കള്ളാടി മണ്ണിടിച്ചിൽ പ്രദേശത്ത്  ഇന്നലെ ( ജൂലൈ 10) നടത്തിയ തിരച്ചിലിൽ ഒരു മൃതദേഹം കൂടി ലഭിച്ചു. ജൂലൈ ഏഴിന് രാവിലെ 11.15 ന് കള്ളാടി തുരങ്കപാത നിർമ്മാണ മേഖലയിലുണ്ടായ മണ്ണിടിച്ചിലിൽ ഇതുവരെ ഏഴ് മൃതദേഹങ്ങളാണ് കണ്ടെത്തിയത്.  ഇന്നലെ നടത്തിയ തിരച്ചിലില്‍ ഒരു മൃതദേഹമാണ് കണ്ടെത്തിയത്.  മണ്ണിടിച്ചിലുണ്ടായ സ്ഥലത്തു നിന്നും രണ്ടര കിലോമീറ്റർ താഴെയായി മീനാക്ഷിപുഴയിൽ നിന്നാണ് മൃതദേഹം ലഭിച്ചത്. ദേശീയ ദുരന്ത പ്രതികരണ സേന, പൊലീസിന്റെ സ്‍പെഷ്യൽ ഓപ്പറേഷൻസ് ഗ്രൂപ്പ്, അഗ്നിശമന സേന, സന്നദ്ധ സംഘടനാ വളണ്ടിയർമാര്‍ സംയുക്തമായി പുഴയിൽ നടത്തിയ തിരച്ചിലിലാണ് മൃതദേഹം കണ്ടെത്തിയത്.

മത്സ്യകർഷക ദിനത്തോടനുബന്ധിച്ച് ജില്ലയിൽ മത്സ്യകർഷക സംഗമം നടത്തി. ജില്ലാ പഞ്ചായത്ത് പ്രസിഡന്‍റ് ചന്ദ്രിക കൃഷ്ണൻ ഉദ്ഘാടനം ചെയ്തു. പരിപാടിയുടെ ഭാഗമായി മുതിർന്ന മത്സ്യ കർഷകരെയും മികച്ച കർഷകരായി തെരഞ്ഞെടുക്കപ്പെട്ടവരേയും ആദരിച്ചു. വൈത്തിരി വഴിയോര വിശ്രമ കേന്ദ്രത്തിൽ നടന്ന പരിപാടിയില്‍ ഫിഷറീസ് ഉത്തരമേഖല ജോയിന്റ് ഡയറക്ടർ സുധീർ കിഷൻ അധ്യക്ഷത വഹിച്ചു. ലീലാമ്മ കോട്ടത്തറ, ജോസഫ് ജോൺ ചക്കാലക്കൽ, സുകുമാരൻ ഉണ്ണി,  ജയിംസ് വി ജെ മേപ്പാടി, ഷംസീർ മരോട്ടിക്കൽ തൊണ്ടർനാട്, ചാക്കോച്ചൻ പി ജെ മുള്ളൻകൊല്ലി, സിന്ധു ഒ എ പുൽപ്പള്ളി, ബേയ്റ രാഘവൻ മീനങ്ങാടി എന്നിവര്‍ ആദരവ് ഏറ്റുവാങ്ങി.

ഓണവിപണിയിൽ രാസകീടനാശിനി രഹിത പൂക്കളും പച്ചക്കറികളും എത്തിക്കാൻ കുടുംബശ്രീ ജില്ലാമിഷന്റെ ഓണക്കനി, നിറപൊലിമ പൂകൃഷി പദ്ധതികളുടെയും ജീവനം 2.0 പദ്ധതിയുടെയും ജില്ലാതല ഉദ്ഘാടനം കൃഷി വകുപ്പ് മന്ത്രി ടി.സിദ്ദിഖ് ജൂലൈ 12ന് രാവിലെ 10ന് ചേലോട് എച്ച്ഐഎംയുപി സ്കൂളിൽ നിർവഹിക്കും. ഓണ വിപണി ലക്ഷ്യമിട്ടുകൊണ്ട് കീടനാശിനി തളിക്കാത്ത പൂക്കൾ വിപണിയിൽ എത്തിക്കുക എന്ന ലക്ഷ്യത്തോടെയാണ് നിറപൊലിമ പൂകൃഷി ആരംഭിക്കുന്നത്. ഓണക്കാലത്ത് ഏറെ ആവശ്യക്കാരുള്ള ബന്ദിപൂക്കളാണ് ആദ്യഘട്ടത്തിൽ കൃഷി ചെയ്യുന്നത്. 

 സംസ്ഥാനതല ഉദ്ഘാടനം മന്ത്രി നിര്‍വഹിച്ചു 

മാനന്തവാടി ശിശു വികസന പദ്ധതി ഓഫീസ് പരിധിയിലെ മാനന്തവാടി നഗരസഭ, തിരുനെല്ലി, തവിഞ്ഞാൽ ഗ്രാമ പഞ്ചായത്ത് എന്നിവിടങ്ങളിലെ 131 അങ്കണവാടികളിലെ കുട്ടികൾക്ക് ആവശ്യമായ കോഴിമുട്ട, പാൽ എന്നിവ ആഗസ്റ്റ് മുതൽ 2027 മാർച്ച് വരെയുള്ള നിശ്ചിത ദിവസങ്ങളിൽ അങ്കണവാടി കേന്ദ്രങ്ങളിൽ എത്തിയ്ക്കുവാൻ താൽപ്പര്യമുള്ള വ്യക്തികൾ/സ്ഥാപനങ്ങൾ എന്നിവരിൽ നിന്ന് മുദ്ര വെച്ച ദർഘാസുകൾ ക്ഷണിച്ചു. ടെണ്ടർ ഫോറം ജുലൈ 25ന് ഉച്ചക്ക് ഒരുമണി വരെ മാനന്തവാടി ഐ.സി.ഡി.എസ് ഓഫീസില്‍ സ്വീകരിക്കും.. ഫോണ്‍- 04935240324,8086311616

വെള്ളമുണ്ട ഇലക്ട്രിക്കൽ സെക്ഷനു കീഴിൽ കരിങ്ങാരി, മഞ്ഞപ്പള്ളി ട്രാൻസ്ഫോർമർ പരിധിയിൽ ഇന്ന് (ജൂലൈ 11) രാവിലെ 8.30 മുതൽ വൈകിട്ട് ആറ് വരെ വൈദ്യുതി വിതരണം തടസ്സപ്പെടും. 

കാലവര്‍ഷ മുന്നൊരുക്കത്തിൻ്റെ ഭാഗമായി കാരാപ്പുഴ അണക്കെട്ടിന്റെ മൂന്ന് ഷട്ടറുകൾ ഇന്ന് (ജൂലൈ 11) രാവിലെ 11 മണി മുതൽ അഞ്ച് സെ.മീ കൂടി (മൊത്തം 10 സെ.മീ.) ഉയർത്തി ജലം പുറത്തേക്ക് ഒഴുക്കും. പുഴയിലെ നീരൊഴുക്ക് വർദ്ധിക്കാനും പുഴയിലെ ജലനിരപ്പ് ഉയരാനും സാധ്യതയുള്ളതിനാൽ കാരാപ്പുഴയുടെ തീരങ്ങളിൽ താമസിക്കുന്നവർ അതീവ ജാഗ്രത പാലിക്കണമെന്ന് എക്സിക്യൂട്ടീവ് എഞ്ചിനീയർ അറിയിച്ചു. 

ടി .ജെ. വിനോദ് എം.എൽ.എ ഏർപ്പെടുത്തിയ എക്സലന്റ് അവാർഡുകളുടെ  വിതരണം നടന്നു

മത്സരാധിഷ്ഠിതമായ ഇന്നത്തെ ലോകത്ത് പ്രതിസന്ധികളെയും വെല്ലുവിളികളെയും അവസരങ്ങളാക്കി മാറ്റാൻ വിദ്യാർത്ഥികൾക്ക് സാധിക്കണമെന്ന് ആഭ്യന്തര വകുപ്പ് മന്ത്രി രമേശ് ചെന്നിത്തല
പറഞ്ഞു. എറണാകുളം നിയോജക മണ്ഡലത്തിലെ എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർത്ഥികൾക്കായി ടി.ജെ. വിനോദ് എം.എൽ.എ ഏർപ്പെടുത്തിയ എക്സലന്റ് അവാർഡ് വിതരണ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

പടിഞ്ഞാറത്തറ ഗ്രാമപഞ്ചായത്തിന് കീഴിലുള്ള ആയുര്‍വേദ ഡിസ്പെന്‍സറി വളപ്പിലെ ഉപയോഗ യോഗ്യമല്ലാത്ത കെട്ടിടം പൊളിച്ചുമാറ്റുന്നതിനുള്ള ലേലം ജൂലൈ 14ന് രാവിലെ 11ന് പടിഞ്ഞാറത്തറ പഞ്ചായത്ത് ഓഫീസ് ഹാളില്‍ നടക്കും. വ്യക്തികള്‍ക്കും സ്ഥാപനങ്ങള്‍ക്കും പങ്കെടുക്കാം. ഫോണ്‍- 7994465003

പട്ടികജാതി വികസന വകുപ്പിന്റെ അധീനതയിലുള്ള ദക്ഷിണമേഖല ട്രെയിനിംഗ് ഇൻസ്പെക്ടറുടെ നിയന്ത്രണത്തിൽ തിരുവനന്തപുരം, കൊല്ലം,