കള്ളാടി തുരങ്കപാത നിർമാണ മേഖലയിലെ  മണ്ണിടിച്ചിലിൽ രൂപപ്പെട്ട മണ്ണ് മൂന്ന് ദിവസത്തിനകം മാറ്റാൻ കമ്പനിക്ക് നിർദ്ദേശം നൽകിയതായി കൃഷി വകുപ്പ് മന്ത്രി അഡ്വ ടി. സിദ്ദീഖ്. കലക്ടറേറ്റ് മിനി കോൺഫറൻസ് ഹാളിൽ ചേർന്ന അവലോകന യോഗത്തിൽ സംസാരിക്കുകയായിരുന്നു മന്ത്രി. അപകടത്തിൽ റോഡിന് ഇരുവശങ്ങളിലേക്ക് ഇടിഞ്ഞ മണ്ണ്, കൂട്ടിയിട്ട മണ്ണ് എന്നിവ മാറ്റാനാണ് കമ്പനിക്ക് നിർദ്ദേശം നൽകിയത്. 

തദ്ദേശീയമായി ഉത്പാദിപ്പിച്ച പച്ചക്കറികൾ വിപണിയിൽ എത്തിക്കുന്നതിലൂടെ  മാതൃകാപരമായ പ്രവർത്തനങ്ങൾക്ക് തുടക്കം കുറിക്കുകയാണ് കുടുംബശ്രീയെന്ന് കൃഷി വകുപ്പ് മന്ത്രി അഡ്വ. ടി സിദ്ദീഖ്. കുടുംബശ്രീ ജില്ലാ മിഷൻ്റെ നേതൃത്വത്തിൽ ഓണക്കനി, നിറപ്പൊലിമ, ജീവനം 2.0 പദ്ധതികളുടെ ജില്ലാതല ഉദ്ഘാടനം ചേലോട് എച്ച്. എ.എം.യു.പി സ്കൂളിൽ നിർവഹിച്ച് സംസാരിക്കുകയായിരുന്നു മന്ത്രി. കൃഷിക്ക് കൂടുതൽ പ്രാധാന്യം കൊടുക്കുകയെന്ന ലക്ഷ്യത്തോടെ സ്കൂളുകളിൽ കതിർ കൃഷി ക്ലബുകൾ ആരംഭിക്കും. ആദ്യ ഘട്ടത്തിൽ 500 സ്കൂളുകളിൽ പദ്ധതി നടപ്പാക്കുമെന്നും മന്ത്രി പറഞ്ഞു. ജില്ലാ പഞ്ചായത്ത് പ്രസിഡൻ്റ് ചന്ദ്രിക കൃഷ്ണൻ അധ്യക്ഷയായി.

കള്ളാടി മണ്ണിടിച്ചിൽ  കാണാതായ ബിക്രം സിങ് റാണയുടെ മൃതദേഹവും കണ്ടെത്തി.  ഹിമാചൽ പ്രദേശ് സ്വദേശിയാണ് ഇദ്ദേഹം. ആറാം ദിവസം സോൺ രണ്ടിൽ നടത്തിയ  വ്യാപക തിരച്ചിലിലാണ്  മണ്ണിടിച്ചിലിൽ ഇരുമ്പ് ഭാഗങ്ങൾ  അടിഞ്ഞ് കൂടിയ ഭാഗത്ത് നിന്നും മൃതദേഹം ലഭിച്ചത്. മൃതദേഹം ബിക്രം സിങ്ങിന്റെ ബന്ധുക്കൾ  തിരിച്ചറിഞ്ഞ ശേഷം 
 പോസ്റ്റ്മോർട്ടം ചെയ്യുന്നതിനായി വൈത്തിരി താലൂക്ക് ആശുപത്രിയിലേക്ക് കൊണ്ടുപോയി.  തുടർന്ന് എംബാം ചെയ്യുന്നതിന് കോഴിക്കോട് മെഡിക്കൽ കോളേജിലേക്ക് മൃതദേഹം കൊണ്ടുപോകും. ഇതോടെ കള്ളാടി മണ്ണിടിച്ചിലിൽ മരണപ്പെട്ടവരുടെ എണ്ണം എട്ടായി.

പയ്യന്നൂർ താലൂക്ക് ആശുപത്രിയിൽ കരാറടിസ്ഥാനത്തിൽ ഡോക്ടറെ നിയമിക്കുന്നു. എം.ബി.ബി.എസ് ആണ് യോഗ്യത. ടി.സി.എം.സി രജിസ്ട്രേഷൻ ഉണ്ടായിരിക്കണം. താത്പര്യമുള്ളവർ എല്ലാ അസൽ സർട്ടിഫിക്കറ്റുകളും പകർപ്പുകളും സഹിതം ജൂലൈ 16 രാവിലെ 11ന് കണ്ണൂരിലെ ജില്ലാ കളക്ടറേറ്റ് ഹാളിൽ ഹാജരാകണം.

2026-27 അധ്യയന വർഷത്തിൽ എ.പി.ജെ. അബ്ദുൾ കലാം സാങ്കേതിക സർവകലാശാലയുടെ കീഴിലുള്ള കോളേജുകളിലെ ബി.ബി.എ., ബി.സി.എ.

   സംസ്ഥാന ഡ്രഗ്‌സ് കൺട്രോൾ വകുപ്പിലെ മരുന്ന് പരിശോധനാ ലബോറട്ടറികളിൽ മേയ് മാസം നടത്തിയ ഗുണനിലവാര പരിശോധനയിൽ ഗുണനിലവാരമില്ലാത്തതായി കണ്ടെത്തിയ താഴെ പറയുന്ന മരുന്നു ബാച്ചുകളുടെ വിതരണവും വിൽപ്പനയും സംസ്ഥാനത്ത് നിരോധിച്ചു.  ഈ മരുന്നുകളുടെ സ്റ്റോക്ക് കൈവശമുള്ള വ്യാപാരികളും ആശുപത്രികളും അവ തിരികെ വിതരണക്കാരന് നൽകി വിശദാംശങ്ങൾ ബന്ധപ്പെട്ട ജില്ലാ ആയുർവേദ ഡ്രഗ്സ് ഇൻസ്പെക്ടർമാരെ അറിയിക്കണമെന്ന് സംസ്ഥാന ആയുർവേദ ഡ്രഗ് ലൈസൻസിങ് അതോറിറ്റി ആയ

മണ്ണിടിച്ചിൽ പ്രദേശത്ത് സോൺ രണ്ടിലും  നാലിലും മണ്ണ് മാറ്റിയുള്ള വ്യാപക പരിശോധന നടക്കുന്നതിനാൽ മേപ്പാടി - ചൂരൽമല റോഡിൽ ഇന്ന് ( ജൂലൈ 12)  രാവിലെ ഏട്ട് മുതൽ ഉച്ചയ്ക്ക് 12 വരെ ഗതാഗത നിയന്ത്രണം ഏർപ്പെടുത്തി. മീനാക്ഷി പാലത്തിലൂടെ മേപ്പാടി -ചൂരൽമല ഭാഗങ്ങളിലേക്ക് പോകുന്നതിനും  നിയന്ത്രണം ഉണ്ടാകും.

കള്ളാടി മണ്ണിടിച്ചിലിൽ ഇനിയും കണ്ടെത്താനുള്ള ഹിമാചൽപ്രദേശ് സ്വദേശിക്കായി ശനിയാഴ്ചയും വ്യാപക തിരച്ചിൽ നടത്തി. ദേശീയ ദുരന്ത പ്രതികരണ സേന,  പോലീസിൻ്റെ സ്പെഷൽ ഓപ്പറേഷൻസ് ഗ്രൂപ്പ്, അഗ്നിശമന സേന വിഭാഗങ്ങളിൽ നിന്നുള്ള 50 അംഗ സംഘം  മീനാക്ഷി പുഴയിൽ ആറ് കിലോമീറ്ററോളം  തിരച്ചിൽ നടത്തിയെങ്കിലും ഒന്നും കണ്ടെത്താനായില്ല. മണ്ണിടിച്ചിൽ  പ്രദേശത്തെ സോൺ രണ്ട്, സോൺ നാല് കേന്ദ്രീകരിച്ച്  മണ്ണുമാന്തി യന്ത്രങ്ങൾ ഉപയോഗിച്ചുള്ള തീവ്ര പരിശോധനയും നടത്തി. പ്രദേശത്ത് ഇന്നും (ജൂലൈ 12) വ്യാപക പരിശോധന  തുടരും.

പി എൻ പണിക്കർ ഫൗണ്ടേഷന്റെ നേതൃത്വത്തിൽ വായന ദിനത്തോടനുബന്ധിച്ച് സുൽത്താൻ ബത്തേരി ഡോൺ ബോസ്കോ കോളേജിൽ ക്വിസ് മത്സരം സംഘടിപ്പിച്ചു. സുൽത്താൻ ബത്തേരി ബ്ലോക്ക് പഞ്ചായത്ത് പ്രസിഡന്റ് പ്രസന്ന ശശീന്ദ്രൻ ഉദ്ഘാടനം ചെയ്തു. പി എൻ പണിക്കർ ഫൗണ്ടേഷൻ വയനാട് ജില്ലാ സെക്രട്ടറി അർജുൻ പി ജോർജ് അധ്യക്ഷനായി. കോളജ് പ്രിൻസിപ്പൽ ഫാ. ഷാജൻ നോറോണ മുഖ്യപ്രഭാഷണം നടത്തി. 

കുടുംബശ്രീയും തദ്ദേശ സ്വയംഭരണ സ്ഥാപനങ്ങളും തമ്മിലുള്ള ഏകോപനവും പ്രവർത്തന മികവും കൂടുതൽ ശക്തിപ്പെടുത്തുകയെന്ന ലക്ഷ്യത്തോടെ കുടുംബശ്രീ ജില്ലാ മിഷന്റെ നേതൃത്വത്തിൽ തദ്ദേശ സ്വയംഭരണ സ്ഥാപന അധ്യക്ഷൻമാർക്കും കുടുംബശ്രീ സിഡിഎസ് ചെയർപേഴ്സൺമാർക്കും ജില്ലാതല ഏകദിന ശിൽപ്പശാല സംഘടിപ്പക്കുന്നു. ജൂലൈ 13ന് രാവിലെ 10ന് മുട്ടിൽ എം.ആർ ഓഡിറ്റോറിയത്തിൽ നടക്കുന്ന ഉദ്ഘാടന സമ്മേളനത്തിൽ കൃഷിവകുപ്പ് മന്ത്രി ടി.സി ദ്ദീഖ് അധ്യക്ഷനാവും. ശിൽപ്പശാലയുടെ ഉദ്ഘാടനം തദ്ദേശ സ്വയം ഭരണ വകുപ്പ് മന്ത്രി കെ.എം ഷാജി നിർവഹിക്കും.