തിരുപുറം ഗ്രാമപഞ്ചായത്തിന് ഉടമസ്ഥാവകാശം ഇല്ലാത്തതും പരണിയം സർക്കാർ വി.എച്ച്.എസ്.എസിന്റെ സ്വന്തവുമായ കളിസ്ഥലം സ്‌കൂളിന് വിട്ടുനൽകാൻ ബാലാവകാശ കമ്മിഷൻ ഉത്തരവിട്ടു. വിഷയവുമായി ബന്ധപ്പെട്ട് ജില്ലാ വിദ്യാഭ്യാസ ഓഫീസറുടെ ഉത്തരവ് അടിയന്തരമായി നടപ്പിലാക്കാനും കമ്മിഷൻ അംഗം ഡോ. എഫ്. വിൽസൺ നിർദ്ദേശം നൽകി.

സംസ്ഥാനത്തെ എയ്ഡഡ് സ്കൂൾ മാനേജർമാരും ജീവനക്കാരും സർക്കാരിലേക്ക് സമർപ്പിക്കുന്ന റിവിഷൻ ഹർജികൾ കൃത്യമായ ഫോർമാറ്റിലായിരിക്കണമെന്ന് പൊതുവിദ്യാഭ്യാസ ഡയറക്ടർ അറിയിച്ചു.

കേരള മത്സ്യത്തൊഴിലാളി ക്ഷേമനിധി ബോർഡിൽ നിന്നും വാർദ്ധക്യകാല പെൻഷൻ വാങ്ങുന്ന മത്സ്യത്തൊഴിലാളി/ അനുബന്ധത്തൊഴിലാളി/ മത്സ്യത്തൊഴിലാളി വിധവ പെൻഷൻകാർ ഓഗസ്റ്റ് 24 നുള്ളിൽ വാർഷിക മസ്റ്ററിങ് നടത്തണം. മതിയായ രേഖകൾ സഹിതം അക്ഷയ കേന്ദ്രങ്ങളെ സമീപിച്ചാൽ മതി. മസ്റ്ററിങ് പരാജയപ്പെടുന്നവർ ലൈഫ് സർട്ടിഫിക്കറ്റ് ഹാജരാക്കണമെന്നും എറണാകുളം റീജണൽ എക്സിക്യൂട്ടീവ് അറിയിച്ചു.

തൃശൂർ ജില്ലാ വിദ്യാഭ്യാസ പരിശീലന കേന്ദ്രമായ രാമവർമ്മപുരം കോമ്പൗണ്ടിലുള്ള 21 മരങ്ങൾ മുറിച്ചുമാറ്റാൻ ക്വട്ടേഷൻ ക്ഷണിച്ചു. യൂക്കാലി, മന്ദാരം, കാറ്റാടി, ബദാം, ശീമക്കൊന്ന, മുള്ളംകൈനി, പ്ലാവ് (വിറക്), വട്ട, മഞ്ഞപ്പാവട്ട, പാല, ഏഴിലംപാല, ആൽമരം (ശിഖരങ്ങൾ) എന്നിവയാണ് ഉള്ളത്. നിരതദ്രവ്യം 1000 രൂപ. ജൂലൈ നാല് വൈകിട്ട് മൂന്ന് വരെ ക്വട്ടേഷൻ സമർപ്പിക്കാം.

ജില്ലാതല ഐ സി ഡി എസ് സെൽ ഓഫീസിലേക്ക് ഏഴ് വർഷത്തിൽ താഴെ  കാലപ്പഴക്കമുള്ള വാഹനം വാടകയ്ക്ക് ലഭ്യമാക്കുന്നതിന് ടെൻഡർ ക്ഷണിച്ചു. നിരതദ്രവ്യം 3000 രൂപ. പ്രോഗ്രാം ഓഫീസർ, തൃശൂർ ജില്ലാതല ഐ.സി. ഡി.എസ് സെൽ, മിനി സിവിൽ സ്റ്റേഷൻ, ചെമ്പുകാവ് വിലാസത്തിൽ ജൂൺ 11 വൈകിട്ട് മൂന്നു വരെ ടെൻഡർ സ്വീകരിക്കും. ഫോൺ: 0487 2321689.

പുല്ലൂട്ട് കെ.കെ.ടി.എം ഗവ. കോളജിൽ സംസ്‌കൃതം ജനറൽ വിഭാഗത്തിൽ താത്ക്കാലിക അധ്യാപക ഒഴിവ്. കോളജ് വിദ്യാഭ്യാസ വകുപ്പിന് കീഴിലുള്ള ഗസ്റ്റ് പാനലിൽ രജിസ്റ്റർ ചെയ്തവർ വയസ്, യോഗ്യത, പരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകൾ സഹിതം ജൂലൈ മൂന്നിന് ഉച്ചയ്ക്ക് രണ്ടിന് കൂടിക്കാഴ്ചയ്ക്ക്  ഹാജരാകണം. ഫോൺ: 0480 2802213.

സുഭിക്ഷ കേരളം-ജനകീയ മത്സ്യകൃഷി- ലൈവ് ഫിഷ് മാര്‍ക്കറ്റ് ഔട്ട്‌ലെറ്റ് പദ്ധതി പ്രകാരം പൊയ്യ ഗവ. ഫിഷ് ഫാമില്‍ ഒരു മത്സ്യവില്‍പന കേന്ദ്രം (Container model using MS sheet, Gl pipe & corrugated sheet) 20'x8'x8' നല്‍കുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ സമര്‍പ്പിക്കേണ്ട അവസാന തിയതി ജൂലൈ 5 ഉച്ചയ്ക്ക് ഒന്നു വരെ. കൂടുതല്‍ വിവരങ്ങള്‍ക്ക് ഫോണ്‍: 0484- 2665479,6238114605

2023 ഡിസംബര്‍ 31 വരെ കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ അനുവദിക്കപ്പെട്ട ഗുണഭോക്താക്കള്‍ 2024 ജൂണ്‍ 25 മുതല്‍ 2024 ഓഗസ്റ്റ് 24 വരെയുള്ള കാലയളവിനുള്ളില്‍ അക്ഷയ കേന്ദ്രങ്ങള്‍ വഴി ബയോമെട്രിക് മസ്റ്ററിംഗ് നടത്തേണ്ടതാണെന്ന് കേരള മോട്ടോര്‍ തൊഴിലാളി ക്ഷേമനിധി ബോര്‍ഡ് ചീഫ് എക്‌സിക്യൂട്ടീവ് ഓഫീസര്‍ അറിയിച്ചു.

കേരള മോട്ടോര്‍ തൊഴിലാളി ക്ഷേമനിധി പദ്ധതിയില്‍ അംഗങ്ങളായ ക്ഷേമനിധി വിഹിതം കുടിശ്ശിക വരുത്തിയ തൊഴിലാളികള്‍ക്ക് കോവിഡ് കാലയളവ് ഒഴികെ അവസാന 3 വര്‍ഷ കാലയളവ് വരെയുള്ള കുടിശിക ഒടുക്കുന്നതിന് (9 ശതമാനം പലിശ സഹിതം) 2024 സെപ്റ്റംബര്‍ 30 വരെ സമയം അനുവദിച്ചതായി ചീഫ് എക്‌സിക്യൂട്ടിവ് ഓഫീസര്‍ അറിയിച്ചു. വിശദവിവരങ്ങള്‍ക്കായി എറണാകുളം എസ്.ആര്‍.എം.റോഡിലുള്ള ഓഫീസുമായി ബന്ധപ്പെടണം. ഫോണ്‍: 0484-2401632.