തിരുവല്ല കുന്നന്താനം അസാപ്പ് കമ്യൂണിറ്റി സ്‌കില്‍ പാര്‍ക്കില്‍ ജൂനിയര്‍ ഡേറ്റ അനലിസ്റ്റ് (ഫിനാന്‍ഷ്യല്‍) കോഴ്‌സിലേക്ക് അപേക്ഷ ക്ഷണിച്ചു. ആറ് മാസമാണ് കോഴ്‌സ് കാലാവധി. യോഗ്യത: പ്ലസ് ടു /ഡിഗ്രി. പ്രായപരിധി : 18നും 40നും മധ്യേ. അവസാനതീയതി : മെയ് 31. ഫോണ്‍ : 9495999688.
 

തിരുവല്ല കുന്നന്താനം അസാപ് കമ്യൂണിറ്റി സ്‌കില്‍ പാര്‍ക്കില്‍ ഇലക്ട്രിക്ക് വാഹന സര്‍വീസിംഗില്‍ സൗജന്യ പരിശീലനം നല്‍കും. ഒ ബി സി വിഭാഗത്തില്‍പ്പെട്ട 2.5 ലക്ഷത്തില്‍ താഴെ വാര്‍ഷിക വരുമാനമുള്ളവര്‍ക്ക് അപേക്ഷിക്കാം. യോഗ്യത: പ്ലസ് ടു പ്രായപരിധി : 18 നും 40 നും മധ്യേ. അവസാനതീയതി: മെയ് 31, ഫോണ്‍ : 9495999688.
 

കരുനാഗപ്പള്ളി തഴവ സര്‍ക്കാര്‍ ആര്‍ട്‌സ് ആന്‍ഡ് സയന്‍സ് കോളേജില്‍  കൊമേഴ്‌സ് വിഭാഗത്തിലേക്കുള്ള അതിഥി അധ്യാപക അഭിമുഖം മെയ് 30 ന് രാവിലെ 10 ന് നടത്തും. ഫോണ്‍ : 0476 2864010, 9188900167.
 

ഏജന്‍സി ഫോര്‍ ഡെവലപ്മെന്റ് ഓഫ് അക്വാകള്‍ച്ചര്‍ കേരളയുടെ (അഡാക്ക്) ഓടയം ഹാച്ചറിയില്‍ സ്‌കില്‍ഡ് ലേബര്‍ തസ്തികയില്‍ താല്‍ക്കാലിക നിയമനത്തിന് മെയ് 30 രാവിലെ 10.30-ന് വോക്ക് ഇന്‍ ഇന്റര്‍വ്യൂ നടത്തും. യോഗ്യത: ഐ.ടി.ഐ ഇലക്ട്രിക്കല്‍. പ്ലംബിംഗിലുള്ള പ്രവൃത്തിപരിചയം അഭികാമ്യം. അസല്‍ സര്‍ട്ടിഫിക്കറ്റുകള്‍ സഹിതം പങ്കെടുക്കാം. ഫോണ്‍: 9400699410, 7907047852.
 

മെയ് 30 ന് ആരംഭിക്കുന്ന കണ്ണൂര്‍ കൊട്ടിയൂര്‍ ആറാട്ട് ഉത്സവത്തിന് കെ.എസ്.ആര്‍.ടി.സി. ജില്ലാ ബജറ്റ് ടൂറിസം സെല്ലിന്റെ നേതൃത്വത്തില്‍ യാത്രാ സൗകര്യങ്ങള്‍ ഒരുക്കുന്നു. ആര്യങ്കാവ് ഒഴികെ ജില്ലയിലെ എല്ലാ യൂണിറ്റുകളില്‍ നിന്നും കൊട്ടിയൂരിലേക്ക് പ്രത്യേക സര്‍വീസുകള്‍ ഉണ്ടായിരിക്കും. മെയ് 31 മുതല്‍ ജൂണ്‍ 19 വരെയാണ് യാത്രകള്‍. രാവിലെ അഞ്ചിന് ആരംഭിച്ച്, പ്രശസ്തമായ മറ്റ് വിവിധ ക്ഷേത്ര ദര്‍ശനങ്ങളും ഉള്‍പ്പെടുത്തിയാണ് യാത്ര.

ജവഹര്‍ ബാലഭവനിലെ അവധിക്കാല ക്ലാസ്സുകള്‍ക്ക് സമാപനം. മേയര്‍ എ.കെ.ഹഫീസ് സമാപന സമ്മേളനം ഉദ്ഘാടനം ചെയ്തു. വയലിന്‍, ഗിറ്റാര്‍, മൃദംഗം, ശാസ്ത്രീയസംഗീതം, ചിത്രരചന, ലളിതസംഗീതം തുടങ്ങി 14 വിഷയങ്ങളിലായി 300 ഓളം കുട്ടികള്‍ക്കാണ് പരിശീലനം നല്‍കിയത്. കലാപരിശീലന തുടര്‍ ക്ലാസുകള്‍ ജൂണ്‍ നാലിന് ആരംഭിക്കും.

ക്ലാസ്സുകള്‍ പൂര്‍ത്തിയാക്കിയ കുട്ടികള്‍ക്ക് സര്‍ട്ടിഫിക്കറ്റുകള്‍ വിതരണം ചെയ്തു. ആമസോണ്‍ വെബ് സര്‍വീസ് നടത്തിയ രാജ്യാന്തര എ ഐ മത്സരത്തില്‍ വിജയിയായ ബാലഭവന്‍ പൂര്‍വ വിദ്യാര്‍ത്ഥി ആര്‍.ബി അഭിമന്യുവിനെ ചടങ്ങില്‍ ആദരിച്ചു. വിദ്യാര്‍ഥികള്‍ വിവിധ കലാപരിപാടികള്‍ അവതരിപ്പിച്ചു.  

രണ്ടാം വര്‍ഷ ഹയര്‍സെക്കന്‍ഡറി പരീക്ഷാഫലത്തില്‍ ജില്ലയില്‍ 78.79 വിജയ ശതമാനം.

ജില്ലയില്‍ 133 സ്‌കൂളുകളില്‍ നിന്നായി  25137 പേര്‍ പരീക്ഷയെഴുതി. 19805 വിദ്യാര്‍ഥികള്‍ ഉന്നത പഠനത്തിന് അര്‍ഹരായി. 2506 പേര്‍ മുഴുവന്‍ വിഷയങ്ങള്‍ക്കും എ പ്ലസ് നേടി.
 
 ഓപ്പണ്‍ സ്‌കൂള്‍ വിഭാഗത്തില്‍ 47 ആണ് വിജയശതമാനം.  683 പേര്‍ പരീക്ഷ എഴുതി. 321 പേര്‍ ഉന്നത പഠനത്തിന് അര്‍ഹരായി. 11 കുട്ടികള്‍ എല്ലാ വിഷയത്തിലും എ പ്ലസ്  നേടി.

സംസ്ഥാനത്തെ തൊഴിലാളികളുടെ ക്ഷേമം കൂടുതല്‍ മെച്ചപ്പെടുത്തുന്നതിനായി വിവിധ ക്ഷേമബോര്‍ഡുകളെ ശാസ്ത്രീയമായ പഠനത്തിലൂടെ ശാക്തീകരിക്കുമെന്ന് തൊഴില്‍ വകുപ്പ്  മന്ത്രി ബിന്ദു കൃഷ്ണ. കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികളുടെ ഒന്ന് മുതല്‍ ഏഴ് വരെയുള്ള ക്ലാസുകളില്‍ പഠിക്കുന്ന കുട്ടികള്‍ക്കുള്ള സൗജന്യ പഠനോപകരണ കിറ്റ് വിതരണത്തിന്റെ സംസ്ഥാനതല ഉദ്ഘാടനം കടപ്പാക്കട സ്‌പോര്‍ട്‌സ് ക്ലബ്ബ് ഓഡിറ്റോറിയത്തില്‍ നിര്‍വഹിക്കുകയായിരുന്നു മന്ത്രി.

കാടും മലയും അതിര്‍ത്തിയും തീര്‍ത്ത പരിമിതികളുടെ കരിമ്പാറക്കെട്ടുകള്‍ക്കിടയില്‍ നിന്ന് സ്വപ്നങ്ങളുടെ ആകാശത്തേക്ക് ചിറകടിച്ചുയരാനുള്ള മനസ്സുമായി 24 കുട്ടികള്‍ കളക്ടറേറ്റിലെത്തി. കുടുംബശ്രീ ജില്ലാ മിഷന്റെ കൊറഗ പ്രത്യേക പദ്ധതിയുടെ ഗുണഭോക്താക്കളായ വോര്‍ക്കാടി, എന്‍മകജെ, മംഗല്‍പാടി, പൈവളികെ, മീഞ്ച എന്നീ അതിര്‍ത്തി ഗ്രാമങ്ങളിലെ വിദ്യാര്‍ഥികളുടെ സാന്നിധ്യത്തില്‍ നടന്ന 'നമസ്‌തേ കളക്ടര്‍' പരിപാടി ജില്ലാ ഭരണസംവിധാനത്തിന് തന്നെ ഹൃദയസ്പര്‍ശിയായ അനുഭവമായി.

2025-26 വര്‍ഷത്തെ സംസ്ഥാനത്തെ പ്ലസ് ടു പരീക്ഷാ ഫലം പ്രഖ്യാപിച്ചു. ജില്ലയില്‍ റെഗുലര്‍ വിഭാഗത്തില്‍ 71.72 ശതമാനമാണ് വിജയം. ഓപ്പണ്‍ സ്‌കൂളിംഗ് വിഭാഗത്തില്‍ 42.2 ശതമാനം വിദ്യാര്‍ത്ഥികള്‍ ഉപരിപഠനത്തിന് യോഗ്യത നേടി. ജില്ലയില്‍ റെഗുലര്‍ വിഭാഗത്തില്‍ ആകെ 16,432 വിദ്യാര്‍ത്ഥികളാണ് പരീക്ഷയ്ക്കായി അപേക്ഷിച്ചിരുന്നത്. ഇതില്‍ 16,173 പേര്‍ പരീക്ഷയെഴുതി. ഇതില്‍ 11,599 പേരാണ് ഉന്നതവിദ്യാഭ്യാസത്തിന് അര്‍ഹത നേടിയത്. ഓപ്പണ്‍ സ്‌കൂളിംഗ് വിഭാഗത്തില്‍ ആകെ 1,416 പേര്‍ അപേക്ഷിച്ചതില്‍ 1,365 വിദ്യാര്‍ത്ഥികളാണ് പരീക്ഷയെഴുതിയത്. ഇതില്‍ 576 പേര്‍ വിജയം കരസ്ഥമാക്കി.