നൃത്ത സംഗീത വിരുന്നായി സമാപന ദിനം

ബേപ്പൂരിന്റെ മണ്ണില്‍ നൃത്ത സംഗീത വിരുന്നൊരുക്കി അഞ്ചാമത് ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റിവല്‍ സമാപന ദിവസം. ഞായറാഴ്ച വൈകീട്ടോടെ പ്രാദേശിക കലാകാരര്‍, കുടുംബശ്രീ, ആശ പ്രവര്‍ത്തകര്‍, മത്സ്യ തൊഴിലാളികള്‍, അങ്കണവാടി ജീവനക്കാര്‍, ഭിന്നശേഷി വിദ്യാര്‍ഥികള്‍ തുടങ്ങി വ്യത്യസ്ത മേഖലയില്‍ നിന്നുള്ള കലാസംഘങ്ങള്‍ ഒരുക്കിയ കലാവിരുന്നാണ് വിവിധ വേദികളില്‍ അരങ്ങേറിയത്.

ആകാംക്ഷ നിറച്ച് മെഗാ ചെസ് മത്സരം

ചാമ്പ്യന്മാരായി എം ഭഗത്, പവന്‍ വിനായക്, എം ധന്വേഷ്, വത്സരാജ് മാറാട്

ബേപ്പൂര്‍ ഫെസ്റ്റിന്റെ ഭാഗമായി ചാലിയം ഹൈസ്‌കൂളില്‍ സംഘടിപ്പിച്ച മത്സരം തന്ത്രങ്ങളുടെയും ആകാംക്ഷയുടെയും വേദിയായി മാറി. നാല് വിഭാഗങ്ങളിലായി നടന്ന മത്സരങ്ങളില്‍ 80 മത്സരാര്‍ത്ഥികള്‍ മാറ്റുരച്ചു. മത്സരത്തിന്റെ ഔദ്യോഗിക ഉദ്ഘാടനം കടലുണ്ടി ഗ്രാമഞ്ചായത്ത് പ്രസിഡന്റ് ഒ ഭക്തവത്സന്‍ നിര്‍വഹിച്ചു.

കോസ്റ്റ് ഗാര്‍ഡ്, നേവി കപ്പലുകള്‍ സന്ദര്‍ശിച്ച് മന്ത്രി മുഹമ്മദ് റിയാസ്

ചാലിയാറില്‍ ആവേശമായി ഡ്രാഗണ്‍ ബോട്ട് റേസ്

ഡ്രാഗണ്‍ ബോട്ട് റേസ് മലബാറില്‍ ആദ്യം

എകെജി പോടന്‍തുരുത്തി നീലേശ്വരം ജേതാക്കള്‍

നവ്യാനുഭവമായി ബേപ്പൂര്‍ വാട്ടര്‍ ഫെസ്റ്റിന്റെ ഭാഗമായി ചാലിയാറില്‍ നടന്ന ഡ്രാഗണ്‍ ബോട്ട് റേസ്. രാജ്യാന്തര ജലകായിക ഇനമായ ഡ്രാഗണ്‍ ബോട്ട് റേസ് ആദ്യമായാണ് ബേപ്പൂര്‍ ഫെസ്റ്റിന്റെ ഭാഗമാകുന്നത്. ഡ്രാഗണ്‍ ബോട്ട് മത്സരം മലബാറിലെത്തുന്നതും ആദ്യമായാണ്. താളത്തിനൊത്ത് മുന്നേറിയ ബോട്ടുകള്‍ ബ്രേക്ക് വാട്ടറിനു സമീപം അണിനിരന്നത്് വള്ളംകളി കാണികള്‍ക്ക് ആവേശകരമായ അനുഭവമായി. 

ജനപങ്കാളിത്തം കൊണ്ട് ശ്രദ്ധേയമായി മാരത്തണ്‍ മത്സരം

ജനപങ്കാളിത്തം കൊണ്ട് ശ്രദ്ധേയമായി ബേപ്പൂര്‍ അന്താരാഷ്ട്ര വാട്ടര്‍ ഫെസ്റ്റ് അഞ്ചാം പതിപ്പിന്റെ ഭാഗമായി സംഘടിപ്പിച്ച മാരത്തോണ്‍ മത്സരം. ചാലിയം ഓഷ്യാനസ് പരിസരത്ത് നടന്ന മത്സരം കെ എം സച്ചിന്‍ ദേവ് എംഎല്‍എ ഉദ്ഘാടനം ചെയ്തു. മുന്‍ ഇന്ത്യന്‍ വോളിബോള്‍ ടീം ക്യാപ്റ്റര്‍ ഇ കെ കിഷോര്‍കുമാര്‍ മുഖ്യാതിഥിയായി.
രാവിലെ ആറിന് ചാലിയം ഓഷ്യാനസ് പരിസരത്തുനിന്ന് ആരംഭിച്ച മാരത്തണ്‍ 13 കിലോമീറ്റര്‍ പിന്നിട്ട് ബേപ്പൂര്‍ മറീന ബീച്ചിലാണ് അവസാനിച്ചത്. 

കോട്ടയം: ജില്ലാ പഞ്ചായത്ത് പ്രസിഡന്റായി ജോഷി ഫിലിപ്പ് തെരഞ്ഞെടുക്കപ്പെട്ടു.ഇന്നു(ഡിസംബര്‍ 27 ശനി) രാവിലെ നടന്ന തെരഞ്ഞെടുപ്പില്‍ വാകത്താനം ഡിവിഷനില്‍നിന്നുള്ള ജില്ലാ പഞ്ചായത്തംഗമായ ജോഷി ഫിലിപ്പിന് 16 വോട്ടും എതിര്‍ സ്ഥാനാര്‍ഥി ഭരണങ്ങാനം ഡിവിഷന്‍ പ്രതിനിധി പെണ്ണമ്മ ജോസഫിന് ഏഴ് വോട്ടും ലഭിച്ചു. വരണാധികാരിയായ ജില്ലാ കളക്ടര്‍ ചേതന്‍കുമാര്‍ മീണ മുന്‍പാകെ പുതിയ പ്രസിഡന്റ് സത്യപ്രതിജ്ഞ ചെയ്തു. 

എ.ഡി.എം എസ്.ശ്രീജിത്തും തെരഞ്ഞെടുപ്പ് നടപടികളില്‍ പങ്കുചേര്‍ന്നു.

കൈയ്യടി നേടി കയാക്കിങ് മത്സരം

പങ്കാളിത്തം കൊണ്ടും സഹസികത കൊണ്ടും ശ്രദ്ധേയമായി ബേപ്പൂർ വാട്ടർ ഫെസ്റ്റിവലിന്റെ മൂന്നാം ദിനം നടന്ന കയാക്കിങ്  മത്സരം. ചാലിയാറിലെ ഓളങ്ങളിൽ സിറ്റ് ഓൺ ടോപ് വിഭാഗം കയാക്കുകൾ കുതിച്ചതിനൊപ്പം കരയിൽ കയ്യടിച്ച് കാണികൾ പ്രോത്സാഹനം നൽകി. 

ആകെ 67 കയാക്കർമാരാണ് വിവിധ വിഭാഗങ്ങളിലായി മാറ്റുരച്ചത്. കേരളത്തിൽ നിന്നുള്ള കയാക്കർമാർക്കൊപ്പം ഹൈദരാബാദ്, ബാംഗ്ലൂർ, ഒഡീഷ സ്വദേശികളും പങ്കെടുത്തു. 

ഓമല്ലൂര്‍ ഗ്രാമപഞ്ചായത്തില്‍ നിന്നും 2019 ഡിസംബര്‍ 31 വരെ പെന്‍ഷന്‍ അപ്രൂവ് ചെയ്തിട്ടുള്ളതും നിലവില്‍ വരുമാന സര്‍ട്ടിഫിക്കറ്റ് ഹാജരാക്കിയിട്ടില്ലാത്തതുമായ എല്ലാ സാമൂഹിക സുരക്ഷാ പെന്‍ഷന്‍ ഗുണഭോക്താക്കളും 2025 ഡിസംബര്‍ 31 നകം വരുമാന സര്‍ട്ടിഫിക്കറ്റ് ഗ്രാമപഞ്ചായത്തില്‍ ഹാജരാക്കണം. 2025 സെപ്റ്റംബര്‍ 30 വരെയുള്ള കാലയളവില്‍ വിധവ പെന്‍ഷന്‍, 50 വയസ് കഴിഞ്ഞ അവിവാഹിതര്‍ക്കുള്ള പെന്‍ഷന്‍ എന്നിവ അനുവദിക്കപ്പെട്ട ഗുണഭോക്താക്കള്‍ (60 വയസിന് താഴെയുള്ളവര്‍) പുനര്‍വിവാഹിത/ വിവാഹിത അല്ലെന്നുള്ള സാക്ഷ്യപത്രം സമര്‍പ്പിക്കണം. വില്ലേജ് ഓഫീസര്‍/ ഗസറ്റഡ് ഓഫീസര്‍ നല്‍കുന്ന സാക്ഷ്യപത്രമാണ് ഹാജരാക്കേണ്ടത്.

ഡിപ്പോപടി- ചെങ്ങറമുക്ക് റോഡിലെ ടാറിങ് പ്രവൃത്തി നടക്കുന്നതിനാല്‍ ഡിസംബര്‍ 29 മുതല്‍ 31 വരെ ഡിപ്പോപടി മുതല്‍ ചെങ്ങറമുക്ക് വരെയുള്ള ഭാഗത്ത് വാഹനഗതാഗതം നിയന്ത്രിക്കുമെന്ന് പൊതുമരാമത്ത് വകുപ്പ് നിരത്ത് റാന്നി അസിസ്റ്റന്റ് എക്‌സിക്യൂട്ടീവ് എഞ്ചിനിയര്‍ അറിയിച്ചു.

വെണ്ണിക്കുളം സര്‍ക്കാര്‍ പോളിടെക്‌നിക് കോളജില്‍ ഗസ്റ്റ് ലക്ചര്‍ തസ്തികയില്‍ ഓട്ടോമൊബൈല്‍ എഞ്ചിനിയറിംഗ് വിഭാഗത്തിലെ താല്‍ക്കാലിക ഒഴിവിലേക്ക് അപേക്ഷ ക്ഷണിച്ചു. 2026 ജനുവരി അഞ്ച് രാവിലെ 11 ന് നടക്കുന്ന കൂടിക്കാഴ്ചയില്‍ ഉദ്യോഗാര്‍ഥികള്‍ക്ക് അസല്‍ സര്‍ട്ടിഫിക്കറ്റ് സഹിതം പങ്കെടുക്കാം. യോഗ്യത: ഒന്നാം ക്ലാസോടെ ബന്ധപ്പെട്ട വിഷയത്തില്‍ ബിരുദം. ഫോണ്‍: 0469 2650228.