തിരഞ്ഞെടുപ്പ് ബോധവൽക്കരണത്തിൻ്റെ ഭാഗമായി ജില്ലാ കളക്ടർ ജി പ്രിയങ്കയും സ്വീപ് നോഡൽ ഓഫീസർ കൂടിയായ അസിസ്റ്റൻ്റ് കളക്ടർ പാർവതി ഗോപകുമാറും കെഎംആർഎൽ എം ഡി ലോകനാഥ് ബെഹ്റയും കൊച്ചി വാട്ടർ മെട്രോയിൽ യാത്ര ചെയ്ത് വോട്ടർമാരുമായി സംവദിച്ചു.

മൂവാറ്റുപുഴ താലൂക്ക് സപ്ലൈ ഓഫീസിലേക്ക്  വാഹനം വാടകയ്ക്ക് നൽകുന്നതിന് വാഹന ഉടമകളിൽ നിന്ന് ദർലാസ് ക്ഷണിച്ചു. ദർഘാസുകൾ മാർച്ച് 31ന് വൈകീട്ട് മൂന്നിനകം ലഭിക്കണം.

പാചകവാതക വിതരണ രംഗത്ത് നിലവിൽ നേരിടുന്ന പ്രതിസന്ധി തരണം ചെയ്യുന്നതിന് ജില്ലയിൽ ക്രൈസിസ് മാനേജ്മെൻ്റ് കമ്മിറ്റി രൂപീകരിച്ചു.  

ജില്ലാ കളക്ടർ ജി പ്രിയങ്ക അധ്യക്ഷയായ കമ്മിറ്റിയിൽ ജില്ലാ സപ്ലൈ ഓഫീസർ എസ് ആർ സ്മിത കൺവീനറാണ്.

വരുന്ന നിയമസഭാ തിരഞ്ഞെടുപ്പിൽ പരമാവധി വോട്ടർമാരെ  ബൂത്തുകളിലേക്ക് കൊണ്ടുവരിക എന്ന ലക്ഷ്യം നേടുന്നതിനായി ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ ജി പ്രിയങ്ക ബൂത്ത് ലെവൽ ഓഫീസർമാരുമായി (ബി. എൽ. ഒ) സംവദിച്ചു. 

തീവ്ര വോട്ടർപട്ടിക പരിഷ്കരണത്തിന്റെ ഭാഗമായി വോട്ടർമാരുമായി ഏറ്റവുമധികം അടുത്തിടപഴകാൻ സാധിച്ചവരാണ് ബി.എൽ.ഒ മാർ. പരമാവധി വോട്ടർമാരെ ബൂത്തുകളിലേക്ക് കൊണ്ടുവരുന്നതിനാണ് ജില്ലാ ഭരണകൂടം ശ്രമിക്കുന്നത്. അതിന് ബി. എൽ.ഒമാരുടെ സഹകരണം ആവശ്യമാണെന്ന് ജില്ലാ തിരഞ്ഞെടുപ്പ് ഓഫീസർ പറഞ്ഞു. 

നിയമസഭ തിരഞ്ഞെടുപ്പിനോടനുബന്ധിച്ച് ജില്ല ഭരണകൂടത്തിന്റെയും സ്വീപിന്റെയും നേതൃത്വത്തില്‍ സംഘടിപ്പിച്ച 'സ്ലോ റണ്‍' കാമ്പയിന്‍ ജില്ല കലക്ടര്‍ എസ് പ്രേം കൃഷ്ണന്‍ ഫ്‌ളാഗ് ഓഫ് ചെയ്തു. കലക്ടറേറ്റ് ഗേറ്റില്‍ നിന്ന് ആരംഭിച്ച സ്ലോ റണ്‍ ഗാന്ധി സ്‌ക്വയറില്‍ സമാപിച്ചു. ജില്ലാ കലക്ടര്‍ സമ്മതിദായക പ്രതിജ്ഞ ചൊല്ലി. യുവാക്കളില്‍ വോട്ട് ചെയ്യാനുള്ള അവബോധം വര്‍ധിപ്പിക്കുകയാണ് ലക്ഷ്യം. വോട്ടര്‍ ബോധവല്‍കരണത്തിന്റെ ഭാഗമായി ജില്ല ഭരണകൂടം കേരള ബാങ്കിന്റെ സഹായത്തോടെ കലക്ടറേറ്റ് കവാടത്തിന് സമീപം ആര്‍ട്ടിസ്റ്റ് സ്മൃതി ബിജു നിര്‍മിച്ച ഇന്‍സ്റ്റലേഷനും ജില്ല കലക്ടര്‍ അനാച്ഛാദനം ചെയ്തു.

നിയമസഭ തിരഞ്ഞെടുപ്പിനോടനുബന്ധിച്ച് 4322 യുവാക്കളും 4288 യുവതികളും ഉള്‍പ്പടെ പത്തനംതിട്ട ജില്ലയില്‍ 8610 കന്നിവോട്ടര്‍മാര്‍. നിയോജകമണ്ഡലം തിരിച്ച്  പുരുഷന്‍, സ്ത്രീ, ആകെ വോട്ടര്‍മാരുടെ എണ്ണം എന്ന ക്രമത്തില്‍

തിരുവല്ല - 796, 845, 1641
റാന്നി -    710, 692, 1402
ആറന്മുള - 928, 922, 1850
കോന്നി  - 968, 885, 1853
അടൂര്‍    - 920, 944, 1864

നിയമസഭ തിരഞ്ഞെടുപ്പുമായി ബന്ധപ്പെട്ട് ഭിന്നശേഷിക്കാര്‍, മുതിര്‍ന്ന പൗരന്മാര്‍ എന്നീ ആബ്സെന്റീ വോട്ടേഴ്സിനുള്ള ഹോം വോട്ടിങിന്റെ ആദ്യഘട്ട പരിശീലനത്തില്‍ പങ്കെടുക്കാത്ത പ്രിസൈഡിംഗ് ഓഫീസര്‍, പോളിംഗ് ഓഫീസര്‍, മൈക്രോ ഒബ്സര്‍വര്‍ എന്നിവര്‍ക്കുള്ള പരിശീലനം  (മാര്‍ച്ച് 29) ഉച്ചയ്ക്ക് രണ്ടിന് കലക്ടറേറ്റിലെ ഗവി കോണ്‍ഫറന്‍സ് ഹാളില്‍ നടക്കും.

തിരഞ്ഞെടുപ്പില്‍ പ്രചാരണത്തില്‍ സര്‍ക്കാര്‍ ഉദ്യോഗസ്ഥര്‍ ഇടപെടരുതെന്ന് അഡീഷണല്‍ ചീഫ് ഇലക്ടറല്‍ ഓഫീസര്‍ പി ബി നൂഹ്. നേരിട്ടോ സമൂഹ മാധ്യമങ്ങളിലൂടെയോ സ്ഥാനാര്‍ഥികള്‍ക്കായി വോട്ടഭ്യര്‍ഥിക്കാന്‍ ഉദ്യോഗസ്ഥര്‍ക്ക് അവകാശമില്ല. തിരഞ്ഞെടുപ്പ് പ്രചാരണത്തില്‍ ഒരു രീതിയിലും പങ്കെടുക്കരുത്. സമൂഹ മാധ്യമ അക്കൗണ്ടിലൂടെ സ്ഥാനാര്‍ഥികള്‍ പ്രചരിപ്പിക്കുന്ന വോട്ടഭ്യര്‍ഥനയോ മറ്റു തിരഞ്ഞെടുപ്പ് പരസ്യങ്ങളോ പങ്കുവയ്ക്കരുത്. പരസ്യപ്രചാരണങ്ങളില്‍ നിന്ന് സര്‍ക്കാര്‍ ഉദ്യോഗസ്ഥര്‍ മാറി നില്‍ക്കണമെന്നും  അദ്ദേഹം അറിയിച്ചു.
 

സ്ഥാനാര്‍ഥികളുടെ സാമൂഹിക മാധ്യമം വഴിയുള്ള തിരഞ്ഞെടുപ്പ് പ്രചാരണത്തിന് മീഡിയ സര്‍ട്ടിഫിക്കേഷന്‍ നിര്‍ബന്ധമാണെന്ന് അഡീഷണല്‍ ചീഫ് ഇലക്ടറല്‍ ഓഫീസര്‍ പി ബി നൂഹ് അറിയിച്ചു. സാമൂഹിക മാധ്യമ അക്കൗണ്ടിലൂടെ വോട്ടര്‍മാരെ സ്വാധീനിക്കാന്‍ നിരവധി പോസ്റ്ററും റീല്‍സും ഉള്‍പ്പെടെ സ്ഥാനാര്‍ഥികള്‍ അപ്‌ലോഡ് ചെയ്യുന്നുണ്ട്. സര്‍ട്ടിഫിക്കേഷന്‍ ഇല്ലാതെ ഇവ പ്രസിദ്ധപ്പെടുത്തിയാല്‍ കര്‍ശന നടപടി സ്വീകരിക്കും.  ജില്ല ആസൂത്രണ സമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ ചേര്‍ന്ന് ഉദ്യോഗസ്ഥരുടെ തിരഞ്ഞെടുപ്പ് അവലോകന യോഗത്തിലാണ് നിര്‍ദേശം.

പത്തനംതിട്ട ജില്ലയിലെ തിരഞ്ഞെടുപ്പ് ഒരുക്കം അഡീഷണല്‍ ചീഫ് ഇലക്ടറല്‍ ഓഫീസര്‍ പി ബി നൂഹിന്റെ നേതൃത്വത്തില്‍ ജില്ല ആസൂത്രണ സമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ വിലയിരുത്തി. ജില്ലയിലെ ഇതുവരെയുള്ള തിരഞ്ഞെടുപ്പ് പ്രവര്‍ത്തനം ജില്ല കലക്ടര്‍ എസ് പ്രേം കൃഷ്ണന്‍ വിശദീകരിച്ചു. ആദ്യഘട്ട റാന്‍ഡമൈസേഷനും പോളിംഗ് ഉദ്യോഗസ്ഥരുടെ പരിശീലനവും പൂര്‍ത്തിയാക്കി. ഇലക്ട്രോണിക് വോട്ടിംഗ് മെഷീന്‍  വിവിധ നിയോജക മണ്ഡലങ്ങളിലെ സ്‌ട്രോങ് റൂമിലേക്ക് മാറ്റി. ഇന്നത്തെ (മാര്‍ച്ച് 29) രണ്ടാംഘട്ട റാന്‍ഡമൈസേഷന് ശേഷം പോളിംഗ് ഉദ്യോഗസ്ഥരുടെ അടുത്ത പരിശീലനം ആരംഭിക്കും.