കോട്ടയം: വൈക്കം താലൂക്ക് ആശുപത്രിയിലെ പഴയ ഫാർമസി സ്റ്റോർ കെട്ടിടം  മാർച്ച് 17ന് ലേലം ചെയ്ത് വിൽപ്പന നടത്തും. ഫോൺ: 04829-216361.

കോട്ടയം: മാടപ്പള്ളി അഡീഷണൽ ഐ.സി.ഡി.എസ് പ്രോജക്ട് പരിധിയിലെ അങ്കണവാടിലേക്ക് 2025- 26 സാമ്പത്തിക വർഷത്തേക്ക് കണ്ടിജൻസി സാധനങ്ങൾ വിതരണം ചെയ്യുന്നതിന് ടെൻഡർ ക്ഷണിച്ചു. മാർച്ച് 19 ന് ഉച്ചയ്ക്ക് മൂന്നു വരെ ടെൻഡറുകൾ സ്വീകരിക്കും. ഫോൺ: 0481-2425777.

കോട്ടയം: തിരുവനന്തപുരം, കൊല്ലം, പത്തനംതിട്ട, കോട്ടയം ജില്ലകളിലെ വിവിധ ഇ.എസ്.ഐ സ്ഥാപനങ്ങളിൽ അലോപ്പതി വിഭാഗം മെഡിക്കൽ ഓഫീസർമാരുടെ ഒഴിവുകളിലേക്ക് വാക്-ഇൻ ഇന്റർവ്യൂ നടത്തും. മാർച്ച് 31ന് രാവിലെ 10 മുതൽ വൈകുന്നേരം നാലു വരെ കൊല്ലം പോളയത്തോടുള്ള ഇൻഷുറൻസ് മെഡിക്കൽ സർവീസസ് റീജിയണൽ ഡെപ്യൂട്ടി ഡയറക്ടറുടെ ഓഫീസിലാണ് അഭിമുഖം. എം.ബി.ബി.എസ് ബിരുദവും ടി.സി.എം.സി. സ്ഥിരം രജിസ്ട്രേഷനുമുള്ളവർക്ക് പങ്കെടുക്കാം. താത്പര്യമുള്ളവർ വിദ്യാഭ്യാസ യോഗ്യത തെളിയിക്കുന്ന അസൽ സർട്ടിഫിക്കറ്റുകളും അവയുടെ പകർപ്പുകളും തിരിച്ചറിയൽ രേഖയും ഒരു പാസ്‌പോർട്ട് സൈസ് ഫോട്ടോയുമായി അഭിമുഖത്തിന് നേരിട്ട് എത്തണം. ഫോൺ: 0474-2742341.

കോട്ടയം: കേരള ശാസ്ത്ര സാങ്കേതിക പരിസ്ഥിതി കൗൺസിലിന്റെ കീഴിലുള്ള കാലാവസ്ഥാ വ്യതിയാന പഠനകേന്ദ്രത്തിന്റെ നേതൃത്വത്തിൽ ഹൈഡ്രോളിക് മോഡലിംഗ് എന്ന വിഷയത്തിൽ ദേശീയ ശിൽപശാല സംഘടിപ്പിച്ചു. മൂന്നു ദിവസങ്ങളിലായി നടന്ന ശിൽപശാലയുടെ സമാപനസമ്മേളനത്തിൽ സംസ്ഥാന സർക്കാരിന്റെ ശാസ്ത്രോപദേഷ്ടാവ് എം.സി. ദത്തൻ മുഖ്യാതിഥിയായിരുന്നു.

വെള്ളപ്പൊക്ക സാധ്യതയുള്ള പ്രദേശങ്ങൾ തിരിച്ചറിയൽ, നഗരങ്ങളിലെ വെള്ളപ്പൊക്കം ലഘൂകരിക്കൽ തുടങ്ങിയ മേഖലകളിൽ നൂതന സാങ്കേതിക വിദ്യകളുടെ പ്രായോഗിക പരിശീലനം നൽകുകയെന്ന ലക്ഷ്യത്തോടെയാണ്് ശില്പശാല നടത്തിയത്.

പാലയാട് ക്യാമ്പസ് സ്‌കൂൾ ഓഫ് ലീഗൽ സ്റ്റഡീസ് പഠന വകുപ്പിന്റെ പുതിയ കെട്ടിടം, വനിത ഹോസ്റ്റൽ രണ്ടാം നില ഉദ്ഘാടനം ചെയ്തു

വിജ്ഞാനം വികേന്ദ്രീകൃതമാകുമ്പോൾ മാത്രമേ സാമൂഹ്യനീതി ഉറപ്പാക്കാൻ കഴിയുകയുള്ളൂവെന്ന് മുഖ്യമന്ത്രി പിണറായി വിജയൻ പറഞ്ഞു. കണ്ണൂർ സർവകലാശാല പാലയാട് ഡോ. ജാനകി അമ്മാൾ ക്യാമ്പസിനോട് ചേർന്ന് പൂർത്തീകരിച്ച സ്‌കൂൾ ഓഫ് ലീഗൽ സ്റ്റഡീസ് പഠന വകുപ്പിന്റെ പുതിയ കെട്ടിടത്തിന്റെയും വനിത ഹോസ്റ്റൽ രണ്ടാം നിലയുടെയും ഉദ്ഘാടനം നിർവഹിച്ചു സംസാരിക്കുകയായിരുന്നു മുഖ്യമന്ത്രി. 

കണ്ണൂർ സർക്കാർ മെഡിക്കൽ കോളേജിൽ ജൂനിയർ റസിഡന്റ്/ട്യൂട്ടർ തസ്തികയിൽ ഒഴിവുണ്ട്. മാർച്ച് 16ന് രാവിലെ 11.00 മണിക്ക് മെഡിക്കൽ കോളേജ് പ്രിൻസിപ്പൽ ഓഫീസിൽ നടക്കുന്ന വാക്ക് ഇൻ ഇന്റർവ്യു മുഖേനയാണ് നിയമനം. എം.ബി.ബി.എസ് കഴിഞ്ഞ്, ടിസിഎംസി, കെഎസ്എംസി രജിസ്ട്രേഷൻ ആണ് യോഗ്യത. നിയമനം കരാർ അടിസ്ഥാനത്തിൽ ഒരുവർഷത്തേക്ക്. താൽപര്യമുള്ളവർ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകർപ്പും സഹിതം രാവിലെ 11  മണിക്ക് മുമ്പ് കണ്ണൂർ ഗവ. മെഡിക്കൽ കോളേജിലെ പ്രിൻസിപ്പൽ ഓഫീസിൽ റിപ്പോർട്ട് ചെയ്യേണ്ടതാണ്. വിശദാംശങ്ങൾ gmckannur.edu.in എന്ന സ്ഥാപനത്തിന്റെ വെബ്സൈറ്റിൽ ലഭ്യമാണ്.

വേങ്ങാട് ഇ കെ നായനാർ സ്മാരക ഹയർ സെക്കന്ററി സ്‌കൂൾ കെട്ടിടം ഉദ്ഘാടനം ചെയ്തു

നാടിന്റെ പൊതു ആവശ്യങ്ങൾക്കൊപ്പം നിലക്കാനുള്ള സർക്കാരിന്റെ സാമൂഹ്യ പ്രതിബദ്ധതയുടെ ഫലമാണ് സംസ്ഥാനത്തെ വിദ്യാഭ്യാസ മേഖല ലോകം ശ്രദ്ധിച്ചു തുടങ്ങിയ നിലയിലേക്ക് ഉയർത്തിയതെന്ന് മുഖ്യമന്ത്രി പിണറായി വിജയൻ പറഞ്ഞു. വേങ്ങാട് ഇ കെ നായനാർ സ്മാരക ഹയർ സെക്കന്ററി സ്‌കൂളിലെ പുതിയ കെട്ടിട സമുച്ചയം ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി.