ഭിന്നശേഷി വിഭാഗത്തിലെ വോട്ടര്‍മാര്‍ക്കായി വോട്ടിംഗ്ദിനത്തില്‍  പ്രത്യേക സൗകര്യങ്ങള്‍ ഏര്‍പ്പെടുത്തിയതായി ജില്ലാ കലക്ടര്‍ എന്‍ ദേവിദാസ്. എല്ലാ പോളിങ് സ്റ്റേഷനുകളിലും റാമ്പ്, ഇരിപ്പിടം, അടിയന്തിര ചികിത്സ സൗകര്യങ്ങള്‍ എന്നിവ ഏര്‍പ്പെടുത്തും. കുടിവെള്ളം, വാഹന സൗകര്യവും വോട്ടര്‍മാര്‍ക്കായി ഉറപ്പാക്കും.  ഭിന്നശേഷി വോട്ടര്‍മാര്‍ക്കായി ഒരുക്കിയ ഭിന്നശേഷി സൗഹൃദ പോളിങ് സ്റ്റേഷനില്‍ (ഇന്ക്ലൂസീവ് പോളിങ് സ്റ്റേഷന്‍) വോട്ടര്‍മാരെ സഹായിക്കാന്‍ നാലു അംഗനവാടി പ്രവര്‍ത്തകരെയും ഇതര പോളിങ് സ്റ്റേഷനുകളില്‍ ഓരോ അംഗനവാടി ജീവനക്കാരിയും എന്‍ എസ് എസ് വോളന്റിയറും ഉണ്ടാകും.

നിയമസഭാ തിരഞ്ഞെടുപ്പിനോടനുബന്ധിച്ച് പോളിംഗ് ജോലിയിലുള്ള ഉദ്യോഗസ്ഥരുടെ രണ്ടാംഘട്ട റാന്‍ഡമൈസേഷന്‍ ജില്ലയില്‍ പൂര്‍ത്തിയായി. ആദ്യ ഘട്ട റാന്‍ഡമൈസേഷനിലൂടെ ഉത്തരവ് ലഭിച്ച ഉദ്യോഗസ്ഥരെ എത് നിയമസഭാ മണ്ഡലങ്ങളിലേക്കാണ് നിയോഗിച്ചിരിക്കുന്നതെന്നാണ് രണ്ടാം ഘട്ട റാന്‍ഡമൈസേഷനിലൂടെ നിര്‍ണയിച്ചത്. പോളിംഗ് ജോലിയില്‍ നിന്ന് ഒഴിവാകാന്‍ അപേക്ഷ  നല്‍കിയവരില്‍ നിന്നും അര്‍ഹരായവരെ ഒഴിവാക്കിയിട്ടുണ്ട്.

‘മുള്ളെണ്ണം’ വോട്ടും ‘പെട്ടിയിലാക്കാന്‍’ കരുനീക്കവുമായി ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ എന്‍. ദേവിദാസ്. 100 ശതമാനം വോട്ടുകളുറപ്പാക്കാന്‍ തിരഞ്ഞെടുപ്പ് കമ്മിഷന്‍ ആവിഷ്‌കരിച്ച ‘ സ്വീപ് ‘ പ്രചാരണത്തിന്റെ ഭാഗമായി ദേശീയപാതയോരത്തെ വി പാര്‍ക്കിലെ ചെസ്‌കളത്തിലായിരുന്നു മത്സരം. ചെസ്‌പോലെ ബുദ്ധിപരമാകണം ജനാധിപത്യബോധവും വോട്ടവകാശവിനിയോഗവുമെന്ന് ജില്ലാ കലക്ടര്‍ ഓര്‍മിപ്പിച്ചു. പൊതുജനങ്ങളും പുതുതലമുറയും സംഗമിച്ച വിശ്രമ-വിനോദകേന്ദ്രത്തില്‍ പകര്‍ന്ന  സന്ദേശങ്ങള്‍ വോട്ടുകളായി മാറുമെന്ന ശുഭപ്രതീക്ഷയിലാണ് സ്വീപ് സംഘാടകരും.

വോട്ടേഴ്‌സ് ബോധവത്കരണത്തിന്റെ ഭാഗമായി നീറമൺകര ആഴാങ്കൽ വാക് വേയിൽ സൗഹൃദ ഫുട്ബോൾ മത്സരം സംഘടിപ്പിച്ചു. സ്വീപ്‌ നോഡൽ ഓഫീസറും അസിസ്റ്റന്റ് കളക്ടറുമായ ശിവശക്തിവേൽ മത്സരം കിക്ക് ഓഫ്‌ ചെയ്തു.

ജി.വി രാജ സ്പോട്സ് സ്കൂളിലെ ഒഫീഷ്യൽസ്, കേരള സ്പോട്സ് കൗൺസിൽ പരിശീലകർ, സ്പോട്സ് ആന്റ് യൂത്ത് അഫയേഴ്സിലെ പരിശീലകർ തുടങ്ങിയവർ മത്സരത്തിന് നേതൃത്വം നൽകി.

തിരുവനന്തപുരം സ്വീപ്പും ജില്ലാ ഭരണകൂടവും കായിക യുവജന വകുപ്പും സംയുക്തമായാണ് മത്സരം സംഘടിപ്പിച്ചത്. ചീഫ് ഇലക്ഷൻ ഓഫീസിലെ ജീവനക്കാർ, കളക്ടറേറ്റിലെ ജീവനക്കാർ, സ്വീപ്‌ ടീമംഗങ്ങൾ തുടങ്ങിയവർ മത്സരത്തിൽ പങ്കെടുത്തു.

85ന് വയസ്സിന് മുകളിലുള്ള മുതിർന്ന പൗരന്മാർക്കും ഭിന്നശേഷിക്കാരായ വ്യക്തികൾക്കും നിയമസഭാ തിരഞ്ഞെടുപ്പിന് വോട്ട് രേഖപ്പെടുത്തുന്നതിന് സൗകര്യം ഒരുക്കുന്ന ഹോം വോട്ടിം​ഗ് ഇന്ന് (മാർച്ച് 30) ആരംഭിക്കും.ഇന്ന് മുതൽ ഏപ്രിൽ 4 വരെ മുതൽ ആറ് ദിവസത്തേക്കാണ് ഹോം വോട്ടിം​ഗ് സംവിധാനം ഏർപ്പെടുത്തിയിരിക്കുന്നത്.

നിയമസഭാ തിരഞ്ഞെടുപ്പിനായി ജില്ലാ ഭരണകൂടം തയ്യാറാണെന്നും 100 ശതമാനം പോളിങ്ങാണ് ലക്ഷ്യമിടുന്നതെന്നും ജില്ലാ കളക്ടർ അനു കുമാരി. വോട്ടിങ് ദിനം അവധി ദിനമായി കാണാതെ സമ്മതിദായക അവകാശം വിനിയോഗിക്കണമെന്ന് കളക്ടർ പറഞ്ഞു. കല്ലറ, ചെട്ടിയെകൊന്നകയം ഉന്നതിയിലെ കമ്മ്യൂണിറ്റി ഹാളിൽ നടന്ന സ്വീപ്പ് വോട്ടർ ബോധവത്കരണ പരിപാടി ഉദ്ഘാടനം ചെയ്തു സംസാരിക്കുകയായിരുന്നു കളക്ടർ.

തിരഞ്ഞെടുപ്പ് പ്രക്രിയയിലെ ജനങ്ങളുടെ പങ്കാളിത്തമാണ് ജനാധിപത്യത്തിൻ്റെ ഭംഗി. അതിനായി സമൂഹത്തിലെ എല്ലാ വിഭാഗം ജനങ്ങളെയും ഉൾപ്പെടുത്തിക്കൊണ്ട് വോട്ടിംഗ് ശതമാനം നൂറിലെത്തിക്കുകയാണ് ഉദ്ദേശമെന്നും കളക്ടർ വ്യക്തമാക്കി.

85ന് വയസ്സിന് മുകളിലുള്ള മുതിർന്ന പൗരന്മാർക്കും ഭിന്നശേഷിക്കാരായ വ്യക്തികൾക്കും നിയമസഭാ തിരഞ്ഞെടുപ്പിന് വോട്ട് രേഖപ്പെടുത്തുന്നതിന് സൗകര്യം ഒരുക്കുന്ന ഹോം വോട്ടിം​ഗ് ഇന്ന് (മാർച്ച് 30) ആരംഭിക്കും. ഏപ്രിൽ 4 മുതൽ ആറ് ദിവസത്തേക്കാണ് ഹോം വോട്ടിം​ഗ് സംവിധാനം ഏർപ്പെടുത്തിയിരിക്കുന്നത്.

മൈ ഭാരത് സംഘടന, സ്റ്റേറ്റ് ഇലക്ഷൻ കമ്മീഷൻ, സ്വീപ് തിരുവനന്തപുരം എന്നിവയുടെ ആഭിമുഖ്യത്തിൽ വോട്ടേഴ്സ് ബോധവത്ക്കരണ സൈക്കിൾ റാലി നടത്തി.

സ്റ്റേറ്റ് ഇലക്ഷൻ കമ്മീഷൻ ഓഫീസിൽനിന്നും വെള്ളയമ്പലം, കവടിയാർ, പേരൂ ർക്കട ജംഗ്ഷൻ, പൂമല്ലിയൂർക്കോണം വഴി കളക്ടറേറ്റ് വരെയാണ് സൈക്കിൾ റാലി സംഘടിപ്പിച്ചത്.
അസിസ്റ്റന്റ് കളക്ടറും സ്വീപ്‌ നോഡൽ ഓഫീസറുമായ ശിവശക്തി വേൽ റാലി ഫ്ലാഗ് ഓഫ് ചെയ്തു. സ്വീപ് ടീമംഗങ്ങൾ  റാലിയിൽ പങ്കാളികളായി.

നിയമസഭ പൊതുതിരഞ്ഞെടുപ്പുമായി ബന്ധപ്പെട്ട് തിരഞ്ഞെടുപ്പ് ജോലികൾക്കായി നിയോഗിക്കപ്പെട്ട പ്രിസൈഡിംഗ് ഓഫീസർമാർ, ഫസ്റ്റ് പോളിംഗ് ഓഫീസർമാർ, പോളിംഗ് ഓഫീസർമാർ എന്നിവരുടെ രണ്ടാംഘട്ട തരംതിരിക്കൽ( റാൻഡമൈസേഷൻ) പൂർത്തിയായി. ഏത് നിയോജക മണ്ഡലത്തിലാണ് ഡ്യൂട്ടിയ്ക്കായി നിയോഗിച്ചിരിക്കുന്നതെന്നും കൂടെ ജോലി ചെയ്യേണ്ട ടീമംഗങ്ങളെ സംബന്ധിച്ചും ഇപ്പോൾ അറിയാൻ സാധിക്കും.  www.order.ceo kerala.gov.in എന്ന വെബ്സൈറ്റിൽ know your posting order എന്ന് ക്ലിക്ക് ചെയ്താൽ ഓഫീസർമാരുടെ നിയമനം സംബന്ധിച്ച വിവരങ്ങൾ ലഭിക്കും.

നിയമസഭ തിരഞ്ഞെടുപ്പ് പ്രചാരണങ്ങളുടെ ഭാഗമായി കണ്ണൂർ ജില്ലാ ഭരണകൂടം നടപ്പാക്കുന്ന സ്വീപ് 'ഇങ്ക് ഇറ്റ് കണ്ണൂർ' ക്യാമ്പയിനിന്റെ ഭാഗമായി വോട്ടർമാർക്കുള്ള അവബോധ പരിപാടി മാർച്ച് 29 ന് വൈകീട്ട് 4.30 ന് നടക്കും. 

കണ്ണൂർ സെന്റ് ആഞ്ചലോസ് ഫോർട്ടിൽ നടക്കുന്ന പരിപാടിയിൽ ചിരട്ടകൊണ്ടുള്ള ആർട്ട്, സെൽഫി സ്റ്റാൻഡ് എന്നിവ സ്ഥാപിക്കും. വൈകീട്ട് അഞ്ച് മുതൽ ഫ്ലാഷ്മോബുകൾ, ട്രാൻസ്ജെൻഡർമാരുടെ ദീപശിഖ പ്രയാണം, ദീപം തെളിയിക്കൽ, കളരിപ്പയറ്റ് എന്നിവ ഉണ്ടാവും.