പെരുങ്കടവിള ബ്ലോക്ക് പഞ്ചായത്തിന് കീഴിലെ വെള്ളറട സാമൂഹികാരോഗ്യകേന്ദ്രത്തിൽ ഡോക്ടറുടെ ഒഴിവിലേക്ക് താത്ക്കാലിക നിയമനം നടത്തുന്നു. പ്രായപരിധി 60 വയസ്. താത്പര്യമുള്ള ഉദ്യോഗാർത്ഥികൾ രജിസ്ട്രേഷൻ സർട്ടിഫിക്കറ്റിന്റെയും യോഗ്യത തെളിയിക്കുന്ന സർട്ടിഫിക്കറ്റുകളുടെയും അസൽ രേഖകളുമായി ജൂൺ 15 രാവിലെ 10.30ന് വെള്ളറട സാമൂഹികാരോഗ്യ കേന്ദ്രത്തിൽ അഭിമുഖത്തിന് എത്തണമെന്ന് മെഡിക്കൽ ഓഫീസർ ഇൻ ചാർജ് അറിയിച്ചു. ഫോൺ: 0471-2243785

സംസ്ഥാന സാക്ഷരതാ മിഷന്റെ നേതൃത്വത്തില്‍ നടപ്പിലാക്കുന്ന നവചേതന പദ്ധതിയുടെ (ഉന്നതി തുടര്‍ വിദ്യാഭ്യാസ പരിപാടി) പഞ്ചായത്ത്തല സംഘാടക സമിതി രൂപീകരിച്ചു. എളവള്ളി ഗ്രാമ പഞ്ചായത്ത് പ്രസിഡന്റ് കെ.യു സരിത യോഗം ഉദ്ഘാടനം ചെയ്തു. വൈസ് പ്രസിഡന്റ് അശോകന്‍ മൂക്കോല അധ്യക്ഷത വഹിച്ചു. സാക്ഷരതാ മിഷന്‍ ജില്ലാ കോഡിനേറ്റര്‍ വി.വി ശ്യാംലാല്‍ പദ്ധതി വിശദീകരിച്ചു.

തൃശ്ശൂര്‍ ജില്ലാ വനിതാ ശിശുവികസന ഓഫീസിലേക്ക് ടാക്‌സി പെര്‍മിറ്റുള്ള ഏഴ് വര്‍ഷത്തില്‍ കുറവ് പഴക്കമുള്ള 1000 സി.സിയില്‍ കുറയാത്ത എഞ്ചിന്‍ കപ്പാസിറ്റിയുള്ള വാഹനം ഒരു വര്‍ഷത്തേക്ക് കരാര്‍ അടിസ്ഥാനത്തില്‍ ലഭ്യമാക്കാന്‍ താല്‍പര്യമുള്ള വ്യക്തികളില്‍ നിന്നും സ്ഥാപനങ്ങളില്‍ നിന്നും മുദ്രവെച്ച ദര്‍ഘാസ് ക്ഷണിച്ചു. ദര്‍ഘാസ് ജൂണ്‍ 30 ന് ഉച്ചയ്ക്ക് രണ്ടിനകം ജില്ലാ ശിശുവികസന ഓഫീസ്, സിവില്‍ സ്റ്റേഷന്‍, അയ്യന്തോള്‍, തൃശ്ശൂര്‍ എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്കായി ഫോണ്‍: 0487 2361500.  

ചാവക്കാട് ജിആര്‍എഫ്ടിഎച്ച്എസില്‍ ഹൈസ്‌കൂള്‍ വിഭാഗം ഹിന്ദി അധ്യാപക താത്കാലിക ഒഴിവിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നു. അഭിമുഖം ജൂണ്‍ 16 ന് രാവിലെ 11 ന് സ്‌കൂളില്‍ നടക്കും. ഉദ്യോഗാര്‍ത്ഥികള്‍ വെള്ളക്കടലാസില്‍ സ്വന്തം കൈപ്പടയില്‍ തയ്യാറാക്കിയ അപേക്ഷ, ബയോഡേറ്റ, യോഗ്യതാ രേഖകളുടെ അസ്സലും, സ്വയം സാക്ഷ്യപ്പെടുത്തിയ പകര്‍പ്പുകളും സഹിതം അഭിമുഖത്തിന് എത്തിച്ചേരണം. ഫോണ്‍: 9447891298, 9995973916, 0487 2501965.

മാള കെ. കരുണാകരന്‍ സ്മാരക ഗവ. ഐ.ടി.ഐയില്‍ വിദേശത്തും സ്വദേശത്തും നിരവധി തൊഴില്‍ അവസരങ്ങളുള്ള 17 വിവിധ എന്‍സിവിഇടി അംഗീകൃത കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷ ഓണ്‍ലൈനായി www.itiadmissions.kerala.gov.in എന്ന വെബ്‌സൈറ്റ് വഴി ജൂണ്‍ 30 നകം സമര്‍പ്പിക്കണം. കൂടുതല്‍ വിവരങ്ങള്‍ക്കായി ഫോണ്‍: 04802893127, 9995121251, 9446218047.

ഫിഷറീസ് വകുപ്പില്‍ താത്ക്കാലിക നിയമനം

ഫിഷറീസ് വകുപ്പ് 2026 ലെ മത്സ്യകര്‍ഷക പുരസ്‌കാരത്തിനുള്ള അപേക്ഷ ക്ഷണിച്ചു. മികച്ച ശുദ്ധജല കര്‍ഷകര്‍, ഓരുജല കര്‍ഷകര്‍, ചെമ്മീന്‍ കര്‍ഷകര്‍, നൂതന മത്സ്യകൃഷി നടപ്പിലാക്കുന്ന കര്‍ഷകര്‍, അലങ്കാര മത്സ്യ റീയറിംഗ് യൂണിറ്റ് നടപ്പിലാക്കുന്ന കര്‍ഷകര്‍, പിന്നാമ്പുറം മത്സ്യ വിത്തുല്‍പാദന യൂണിറ്റ് കര്‍ഷകര്‍ എന്നീ വിഭാഗങ്ങളിലായി സംസ്ഥാനതലത്തില്‍ മൂന്ന് സ്ഥാനങ്ങള്‍ക്കാണ് മത്സ്യ കര്‍ഷക അവാര്‍ഡ് നല്‍കുന്നത്.

കോടതി കുടിശ്ശിക ഈടാക്കുന്നതിനായി പഴയന്നൂര്‍ വില്ലേജില്‍ സര്‍വെ നമ്പര്‍ 1434/12 ല്‍ ഉള്‍പ്പെട്ട 0.0364 ഹെക്ടര്‍, സര്‍വെ നമ്പര്‍ 1446/14 ല്‍ ഉള്‍പ്പെട്ട 0.0809 ഹെക്ടര്‍, സര്‍വെ നമ്പര്‍ 1446/15 ല്‍ ഉള്‍പ്പെട്ട 0.0405 ഹെക്ടര്‍, സര്‍വെ നമ്പര്‍ 1445/51 ല്‍ ഉള്‍പ്പെട്ട 0.0405 ഹെക്ടര്‍ സ്ഥലം ഉള്‍പ്പെടെ ആകെ 0.1983 ഹെക്ടര്‍ സ്ഥലവും അതിലുള്ളതുമായ വസ്തുവകകളും പരസ്യമായി ലേലം ചെയ്ത് വില്‍കുന്നു. ജൂലൈ 13 ന് രാവിലെ 11 ന് പഴയന്നൂര്‍ വില്ലേജ് ഓഫീസ് പരിസരത്ത് തലപ്പിള്ളി തഹസില്‍ദാര്‍ അല്ലെങ്കില്‍ അദ്ദേഹം ചുമതലപ്പെടുത്തുന്ന ഉദ്യോഗസ്ഥന്റെ സാന്നിധ്യത്തിലായിരിക്കും ലേലം നടത്തുക. ഫോണ്‍: 04884 232226.

കേരള സ്റ്റേറ്റ് റൂട്രോണിക്സ് സര്‍ട്ടിഫിക്കറ്റോട് കൂടി തിരുവനന്തപുരം ആറ്റിങ്ങലിലുള്ള അംഗീകൃത പഠനകേന്ദ്രങ്ങളില്‍ നടത്തുന്ന പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് അപേക്ഷ ക്ഷണിച്ചു. പ്ലസ്ടൂ യോഗ്യതയുള്ളവര്‍ക്ക് ഒരുവര്‍ഷത്തെ കോഴ്സിന് അപേക്ഷിക്കാം. റഗുലര്‍, പാര്‍ട്ട് ടൈം ബാച്ചുകളിലായി ക്രമീകരിച്ചിരിക്കുന്ന കോഴ്‌സില്‍ ഇന്റേണ്‍ഷിപ്പ് സൗകര്യവും ഉള്‍പ്പെടുത്തിയിട്ടുണ്ട്. ഫോണ്‍: 7994926081.