സ്പെഷ്യൽ തഹസിൽദാർ, എൽ.എ യൂണിറ്റ് (കിഫ്‌ബി)   കായംകുളം ഓഫീസിലെ ഔദ്യോഗിക ആവശ്യങ്ങൾക്കായി 2026 ആഗസ്റ്റ് ഏഴ്  മുതൽ 2027 ജൂലൈ ആറ്  വരെ സർവീസ് നടത്തുന്നതിന് ടാക്‌സി പെർമിറ്റുള്ള മോട്ടോർ ക്യാബ് വാഹനം (ഡ്രൈവർ ഉൾപ്പെടെ ഏഴ് സീറ്റിംഗ് കപ്പാസിറ്റിയുള്ള എ സി വാഹനം) ലഭ്യമാക്കുന്നതിന് ടെർഡർ ക്ഷണിച്ചു.
ക്വട്ടേഷനുകൾ ജൂലൈ 27 ഉച്ചയ്ക്ക് രണ്ട്  മണിക്ക് മുമ്പായി ഓഫീസിൽ എത്തിക്കണം. 

(പിആർ/എഎൽപി/1381)

അനാരോഗ്യകരമായ ചുറ്റുപാടുകളിൽ ജോലി ചെയ്യുന്നവരുടെ ആശ്രിതരായ വിദ്യാർത്ഥികൾക്ക് സെൻട്രൽ പ്രീമെട്രിക് സ്കോളർഷിപ്പിന് അപേക്ഷിക്കാം. തോൽ ഊറക്കിടുന്ന തൊഴിലിൽ ഏർപ്പെടുന്നവർ, മാലിന്യം ശേഖരിക്കുന്നവർ, മാന്വൽ സ്കാവഞ്ചേഴ്‌സ് ആയിട്ടുളളവർ, ഹസാർഡസ് ശുചീകരണത്തിൽ ഏർപ്പെട്ടിട്ടുളളവർ എന്നിവരുടെ ആശ്രിതരായ ഒന്ന് മുതൽ 10 വരെ ക്ലാസ്സുുകളിൽ പഠിക്കുന്ന വിദ്യാർത്ഥികൾക്ക് അപേക്ഷിക്കാം. ഹരിതർമ്മസേന പ്രവർത്തകരുടെ ആശ്രിതർക്ക് അർഹതയില്ല. ആഗസ്റ്റ് 15 നകം സ്ഥാപനത്തിൽ നിന്നും ഓൺലൈനായി ഇ-ഗ്രാന്റ്സ് പോർട്ടൽ മുഖേന ഫോർവേഡ് ചെയ്യാൻ സാധിക്കുന്ന രീതിയിൽ സ്ഥാപനത്തിൽ രേഖകൾ സമർപ്പിക്കണം.

കള്ളാടി മണ്ണിടിച്ചിൽ പ്രദേശത്ത് നിന്നും നാലാം ദിവസം ഇന്ന് (ജൂലൈ 10) നടത്തിയ തിരച്ചിലിൽ ഒരു മൃതദേഹം കൂടി കണ്ടെത്തി. പശ്ചിമബംഗാൾ ഈസ്റ്റ് മിഡ്നാപൂർ  സ്വദേശി രാകേഷ് ഗുച്ചൈതിൻ്റെ ( 24 വയസ്, സർവെയർ)  മൃതദേഹമാണ് ലഭിച്ചത്. മൃതദേഹം വൈത്തിരി താലൂക്ക് ആശുപത്രിയില്‍ പോസ്റ്റ്മോർട്ടം പൂർത്തിയാക്കി എംബാം ചെയ്യുന്നതിന് കോഴിക്കോട് മെഡിക്കൽ കോളേജിലേക്ക് കൊണ്ടുപോകും. ഇതോടെ ദുരന്തത്തിൽ മരണപ്പെട്ടവരുടെ എണ്ണം ഏഴായി

ബഹു. മന്ത്രി ബിന്ദു കൃഷ്ണയുടെ പരിപാടികൾ 

ജൂൺ 10 വെള്ളി

എറണാകുളം ജില്ല

✒️*11:00 AM* - കോറോ ഹെൽത്ത് ചർച്ച @ കളക്ടറേറ്റ് കോൺഫറൻസ് ഹാൾ

സംസ്ഥാന കർഷക അവാർഡ് 2025; ജൂലൈ 13 വരെ അപേക്ഷിക്കാം

കാർഷിക മേഖലയിലെ സമഗ്ര സംഭാവനകൾക്കായി പുതിയതായി ഏർപ്പെടുത്തിയ 5 ലക്ഷം രൂപ സമ്മാനത്തുകയുള്ള 'ശ്രീ ഉമ്മൻ ചാണ്ടി സ്മാരക അവാർഡ്' ഉൾപ്പെടെ 2025-ലെ സംസ്ഥാന കർഷക അവാർഡുകൾക്ക് സർക്കാർ അംഗീകാരം നൽകി. ഇതോടൊപ്പം 'മട്ടുപ്പാവ് കൃഷി ചെയ്യുന്ന മികച്ച കർഷകൻ (Urban Rooftop Farmer)', 'ഉദ്യാന ശ്രേഷ്ഠ' എന്നീ രണ്ട് പുതിയ വിഭാഗങ്ങളും (50,000 വീതം, ഫലകം, സർട്ടിഫിക്കറ്റ്) ഉൾപ്പെടുത്തിയിട്ടുണ്ട്. ആകെ 38 വിഭാഗങ്ങളിലായാണ് ഇത്തവണ സംസ്ഥാന കർഷക അവാർഡുകൾ നൽകുന്നത്.

വിനോദസഞ്ചാര വകുപ്പിന്റെ ആഭിമുഖ്യത്തിൽ ആഗസ്റ്റ് 24 മുതൽ 30 വരെ സംഘടിപ്പിക്കുന്ന സംസ്ഥാനതല ഓണം വാരാഘോഷത്തിന്റെ ഭാഗമായുള്ള കലാപരിപാടികളിൽ പങ്കെടുക്കാൻ അപേക്ഷിക്കാനുള്ള തീയതി ജൂലൈ 15 ന് വൈകിട്ട് 5 മണി വരെ നീട്ടി. 

72-ാമത് നെഹ്റു ട്രോഫി വള്ളംകളിയുടെ ഭാഗ്യചിഹ്നത്തിന് പേര് ക്ഷണിച്ചു. ഭാഗ്യചിഹ്നമായി തിരഞ്ഞെടുക്കപ്പെട്ടിട്ടുള്ള ചുണ്ടൻവള്ളം തുഴഞ്ഞു നീങ്ങുന്ന വേഴാമ്പലിനാണ് പേര് നിര്‍ദേശിക്കേണ്ടത്. 9074594578 എന്ന വാട്സാപ്പ് നമ്പറിലേക്ക് സന്ദേശമായാണ് എന്‍ട്രികള്‍ അയക്കേണ്ടത്. ഒരു വ്യക്തി ഒരു എന്‍ട്രി മാത്രമേ നല്‍കാന്‍ പാടുള്ളൂ. ഭാഗ്യചിഹ്നത്തിന് നിര്‍ദേശിക്കുന്ന പേര്, നിര്‍ദേശിക്കുന്നയാളുടെ പേര്, വിലാസം, ഫോണ്‍ നമ്പര്‍ എന്നിവ യഥാക്രമം ഒറ്റ സന്ദേശത്തിൽ അയക്കുകയാണ് വേണ്ടത്. എന്‍ട്രികള്‍ ലഭിക്കേണ്ട അവസാന തീയതി ജൂലൈ 15-ന് വൈകുന്നേരം മൂന്ന് മണി.

ജൂലൈ ഒന്നിന് ആരംഭിച്ച് ജൂലൈ 30-ഓടെ അവസാനിക്കേണ്ടിയിരുന്ന സെൻസസ് പ്രവർത്തനങ്ങൾ, വളരെ കുറഞ്ഞ ദിവസങ്ങൾ കൊണ്ട് തന്നെ അതീവ കൃത്യതയോടെ പൂർത്തീകരിച്ച് സംസ്ഥാനത്ത് തന്നെ മാതൃകാപരമായ റെക്കോർഡ് നേട്ടം കൈവരിച്ച് കായംകുളം സ്വദേശി  ബിനു ചന്ദ്രൻ.

ആറൻമുള എഞ്ചിനീയറിംഗ് കോളേജിലെ മെക്കാനിക്കൽ വകുപ്പ് ഇൻസ്‌ട്രക്ടറാണ് ബിനു. പത്തിയൂർ ഗ്രാമപഞ്ചായത്തിലെ പത്താം വാർഡിലെ 263 കെട്ടിടങ്ങളുടെ സെൻസസ് എന്യൂമറേഷനാണ് ബിനു റെക്കോർഡ് വേഗത്തിൽ പൂർത്തിയാക്കിയത്.

എൻ ടി ബി ആർ 2026 ഇൻഫ്രാസ്ട്രക്ചർ കമ്മിറ്റി കൺവീനറുടെ (എക്സിക്യൂട്ടീവ് എഞ്ചിനീയർ ഇറിഗേഷൻ ഡിവിഷൻ, ആലപ്പുഴ) കാര്യാലയത്തിൽ നിന്ന്  72-ാമത് നെഹ്റു ട്രോഫി വള്ളംകളിയോട് അനുബന്ധിച്ച് പന്തൽ, ഇലക്‌ട്രിക്കൽ പ്രവൃത്തികൾ, ​വി വി ഐ പി കൾക്ക് ഭക്ഷണം എന്നിവ ചെയ്യുന്നതിനായി  ടെൻഡറുകൾ ക്ഷണിച്ചു. ടെൻഡറുകൾ സ്വീകരിക്കുന്ന  അവസാന തീയതി ജൂലൈ 15 വൈകിട്ട് നാലുമണി .
ഫോൺ:9633305540

ആലപ്പുഴയുടെ അഭിമാനമായ നെഹ്‌റു ട്രോഫി വള്ളംകളിക്ക്  സംസ്ഥാന സർക്കാർ നൽകിവരുന്ന സ്ഥിരം സഹായം കെ സി വേണുഗോപാൽ എംപി ആവശ്യപ്പെട്ടത് പ്രകാരം രണ്ടു കോടി രൂപയായി വർദ്ധിപ്പിക്കുന്നതിന് ധനവകുപ്പുമായി ആലോചിച്ച് നടപടി സ്വീകരിക്കുമെന്ന് ടൂറിസം സിനിമ വകുപ്പ് മന്ത്രി പിസി വിഷ്ണുനാഥ് പറഞ്ഞു. മന്ത്രിയുടെ സാന്നിധ്യത്തിൽ ചേർന്ന എൻ.ടി.ബി.ആർ. എക്‌സിക്യൂട്ടീവ് കമ്മിറ്റി യോഗത്തിലാണ് തീരുമാനം അറിയിച്ചത്. വള്ളങ്ങളുടെ മെയിൻറനൻസ് ഗ്രാൻഡിന്റെ കാര്യത്തിൽ ബജറ്റ് നിർദ്ദേശം ഉൾപ്പെടെ പരിഗണിച്ച് അനുകൂലമായ തീരുമാനമെടുക്കുമെന്ന് മന്ത്രി വിഷ്ണുനാഥ് യോഗത്തിൽ പറഞ്ഞു.  സിബിഎല്ലിന്റെ പ്രവർത്തനങ്ങൾക്ക് ബുദ്ധിമുട്ടുകൾ ഉണ്ടാവില്ല.