നിയമസഭാ തെരഞ്ഞെടുപ്പ് പൂർണമായും പരിസ്ഥിതി സൗഹൃദമാക്കുകയെന്ന ലക്ഷ്യത്തോടെ ജില്ലാ ശുചിത്വ മിഷന്‍ ഒരുക്കിയ പ്ലാസ്റ്റിക് മാന്‍ ശ്രദ്ധേയമാകുന്നു. പ്ലാസ്റ്റിക് ഉപയോഗത്തിന്റെ പ്രത്യാഘാതങ്ങളെക്കുറിച്ച് വോട്ടര്‍മാരിലും ഉദ്യോഗസ്ഥരിലും അവബോധം സൃഷ്ടിക്കാനാണ് വേറിട്ട പ്രചാരണ പരിപാടി സംഘടിപ്പിച്ചത്. ഉപയോഗശൂന്യമായ പ്ലാസ്റ്റിക് കുപ്പികളും കവറുകളും ശരീരമാസകലം തുന്നിച്ചേര്‍ത്ത വസ്ത്രം ധരിച്ചാണ് പ്ലാസ്റ്റിക് മാന്‍ ഹരിത സന്ദേശവുമായി പൊതുജനങ്ങള്‍ക്കിടയിലേക്ക് എത്തുന്നത്.

നിയമസഭാ തെരഞ്ഞെടുപ്പുമായി ബന്ധപ്പെട്ട് ആന്റി ഡീഫേസ്‌മെന്റ് സ്‌ക്വാഡിന്റെ നേതൃത്വത്തില്‍ ജില്ലയില്‍ നടത്തിയ പരിശോധനകളില്‍ ഞായറാഴ്ച്ച 330 പ്രചരണ സാമഗ്രികള്‍ നീക്കം ചെയ്തു. ഇതില്‍ പൊതു ഇടങ്ങളില്‍ വിവിധ രാഷ്ട്രീയ പാര്‍ട്ടികള്‍ സ്ഥാപിച്ചിരുന്ന 274 പോസ്റ്ററുകള്‍, 16 ബാനറുകള്‍, ഒരു മറ്റ് പ്രചരണ സാമഗ്രി, സ്വകാര്യ ഇടങ്ങളില്‍ സ്ഥാപിച്ചിരുന്ന 38 പോസ്റ്ററുകള്‍, ഒരു ബാനർ എന്നിവ ഉള്‍പ്പെടുന്നു.

നിയമസഭാ തെരഞ്ഞെടുപ്പിന് സുൽത്താൻ ബത്തേരി നിയോജക മണ്ഡലത്തിൽ പോളിങ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥർക്ക് ഏപ്രിൽ ഏഴിന് സുൽത്താൻ ബത്തേരി അസംപ്ഷൻ സ്കൂളിൽ റിഫ്രഷർ ട്രെയിനിംഗ് നടക്കും. രാവിലെ 9.30നും ഉച്ചയ്ക്ക് 1.30നും രണ്ട് ബാച്ചുകളായാണ് പരിശീലനം. ഏപ്രിൽ രണ്ടിന് രാവിലത്തെ ബാച്ചിൽ പരിശീലനത്തിൽ പങ്കെടുത്തവർ ഏപ്രിൽ ഏഴിന് രാവിലെ 9.30നും ഏപ്രിൽ രണ്ടിന് ഉച്ചയ്ക്ക് ശേഷമുള്ള ബാച്ചിൽ പരിശീലനത്തിൽ പങ്കെടുത്തവർ ഏഴിന് ഉച്ചയ്ക്ക് ശേഷമുള്ള ബാച്ചിലും നിർബന്ധമായും പരിശീലനത്തിൽ പങ്കെടുക്കണമെന്ന് റിട്ടേണിങ് ഓഫീസർ അറിയിച്ചു.

നിയമസഭാ തെരഞ്ഞെടുപ്പിന് മുന്നോടിയായി വോട്ടവകാശത്തിന്റെ പ്രാധാന്യം ജനങ്ങളിലെത്തിക്കാന്‍ ജില്ലാ ഭരണകൂടത്തിന്റെ നേതൃത്വത്തില്‍ സ്വീപ് നയിക്കുന്ന വോട്ടര്‍ ബോധവത്കരണ റാലി നാളെ (തിങ്കള്‍) നടക്കും.മലപ്പുറം കുന്നുമ്മലില്‍ നിന്നും വൈകുന്നേരം 3.30 ന് തുടക്കമാവുന്ന റാലി കോട്ടക്കുന്നില്‍ സമാപിക്കും. സമ്മതിദാന അവകാശത്തെക്കുറിച്ച് വോട്ടര്‍മാരില്‍ അവബോധം സൃഷ്ടിക്കുക, നൂറു ശതമാനം പോളിങ് ഉറപ്പാക്കുക എന്നീ ലക്ഷ്യങ്ങളോടെയാണ് റാലി സംഘടിപ്പിക്കുന്നത്.

നിയമസഭാ പൊതു തെരഞ്ഞെടുപ്പില്‍  എല്ലാ പോളിങ് സ്റ്റേഷനുകളും പൂര്‍ണ്ണമായും ഹരിതചട്ടം പാലിച്ച് മികച്ച 'മാതൃകാ ഇക്കോ പോളിങ് സ്റ്റേഷനു'കളാക്കി സജ്ജീകരിക്കുന്നതിന്റെ ഭാഗമായി ജില്ലാ ശുചിത്വമിഷന്റെ നേതൃത്വത്തില്‍ ജില്ലയിലെ ബി.എല്‍.ഒ.മാര്‍ക്കായി 'ഇക്കോ ബൂത്ത് ചലഞ്ച് 2026' മത്സരം സംഘടിപ്പിക്കുന്നു. മത്സരത്തില്‍ പങ്കെടുക്കുന്ന ബി. എല്‍.

പോസ്റ്റല്‍ വോട്ടിങിനായി ഒരുക്കിയിട്ടുള്ള വോട്ടര്‍ ഫെസിലേറ്റഷന്‍ സെന്ററുകളിലും പോസ്റ്റല്‍ വോട്ടിംഗ് കേന്ദ്രങ്ങളിലും വോട്ടര്‍മാര്‍ മൊബൈല്‍ ഫോണ്‍ ഉപയോഗിക്കുന്നത് വിലക്കി സംസ്ഥാന മുഖ്യ തിരഞ്ഞെടുപ്പ് ഓഫീസര്‍ ഉത്തരവിറക്കി. ഇതുസംബന്ധിച്ച നിര്‍ദ്ദേശങ്ങള്‍ എല്ലാ ജില്ലാ തിരഞ്ഞെടുപ്പ് ഓഫീസര്‍മാര്‍ക്കും വരണാധികാരികള്‍ക്കും കൈമാറി. തിരഞ്ഞെടുപ്പ് നടപടിക്രമങ്ങളുടെ സുതാര്യതയും സുരക്ഷിതത്വവും ഉറപ്പാക്കുന്നതിന്റെ ഭാഗമായാണ് ഈ നടപടി.

നിയമസഭാ തിരഞ്ഞെടുപ്പില്‍ മലപ്പുറം ജില്ലയിലെ  പ്രശ്‌ന സാധ്യതാ ബൂത്തുകളില്‍ നിരീക്ഷണം നടത്തുന്നതിനായി തിരഞ്ഞെടുത്ത മൈക്രോ ഒബ്‌സര്‍വര്‍മാര്‍ക്ക് പരിശീലനം സംഘടിപ്പിച്ചു. പ്രാഥമിക പരിശീലനത്തില്‍ പങ്കെടുക്കുവാന്‍ കഴിയാതിരുന്നവര്‍ക്കും പുതുതായി നിയമിച്ച മൈക്രോ ഒബ്‌സര്‍വര്‍മാര്‍ക്കുമുള്ള പരിശീലനം കളക്ടറേറ്റ് കോണ്‍ഫറന്‍സ് ഹാളില്‍ നടന്നു. ഇലക്ഷന്‍ ഒബ്‌സര്‍വര്‍മാരായ എം.ബി രാജേഷ് ഗൗഡ , ശക്തി സിംഗ്  എന്നിവര്‍ മൈക്രോ ഒബ്‌സര്‍വര്‍മാര്‍ക്ക് നിര്‍ദ്ദേശങ്ങള്‍ നല്‍കി. ജില്ലാ മാസ്റ്റര്‍ ട്രെയിനര്‍ ടി.

നിയമസഭാ തിരഞ്ഞെടുപ്പിന്റെ പരസ്യപ്രചാരണം അവസാനിക്കുന്നതോടെ മണ്ഡലത്തിന് പുറത്തുനിന്നുള്ള രാഷ്ട്രീയ പ്രവര്‍ത്തകരും ഭാരവാഹികളും നിര്‍ബന്ധമായും മണ്ഡലം വിട്ടുപോകണമെന്ന് മുഖ്യ തിരഞ്ഞെടുപ്പ് ഓഫീസര്‍ നിര്‍ദ്ദേശം നല്‍കി. സ്വതന്ത്രവും നീതിപൂര്‍വ്വകവുമായ വോട്ടെടുപ്പ് ഉറപ്പാക്കുന്നതിനും പുറത്തുനിന്നുള്ളവരുടെ സാന്നിധ്യം തിരഞ്ഞെടുപ്പ് അന്തരീക്ഷത്തെ ബാധിക്കാതിരിക്കാനും സ്വതന്ത്രമായ വോട്ടെടുപ്പ് ഉറപ്പാക്കാനുമായി തെരഞ്ഞെടുപ്പ് മാതൃകാ പെരുമാറ്റച്ചട്ടം അനുസരിച്ചാണ് ഈ നടപടി.

നിയമസഭാ തെരഞ്ഞെടുപ്പിന് പോളിംഗ് ഡ്യൂട്ടിയിലുള്ള ജില്ലയിലെ ഭിന്നശേഷി ജീവനക്കാര്‍ക്ക് പരിശീലനം സംഘടിപ്പിച്ചു. കളക്ടറേറ്റ് കോണ്‍ഫറന്‍സ് ഹാളില്‍ നടത്തിയ പരിശീലനം ജില്ലാ കളക്ടര്‍ ഡോ. വിനയ് ഗോയല്‍ ഉദ്ഘാടനം ചെയ്തു. ഭിന്നശേഷിക്കാര്‍ മാത്രം നിയന്ത്രിക്കുന്ന ബൂത്തുകളിലെ ജീവനക്കാരാണ് പരിശീലനത്തില്‍ പങ്കെടുത്തത്. ജില്ലയില്‍ പോളിംഗ് ഡ്യൂട്ടിയില്‍ ഉള്ളവരും റിസര്‍വിലുള്ളവരുമായി 25 ഓളം പേര്‍ പങ്കെടുത്തു. റാംപ് അടക്കം മികച്ച സൗകര്യങ്ങളൊരുക്കണമെന്നും റിസര്‍വിലുള്ള ജീവനക്കാരെയും ഉള്‍പ്പെടുത്താന്‍ തയ്യാറാകണമെന്നും ജീവനക്കാര്‍ ആവശ്യപ്പെട്ടു. പരിശീലനത്തിന് നിറമരുതൂര്‍ ഗ്രാമപഞ്ചായത്ത് അസിസ്റ്റന്റ് സെക്രട്ടറി ടി.

നിയമസഭാ  തെരഞ്ഞെടുപ്പിന്റെ സുഗമമായ നടത്തിപ്പിന് ആവശ്യമായ നിര്‍ണ്ണായകമായ ഒരുക്കങ്ങള്‍ വിലയിരുത്തുന്നതിനായി മലപ്പുറം ജില്ലാ കളക്ടര്‍ ഡോ. വിനയ് ഗോയല്‍, ജില്ലാ പൊലിസ് മേധാവി ചൈത്ര തെരേസ ജോണ്‍ എന്നിവരുടെ നേതൃത്വത്തില്‍ എന്‍ഫോഴ്‌സ്‌മെന്റ് ഏജന്‍സികളുടെയും ഉദ്യോഗസ്ഥരുടെയും അടിയന്തര യോഗം ചേര്‍ന്നു. വോട്ടെടുപ്പിന് തൊട്ടുമുമ്പുള്ള അവസാന 72 മണിക്കൂറുകളില്‍ നടപ്പിലാക്കേണ്ട സുരക്ഷാ ക്രമീകരണങ്ങളും പണത്തിന്റെയും ലഹരിവസ്തുക്കളുടെയും ഒഴുക്ക് തടയുന്നതിനുള്ള കര്‍ശന നടപടികളും യോഗത്തില്‍ ചര്‍ച്ച ചെയ്തു. കേന്ദ്ര തെരഞ്ഞെടുപ്പ് നിരീക്ഷകരും യോഗത്തിൽ പങ്കെടുത്തു.