കാറടുക്ക ഗ്രാമപഞ്ചായത്ത് നാലാം വാർഡ് ജയനഗറിൽ പുലിയെ കണ്ടതിനെ തുടർന്ന് ആവശ്യമായ നടപടികൾ അടിയന്തര സ്വീകരിക്കാൻ ജില്ലാ കളക്ടർ അർജുൻ പാണ്ഡ്യൻ വനം വകുപ്പ് ഡിവിഷണൽ ഉദ്യോഗസ്ഥർക്ക് നിർദ്ദേശം നൽകി. തുടർന്ന് പുലിയെ പിടിക്കാൻ പ്രദേശത്ത് കൂട് സ്ഥാപിച്ചതായി ഫോറസ്റ്റ് സെക്ഷൻ  ഓഫീസർ കെ.എ  ബാബു പറഞ്ഞു. 

കഴിഞ്ഞദിവസം രാത്രിയും ബുധനാഴ്ച (മെയ് 27) രാവിലെയും നാട്ടുകാർ പുലിയെ കണ്ടിരുന്നു.  പ്രദേശത്തെ അഞ്ചു നായ്ക്കളെ പുലി കൊന്നതായും ഓഫീസർ പറഞ്ഞു.

ജില്ലാ കളക്ടറുടെ നിർദ്ദേശപ്രകാരം

ജില്ലാ കളക്ടർ അർജുൻ പാണ്ഡ്യൻ IAS പരിപാടിയിൽ പങ്കെടുക്കും

കാസർഗോഡ്: ലോക സൈക്കിൾ ദിനാചരണത്തിന്റെ ഭാഗമായി ജില്ലാ ടൂറിസം പ്രമോഷൻ കൗൺസിൽ (DTPC) കാസർഗോഡ്, ജില്ലാ ഭരണ സംവിധാനം കാസർഗോഡ് പെഡലേഴ്സ് സൈക്ലിംഗ് ക്ലബ് എന്നിവയുടെ സംയുക്താഭിമുഖ്യത്തിൽ “കാസർഗോഡ് ഫോർട്ട് റൈഡ് 2026” എന്ന പൈതൃക സൈക്കിൾ യാത്ര സംഘടിപ്പിക്കുന്നു.

ദേശസുരക്ഷ ഉറപ്പാക്കുന്നതിന്റെ ഭാഗമായി ടീം  കമാൻഡർ, ട്രെയിനിംഗ് എൻ.എസ്.ജി , ഡൽഹിയുടെ നേതൃത്വത്തിൽ ആലപ്പുഴ പുന്നമടയിൽ മോക്ക്ഡ്രിൽ സംഘടിപ്പിച്ചു. 

പുന്നമടക്കായൽ, നെഹ്റു പവലിയൻ എന്നിവിടങ്ങളിലായിട്ടാണ് ഇത് സംഘടിപ്പിച്ചത്.

ജില്ലാ പൊലീസ് മേധാവി എം.പി. മോഹനചന്ദ്രന്റെ നേതൃത്വത്തിൽ പൊലീസ് സംഘം, ജില്ലാ ഫയർ ഓഫീസർ പ്രതാപചന്ദ്രന്റെ നേതൃത്വത്തിൽ ഫയർഫോഴ്സ് സംഘം, കൂടാതെ റവന്യൂ ഉദ്യോഗസ്ഥർ, ജില്ലാ മെഡിക്കൽ ഓഫീസ് സംഘം, സംസ്ഥാന ജലഗതാഗത വകുപ്പ് ഉദ്യോഗസ്ഥർ തുടങ്ങി വിവിധ വകുപ്പുകൾ മോക്ക്ഡ്രില്ലിൽ പങ്കെടുത്തു

കായംകുളം കറ്റാനത്ത് തീപിടുത്തത്തെ തുടർന്ന് ഷോപ്പിങ് കോംപ്ലക്സ് കത്തി നശിച്ച സംഭവത്തിൽ നാശനഷ്ടം കണക്കാക്കാൻ എക്സൈസ്, സഹകരണ വകുപ്പ് മന്ത്രി എം ലിജു നിർദ്ദേശിച്ചു.

 അപകടസ്ഥലം സന്ദർശിച്ച ശേഷം സംസാരിക്കുകയായിരുന്നു അദ്ദേഹം. 

റെഗുലർ ക്ലാസുകൾ ജൂൺ മൂന്ന് മുതൽ

 ജില്ലാ ജവഹർ ബാലഭവനിൽ ഏപ്രിൽ ഒന്നിന്  ആരംഭിച്ച വേനലവധിക്കാല കലാപരിശീലന ക്ലാസ്സ് ‘ഗ്രീഷ്മോത്സവം’  സമാപിച്ചു.

സമാപന സമ്മേളനത്തിന്റെ ഉദ്ഘാടനം ആലപ്പുഴ നഗരസഭ ചെയർപേഴ്സൺ  മോളി ജേക്കബ് നിർവ്വഹിച്ചു. ചടങ്ങിൽ ഭരണസമിതി അംഗവും വാർഡ് കൗൺസിലറുമായ  എ എസ് കവിത  അധ്യക്ഷത വഹിച്ചു. ജവഹർ ബാലഭവൻ എക്സിക്യൂട്ടീവ് ഡയറക്ടർ  ബി. രാജശേഖരൻ സംസാരിച്ചു.

 റെഗുലർ ക്ലാസുകൾ ജൂൺ മൂന്നാം തീയതി മുതൽ ആരംഭിക്കുന്നതാണെന്ന് എക്സിക്യൂട്ടീവ് ഡയറക്ടർ അറിയിച്ചു.

*കളക്ടറേറ്റിൽ അവലോകനയോഗം ചേർന്നു

എസ്.ബി.ഐ.യുടെ ഗ്രാമീണ സ്വയംതൊഴിൽ പരിശീലന കേന്ദ്രത്തിന്റെ നേതൃത്വത്തിൽ കലവൂർ ആര്യാട് ബ്ലോക്ക് പഞ്ചായത്ത് കോംപ്ലക്സിൽ 12 ദിവസത്തെ സൗജന്യ ഭക്ഷണ നിർമാണ (നോർത്ത് ഇന്ത്യൻ, സൗത്ത് ഇന്ത്യൻ, ചൈനീസ് വിഭവങ്ങൾ, കേക്ക്) പരിശീലനം നൽകുന്നു. 18 വയസ്സിനും 50 വയസ്സിനും ഇടയിലുള്ള യുവതീയുവാക്കൾക്ക് ഈ പരിശീലനത്തിൽ പങ്കെടുക്കാവുന്നതാണ്. സംരംഭങ്ങൾ തുടങ്ങുന്നതിനെക്കുറിച്ചും വിവിധ ലോൺ സ്കീമുകളെക്കുറിച്ചും ക്ലാസുകളുണ്ടാകും.

കേരള കള്ളുവ്യവസായ തൊഴിലാളി ക്ഷേമനിധിയിൽ അംഗങ്ങളായ തൊഴിലാളികളുടെ മക്കളിൽ, സർക്കാർ/എയ്ഡഡ്/അൺ-എയ്ഡഡ് സ്കൂളുകളിൽ ഒന്നു മുതൽ ഏഴു വരെ ക്ലാസുകളിൽ പഠിക്കുന്ന ജനുവരി 21 വരെ അപേക്ഷ സമർപ്പിച്ച വിദ്യാർഥികൾക്കുള്ള പഠനക്കിറ്റ് വിതരണം മേയ് 31-ന് രാവിലെ 11 മണിക്ക് ആലപ്പുഴ ജില്ലാ ഓഫീസിൽ നടത്തുന്നു.

പഠനക്കിറ്റ് കൈപ്പറ്റുന്നതിനായി ഐഡന്റിഫിക്കേഷൻ ഫോമും ആധാർ കാർഡ്/സ്കൂൾ ഐ.ഡി കാർഡ് എന്നിവയുമായി ആലപ്പുഴ ജില്ലാ വെൽഫെയർ ഫണ്ട് ഇൻസ്പെക്ടറുടെ ഓഫീസിൽ എത്തിച്ചേരേണ്ടതാണ്. ഫോൺ: 0477-2267751.

മൺസൂൺ മുന്നൊരുക്കത്തിൻ്റെ ഭാഗമായി തോട്ടപ്പള്ളി സ്പിൽവേയിലൂടെയുള്ള നീരൊഴുക്ക് സുഗമമാക്കുന്നതിന് മണ്ണ് നീക്കം ചെയ്യുന്നതിനുള്ള നടപടികൾ പൂർത്തിയായതായി ജില്ലാ കളക്ടർ ഷാജി വി നായർ പറഞ്ഞു. വെള്ളപ്പൊക്ക സാധ്യത വർധിപ്പിക്കുന്ന രീതിയിൽ ജില്ലയിലെ വിവിധയിടങ്ങളിൽ രൂപപ്പെട്ടിരിക്കുന്ന ഓരുമുട്ടുകൾ അടിയന്തരമായി നീക്കം ചെയ്യണമെന്നും ജില്ലാ കളക്ടർ ബന്ധപ്പെട്ട വകുപ്പുകളിലെ ഉദ്യോഗസ്ഥർക്ക് നിർദ്ദേശം നൽകി.

ദേശസുരക്ഷ ഉറപ്പാക്കുന്നതിന്റെ ഭാഗമായി ടീം  കമാൻഡർ, ട്രെയിനിംഗ് എൻ.എസ്.ജി , ഡൽഹിയുടെ നേതൃത്വത്തിൽ ആലപ്പുഴയിൽ മോക്ക് ഡ്രിൽ സംഘടിപ്പിക്കുന്നു. വിവിധ സർക്കാർ വകുപ്പുകളെ ഏകോപിപ്പിച്ചുകൊണ്ട് മേയ് 28ന്  ഉച്ചക്കഴിഞ്ഞ് മൂന്ന് മണി മുതൽ വൈകിട്ട് ആറ് മണി വരെ  പുന്നമടക്കായലിലാണ് മോക്ക് ഡ്രിൽ നടക്കുക.

മോക്ക് ഡ്രില്ലുമായി ബന്ധപ്പെട്ടുള്ള അഭ്യാസപ്രകടനങ്ങൾ കണ്ട് പൊതുജനങ്ങളോ വിനോദസഞ്ചാരികളോ യാതൊരു കാരണവശാലും പരിഭ്രാന്തരാകേണ്ടതില്ലെന്ന് ജില്ലാ കളക്ടർ  ഷാജി വി നായർ അറിയിച്ചു.