നിയമസഭാ തെരഞ്ഞെടുപ്പുമായി ബന്ധപ്പെട്ട് ആന്റി ഡീഫേസ്‌മെന്റ് സ്‌ക്വാഡിന്റെ നേതൃത്വത്തില്‍ ജില്ലയില്‍ നടത്തിയ പരിശോധനകളില്‍ ശനിയാഴ്ച 295 പ്രചരണ സാമഗ്രികള്‍ നീക്കം ചെയ്തു. ഇതില്‍ പൊതു ഇടങ്ങളില്‍ വിവിധ രാഷ്ട്രീയ പാര്‍ട്ടികള്‍ സ്ഥാപിച്ച 223 പോസ്റ്ററുകള്‍, 14 ബാനറുകള്‍, 16 മറ്റ് പ്രചരണ സാമഗ്രികള്‍, സ്വകാര്യ ഇടങ്ങളില്‍ സ്ഥാപിച്ചിരുന്ന 42 പോസ്റ്ററുകള്‍ എന്നിവ ഉള്‍പ്പെടുന്നു.

വോട്ടര്‍ അവബോധം ശക്തിപ്പെടുത്താന്‍ ലക്ഷ്യമിട്ട് ജില്ലാ ഭരണകൂടത്തിന്റെ ആഭിമുഖ്യത്തില്‍ സ്വീപ് പദ്ധതിയുടെ ഭാഗമായി ചെതലയം കുറിച്യാട് ഉന്നതിയില്‍ തെരഞ്ഞെടുപ്പ് ബോധവത്ക്കരണ പരിപാടി സംഘടിപ്പിച്ചു. അസിസ്റ്റന്റ് കളക്ടര്‍ പി.പി അര്‍ച്ചന ഉദ്ഘാടനം ചെയ്തു. ഓരോ വോട്ടും വിലപ്പെട്ടതാണെന്നും വോട്ടവകാശം വിനിയോഗിക്കണമെന്നും വോട്ട് ചെയ്യാന്‍ മറ്റുള്ളവരെയും പ്രേരിപ്പിക്കണമെന്നും അസിസ്റ്റന്റ് കളക്ടര്‍ വോട്ടര്‍മാരോട് അഭ്യര്‍ത്ഥിച്ചു. 32 കുടുംബങ്ങള്‍ താമസിക്കുന്ന ചെതലയം കുറിച്യാട് ഉന്നതിയില്‍ ആകെ 73 വോട്ടര്‍മാരാണുള്ളത്. പരിപാടിയില്‍ സ്വീപ് അംഗങ്ങളും പങ്കെടുത്തു.

നിയമസഭാ പൊതു തെരഞ്ഞെടുപ്പുമായി ബന്ധപ്പെട്ട് പോളിംഗ് ഡ്യൂട്ടിയ്ക്ക് നിയോഗിക്കപ്പെട്ട ഉദ്യോഗസ്ഥര്‍ക്കുള്ള റിഫ്രഷര്‍ ട്രെയിനിംഗ് ഇന്ന് (ഏപ്രില്‍ 5) മുതല്‍. ജില്ലയിലെ വിവിധ വോട്ടേഴ്‌സ് ഫെസിലിറ്റേഷന്‍ സെന്ററുകളില്‍ മൂന്ന് ദിവസങ്ങളിലായി പരിശീലനം നടക്കും.
ഇന്ന് (ഏപ്രില്‍ 5) മാനന്തവാടി സെന്റ് പാട്രിക്‌സ് ഹൈസ്‌കൂളില്‍ രാവിലെ 9.30 മുതല്‍ ട്രെയിനിംഗ് ആരംഭിക്കും. ഏപ്രില്‍ ആറിന് കല്‍പ്പറ്റ സെന്റ് ജോസഫ്സ് കോണ്‍വെന്റ് സ്‌കൂളിലും ഏപ്രില്‍ ഏഴിന് സുല്‍ത്താന്‍ ബത്തേരി അസംപ്ഷന്‍ ഹൈസ്‌കൂളിലുമാണ് തുടര്‍പരിശീലനം നടക്കുക.

മുതിര്‍ന്ന പൗരന്മാര്‍, ഭിന്നശേഷിക്കാര്‍ കിടപ്പുരോഗികള്‍ എന്നിവര്‍ക്ക് വോട്ടവകാശം വിനിയോഗിക്കുന്നതിനുള്ള ഹോം വോട്ടിങ് ജില്ലയില്‍ 96 ശതമാനം പൂര്‍ത്തിയായി. ഈ വിഭാഗങ്ങളില്‍പ്പെട്ട ആകെ 4444 വോട്ടര്‍മാരില്‍ 4266 പേര്‍ ഇതിനോടകം വോട്ട് രേഖപ്പെടുത്തി. മാനന്തവാടി മണ്ഡലത്തില്‍ 1484 വോട്ടര്‍മാരും കല്‍പറ്റ മണ്ഡലത്തില്‍ 1370 വോട്ടര്‍മാരും സുല്‍ത്താന്‍ ബത്തേരി മണ്ഡലത്തില്‍ 1590 വോട്ടര്‍മാരുമാണ് ഹോം വോട്ടിങ് സൗകര്യം പ്രയോജനപ്പെടുത്തുന്നത്. 85 വയസിന് മുകളില്‍ പ്രായമുള്ള 140 മുതിര്‍ന്ന പൗരന്മാരും ഭിന്നശേഷിക്കാരായ 38 പേരുമാണ് ഇനി വോട്ട് ചെയ്യാനുള്ളത്.

നിയമസഭാ തെരഞ്ഞെടുപ്പിനോടനുബന്ധിച്ച് ജില്ലയില്‍ രണ്ട് ദിവസത്തെ സമ്പൂര്‍ണ മദ്യനിരോധനം ഏര്‍പ്പെടുത്തി. പരസ്യ പ്രചരണം അവസാനിക്കുന്ന ചൊവ്വാഴ്ച (ഏപ്രില്‍ 7) വൈകുന്നരം ആറ് മണി മുതല്‍ വോട്ടെടുപ്പ് ദിവസമായ വ്യാഴാഴ്ച (ഏപ്രില്‍ 9) വൈകുന്നേരം ആറ് മണി വരെയാണ് മദ്യനിരോധനം ഏര്‍പ്പെടുത്തിക്കൊണ്ട് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ ഉത്തരവിട്ടത്. മദ്യഷാപ്പുകള്‍, ബിവറേജസ് കോര്‍പറേഷന്‍ ഔട്ട്‌ലെറ്റുകള്‍, ബാറുകള്‍, ക്ലബ്ബുകള്‍, റസ്റ്റോറന്റുകള്‍, ഹോട്ടലുകള്‍ ഉള്‍പ്പെടെ മദ്യം വില്‍ക്കുകയോ വിതരണം ചെയ്യുകയോ ചെയ്യുന്ന എല്ലാ സ്ഥാപനങ്ങള്‍ക്കും മദ്യനിരോധനം ബാധകമാണ്.

നിയമസഭാ തെരഞ്ഞെടുപ്പിന്റെ പരസ്യ പ്രചരണം അവസാനിക്കുന്ന ചൊവ്വാഴ്ച (ഏപ്രില്‍ 7) വൈകുന്നേരം ആറ് മുതല്‍ ജില്ലയില്‍ നിരോധനാജ്ഞ പ്രഖ്യാപിച്ചുകൊണ്ട് ജില്ലാതെരഞ്ഞെടുപ്പ് ഓഫീസറായ ജില്ലാ കളക്ടര്‍ ഉത്തരവിട്ടു. അനധികൃത ആള്‍ക്കൂട്ടങ്ങള്‍ക്കും പൊതുയോഗങ്ങള്‍ക്കും ബി.എന്‍.എസ് 163-ാം വകുപ്പ് പ്രകാരം വിലക്കേര്‍പ്പെടുത്തിയാണ് കളക്ടറുടെ ഉത്തരവ്. വോട്ടെടുപ്പ് നടക്കുന്ന വ്യാഴാഴ്ച അര്‍ദ്ധരാത്രി 12 വരെ നിയന്ത്രണങ്ങള്‍ നിലനില്‍ക്കും.

നിയമസഭാ തിരഞ്ഞെടുപ്പിന്റെ ഭാഗമായി ഇതുവരെ ജില്ലയിൽ 19348 പേർ ഹോം വോട്ടിംഗ് രേഖപ്പെടുത്തി. ഹോം വോട്ടിംഗ് പ്രക്രിയ ഇന്ന് (ഏപ്രിൽ 6 ) അവസാനിക്കും. 

ജില്ലയിലെ 13 നിയോജകമണ്ഡലങ്ങളിലായി വോട്ടർപട്ടികയിൽ 85 വയസ്സ് പൂർത്തിയായവർ, വോട്ടർപട്ടികയിൽ ഭിന്നശേഷി മാർക്ക് ചെയ്തതും 40 ശതമാനത്തിലധികം ഭിന്നശേഷിയുളളതുമായ വോട്ടർമാർ എന്നിവർക്ക് അപേക്ഷിച്ച പ്രകാരം ഹോം വോട്ടിങ് സംവിധാനമാണ് ജില്ലയിൽ നടപ്പിലാക്കിയത്. 

ചേലക്കര – 1645

കുന്നംകുളം – 1303

ഗുരുവായൂർ – 1109

മണലൂർ – 1765

വടക്കാഞ്ചേരി – 1658

ഒല്ലൂർ – 1172

തൃശ്ശൂർ – 1092

അവശ്യ സർവീസ് ജീവനക്കാർക്കുള്ള പോസ്റ്റൽ വോട്ടിംഗ് ഇന്ന് (06-04-2026) അവസാനിക്കും. 1583 അവശ്യ സർവീസ് ജീവനക്കാരാണ് ഫോറം 12 ഡി വഴി പോസ്റ്റൽ വോട്ടിന് അപേക്ഷിച്ചിരുന്നത്. ഇതിൽ 1393 പേർ 13 നിയോജകമണ്ഡലങ്ങളിലായി പ്രവർത്തിക്കുന്ന പോസ്റ്റൽ വോട്ടിംഗ് സെന്റർ വഴി ഇതുവരെ വോട്ട് ചെയ്തു. ഇന്ന് (06-04-2026) രാവിലെ 09:00 മുതൽ വൈകിട്ട് 05:00 മണിവരെ ജില്ലയിലെ 13 നിയോജകമണ്ഡലങ്ങളിലേയും പോസ്റ്റൽ വോട്ടിംഗ് സെൻ്ററുകൾ പ്രവർത്തിക്കും. ഇനിയും വോട്ട് ചെയ്യാത്ത എല്ലാവരും പോസ്റ്റൽ വോട്ടിംഗ് സെൻ്റർ സന്ദർശിച്ച് വോട്ട് രേഖപ്പെടുത്തണമെന്ന് അറിയിക്കുന്നു.

1. *ചേലക്കര* (ജി.എച്ച്.എസ്.എസ് ചെറുതുരുത്തി, ഗവ. എഞ്ചിനീയറിംഗ് കോളേജ്, തൃശ്ശൂർ)
2. *കുന്നംകുളം* (ശ്രീകൃഷ്ണ കോളേജ്, അരിയന്നൂർ, ഗുരുവായൂർ, ശ്രീകൃഷ്ണ കോളേജ്, അരിയന്നൂർ, ഗുരുവായൂർ)
3. *വടക്കാഞ്ചേരി* (ഗവ. എഞ്ചിനീയറിംഗ് കോളേജ്, തൃശ്ശൂർ, ഗവ. എഞ്ചിനീയറിംഗ് കോളേജ്, തൃശ്ശൂർ)
4. *ഗുരുവായൂർ* ( എം. ആർ. ആർ. എം എച്ച്. എസ് എസ്,ചാവക്കാട്, ശ്രീകൃഷ്ണ കോളേജ്, അരിയന്നൂർ, ഗുരുവായൂർ)
5. *മണലൂർ* ( ശ്രീകൃഷ്ണ ഹയർ സെക്കൻഡറി സ്കൂൾ, ഗുരുവായൂർ,ശ്രീകൃഷ്ണ കോളേജ്, അരിയന്നൂർ, ഗുരുവായൂർ)
6. *ഒല്ലൂർ* (ഗവ. എഞ്ചിനീയറിംഗ് കോളേജ്, തൃശ്ശൂർ, ഗവ. എഞ്ചിനീയറിംഗ് കോളേജ്, തൃശ്ശൂർ)