗമ ശാസ്ത്രജ്ഞൻ ഡോ. സി. പി രാജേന്ദ്രൻ സമിതി അധ്യക്ഷനും പരിസ്ഥിതി ശാസ്ത്രജ്ഞൻ  വിഷ്ണുദാസ്, സംസ്ഥാന ചീഫ് വൈൽഡ് ലൈഫ് വാർഡൻ ഡോ പി. പുഗഴേന്തി, പൊതുമരാമത്ത് വകുപ്പ് സെക്രട്ടറി ഡോ അദീല അബ്ദുള്ള എന്നിവർ അംഗങ്ങളായും ദുരന്ത നിവാരണ വകുപ്പ് സെക്രട്ടറി ജീവൻ ബാബു കെ കൺവീനറുമായാണ് സമിതി പ്രവർത്തിക്കുക.

മേപ്പാടി ഗവ പോളിടെക്നിക് കോളേജിൽ ആരംഭിച്ച  ദുരിതാശ്വാസ ക്യാമ്പ് പിരിച്ചുവിട്ടു. കള്ളാടി മണ്ണിടിച്ചിൽ പ്രദേശത്ത് നിന്നും മേപ്പാടി ഗ്രാമ പഞ്ചായത്തിലെ ദുർബല പ്രദേശങ്ങളിൽ നിന്നും ക്യാമ്പിലേക്ക് മാറ്റിയ കുടുംബങ്ങളെയാണ് മഴ കുറഞ്ഞതോടെ റവന്യൂ, തദ്ദേശ സ്വയംഭരണ വകുപ്പുകളുടെ സംയുക്താഭിമുഖ്യത്തിൽ തിരികെ വീടുകളിൽ എത്തിച്ചത്.

സാക്ഷരതാമിഷൻ്റെ ഏഴാം തരം തുല്യതാ പരീക്ഷക്ക് ജില്ലയിൽ തുടക്കമായി. എസ് കെ എം ജെ സ്‌കൂളിൽ ജില്ലാ പഞ്ചായത്ത് പ്രസിഡൻ്റ് ചന്ദ്രികാ കൃഷ്ണൻ 50 വയസുകാരനായ സി.ജാഫറിന് ചോദ്യപേപ്പര്‍ നല്‍കി പരീക്ഷയുടെ ജില്ലാതല ഉദ്ഘാടനം നിര്‍വ്വഹിച്ചു. ഏഴാം ക്ലാസുകൊണ്ട് പഠനം നിർത്തരുതെന്നും ഉന്നത പഠനമായിരിക്കണം ലക്ഷ്യമെന്നും ജില്ലാ പഞ്ചായത്ത് പ്രസിഡൻ്റ് പറഞ്ഞു. ജില്ലയിൽ 17 പഠിതാക്കളാണ് പരീക്ഷ എഴുതുന്നത്. ഇതില്‍ 10 പേര്‍ സ്ത്രീകളും ഏഴ് പേര്‍ പുരുഷന്‍മാരുമാണ്. പട്ടിക വര്‍ഗ്ഗ വിഭാഗത്തില്‍പ്പെട്ട മൂന്ന് പേരും ഭിന്നശേഷിക്കാരനായ ഒരാളും പരീക്ഷ എഴുതുന്നുണ്ട്. പനമരം ഗവ.

പെരുമാനൂരിലെ ജലസംഭരണികളുടെ നിർമാണ പുരോഗതി ടി.ജെ.വിനോദ് എം.എൽ.എ വിലയിരുത്തി

കൊച്ചി നഗരത്തിലെ കുടിവെള്ള ക്ഷാമത്തിന് ശാശ്വത പരിഹാരം ലക്ഷ്യമിട്ട് നടപ്പാക്കുന്ന 190 എം.എൽ.ഡി കുടിവെള്ള പദ്ധതിയുടെ ഭാഗമായി പെരുമാനൂർ കേരള വാട്ടർ അതോറിറ്റി ക്യാമ്പസിൽ നിർമ്മാണം പുരോഗമിക്കുന്ന ജലസംഭരണികളുടെ പ്രവർത്തനങ്ങൾ ടി.ജെ. വിനോദ് എം.എൽ.എ സന്ദർശിച്ച് വിലയിരുത്തി. 

ഹൈബി ഈഡൻ എം പി യുടെ 'എം പി അവാർഡ് 2026' വിതരണം നടന്നു

ലോകത്ത് അതിവേഗം വളർന്നുകൊണ്ടിരിക്കുന്ന വിജ്ഞാന വിസ്ഫോടനത്തിനൊപ്പം കേരളത്തിലെ ഉന്നതവിദ്യാഭ്യാസ മേഖലയും മാറേണ്ടതുണ്ടെന്ന് മുഖ്യമന്ത്രി വി ഡി സതീശൻ പറഞ്ഞു. എറണാകുളം പാർലമെന്റ് മണ്ഡലത്തിൽ നിന്ന് ഉന്നത വിജയം നേടിയ വിദ്യാർത്ഥികളെ അനുമോദിക്കുന്ന ഹൈബി ഈഡൻ എം പി യുടെ 'എം പി അവാർഡ് 2026' ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

കൊച്ചിയുടെ പൊതുഗതാഗത സംവിധാനങ്ങൾക്ക് പുതിയ കരുത്തേകാൻ മൂന്നാമത് റോ-റോ വെസലായ 'സേതുസാഗർ 3 വഴിയൊരുക്കുമെന്ന് മുഖ്യമന്ത്രി വി ഡി സതീശൻ പറഞ്ഞു. കൊച്ചി നഗര സഭയുടെ മൂന്നാമത് റോറോ വെസൽ 'സേതുസാഗർ 3' യുടെ ഉദ്ഘാടനം വൈപ്പിൻ ബോട്ട് ജെട്ടിയിൽ നിർവഹിച്ച്  സംസാരിക്കുകയായിരുന്നു അദ്ദേഹം.

പുതിയ വെസൽ  എത്തുന്നതോടെ പശ്ചിമ കൊച്ചിയിലേക്കും നഗരത്തിലേക്കുമുള്ള യാത്ര കൂടുതൽ സുഗമവും ആധുനികവുമായി മാറും. നഗരസഭയുടെ ഈ മികച്ച ചുവടുവെപ്പ് അഭിനന്ദനാർഹമാണ്.

കേന്ദ്ര കാലാവസ്ഥ വകുപ്പ് ജില്ലയിൽ ജൂലൈ 11,12,13,14  തിയതികളിൽ പച്ച അലർട്ട് പ്രഖ്യാപിച്ച സാഹചര്യത്തിൽ   ജില്ലയിലെ വിനോദ സഞ്ചാരത്തിന്റെ ഭാഗമായുള്ള ട്രക്കിങ്, റിസോർട്ടുകൾ, ഹോം സ്റ്റേകൾ, സാഹസിക വിനോദ  കേന്ദ്രങ്ങൾക്ക് ഏർപ്പെടുത്തിയിരുന്ന നിയന്ത്രണങ്ങൾ പിൻവലിച്ച് ജില്ലാ കലക്ടർ ഡി.ആർ മേഘശ്രീ ഉത്തരവിട്ടു.

-ഭാഗ്യചിഹ്നം കെ. സി. വേണുഗോപാൽ എം.പി ചലച്ചിത്രതാരം ഭാമയ്ക്ക് നൽകി പ്രകാശനം ചെയ്തു

 -പുന്നപ്ര സ്വദേശി ഹരിൺ തയ്യാറാക്കിയ ‘വള്ളം തുഴയുന്ന വേഴാമ്പൽ’ ഭാഗ്യചിഹ്‌നം

വയനാട്ടിലെ ഭൂപ്രകൃതിയും മണ്ണിന്റെ ഘടനയും അനുസരിച്ചുള്ള ക്രമീകരണങ്ങളാണ് നിർമാണ പ്രവൃത്തികളിൽ വേണ്ടതെന്ന് കള്ളാടി മണ്ണിടിച്ചിൽ മേഖല സന്ദർശിച്ച്  വൈദ്യുതി വകുപ്പ് മന്ത്രി സണ്ണി ജോസഫ് പറഞ്ഞു. അപകടത്തില്‍ കാണാത്തായ ഹിമാചൽപ്രദേശ് സ്വദേശിയുടെ ബന്ധുക്കളുമായി സംസാരിച്ചു. ഇപ്പോൾ നടക്കുന്ന തിരച്ചിൽ നടപടികളിൽ അവർ തൃപ്തി രേഖപ്പെടുത്തിയിട്ടുണ്ട്.  പ്രദേശത്തു നിന്ന് മാറി താമസിക്കേണ്ടവർക്ക് അതിനുള്ള ക്രമീകരണം ഏർപ്പെടുത്തി. അപകടം സംബന്ധിച്ചേ സമഗ്ര  അന്വേഷണം നടത്തും.

വയനാട്ടിൽ നടത്തുന്ന വികസന പ്രവർത്തനങ്ങള്‍ക്ക് പരിശോധന ആവശ്യമാണെന്ന് തദ്ദേശ സ്വയംഭരണ വകുപ്പ് മന്ത്രി   കെ.എം ഷാജി. കള്ളാടി മണ്ണിടിച്ചിൽ മേഖല സന്ദർശിച്ച ശേഷം  സംസാരിക്കുകയായിരുന്നു അദ്ദേഹം. കാണാതായവരെ കണ്ടെത്തുന്നതിനാണ് കൂടുതല്‍ ശ്രദ്ധ നല്‍കുന്നത്.  അതിന് ശേഷം അപകടം സംബന്ധിച്ച് അന്വേഷണം നടത്തും. അന്വേഷണം പൂർത്തിയായ ശേഷം മാത്രമെ തുടർ പ്രവർത്തനങ്ങള്‍ നടപ്പാക്കവെന്ന്  മന്ത്രിസഭാ യോഗത്തിൽ തീരുമാനിച്ചിട്ടുണ്ട്. അടിക്കടി ദുരന്തങ്ങളുണ്ടാവുന്നതിൽ ജില്ലയിലെ ജനങ്ങൾ പരിഭ്രാന്തരാണ്.