നടത്തറ ഗ്രാമപഞ്ചായത്തിലെ രണ്ട് റോഡുകളുടെ ഉദ്ഘാടനം റവന്യൂ, ഭവന നിർമാണ വകുപ്പ് മന്ത്രി അഡ്വ. കെ രാജൻ നിർവഹിച്ചു. ഇരുപതാം വാർഡിൽ നിർമിച്ച ലൗഷോർ റോഡ്, നാലാം വാർഡിൽ നിർമിച്ച കൈപ്പിള്ളി ഗാർഡൻസ് റോഡ് എന്നിവയാണ് നാടിന് സമർപ്പിച്ചത്. നടത്തറ ഗ്രാമപഞ്ചായത്ത് പ്രസിഡന്റ് സി. ജോബി ജോസ് അധ്യക്ഷത വഹിച്ചു. ഒല്ലൂക്കര ബ്ലോക്ക് പഞ്ചായത്ത് പ്രസിഡന്റ് ശ്രീവിദ്യ രാജേഷ് മുഖ്യാതിഥിയായി.

റവന്യൂ, ഭവന നിർമാണ വകുപ്പ് മന്ത്രിയും ഒല്ലൂർ നിയോജക മണ്ഡലം എം എൽ എ യുമായ കെ. രാജന്റെ പ്രത്യേക ആസ്തി വികസന ഫണ്ട് ഉപയോഗിച്ചാണ് രണ്ട് റോഡുകളും നിർമിച്ചത്.
 

ചേര്‍ത്തല - മാരാരിക്കുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 37 (11-ാം മൈല്‍ ഗേറ്റ്) മാര്‍ച്ച് 16  മുതല്‍ 20ന് വൈകിട്ട് ആറ് മണി വരെ അറ്റകുറ്റ പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 36 (ആഞ്ഞിലിപ്പാലം ഗേറ്റ്) 41 (തിരുവിഴ നോര്‍ത്ത് ഗേറ്റ്) എന്നിവ വഴി പോകണം.

2026 കേരള നിയമസഭാ തിരഞ്ഞെടുപ്പുമായി ബന്ധപ്പെട്ട് ആലപ്പുഴ ജില്ലയിലെ ബന്ധപ്പെട്ട വരണാധികാരികള്‍ക്ക് വോട്ടിംഗ് യന്ത്രങ്ങള്‍ വിതരണം ചെയ്യുന്ന ദിവസത്തേക്ക് കളക്ട്രേറ്റ് കോമ്പൗണ്ടില്‍ പന്തലുകളും അനുബന്ധ സൗകര്യങ്ങളും (ലൈറ്റ്, ഡെസ്‌ക്, കസേര, പെഡസ്റ്റല്‍ ഫാന്‍) ഒരുക്കുന്നതിനായി ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ കളക്ടറേറ്റിലെ ജില്ലാ ഇലക്ഷന്‍ വിഭാഗത്തില്‍ മാര്‍ച്ച് 17ന് വൈകിട്ട് നാല് മണിക്ക് മുമ്പായി സമര്‍പ്പിക്കണം. ഫോൺ: 0477-2251801, 8547610045, 9633499858.
 

നല്ലൂർനാട് അംബേദ്കർ മെമ്മോറിയൽ മോഡൽ റസിഡൻഷ്യൽ സ്കൂൾ 2025 -26 അധ്യായനവർഷത്തിൽ ഏറ്റവും കൂടുതൽ പുസ്തകങ്ങൾ വായിച്ച വിദ്യാർഥികളെ അനുമോദിച്ചു.  'കിളുവാരങ്ങൾ'എന്ന നോവൽ എഴുത്തുകാരൻ മനീഷ് മുഴക്കുന്ന് പരിപാടി ഉദ്ഘാടനം ചെയ്തു. ഒരു വർഷം കൊണ്ട് 150 അധികം പുസ്തകങ്ങൾ വായിച്ച വിദ്യാർഥികൾക്ക് പ്രത്യേക ഉപഹാരം നൽകി.100 പുസ്തകങ്ങളോളം വായിച്ച 20 വിദ്യാർത്ഥികൾക്കും സമ്മാനങ്ങൾ നൽകി. വായന വളരട്ടെ വായന തുടരട്ടെ എന്ന ആശയം മുന്നിൽ കണ്ടുകൊണ്ട് വിദ്യാർത്ഥികളിലെ വായന വർദ്ധിപ്പിക്കുക എന്ന ലക്ഷ്യത്തോടെ ലൈബ്രറി ക്ലബ്ബ് നടത്തിയ പ്രവർത്തനങ്ങളുടെ ഫലമായാണ് വിദ്യാർത്ഥികൾക്ക് 150 തിലധികം പുസ്തകങ്ങൾ വായിക്കാൻ അവസരം ഉണ്ടായത്.

ഗാർഹിക ഗ്യാസ് സിലിണ്ടറുകൾ വാണിജ്യ ആവശ്യത്തിന്  ഉപയോഗിക്കുന്നതായി കണ്ടെത്തിയാൽ അവർക്കെതിരെ കർശന നടപടി സ്വീകരിക്കുമെന്നും സപ്ലൈ ഓഫീസർ അറിയിച്ചു. ജില്ലയിൽ ഇത് സംബന്ധിച്ച പരിശോധനകൾ നടത്തുന്നതിന് അതത് താലൂക്ക് സപ്ലൈ ഓഫീസർമാരുടെ നേതൃത്വത്തിൽ പ്രത്യേക സ്ക്വാഡുകൾ രൂപീകരിച്ചിട്ടുണ്ട്. ഇത്തരം പ്രവൃത്തിയിൽ ഏർപ്പെട്ടാൽ 1955 ലെ എസെൻഷ്യൽ കമ്മോഡിറ്റി ആക്ട്   പ്രകാരം സിലിണ്ടറുകൾ പിടിച്ചെടുത്തു ജാമ്യമില്ലാ വകുപ്പിൽ കേസ് രജിസ്റ്റർ ചെയ്ത് പ്രോസിക്യൂഷൻ നടപടികൾ സ്വീകരിക്കുമെന്നും സപ്ലൈ ഓഫീസർ അറിയിച്ചു.

ജില്ലയിൽ ഗാർഹിക പാചകവാതക സിലിണ്ടറുകളുടെ ലഭ്യതയിൽ യാതൊരു തരത്തിലുള്ള ആശങ്കയും വേണ്ടെന്ന് ജില്ലാ സപ്ലൈ ഓഫീസർ  അറിയിച്ചു.

കേരള സ്റ്റേറ്റ് ലീഗൽ സർവീസസ് അതോറിറ്റിയുടെ കീഴിൽ പ്രവർത്തിക്കുന്ന ലീഗൽ എയ്ഡ് ഡിഫൻസ് കൗൺസൽ സിസ്റ്റം ഓഫിസിലേക്ക്‌ താത്ക്കാലിക ഓഫീസ് അസിസ്റ്റന്റ് നിയമനം നടത്തുന്നു.
ബിരുദം, ഡാറ്റ എൻട്രി, ടൈപ്പിംഗ് എന്നിവയിലുള്ള അടിസ്ഥാന പരിജ്ഞാനമാണ് യോഗ്യത. ഉദ്യോഗാർഥികൾ അപേക്ഷയും ബന്ധപ്പെട്ട സർട്ടിഫിക്കറ്റുകളുടെ സ്വയം സാക്ഷ്യപെടുത്തിയ പകർപ്പുമായി മാർച്ച് 19ന് വൈകിട്ട് അഞ്ചിനകം ജില്ലാ ലീഗൽ സർവീസസ് അതോറിറ്റിക്ക് നൽകണം. അപേക്ഷ ഫോറവും കൂടുതൽ വിവരങ്ങളും  www.kelsa.keralacourts.in  ൽ ലഭ്യമാണ്.

സംസ്ഥാന സഹകരണ യൂണിയൻ, കേരളയുടെ നിയന്ത്രണത്തിലുള്ള വിവിധ സഹകരണ പരിശീലന കേന്ദ്രം/ കോളജുകളിൽ 2026-27 വർഷത്തെ ജൂനിയർ ഡിപ്ലോമ ഇൻ കോ-ഓപ്പറേഷൻ (ജെ.ഡി.സി) കോഴ്സിലേക്ക് അപേക്ഷ ക്ഷണിച്ചു. എസ്.എസ്.എൽ.സി, സി.ബി.എസ്.ഇ, ഐ.സി.എസ്.ഇ അല്ലെങ്കിൽ തത്തുല്യമായി അംഗീകരിച്ചിട്ടുള്ള പരീക്ഷ പാസായിരിക്കണം. ഏപ്രിൽ 18 വൈകിട്ട് 5 നകം ഓൺലൈനായി അപേക്ഷിക്കണം.

കേരള സംസ്ഥാന പിന്നാക്ക വിഭാഗ കമ്മീഷൻ മാർച്ച് 18 രാവിലെ 11ന് തിരുവനന്തപുരം വെള്ളയമ്പലം അയ്യൻകാളി ഭവനിലുള്ള കമ്മീഷന്റെ കോർട്ട് ഹാളിൽ സിറ്റിങ് നടത്തും. വീരശൈവ എന്ന വിഭാഗത്തിന് ആനുകൂല്യങ്ങൾ നിഷേധിക്കുന്നതായി ചൂണ്ടിക്കാട്ടിയുള്ള പരാതി, കോനാർ വിഭാഗത്തെ സംസ്ഥാന ഒ.ബി.സി.

ഒറ്റപ്പാലം ശിശുവികസനപദ്ധതി ഓഫീസ്, ഒറ്റപ്പാലം പ്രൊജക്ടിന് കീഴില്‍ പത്ത് അങ്കണവാടികളിലേക്ക് സക്ഷം പദ്ധതി പ്രകാരം ഇ.സി.സി.ഇ ലേണിങ് മെറ്റീരിയല്‍സ് വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ടെന്‍ഡറുകള്‍ മാര്‍ച്ച് 16ന് ഉച്ചയ്ക്ക് 12 വരെ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍: 0466 2245627, 8138813129.