നിയമസഭാ തിരഞ്ഞെടുപ്പിനുള്ള സ്ഥാനാർത്ഥികളുടെ  നോമിനേഷൻ  ഫോമുകൾ എല്ലാ റിട്ടേണിംഗ് ഓഫീസർ മാരുടെയും എ ആർ ഓമാരുടെയും ഓഫീസുകളിൽ ലഭ്യമാണെന്ന് ജില്ലാ തിരഞ്ഞെടുപ്പ് ഓഫീസറും  കളക്ടറുമായ  അനു കുമാരി അറിയിച്ചു.
സ്ഥാനാർത്ഥികൾക്കും രാഷ്ട്രീയപാർട്ടി പ്രതിനിധികൾക്കും ബന്ധപ്പെട്ട ഓഫീസു കളിൽ നിന്ന് അവ ലഭിക്കുമെന്നും കളക്ടർ അറിയിച്ചു.

നിയമസഭാ പൊതുതിരഞ്ഞെടുപ്പുമായി ബന്ധപ്പെട്ട് തിരുവനന്തപുരം ജില്ലയിൽ തിരഞ്ഞെടുപ്പ് നിരീക്ഷകർ ചുമതലയേറ്റു. നാല് ജനറൽ ഒബ്സർവർമാരും നാല് എക്സ്പെൻഡിച്ചർ ഒബ്സർവർമാരും ഒരു പോലീസ് ഒബ്സർവറുമാണ് ജില്ലയിൽ ഉള്ളത്.

വർക്കല, ആറ്റിങ്ങൽ, ചിറയിൻകീഴ്, കഴക്കൂട്ടം മണ്ഡലങ്ങളിൽ ആഷിഷ് ജോഷി ഐഎഎസ് (ഫോൺ- 8848313957) ആണ് ജനറൽ ഒസ്ബസർവർ. വർക്കല ബ്ലോക്ക് പഞ്ചായത്ത് ഓഫീസ് ഹാളിൽ എല്ലാ ദിവസവും രാവിലെ 10.30 മുതൽ 11.30 വരെ ആഷിഷ് ജോഷി ഐഎഎസിന്റെ നേതൃത്വത്തിൽ പബ്ലിക് ഹിയറിംഗ് നടത്തും. വർക്കല ഗസ്റ്റ് ഹൗസിലാണ്  ഓഫീസ് പ്രവർത്തിക്കുന്നത്.

സംസ്ഥാന പോലീസ് കംപ്ലയിന്റ് അതോറിറ്റിയില്‍ കോണ്‍ഫിഡന്‍ഷ്യല്‍ അസിസ്റ്റന്റ് തസ്തികയില്‍ ദിവസ വേതനാടിസ്ഥാനത്തിൽ മാര്‍ച്ച് 25, 26 തീയതികളില്‍ നടത്തുവാന്‍ നിശ്ചയിച്ചിരുന്ന അഭിമുഖം തെരഞ്ഞെടുപ്പ് പെരുമാറ്റചട്ടം നിലവില്‍ വന്ന സാഹചര്യത്തില്‍ മാറ്റി വെച്ചതായി അധികൃതര്‍ അറിയിച്ചു. പുതുക്കിയ തീയതി പിന്നീട് അറിയിക്കും.

#മോണിറ്ററിങ്ങിന് ഫ്‌ലയിങ് സ്‌ക്വാഡും സ്റ്റാറ്റിക് സർവയലൻസ് ടീമും#

നിയമസഭാ പൊതുതിരഞ്ഞെടുപ്പിൽ ഏതെങ്കിലും സ്ഥാനാർത്ഥിക്ക് അനുകൂലമായി വോട്ട് ചെയ്യുന്നതിനായി വോട്ടർമാർക്ക് പണമോ പാരിതോഷികങ്ങളോ മദ്യമോ മറ്റു സാധനസാമഗ്രികളോ വിതരണം ചെയ്യുന്നത് ശിക്ഷാർഹമായ കുറ്റമാണെന്ന് ഇലക്ഷൻ എക്‌സ്പെൻഡിച്ചർ മോണിറ്ററിങ് നോഡൽ ഓഫീസർ അറിയിച്ചു. ഇത് തടയുന്നതിന് ജില്ലയിലുടനീളം ഫ്‌ലയിങ് സ്‌ക്വാഡ്, സ്റ്റാറ്റിക് സർവയലൻസ് ടീം എന്നിവയെ വിന്യസിച്ചിട്ടുണ്ട്.

നിയമസഭാ തിരഞ്ഞെടുപ്പുമായി ബന്ധപ്പെട്ട പ്രചാരണ സാമഗ്രികൾ തയ്യാറാക്കുമ്പോൾ പബ്ലിഷ് ചെയ്യുന്ന ആളിന്റെ പേരും മേൽ വിലാസവും കോപ്പികളുടെ എണ്ണവും പ്രചാരണ സാമഗ്രികളിൽ രേഖപ്പെടുത്തണമെന്ന് ഇലക്ഷൻ എക്‌സ്‌പെൻഡിച്ചർ മോണ്റ്ററിംഗ് നോഡൽ ഓഫീസർ  അറിയിച്ചു. പോസ്റ്റർ, ബാനർ, മറ്റു പ്രചാരണ സാമഗ്രികൾ എന്നിവ പ്രിന്റ് ചെയ്യുമ്പോൾ ജോലി ഏൽപ്പിക്കുന്നവരിൽ നിന്ന് പ്രിന്റ്റിംഗ് സ്ഥാപനം നിർബന്ധമായും സത്യവാങ്മൂലം വാങ്ങി സൂക്ഷിക്കേണ്ടതാണ്.

നിയമസഭാ തിരഞ്ഞെടുപ്പ് കവറേജിനുള്ള തിരഞ്ഞെടുപ്പ് കമ്മീഷന്റെ പാസിനു വേണ്ടി ജില്ലയിലെ അക്രെഡിറ്റഡ് പത്ര -ദൃശ്യ മാധ്യമപ്രവര്‍ത്തകര്‍ക്ക് അപേക്ഷിക്കാം. പേര്, തസ്തിക, സ്ഥാപനം, ഫോണ്‍ നമ്പര്‍, ഫോട്ടോ എന്നീ വിവരങ്ങള്‍ ഉള്‍പ്പെടുന്ന അപേക്ഷ  സ്ഥാപനമേധാവി  (പത്ര യൂണിറ്റാണെങ്കില്‍ യൂണിറ്റ് ഹെഡ്, ബ്യൂറോ ആണെങ്കില്‍ ബ്യൂറോ ചീഫ്) സാക്ഷ്യപ്പെടുത്തിയ കത്ത് സഹിതമാണ്  സമര്‍പ്പിക്കേണ്ടത്.

നിയമസഭാ പൊതുതിരഞ്ഞെടുപ്പുമായി ബന്ധപ്പെട്ട് തിരുവനന്തപുരം കളക്ടറേറ്റിലെ ജില്ലാ വെയര്‍ഹൗസിലുള്ള വോട്ടിംഗ് മെഷീനുകളുടെ ആദ്യ റാന്‍ഡമൈസേഷന്‍ പൂര്‍ത്തിയായി. ജില്ലയിലെ 14 നിയോജക മണ്ഡലങ്ങളിലുള്ള വരണാധികാരികള്‍ക്ക് വോട്ടിംഗ് മെഷീനുകള്‍ വീതിച്ചുനല്‍കുന്ന നടപടിയാണ് പൂര്‍ത്തിയായത്. ജില്ലാ കളക്ടര്‍ അനു കുമാരിയുടെ നേതൃത്വത്തില്‍ കളക്ടറേറ്റില്‍ നടന്ന റാന്‍ഡമൈസേഷനില്‍ ജില്ലയുടെ ചുമതലയുള്ള മൂന്ന് ജനറല്‍ ഒ ബ്‌സര്‍വര്‍മാരും പങ്കെടുത്തു.

5961 വളർത്തുപക്ഷികളെ കൊന്നു നശിപ്പിക്കും

ആലപ്പുഴ ജില്ലയിലെ മുഹമ്മ ഗ്രാമപഞ്ചായത്തിലെ ഏഴാം വാർഡിൽ പക്ഷിപ്പനി (H5N1) സ്ഥിരീകരിച്ചു. ജില്ലാ കളക്ടർ കെ. ഇമ്പശേഖറിന്റെ അധ്യക്ഷതയിൽ കൂടിയ വിവിധ വകുപ്പുകളുടെ അടിയന്തര യോഗത്തിൽ ഇന്ത്യ ഗവൺമെന്റിന്റെ 2021-ലെ പക്ഷിപ്പനി പ്രതിരോധ നിയന്ത്രണ ആക്ഷൻ പ്ലാൻ പ്രകാരമുള്ള നടപടികൾ സ്വീകരിക്കുവാൻ തീരുമാനമായി.

നിയമസഭാ തിരഞ്ഞെടുപ്പ് ഡ്യൂട്ടിക്കായി പോളിംഗ് ഉദ്യോഗസ്ഥരെ വിന്യസിക്കുന്നതിന് പ്രത്യേക ഓൺലൈൻ സംവിധാനമായ  'ഓർഡർ' (ORDER - Online Randomisation & Deployment of Election Resources)  സോഫ്റ്റ്‌വെയറിൽ  ഉദ്യോഗസ്ഥരുടെ വിന്യാസവും റാൻഡമൈസേഷനും നടത്തുന്നതിന് കർശനമായ സമയക്രമം  പുറപ്പെടുവിച്ചു.  

​പ്രധാന സമയക്രമം:
​മാർച്ച് 19: പോളിംഗ് ഉദ്യോഗസ്ഥരുടെ വിവരശേഖരണം പൂർത്തിയാക്കണം.  

​മാർച്ച് 20 - 21: ഡാറ്റാ വെരിഫിക്കേഷൻ, ശുദ്ധീകരണം, ഒഴിവാക്കൽ  നടപടികൾ.  

​മാർച്ച് 22: ഉദ്യോഗസ്ഥരുടെ ഒന്നാം ഘട്ട റാൻഡമൈസേഷൻ.  

​മാർച്ച് 24 - 29: ഒന്നാം ഘട്ട പരിശീലനം.  

നിയമസഭാ തിരഞ്ഞെടുപ്പിനുള്ള നാമനിർദ്ദേശ പത്രികകൾ
പൊതുഅവധി ദിവസങ്ങളിൽ സ്വീകരിക്കില്ലെന്ന് മുഖ്യ തിരഞ്ഞെടുപ്പ് ഓഫീസർ അറിയിച്ചു.
​
​പത്രിക സമർപ്പിക്കാനുള്ള അവസാന തീയതി  മാർച്ച് 23 (തിങ്കൾ) ആണ്.
​
1951-ലെ ജനപ്രാതിനിധ്യ നിയമത്തിലെ സെക്ഷൻ 33(1) പ്രകാരം പൊതുഅവധി ദിവസങ്ങളിൽ വരണാധികാരികൾക്ക്  നാമനിർദ്ദേശ പത്രികകൾ സ്വീകരിക്കാൻ അനുവാദമില്ല.  
​ നെഗോഷ്യബിൾ ഇൻസ്ട്രുമെന്റ്സ് ആക്ട് പ്രകാരം  മാർച്ച് 20 വെള്ളിയാഴ്ച (ഈദുൽ ഫിത്തർ/റംസാൻ) പൊതുഅവധിയായി സർക്കാർ പ്രഖ്യാപിച്ചിട്ടുണ്ട്. അതിനാൽ  ഈ ദിവസം പത്രികകൾ സ്വീകരിക്കില്ല.
​