പാലക്കാട് ജില്ലാ ആശുപത്രിയിലെ കാത്ത്ലാബ് വിഭാഗത്തിലേക്ക് സാമഗ്രികള്‍ വാങ്ങുന്നതിന് ഇ-ടെണ്ടര്‍ ക്ഷണിച്ചു. ആഞ്ജിയോഗ്രാഫിക് ഷീത്തുകള്‍, കത്തീറ്ററുകള്‍, ബലൂണുകള്‍, സ്റ്റന്റുകള്‍, പേസ്മേക്കറുകള്‍ മുതലായ കണ്‍സ്യൂമബിള്‍സും ഹാര്‍ഡ് വെയേഴ്സ് എന്നിവയാണ് വിതരണം ചെയ്യേണ്ടത്. താല്‍പര്യമുള്ളവര്‍ www.etenders.kerala.gov.in എന്ന വെബ്സൈറ്റ് വഴി ക്വട്ടേഷന്‍ സമര്‍പ്പിക്കേണ്ടതാണ്. ക്വട്ടേഷനുകള്‍ ജനുവരി ഏഴ് വരെ സ്വീകരിക്കും. ജനുവരി ഒന്‍പതിന് ക്വട്ടേഷന്‍ തുറന്ന് പരിശോധിക്കും. ഫോണ്‍: 0491 2533327

 
പാലക്കാട് ജില്ലയിലെ ബാങ്കുകളുടെ പ്രവര്‍ത്തനം വിലയിരുത്തുന്നതിനുളള ജില്ലാതല കണ്‍സള്‍ട്ടേറ്റീവ് കമ്മിറ്റി, ജില്ലാതല അവലോകന സമിതി എന്നിവയുടെ സംയുക്ത യോഗം ഡിസംബര്‍ 29 ന് ഉച്ചയ്ക്ക് 2.30 ന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. 2025 സെപ്റ്റംബറില്‍ അവസാനിച്ച പാദവാര്‍ഷിക കാലയളവിലെ ബാങ്കിങ് പുരോഗതിയും വിവിധ പദ്ധതികളുടെ നടത്തിപ്പും യോഗത്തില്‍ അവലോകനം ചെയ്യും.
 

വനിത ശിശുവികസന വകുപ്പിന് കീഴില്‍ പ്രവര്‍ത്തിക്കുന്ന ശ്രീകൃഷ്ണപുരം ഐ.സി.ഡി.എസ് ഓഫീസിന്റെ ആവശ്യങ്ങള്‍ക്കായി 2025-26 വര്‍ഷത്തില്‍ കരാര്‍ അടിസ്ഥാനത്തില്‍ വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. വാഹനത്തിന് ഏഴ് വര്‍ഷത്തിലധികം കാലപ്പഴക്കം ഉണ്ടാവരുത്. ഡ്രൈവറുടെ ശമ്പളം, ഇന്ധനച്ചെലവ്, ടാക്‌സ്, ഇന്‍ഷുറന്‍സ്, മെയിന്റനന്‍സ് മറ്റു അനുബന്ധ ചെലവുകളെല്ലാം വാഹന ഉടമ വഹിക്കണം. ക്വട്ടേഷനുകള്‍ 2026 ജനുവരി ഒന്‍പത് ഉച്ചയ്ക്ക് രണ്ട് വരെ സ്വീകരിക്കും. അന്നേദിവസം വൈകീട്ട് മൂന്നിന് ക്വട്ടേഷന്‍ തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍: 7994472338

ക്ഷീര വികസന വകുപ്പിന്റെ 2025-2026 സാമ്പത്തിക വര്‍ഷത്തിലെ വിവിധ പദ്ധതികളിലേക്ക് ഓണ്‍ലൈനായി അപേക്ഷിക്കാം. പുല്‍കൃഷി വികസനം, ഡയറി ഫാം ഹൈജീന്‍ മെച്ചപ്പെടുത്തുന്നതിനുള്ള പദ്ധതി, മില്‍ക്ക് ഷെഡ് വികസനം, ക്ഷീരഗ്രാമം തുടങ്ങിയ പദ്ധതികളിലേക്കാണ് അപേക്ഷിക്കേണ്ടത്. ഡിസംബര്‍ 29ആം തീയതി വരെ www.kseerasree.kerala.gov.in എന്ന പോര്‍ട്ടല്‍വഴിയാണ് അപേക്ഷിക്കേണ്ടത്. കൂടുതല്‍ വിവരങ്ങള്‍ക്ക് ബ്ലോക്ക് തല ക്ഷീരവികസന യൂണിറ്റുമായി ബന്ധപ്പെടണമെന്ന് ക്ഷീരവികസന വകുപ്പ് ഡയറക്ടര്‍ അറിയിച്ചു

നെല്ലിയാമ്പതിയിലെ ഗവ. ഓറഞ്ച് ആന്‍ഡ് വെജിറ്റബിള്‍ ഫാമില്‍ ഈ വര്‍ഷത്തെ ശീതകാല പച്ചക്കറി വിളവെടുപ്പിന് തുടക്കമായി. കെ. ബാബു എം.എല്‍.എ വിളവെടുപ്പ് ഉദ്ഘാടനം ചെയ്തു. കൃഷി വകുപ്പിന് കീഴിലുള്ള സംസ്ഥാനത്തെ ഏറ്റവും വലിയ ഫാമുകളിലൊന്നായ ഇവിടെ പത്തോളം ഏക്കറിലാണ് ഇത്തവണ പച്ചക്കറി കൃഷി ഇറക്കിയിരിക്കുന്നത്. മികച്ച കൃഷി രീതികളും ഓപ്പണ്‍ പ്രിസിഷന്‍ ഫാമിങ് സാങ്കേതികവിദ്യയും ഉപയോഗിച്ചാണ് കഴിഞ്ഞ രണ്ട് വര്‍ഷമായി ഇവിടെ കൃഷി ചെയ്യുന്നത്.

ക്രിസ്മസ്, പുതുവത്സരത്തോടനുബന്ധിച്ച് കെ.എസ്.ഇ.ബി പെരിങ്ങോട്ടുകുറിശ്ശി സെക്ഷനിലെ ജീവനക്കാരുടെ നേതൃത്വത്തിൽ, പൊതുജനങ്ങളിൽ വൈദ്യുതി സുരക്ഷയെ സംബന്ധിച്ച് അവബോധം വർധിപ്പിക്കുന്നതിനായി സുരക്ഷാ സന്ദേശ ഘോഷയാത്ര സംഘടിപ്പിച്ചു. സെക്ഷൻ അസിസ്റ്റന്റ് എൻജിനീയർ രതീഷ് ഉദ്ഘാടനം നിർവഹിച്ചു. വൈദ്യുതി ഉപയോഗത്തിൽ ആവശ്യമായ ജാഗ്രത പാലിക്കേണ്ടതിന്റെ പ്രാധാന്യം, അനധികൃത കണക്ഷനുകൾ ഒഴിവാക്കേണ്ടതിന്റെ ആവശ്യകത, തുറന്ന വയറുകൾ, തകരാറിലായ വൈദ്യുതി ഉപകരണങ്ങൾ എന്നിവ മൂലമുണ്ടാകാവുന്ന അപകടങ്ങൾ തുടങ്ങിയ വിഷയങ്ങളിൽ പൊതുജനങ്ങൾക്ക് ബോധവൽക്കരണം നൽകി.

വനിത ശിശുവികസന വകുപ്പിന് കീഴില്‍ പട്ടാമ്പി അഡീഷണല്‍ ശിശു വികസന പദ്ധതി ഓഫീസറുടെ കാര്യാലയത്തിന്റെ ഓദ്യോഗിക ആവശ്യങ്ങള്‍ക്കായി ഏഴ് വര്‍ഷത്തില്‍ താഴെ പഴക്കമുള്ള ടാക്‌സി പെര്‍മിറ്റുള്ള വാഹനങ്ങള്‍ ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഡിസംബര്‍ 30 വൈകീട്ട് മൂന്ന് വരെ സ്വീകരിക്കും. അന്നേദിവസം വൈകീട്ട് നാലിന് ക്വട്ടേഷനുകള്‍ തുറന്ന് പരിശോധിക്കും. ഫോണ്‍: 0466 2262170

വനിത ശിശു വികസന വകുപ്പിന് കീഴില്‍ പ്രവര്‍ത്തിക്കുന്ന പാലക്കാട് വനിതാ പ്രൊട്ടക്ഷന്‍ ഓഫീസര്‍ ഔദ്യോഗിക ആവശ്യങ്ങള്‍ക്കായി ഒരു വര്‍ഷത്തേക്ക് വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ഏഴ് വര്‍ഷത്തിലധികം കാലപഴക്കമില്ലാത്ത വാഹന(കാര്‍, ജീപ്പ്)മാണ് ആവശ്യം. ക്വട്ടേഷനുകള്‍ ജനുവരി ഒന്ന് ഉച്ചയ്ക്ക് രണ്ട് വരെ സ്വീകരിക്കും. അന്നേദിവസം വൈകീട്ട് മൂന്നിന് ക്വട്ടേഷനുകള്‍ തുറന്ന് പരിശോധിക്കുന്നതാണ്. കൂടുതല്‍ വിവരങ്ങള്‍ക്ക് ഫോണ്‍: 8281999061

ഷൊര്‍ണൂര്‍ ഇന്‍സ്റ്റിറ്റൂട്ട് ഓഫ് പ്രിന്റിങ് ടെക്‌നോളജി ആന്‍ഡ് ഗവ പോളിടെക്‌നിക് കോളേജില്‍ പ്രിന്റിങ് ടെക്‌നോളജി വിഭാഗം ട്രേഡ്‌സ്മാന്‍ തസ്തികയില്‍ അതിഥി അധ്യാപക നിയമനം നടത്തുന്നു. ദിവസ വേതനാടിസ്ഥാനത്തിലാണ് നിയമനം. താല്‍പര്യമുള്ളവര്‍ യോഗ്യത സര്‍ട്ടിഫിക്കറ്റുകള്‍ സഹിതം ജനുവരി അഞ്ചിന് രാവിലെ 11 കോളേജില്‍ എത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍- 04662220450, 9400006447

മലമ്പുഴ ഗവ ഐ.ടി.ഐയില്‍ 2014 പരിശീലന വര്‍ഷം മുതല്‍ ഐ.ടി.ഐ അഡ്മിഷന്‍ നേടിയ ട്രെയിനികളുടെ പ്രൊഫൈല്‍ സംബന്ധമായ തിരുത്തലുകള്‍ വരുത്തുന്നതിന് സ്‌കില്‍ ഇന്ത്യ ഡിജിറ്റല്‍ ഹബ്ബ്(SIDH) പോര്‍ട്ടല്‍ വഴി സാധിക്കും. തിരുത്തലുകള്‍ ആവശ്യമുള്ളവര്‍ ട്രെയിനികള്‍ തങ്ങളുടെ പ്രൊഫൈല്‍ മുഖേന പരാതികള്‍ ലഭ്യമാക്കണമെന്ന് പ്രിന്‍സിപ്പല്‍ അറിയിച്ചു.