ടൂറിസം വകുപ്പിന് കീഴിലുള്ള കേരള ഇന്‍സ്റ്റിറ്റ്യൂട്ട് ഓഫ് ഹോസ്പിറ്റാലിറ്റി മാനേജ്‌മെന്റ് കോളേജില്‍ കണ്ണൂര്‍ യൂണിവേഴ്‌സിറ്റിയുമായി അഫിലിയേറ്റ് ചെയ്ത ബി എസ് സി ഹോട്ടല്‍ മാനേജ്‌മെന്റ് ആന്റ് കാറ്ററിങ് സയന്‍സ് കോഴ്‌സില്‍ സീറ്റ് ഒഴിവുണ്ട്.  താല്‍പര്യമുള്ള 45 ശതമാനം മാര്‍ക്കോടെ പ്ലസ്ടു പാസായവര്‍ ആവശ്യമായ രേഖകള്‍ സഹിതം കോളേജില്‍ ഹാജരാകണം.  എസ് സി, എസ് ടി, ഒ ബി എച്ച്, ഒ ഇ സി വിദ്യാര്‍ഥികള്‍ക്ക് ഇ ഗ്രാന്റ്‌സ് ആനുകൂല്യം ലഭിക്കും.  ഫോണ്‍: 9567463159, 0490 2353600 6282393203.

ജില്ലയില്‍ വിദ്യാഭ്യാസ വകുപ്പില്‍ പാര്‍ട്ട്‌ടൈം ജൂനിയര്‍ ലാംഗേ്വജ് ടീച്ചര്‍ (അറബിക് - 4 - എന്‍ സി എ - എസ് സി - 811/2022), പാര്‍ട്ട്‌ടൈം ജൂനിയര്‍ ലാംഗേ്വജ് ടീച്ചര്‍ (അറബിക് - 7 - എന്‍ സി എ - എസ് സി - 655/2022)  തസ്തികകളുടെ ഒറ്റത്തവണ പ്രമാണ പരിശോധന പൂര്‍ത്തിയാക്കിയ  ഉദ്യോഗാര്‍ത്ഥികളുടെ അഭിമുഖം ജൂലൈ അഞ്ചിന് ജില്ലാ പി എസ് സി ഓഫീസില്‍ നടത്തും. ഉദ്യോഗാര്‍ഥിക്ക്  പ്രൊഫൈല്‍ മെസേജ്, ഫോണ്‍ മെസേജ് എന്നിവ നല്‍കിയിട്ടുണ്ട്.

  സ്വന്തം കുഞ്ഞിന്റെ പിതൃത്വം സംശയിക്കുന്ന സംശയരോഗികളായ പുരുഷന്‍മാരുടെ എണ്ണം വര്‍ധിക്കുന്നത് ആശങ്കാജനകമാണെന്ന് വനിതാകമ്മീഷന്‍ അധ്യക്ഷ പി.സതീദേവി. മലപ്പുറം കളക്ടറേറ്റ് കോണ്‍ഫറന്‍സ് ഹാളില്‍ നടന്ന അദാലത്തിന് ശേഷം സംസാരിക്കുകയായിരുന്നു വനിതാകമ്മീഷന്‍ അധ്യക്ഷ. കുഞ്ഞിന്റെ പിതൃത്വത്തില്‍ സംശയം ഉന്നയിച്ച് വനിതാകമ്മീഷന്റെ സഹായത്തോടെ ഡി.എന്‍.എ ടെസ്റ്റ് നടത്തി പിതൃത്വം തെളിയിച്ചിട്ടും ഭര്‍ത്താവ് സംരക്ഷണം നല്‍കുന്നില്ലെന്ന യുവതിയുടെ പരാതി പരാമര്‍ശിച്ചുകൊണ്ടാണ് കമ്മീഷന്‍ ഈ ആശങ്ക പങ്കുവച്ചത്. മദ്യവും മയക്കുമരുന്നും ഗാര്‍ഹികാന്തരീക്ഷം അത്യന്തം സങ്കീര്‍ണമാക്കുന്നതായും കമ്മീഷന്‍ നിരീക്ഷിച്ചു.

സംരംഭക സൗഹൃദ ജില്ലയായി മാറാന്‍ മലപ്പുറത്തിന് കഴിഞ്ഞതായും സംരംഭകരെ പ്രോത്സാഹിപ്പിക്കുന്ന നിലപാടാണ് എക്കാലവും ജില്ലാ ഭരണകൂടവും സംസ്ഥാന സര്‍ക്കാറും സ്വീകരിക്കുന്നതെന്നും ജില്ലാ കളക്ടര്‍ വി.ആര്‍ വിനോദ് പറഞ്ഞു. മലപ്പുറം ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ ജില്ലാ പഞ്ചായത്ത് കോൺഫറൻസ് ഹാളിൽ സംഘടിപ്പിച്ച അന്താരാഷ്ട്ര എം.എസ്.എം.ഇ ദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ഡി ടി പി സിയുടെ അധീനതയിലുള്ള മുഴപ്പിലങ്ങാട് ഡ്രൈവിങ് ബീച്ചില്‍ കടല്‍ക്ഷോഭം ഉള്ളതിനാല്‍ പ്രവേശനം താല്‍ക്കാലികമായി നിരോധിച്ചതായി സെക്രട്ടറി അറിയിച്ചു.
 

മലപ്പുറം ജില്ലയില്‍ മാലിന്യ സംസ്കരണം ഫലപ്രദമാക്കാന്‍ തദ്ദേശ സ്ഥാപനങ്ങളുടെയും വിവിധ മിഷനുകളുടെയും വകുപ്പുകളുടെയും പൊതുജനങ്ങളുടെയും കൂട്ടായ പരിശ്രമവും സഹകരണവും ആവശ്യമാണെന്ന് ജില്ലാ പഞ്ചായത്ത് പ്രസിഡന്റ് എം.കെ റഫീഖ പറഞ്ഞു. മാലിന്യ മുക്ത നവകേരളം ക്യാംപെയിനിന്റെ ഭാഗമായി തദ്ദേശ സ്ഥാപന അദ്ധ്യക്ഷര്‍ക്കായി സംഘടിപ്പിച്ച ജില്ലാതല ശില്പശാല ഉദ്ഘാടനം ചെയ്തു സംസാരിക്കുകയായിരുന്നു അവര്‍.  മാലിന്യ സംസ്കരണത്തിൽ നിർണായക പങ്ക് വഹിക്കുന്ന ഹരിത കർമ്മസേനയുടെ പ്രവർത്തനം ശക്തിപ്പെടുത്തണം. ഇവർക്ക് മെച്ചപ്പെട്ട സൗകര്യങ്ങളും കൂടുതൽ വരുമാനം ലഭിക്കുന്ന സാഹചര്യവും ഒരുക്കണമെന്നും അവര്‍ അഭിപ്രായപ്പെട്ടു.

പത്താംതരം പരീക്ഷയില്‍ ഉന്നത വിജയം നേടിയ മത്സ്യതൊഴിലാളികളുടെ മക്കള്‍ക്ക് മത്സ്യഫെഡ് നല്‍കുന്ന ‘മികവ്’ വിദ്യാഭ്യാസ അവാര്‍ഡ് വിതരണത്തിന്റെ സംസ്ഥാനതല ഉദ്ഘാടനം നാളെ (ജൂണ്‍ 29 ശനി) നടക്കും. ഉച്ചയ്ക്ക് രണ്ടു മണിക്ക് താനൂര്‍ വ്യാപരഭവന്‍ ഓഡിറ്റോറിയത്തില്‍ നടക്കുന്ന ചടങ്ങില്‍ സംസ്ഥാന കായിക, വഖഫ്, ഹജ്ജ് തീര്‍ത്ഥാടന  വകുപ്പ് മന്ത്രി  വി. അബ്ദുറഹിമാന്‍ ഉദ്ഘാടനം നിര്‍വഹിക്കും.

സംസ്ഥാന ഭവന നിർമ്മാണ ബോർഡിന്റെ മലപ്പുറം ഡിവിഷൻ ഓഫീസ് വഴി  നടപ്പിലാക്കുന്ന വിവിധ ഭവന നിര്‍മാണ പദ്ധതികളിലേക്ക് അപേക്ഷിക്കാം. ദുർബ്ബല / താഴ്ന്ന വരുമാനക്കാർക്കുള്ള ‘ഗൃഹശ്രീ ഭവന പദ്ധതി’, ഇടത്തരം വരുമാനക്കാർക്കുള്ള 'ലോൺ ലിങ്ക്ഡ് സബ്സിഡി സ്‌കീം', സർക്കാർ / അർധ സർക്കാർ സ്ഥാപനങ്ങളിലെ ജീവനക്കാർക്കുള്ള 'വായ്പാ പദ്ധതി’ എന്നിവയ്ക്കാണ് അപേക്ഷ ക്ഷണിച്ചത്. www.kshb.kerala.gov.in എന്ന വെബ‍്സൈറ്റിലൂടെ ഓൺലൈനായാണ് അപേക്ഷിക്കേണ്ടത്.  ജൂലൈ 31 നകം അപേക്ഷ സമര്‍പ്പിക്കണം.