ഇടുക്കി ജില്ലയിലെ വാത്തിക്കൂടി പഞ്ചായത്തിൽ ഒൻപതാം വാർഡിൽ കനകക്കുന്ന് എന്ന സ്ഥലത്ത് 1674029 നമ്പർ ന്യായവില കട ലൈസൻസിയെ സ്ഥരിമായി നിയമിക്കുന്നതിനായി പട്ടികജാതി സംവരണ വിഭാഗത്തിൽ നിന്ന് അപേക്ഷ ക്ഷണിച്ചു. നിശ്ചിത മാതൃകയിലുള്ള അപേക്ഷയുടെ പകർപ്പും അനുബന്ധ വിവരങ്ങളും ജില്ലാ സപ്ലൈ ഓഫീസിലും പൊതു വിതരണ വകുപ്പിൻ്റെ ഔദ്യോഗിക വെബ് സൈറ്റിലും ലഭിക്കും. അപേക്ഷ ജൂലൈ 19 ന് വൈകുന്നേരം 3 മണിക്ക് മുൻപായി നേരിട്ടോ തപാൽ മുഖേനയോ ജില്ലാ സപ്ലൈ ഓഫീസർക്ക് സമർപ്പിക്കണം. കൂടുതൽ വിവരങ്ങൾക്ക് ഇടുക്കി ജില്ലാ സപ്ലൈ ഓഫീസുമായി ബന്ധപ്പെടണം. ഫോൺ: 04862-232321

കല്ലാര്‍-പട്ടംകോളനി കുടുംബാരോഗ്യ കേന്ദ്രത്തിന്റെ പുതിയ കെട്ടിടത്തിന്റെ ഉദ്ഘാടനം ഇന്ന് (25) 2 മണിക്ക് എം.എം മണി എം.എല്‍.എ നിര്‍വഹിക്കും. പാമ്പാടുംപാറ ഗ്രാമപഞ്ചായത്ത് പ്രസിഡന്റ് ജോസ് തെക്കേക്കുറ്റ് യോഗത്തില്‍ അധ്യക്ഷനാകും. പരിശോധന ലാബിന്റെ ഉദ്ഘാടനം നെടുംങ്കണ്ടം ബ്ലോക്ക് പഞ്ചായത്ത് പ്രസിഡന്റ് കെ.റ്റി കുഞ്ഞ് നിര്‍വഹിക്കും. ജില്ലാ പഞ്ചായത്തംഗം ജിജി.കെ. ഫിലിപ്പ് മുഖ്യപ്രഭാഷണം നടത്തും.

ഒരു കോടി പതിനഞ്ചു ലക്ഷം രൂപ ചെലവഴിച്ചു പാമ്പാടുംപാറ ഗ്രാമപഞ്ചായത്തിലെ മുണ്ടിയെരുമയിലാണ് കുടുംബാരോഗ്യ കേന്ദ്രത്തിന്റെ പുതിയ കെട്ടിടം നിര്‍മാണം പൂര്‍ത്തിയാക്കിയിരിക്കുന്നത്. 

തേര്‍ഡ് ക്യാമ്പ് ഗവ.എല്‍പി സ്‌കൂൾ ഓഡിറ്റോറിയത്തിന്റെ നിര്‍മ്മാണ ഉദ്ഘാടനം ഇന്ന് (25) രാവിലെ 10 മണിക്ക് എം. എം മണി എം.എല്‍.എ നിര്‍വഹിക്കും. യോഗത്തില്‍ പാമ്പാടുംപാറ ഗ്രാമപഞ്ചായത്ത് പ്രസിഡന്റ് ജോസ് തെക്കേക്കുറ്റ് അധ്യക്ഷനാകും.

എം.എം മണി എം.എല്‍.എയുടെ ഫണ്ടിൽ നിന്ന് അനുവദിച്ച ഒരു കോടി രൂപ വിനിയോഗിച്ചാണ് സ്‌കൂള്‍ ഓഡിറ്റോറിയം നിര്‍മ്മിക്കുന്നത്. 

ജില്ലയില്‍ 40 കേസുകള്‍

ജില്ലയില്‍ ഡെങ്കിപ്പനി കേസുകള്‍ കൂടുതലായി റിപ്പോര്‍ട്ട് ചെയ്യപ്പെടുന്നതിനാല്‍ പൊതുജനങ്ങള്‍ ജാഗ്രത പാലിക്കണമെന്ന് ആരോഗ്യവകുപ്പ് അധികൃതര്‍ അറിയിച്ചു. ജില്ലയില്‍ 40 കേസുകളാണ് റിപ്പോര്‍ട്ട് ചെയ്തത്. വണ്ടിപ്പെരിയാര്‍-9, തൊടുപുഴ-8, പുറപ്പുഴ-7, കുമാരമംഗലം-4, അറക്കുളം-3, ദേവിയാര്‍കോളനി-3, കരിമണ്ണൂര്‍-3, വാഴത്തോപ്പ്-3, എന്നിവിടങ്ങളിലാണ് ഡെങ്കിപ്പനി റിപ്പോര്‍ട്ട് ചെയ്തത്.

പകല്‍ നേരങ്ങളില്‍ കടിക്കുന്ന ഈഡിസ് വിഭാഗത്തില്‍പ്പെടുന്ന കൊതുകുകള്‍ പരത്തുന്ന ഒരു വൈറസ് രോഗമാണ് ഡെങ്കിപ്പനി. 

ആലപ്പുഴ ജില്ലയിൽ ശക്തമായ മഴ തുടരുന്നതിനാലും ചേർത്തല, കുട്ടനാട് താലൂക്കുകളിൽ വെള്ളപ്പൊക്ക ഭീഷണിയുള്ളതിനാലും  നാളെ ( 27/06/2025 വെള്ളിയാഴ്ച ) ചേർത്തല, കുട്ടനാട് താലൂക്കിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും, അങ്കണവാടികൾക്കും ട്യൂഷൻ സെൻററുകൾക്കും അവധി നൽകി ജില്ലാ കളക്ടർ ഉത്തരവായി. മുൻ നിശ്ചയിച്ച പരീക്ഷകൾക്ക് മാറ്റമില്ല.

ആലപ്പുഴ എംപ്ലോയബിലിറ്റി സെന്റര്‍ മുഖേന സ്വകാര്യസ്ഥാപനത്തിലേക്ക് നിയമനം നടത്തുന്നു. അഭിമുഖം ജൂണ്‍ 28 ന് രാവിലെ 9.30 ന് എംപ്ലോയബിലിറ്റി സെന്ററില്‍.  പ്ലസ് ടു, ഗ്രാജുവേഷന്‍, എം.ബി.എ യോഗ്യതയുള്ള എംപ്ലോയബിലിറ്റി സെന്ററില്‍ രജിസ്റ്റര്‍ ചെയ്തതും അല്ലാത്തവരുമായ 24 നും 35 നും ഇടയില്‍ പ്രായമുള്ള ഉദ്യോഗാര്‍ഥികള്‍ക്ക് പങ്കെടുക്കാം. സ്‌പോട്ട് രജിസ്‌ട്രേഷന്‍ ഉണ്ടാവും. ഫോണ്‍: 0477 2230624, 8304057735

കേരള സംസ്ഥാന യുവജന ക്ഷേമബോർഡ് ജില്ലാ യുവജന കേന്ദ്രം ആലപ്പുഴ ടി ഡി എച്ച്എസ്എസ്സിൽ സംഘടിപ്പിച്ച ലഹരി വിരുദ്ധ ദിനാചാരണം എച്ച് സലാം എംഎൽഎ ഉദ്ഘാടനം ചെയ്തു. 

ലഹരി വ്യക്തിയെയും കുടുംബത്തെയും മാത്രമല്ല സമൂഹത്തെ തന്നെയാണ് ഇല്ലാതാക്കുന്നതെന്ന് എംഎൽഎ പറഞ്ഞു. ഉന്നത വിദ്യാഭ്യാസം നേടിയ നിരവധി യുവാക്കൾ ലഹരിക്ക് അടിമകളായി ജീവിതം നഷ്ടപ്പെടുത്തി. ലഹരിക്ക് അടിമപ്പെടാതെ കഠിനാധ്വാനം ചെയ്‌താൽ വിദ്യാർഥികൾക്ക് ലക്ഷ്യസ്ഥാനത്ത് എത്തിച്ചേരാൻ കഴിയുമെന്നും അദ്ദേഹം പറഞ്ഞു. 

കേരള വനിതാ കമ്മീഷൻ നടത്തിയ ഇടുക്കി ജില്ലാതല അദാലത്തിൽ 18 പരാതികൾക്ക് പരിഹാരം.  കമ്മീഷൻ അംഗം അഡ്വ. എലിസബത്ത് മാമൻ മത്തായിയുടെ നേതൃത്വത്തിൽ -കുമിളി വ്യാപാരഭവനിൽ നടന്ന അദാലത്തിൽ അൻപത് പരാതികളാണ് പരിഗണിച്ചത്. നാലു പരാതികളിൽ റിപ്പോർട്ട് ആവശ്യപ്പെട്ടു. സിഐ ജോസ് കുര്യൻ, അഭിഭാഷകരായ വി. കവിത, തങ്കപ്പൻ,  കൗൺസിലർ റൂബി, വനിത സെല്ലിലെ ഉദ്യോഗസ്ഥർ തുടങ്ങിയവർ.  പങ്കെടുത്തു.