വനിത ശിശു വികസന വകുപ്പിന് കീഴില്‍ പ്രവര്‍ത്തിക്കുന്ന പാലക്കാട് വനിതാ പ്രൊട്ടക്ഷന്‍ ഓഫീസര്‍ ഔദ്യോഗിക ആവശ്യങ്ങള്‍ക്കായി ഒരു വര്‍ഷത്തേക്ക് വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ഏഴ് വര്‍ഷത്തിലധികം കാലപഴക്കമില്ലാത്ത വാഹന(കാര്‍, ജീപ്പ്)മാണ് ആവശ്യം. ക്വട്ടേഷനുകള്‍ ജനുവരി ഒന്ന് ഉച്ചയ്ക്ക് രണ്ട് വരെ സ്വീകരിക്കും. അന്നേദിവസം വൈകീട്ട് മൂന്നിന് ക്വട്ടേഷനുകള്‍ തുറന്ന് പരിശോധിക്കുന്നതാണ്. കൂടുതല്‍ വിവരങ്ങള്‍ക്ക് ഫോണ്‍: 8281999061

ഷൊര്‍ണൂര്‍ ഇന്‍സ്റ്റിറ്റൂട്ട് ഓഫ് പ്രിന്റിങ് ടെക്‌നോളജി ആന്‍ഡ് ഗവ പോളിടെക്‌നിക് കോളേജില്‍ പ്രിന്റിങ് ടെക്‌നോളജി വിഭാഗം ട്രേഡ്‌സ്മാന്‍ തസ്തികയില്‍ അതിഥി അധ്യാപക നിയമനം നടത്തുന്നു. ദിവസ വേതനാടിസ്ഥാനത്തിലാണ് നിയമനം. താല്‍പര്യമുള്ളവര്‍ യോഗ്യത സര്‍ട്ടിഫിക്കറ്റുകള്‍ സഹിതം ജനുവരി അഞ്ചിന് രാവിലെ 11 കോളേജില്‍ എത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍- 04662220450, 9400006447

മലമ്പുഴ ഗവ ഐ.ടി.ഐയില്‍ 2014 പരിശീലന വര്‍ഷം മുതല്‍ ഐ.ടി.ഐ അഡ്മിഷന്‍ നേടിയ ട്രെയിനികളുടെ പ്രൊഫൈല്‍ സംബന്ധമായ തിരുത്തലുകള്‍ വരുത്തുന്നതിന് സ്‌കില്‍ ഇന്ത്യ ഡിജിറ്റല്‍ ഹബ്ബ്(SIDH) പോര്‍ട്ടല്‍ വഴി സാധിക്കും. തിരുത്തലുകള്‍ ആവശ്യമുള്ളവര്‍ ട്രെയിനികള്‍ തങ്ങളുടെ പ്രൊഫൈല്‍ മുഖേന പരാതികള്‍ ലഭ്യമാക്കണമെന്ന് പ്രിന്‍സിപ്പല്‍ അറിയിച്ചു.

പട്ടാമ്പി, ശ്രീ നീലകണ്ഠ സര്‍ക്കാര്‍ സംസ്‌കൃത കോളേജ് കോമേഴ്‌സ് വിഭാഗം ഗവേഷണ കേന്ദ്രത്തില്‍ പി.എച്ച്.ഡി എനി ടൈം കാറ്റഗറിയില്‍ ഒഴിവ്. എസ്.ടി വിഭാഗത്തിലാണ് ഒഴിവ്. യു.ജി.സി/ജെ.ആര്‍.എഫ് യോഗ്യതയുള്ളവര്‍ക്കും സര്‍ക്കാര്‍/എയ്ഡഡ് കോളേജുകളിലെ സ്ഥിരം അധ്യാപകര്‍ക്കും അപേക്ഷിക്കാം. താല്‍പര്യമുള്ളവര്‍ ജനുവരി അഞ്ച് ഉച്ചക്ക് 2.25 ന് മുന്‍പായി അപേക്ഷ കോളേജ് ഓഫീസില്‍ ലഭ്യമാക്കണമെന്ന് പ്രിന്‍സിപ്പല്‍ അറിയിച്ചു.

പൊതു വിതരണ ഉപഭോക്തൃ വകുപ്പിന്റെ ദേശീയ ഉപഭോക്തൃ ദിനാചരണം ജില്ലാ കുടുംബകോടതി ജഡ്ജി സി ജെ ഡെന്നി ഉദ്ഘാടനം ചെയ്തു. സാങ്കേതികവിദ്യ മികച്ച രീതിയില്‍ ഉപയോഗപ്പെടുത്തുമ്പോഴും നീതിപൂര്‍വ്വമായ തീര്‍പ്പാക്കലിന് മനുഷ്യ വിഭവ ശേഷിയുടെ പ്രാധാന്യം കുറച്ചു കാണാന്‍ കഴിയില്ലെന്ന് അദ്ദേഹം അഭിപ്രായപ്പെട്ടു. ഉപഭോക്തൃ  സംരക്ഷണ നിയമത്തിന്റെ പ്രാധാന്യം സാധാരണ ജനങ്ങളിലെത്തിക്കുക എന്ന ലക്ഷ്യത്തോടെ ഡിജിറ്റല്‍ നീതിയിലൂടെ കാര്യക്ഷമവും വേഗത്തിലുള്ളതുമായ തീര്‍പ്പാക്കല്‍ എന്ന പ്രമേയത്തെ ആധാരമാക്കിയാണ് ദിനാചരണം സംഘടിപ്പിച്ചത്.

മണ്ണാര്‍ക്കാട് താലൂക്ക് ആസ്ഥാന ആശുപത്രിയിലെ ഡയാലിസിസ് യൂണിറ്റില്‍ 5 ഡീപ് സിങ്ക് സ്ഥാപിക്കുന്നതിന് അംഗീകൃത സ്ഥാപനങ്ങളില്‍ നിന്നും മത്സര സ്വഭാവമുള്ള ടെന്‍ഡറുകള്‍ ക്ഷണിച്ചു. ടെണ്ടര്‍ ഫോമിനോടൊപ്പം 200 രൂപ മുദ്രപേപ്പറില്‍ എഗ്രിമെന്റ് സമര്‍പ്പേക്കേണ്ടതാണ്. ടെന്‍ഡറുകള്‍ ഡിസംബര്‍ 31 രാവിലെ 11 വരെ സ്വീകരിക്കും. അന്നേദിവസം ഉച്ചക്ക് 12 മണിക്ക് ടെന്‍ഡറുകള്‍ തുറന്നു പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍ : 04924 224549

പാലക്കാട് വ്യാവസായിക ട്രൈബ്യൂണലും ഇന്‍ഷൂറന്‍സ് കോടതി ജഡ്ജിയും, എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ ജനുവരി അഞ്ച്, ആറ്, 12, 13, 19, 20, 27 തീയതികളില്‍ പാലക്കാട് റവന്യൂ ഡിവിഷണല്‍ മജിസ്‌ട്രേറ്റ് കോടതി ഹാളില്‍ തൊഴില്‍ തര്‍ക്ക കേസുകളും, ഇന്‍ഷൂറന്‍സ് കേസുകളും വിചാരണചെയ്യുമെന്ന് സെക്രട്ടറി അറിയിച്ചു.

കേരള സംസ്ഥാന പട്ടികജാതി പട്ടിക ഗോത്രവര്‍ഗ കമ്മീഷന്‍, പരാതികള്‍ തീര്‍പ്പാക്കാനായി നടത്തുന്ന അദാലത്ത് ജനുവരി 14ന് രാവിലെ 10 മുതല്‍ ഉച്ചയ്ക്ക് ഒന്ന് വരെ അഗളി മിനിസിവില്‍ സ്റ്റേഷന്‍ റവന്യു ഹാളില്‍ നടക്കുമെന്ന് അസിസ്റ്റന്റ് രജിസ്ട്രാര്‍ അറിയിച്ചു.

പാലക്കാട് ജില്ലാ ആശുപത്രിയിലെ കാത്ത്‌ലാബ് വിഭാഗത്തിലേക്ക് സാമഗ്രികള്‍ വാങ്ങുന്നതിന് ഇ-ടെണ്ടര്‍ ക്ഷണിച്ചു. ആഞ്ജിയോഗ്രാഫിക് ഷീത്തുകള്‍, കത്തീറ്ററുകള്‍, ബലൂണുകള്‍, സ്റ്റന്റുകള്‍, പേസ്‌മേക്കറുകള്‍ മുതലായ കണ്‍സ്യൂമബിള്‍സും ഹാര്‍ഡ് വെയേഴ്‌സ് എന്നിവയാണ് വിതരണം ചെയ്യേണ്ടത്. താല്‍പര്യമുള്ളവര്‍ www.etenders.kerala.gov.in എന്ന വെബ്‌സൈറ്റ് വഴി ക്വട്ടേഷന്‍ സമര്‍പ്പിക്കേണ്ടതാണ്. ക്വട്ടേഷനുകള്‍ ജനുവരി ഏഴ് വരെ സ്വീകരിക്കും. ജനുവരി ഒന്‍പതിന് ക്വട്ടേഷന്‍ തുറന്ന് പരിശോധിക്കും. ഫോണ്‍: 0491 2533327