പട്ടികവർഗ്ഗ വികസന ഓഫീസിന്റെ അഭിമുഖത്തിൽ സുൽത്താൻബത്തേരി താലൂക്കിലെ വിവിധ സ്കൂളുകളിൽ പ്രവർത്തിക്കുന്ന മെന്റർ ടീച്ചർമാർക്കായി അവബോധ ക്ലാസ്സ് സംഘടിപ്പിച്ചു. താലൂക്ക് പരിധിയിലുള്ള എല്ലാ സ്കൂളുകളിലെയും പട്ടികവർഗ വിദ്യാർഥികളുടെ വിദ്യാഭ്യാസ നിലവാരം ഉയർത്തുക, കൊഴിഞ്ഞുപോക്ക് തടയുക, ഹാജർ നിലവാരക്കുറവ് പരിഹരിക്കുക, കുട്ടികളുടെ അപകർഷതാ ബോധം മാറ്റി ആത്മവിശ്വാസം ഉയർത്തി വിദ്യാലയങ്ങളിലേക്ക് ആകർഷിക്കുക തുടങ്ങിയ ലക്ഷ്യങ്ങളോടെ നടത്തിയ സംവാദ പരിപാടി സുൽത്താൻ ബത്തേരി പട്ടിക വർഗ വികസന ഓഫീസർ കെ.കെ മോഹൻദാസ് ഉദ്ഘാടനം ചെയ്തു.

ആരോഗ്യകരമായ ജീവിതരീതി പ്രോത്സാഹിപ്പിച്ചു കൊണ്ട് ജീവിതശൈലീ രോഗങ്ങളിൽ നിന്ന് ജനങ്ങളെ സംരക്ഷിക്കുകയെന്ന ലക്ഷ്യത്തോടെ ആരോഗ്യ വകുപ്പിന്റെയും ആരോഗ്യ കേരളത്തിന്റെയും ആഭിമുഖ്യത്തിൽ സംസ്ഥാന തലത്തിൽ നടപ്പിലാക്കുന്ന ആരോഗ്യം ആനന്ദം- വൈബ് 4 വെൽനെസ് ക്യാംപയിനിന്റെ ജില്ലാതല പ്രീലോഞ്ചിങ്‌ പരിപാടികൾ കൽപ്പറ്റയിൽ നടന്നു. സിനിമാതാരവും ഫിറ്റ്നസ് കോച്ചുമായ അബൂ സലീം വർകൗട്ട് ഫോർ വെൽനസിലൂടെ പ്രീലോഞ്ചിങ്ങ് പരിപാടികൾ ഉദ്ഘാടനം ചെയ്തു. പുലർകാലം ഫിറ്റ്നസ് ക്ലബ്ലിന്റെ മ്യൂസിക്കൽ വർക്കൗട്ടും അരങ്ങേറി.

സ്വകാര്യ സ്ഥാപനങ്ങളിൽ ജോലി ചെയ്യുന്ന സ്ത്രീകളെ മാനസികവും സാമ്പത്തികവുമായി ചൂഷണം ചെയ്യുന്നത് അവസാനിപ്പിക്കണമെന്ന് വനിതാ കമ്മീഷൻ അംഗം അഡ്വ. പി കുഞ്ഞായിഷ. കൽപ്പറ്റ സിവിൽ സ്റ്റേഷൻ കോൺഫറൻസ് ഹാളിൽ നടന്ന വനിതാ കമ്മീഷൻ അദാലത്തിൽ സംസാരിക്കുകയായിരുന്നു അവര്‍. തൊഴിൽ സ്ഥലത്തുണ്ടാവുന്ന ചെറിയ കാര്യങ്ങൾക്ക് പോലും വലിയ രീതിയിലുള്ള മാനസിക പീഡനമാണ് പലപ്പോഴും സ്ത്രീ തൊഴിലാളികൾക്ക് ഉയര്‍ന്ന തസ്തികയിലുള്ള ജീവനക്കാരിൽ നിന്ന് ഉണ്ടാവുന്നതെന്നും ഇതിന് അറിഞ്ഞും അറിയാതെയും മാനേജ്‍മെന്റ് കൂട്ടുനിൽക്കുന്ന അവസ്ഥയുണ്ടെന്നും വനിതാ കമ്മീഷൻ അംഗം കൂട്ടിച്ചേര്‍ത്തു.

-ജില്ലാക്കോടതി പാലം നിർമ്മാണം ഒന്നര വർഷത്തിനുള്ളിൽ പൂർത്തിയാക്കുമെന്ന്  പി പി ചിത്തരഞ്ജൻ എംഎൽഎ

ആലപ്പുഴ നഗരത്തിൻ്റ വളർച്ചയിൽ  വലിയ പങ്കുവഹിക്കാനുള്ള ജില്ലാ കോടതി പാലത്തിന്റെ നിർമ്മാണം  ഒന്നര വർഷത്തിനുള്ളിൽ പൂർത്തിയാക്കുമെന്ന് പി പി ചിത്തരഞ്ജൻ എംഎൽഎ പറഞ്ഞു.  സംസ്ഥാന ടൂറിസം വകുപ്പ് ,ജില്ലാ ടൂറിസം പ്രമോഷൻ കൗൺസിൽ,ജില്ലാ ഭരണകൂടം, മുസ്‌രിസ് ഹെറിറ്റേജ് പ്രോജക്ട് ലിമിറ്റഡ് എന്നിവയുടെ സംയുക്താഭിമുഖ്യത്തിൽ സംഘടിപ്പിക്കുന്ന പുതുവർഷ ആഘോഷമായ ആലപ്പുഴ ബീച്ച് ഫെസ്റ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

ആലപ്പുഴയിലെ ബീച്ച് ടൂറിസത്തിന് പുതുജീവൻ നൽകിയ മാരാരി ബീസ്റ്റിന് വർണ്ണ ശബളമായ ഘോഷയാത്രയോടെ തുടക്കം. .   2026 ജനുവരി 2 വരെ നടത്തപ്പെടുന്ന ബീച്ച് ഫെസ്റ്റിൻ്റെ കലാ പരിപാടികൾ നടത്തപ്പെടുന്നത് ഡിസംബർ 29,30,31 തിയതികളിലാണ്. ഡിസംബർ  30 ന് ഏയ്ഞ്ചൽ വോയിസ്‌ മൂവാറ്റുപുഴ അവതരിപ്പിക്കുന്ന ഗാനമേള, ഡിസംബർ 31 ന് ഊരാളി ബാൻഡ് മ്യൂസിക് ഷോയും DJ യും  കൂടാതെ പുതുവത്സരത്തെ വരവേൽക്കാൻ 45 അടി ഉയരമുള്ള പാപ്പാഞ്ഞിയെ കത്തിക്കുന്ന പരിപാടിയും കരിമരുന്ന് കലാവിരുന്നും ബീച്ചിൽ ഉണ്ടായിരിക്കും. ഡിസംബർ 27 മുതൽ ജനുവരി 2 വരെ കുടുംബശ്രീ ഫുഡ്‌ ഫെയറും ബീച്ചിൽ നടത്തപ്പെടുന്നു.

സംസ്ഥാനത്തിന്റെ പുരോഗതിക്കും വികസനത്തിനും പുതിയ കരുത്തും ദിശാബോധവും നല്‍കാന്‍ ജനങ്ങളുടെ അഭിപ്രായങ്ങള്‍ ആരായാന്‍ സംസ്ഥാന സര്‍ക്കാര്‍ നടപ്പാക്കുന്ന നവകേരളം സിറ്റിസണ്‍ റെസ്‌പോണ്‍സ് പ്രോഗ്രാമിന്റെ ഭാഗമായി കുട്ടനാട്, അരൂര്‍, അമ്പലപ്പുഴ, ഹരിപ്പാട്, കായംകുളം മണ്ഡലങ്ങളിലെ  കര്‍മസമിതി അംഗങ്ങള്‍ക്കുള്ള പരിശീലനത്തിന് തുടക്കമായി. തിങ്കളാഴ്ച കുട്ടനാട് മണ്ഡലത്തിലെ തകഴി,  ചമ്പക്കുളം, കൈനകരി, നെടുമുടി പഞ്ചായത്തുകളിലെ  കര്‍മസമിതി അംഗങ്ങള്‍ക്കുള്ള പരിശീലനം ചമ്പക്കുളം ബ്ലോക്ക് പഞ്ചായത്ത് ഹാളില്‍ സംഘടിപ്പിച്ചു. തദ്ദേശസ്വയംഭരണ വകുപ്പ്  അസിസ്റ്റന്റ് ഡയറക്ടറും ചാര്‍ജ് ഓഫീസറുമായ സന്തോഷ് മാത്യു നേതൃത്വം വഹിച്ചു.

ശ്വാസകോശ സംബന്ധമായ അസുഖങ്ങളാൽ ബുദ്ധിമുട്ടുന്ന നിരാലംബരായ രോഗികൾക്ക് സാന്ത്വനമേകാൻ ആലപ്പുഴ ജില്ലാ ഭരണകൂടത്തിന്റെ കീഴിലുള്ള കെയർ ഫോർ ആലപ്പി 'സോഹം' പദ്ധതിയുടെ ഭാഗമായി രണ്ട് ഓക്സിജൻ കോൺസെൻട്രേറ്ററുകൾ ജില്ലാ കളക്ടർ അലക്സ് വർഗ്ഗീസ് വിതരണം ചെയ്തു.

തീരദേശ മേഖലയായ ആറാട്ടുപുഴയിലെ വയോജന മന്ദിരത്തിനും, പ്രതീക്ഷ ചാരിറ്റബിൾ ട്രസ്റ്റിനുമാണ് ഉപകരണങ്ങൾ കൈമാറിയത്. ശ്വസിക്കാൻ പ്രയാസപ്പെടുന്ന കിടപ്പിലായ രോഗികൾക്ക് വീട്ടിലിരുന്ന് തന്നെ മികച്ച ചികിത്സ ഉറപ്പാക്കുക എന്ന ലക്ഷ്യത്തോടെയാണ് ഈ ഉദ്യമം സംഘടിപ്പിച്ചിരിക്കുന്നത്. ഒരു ലക്ഷത്തിൽ പരം രൂപയാണ് ഒരു ഉപകരണത്തിന്റെ ചിലവ്. 

കോട്ടയം: പുതുവര്‍ഷത്തില്‍ നല്ല ആരോഗ്യമെന്ന സന്ദേശവുമായി ആരോഗ്യവകുപ്പ് നടപ്പാക്കുന്ന ആരോഗ്യം ആനന്ദം - വൈബ് 4 വെല്‍നെസ്സ് കാമ്പയിനു മുന്നോടിയായുള്ള കോട്ടയം ജില്ലാതല പ്രചാരണ പരിപാടി തിരുവഞ്ചൂര്‍ രാധാകൃഷ്ണന്‍ എംഎല്‍എ ഉദ്ഘാടനം ചെയ്തു. തിങ്കളാഴ്ച വൈകുന്നേരം  തിരുനക്കര മൈതാനത്ത് നടന്ന പരിപാടിയില്‍ മുനിസിപ്പല്‍ ചെയര്‍മാന്‍ എം.പി. സന്തോഷ് കുമാര്‍ അധ്യക്ഷത വഹിച്ചു. 

കോട്ടയം: എന്‍.ഡി.പി.എസ്. ആക്ട് കേസുകളില്‍ ഉള്‍പ്പെട്ട് ജില്ലയിലെ വിവിധ പൊലീസ് സ്റ്റേഷനുകളില്‍ നിന്നും ഡ്രഗ് ഡിസ്‌പോസല്‍ കമ്മിറ്റിക്ക് കൈമാറി കോട്ടയം ഡി.എച്ച്.ക്യൂ ക്യാമ്പില്‍ സൂക്ഷിച്ചിട്ടുള്ള 15 സ്‌ക്രാപ് വാഹനങ്ങളുടെ ഇ- പുനര്‍ ലേലം ജനുവരി അഞ്ചിന് രാവിലെ 11 മുതല്‍ നടത്തും. 

എം.എസ്.ടി.സി ലിമിറ്റഡിന്‍റെ   www.mstcecommerce.com എന്ന വെബ്‌സൈറ്റ് വഴി ലേലത്തില്‍ പങ്കെടുക്കാം. ഫോണ്‍: 0481 2562204.