കോട്ടയം: നാട്ടില്‍ തിരിച്ചെത്തിയ പ്രവാസികള്‍ക്കായി സംസ്ഥാന സര്‍ക്കാര്‍ നോര്‍ക്ക റൂട്ട്സ് വഴി നടപ്പിലാക്കി വരുന്ന ധനസഹായപദ്ധതിയുടെ അദാലത്ത് ജനുവരി ഒന്‍പതിന് നടക്കും. കളക്ടറേറ്റ് തൂലിക കോണ്‍ഫറന്‍സ് ഹാളില്‍  രാവിലെ 10 മുതല്‍ ഉച്ചകഴിഞ്ഞു മൂന്നു വരെയാണ് അദാലത്ത്. 
മുന്‍കുട്ടി രജിസ്റ്റര്‍ ചെയ്യുന്നവര്‍ക്കാണ് പ്രവേശനം. താല്പര്യമുളളവര്‍ www.norkaroots.kerala.gov.in എന്ന വെബ്സൈറ്റ്  മുഖേന ജനുവരി ഏഴിനു മുന്‍പ് അപേക്ഷ നല്‍കണം. 

*പുന്നപ്ര തെക്ക്, പുറക്കാട്, ചെറുതന, അമ്പലപ്പുഴ തെക്ക് പഞ്ചായത്തുകളിൽ കള്ളിങ് പൂർത്തിയായി

കേരള സംസ്ഥാന വയോജന കമ്മീഷൻ ഭാവി പ്രവർത്തനങ്ങൾ സംബന്ധിച്ച് നിർദ്ദേശങ്ങളും അഭിപ്രായങ്ങളും സ്വരൂപിക്കുന്നതിനായി ജില്ലാതല യോഗം ചേർന്നു.  ആലപ്പുഴ  കളക്ടറേറ്റ് കോൺഫറൻസ് ഹാളിൽ ചേർന്ന ജില്ലയിലെ യോഗത്തിൽ   വയോജന കമ്മീഷന്റെ ചെയർമാനായ കെ സോമ പ്രസാദ് അധ്യക്ഷത വഹിച്ചു. കമ്മീഷൻ അംഗങ്ങളായ ലോപ്പസ് മാത്യു, കെ. എൻ കെ നമ്പൂതിരി എന്നിവർ യോഗത്തിൽ സംസാരിച്ചു. ജില്ലാ തല വയോജന കൗൺസിൽ അംഗങ്ങൾ, വിവിധ പെൻഷൻ സംഘടന ഭാരവാഹികൾ സ്ഥാപന അധികാരികൾ വയോജന സേവന രംഗത്തെ വിദഗ്ധർ എന്നിവർ പങ്കെടുത്തു.

കോട്ടയം: കൈറ്റ്  നടപ്പാക്കുന്ന ലിറ്റില്‍ കൈറ്റ്സ് ഐ.ടി. ക്ലബ്ബുകളിലെ വിദ്യാര്‍ഥികള്‍ക്കുള്ള ഉപജില്ലാതല ദ്വിദിന ക്യാമ്പുകള്‍ക്ക് തുടക്കമായി. ആധുനിക കാലത്തെ ശാസ്ത്രീയ കാലാവസ്ഥാ നിര്‍ണയം, കാലാവസ്ഥാ പ്രവചന കേന്ദ്രങ്ങളുടെ പ്രവര്‍ത്തനം എന്നിവയെക്കുറിച്ചുള്ള പഠനവും അതുമായി ബന്ധപ്പെട്ട പ്രോട്ടോടൈപ്പുകളും പ്രോഗ്രാമുകളും വിദ്യാര്‍ഥികള്‍ തയ്യാറാക്കുന്നതുമാണ് ഈ വര്‍ഷത്തെ ക്യാമ്പുകളുടെ പ്രത്യേകത. 

ജില്ലയിലെ 141 ലിറ്റില്‍ കൈറ്റ്സ് യൂണിറ്റുകളിലായി നിലവില്‍ 4,167 അംഗങ്ങളുണ്ട്. തെരഞ്ഞെടുക്കപ്പെട്ട 456 കുട്ടികളാണ് 13 ഉപജില്ലകളില്‍ നടക്കുന്ന ക്യാമ്പുകളില്‍ പങ്കെടുക്കുന്നത്.

ടി ബി ജങ്ക്ഷന്‍ വെള്ളംകുളങ്ങര റോഡില്‍ ടാറിങ് ജോലികള്‍ ആരംഭിക്കുന്നതിനാല്‍ ഡിസംബര്‍ 29 മുതല്‍ മൂന്ന് ദിവസത്തേക്ക് ഈ റോഡില്‍ കൂടിയുള്ള വാഹന ഗതാഗതം പൂര്‍ണ്ണമായി നിരോധിച്ചതായി  ഹരിപ്പാട് പൊതുമരാമത്ത് നിരത്ത്  അസിസ്റ്റന്റ് എഞ്ചിനീയര്‍ അറിയിച്ചു.

ഉന്നതി വിജ്ഞാനകേരളം പദ്ധതിയുടെ ഭാഗമായി ദശദിന പട്ടികജാതി, പട്ടികവർഗ്ഗ, ഐടിഐ കരിയർ ബ്രിഡ്ജ് പരിശീലന പരിപാടി സംഘടിപ്പിച്ചു. പുന്നപ്ര മോഡൽ റസിഡൻഷ്യൽ സ്കൂളിൽ എച്ച് സലാം എംഎൽഎ പരിപാടിയുടെ ജില്ലാതല ഉദ്ഘാടനം  നിർവഹിച്ചു. പട്ടികജാതി, പട്ടികവർഗം, പിന്നോക്ക വിഭാഗം, ഭിന്നശേഷി എന്നീ വിഭാഗങ്ങളിൽപ്പെട്ടവർക്കായാണ് ഉന്നതി - വിജ്ഞാനകേരളം പദ്ധതി നടപ്പിലാക്കുന്നത്.

കുടുംബശ്രീ ജില്ലാമിഷന്റെ നേതൃത്വത്തിൽ സംഘടിപ്പിച്ച ബാലസഭ കുട്ടികളുടെ ജില്ലാ ബാലപാർലമെന്റിൽ ഇന്ത്യൻ പ്രസിഡന്റായി മാവേലിക്കര തെക്കേക്കര സിഡിഎസിൽ നിന്നും ഹെലൻ അന്ന സജിയെ തിരഞ്ഞെടുത്തു. കുടുംബശ്രീ അയൽക്കൂട്ട പരിധിയിൽ വരുന്ന കുട്ടികളുടെ കൂട്ടായ്മയായ ബാലസഭയിലുള്ള കുട്ടികളിൽ നിന്നും   തദ്ദേശസ്വയംഭരണ സ്ഥാപനത്തിന്റെ കീഴിൽ പ്രവർത്തിക്കുന്ന ബാല പഞ്ചായത്തിൽ നിന്നും തിരഞ്ഞെടുക്കപ്പെട്ട കുട്ടികളാണ് ജില്ലാ ബാലപാർലമെന്റിലേക്കെത്തുന്നത്. ആലപ്പുഴ കവിത ഐടിഐയിൽ സംഘടിപ്പിച്ച ദ്വിദിന സഹവാസ ക്യാമ്പിലൂടെ തിരഞ്ഞെടുത്ത 13 കുട്ടികൾ സംസ്ഥാന ബാല പാർലമെന്റിൽ പങ്കെടുക്കും. 

കോട്ടയം: ജില്ലയിലെ ബ്ലോക്ക് പഞ്ചായത്തുകളിലും ഗ്രാമപഞ്ചായത്തുകളിലും പുതിയ പ്രസിഡന്റുമാരും വൈസ് പ്രസിഡന്റുമാരും ചുമതലയേറ്റു. വരണാധികാരികളുടെ നേതൃത്വത്തില്‍ പ്രസിഡന്റ്  തെരഞ്ഞെടുപ്പ് ഇന്നലെ (ഡിസംബര്‍ 27 ശനി) രാവിലെ 10.30 നും വൈസ് പ്രസിഡന്റ് തെരഞ്ഞെടുപ്പ് ഉച്ചകഴിഞ്ഞ് രണ്ടരയ്ക്കും നടന്നു. എരുമേലി ഗ്രാമപഞ്ചായത്തില്‍ പ്രസിഡന്റ് സ്ഥാനത്തേക്കുള്ള തെരഞ്ഞെടുപ്പ് ശനിയാഴ്ച നടന്നില്ല. ക്വാറം തികയാത്തതിനാല്‍ തെരഞ്ഞെടുപ്പ് ഡിസംബര്‍ 29 ലേക്ക് മാറ്റിവെച്ചു. 
പുതിയ പ്രസിഡന്റുമാരുടെ പേരുവിവരം ചുവടെ. 

ബ്ലോക്ക് പഞ്ചായത്ത് പ്രസിഡന്റുമാര്‍
............
1 വാഴൂര്‍ - അഡ്വ. ജയ ശ്രീധര്‍ 

അഡ്വ. ഷീന സനൽകുമാർ വൈസ് പ്രസിഡൻ്റ്

ആലപ്പുഴ ജില്ലാ പഞ്ചായത്തിൻ്റെ ഒമ്പതാമത് പ്രസിഡന്റായി നൂറനാട് ഡിവിഷൻ അംഗം എ മഹേന്ദ്രൻ  തിരഞ്ഞെടുക്കപ്പെട്ടു. 16 വോട്ടുകളാണ് എ മഹേന്ദ്രൻ (എൽഡിഎഫ്) നേടിയത്. എതിര്‍ സ്ഥാനാര്‍ഥി പള്ളിപ്പാട് ഡിവിഷനില്‍ നിന്നുള്ള ജോൺ തോമസ് (യുഡിഎഫ്) എട്ട് വോട്ടുകൾ നേടി. ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടന്ന തിരഞ്ഞെടുപ്പില്‍ വരണാധികാരിയും ജില്ലാ കളക്ടറുമായ അലക്സ് വർഗീസ് പ്രസിഡൻ്റിന് സത്യവാചകം ചൊല്ലിക്കൊടുത്തു. 

കോട്ടയം: ക്ഷീര വികസന വകുപ്പിന്റെ 2025-26 സാമ്പത്തിക വര്‍ഷത്തിലെ പദ്ധതികള്‍ക്ക് അപേക്ഷ ക്ഷണിച്ചു. പുല്‍ക്കൃഷി വികസനം, ഡയറി ഫാം ഹൈജീന്‍ മെച്ചപ്പെടുത്തുന്ന പദ്ധതി, മില്‍ക്ക് ഷെഡ് വികസനം, ക്ഷീരഗ്രാമം തുടങ്ങിയ പദ്ധതികള്‍ക്ക് ജില്ലയിലെ ക്ഷീരവികസന യൂണിറ്റ് പരിധിയിലുള്ള കര്‍ഷകര്‍ക്ക് അപേക്ഷിക്കാം. താത്പര്യമുള്ളവര്‍ ഡിസംബര്‍ 29നു മുന്‍പ്  www.ksheerasree.kerala.gov.in എന്ന പോര്‍ട്ടല്‍ വഴി രജിസ്റ്റര്‍ ചെയ്യണം. വിശദവിവരങ്ങള്‍ക്ക് ബ്ലോക്ക് തലത്തില്‍ പ്രവര്‍ത്തിക്കുന്ന ക്ഷീരവികസന യൂണിറ്റുമായി ബന്ധപ്പെടണം. ഫോണ്‍: 0481-2562768.