തൃശ്ശൂര്‍ ഗവ. മെഡിക്കല്‍ കോളേജ് ആശുപത്രിയില്‍ ബി ഓപ്പറേഷന്‍ തീയ്യറ്ററിന് സമീപം പ്രവര്‍ത്തിക്കുന്ന സ്റ്റാഫ് കാന്റീന്‍ (2025-26) ഒരു വര്‍ഷത്തെ നടത്തിപ്പ് അനുവദിക്കുന്നതിന് മത്സര സ്വഭാവമുള്ള ഇ-ടെണ്ടറുകള്‍ ക്ഷണിച്ചു. ജൂലൈ ഒമ്പത് വരെ ഇ-ടെണ്ടര്‍ സമര്‍പ്പിക്കാം. കൂടുതല്‍ വിവരങ്ങള്‍ മെഡിക്കല്‍ കോളേജ് ആശുപത്രി ഓഫീസിലും https:/etenders.kerala.gov.in എന്ന വെബ് സൈറ്റിലും ലഭിക്കും. ഫോണ്‍: 0487 220310, 2200319.

 ശക്തമായ മഴയ്ക്കു സാധ്യതയുളളതിനാൽ ജൂൺ 28 വരെ കോട്ടയം ജില്ലയിൽ കേന്ദ്ര കാലാവസ്ഥാവകുപ്പ്  മഞ്ഞ് അലെർട്ട് പ്രഖ്യാപിച്ചതായി ജില്ലാ കളക്ടർ ജോൺ വി. സാമുവൽ അറിയിച്ചു. ഒറ്റപ്പെട്ടയിടങ്ങളിൽ ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 64.5 മുതൽ 115.5 മില്ലിമീറ്റർ വരെ മഴ ലഭിക്കുന്നതിനെയാണ് ശക്തമായ മഴയായി കണക്കാക്കുന്നത്.
 

ഒരു തൈ നടാം വൃക്ഷവല്‍കരണ ക്യാമ്പയിന് ജില്ലയില്‍ തുടക്കമായി. ക്യാമ്പയിനിന്റെ ലോഗോ ജില്ലാ പഞ്ചായത്ത് പ്രസിഡന്റ് എം.കെ. റഫീഖ പ്രകാശനം ചെയ്തു. ഹരിത കേരള മിഷന്റെ നേതൃത്വത്തില്‍ സെപ്റ്റംബര്‍ 30 വരെയാണ് ക്യാമ്പയ്ന്‍ നടത്തുന്നത്. സംസ്ഥാനമൊട്ടാകെ ഒരുകോടി മരങ്ങള്‍ നട്ടുപിടിപ്പിച്ച് സംരക്ഷിക്കുക എന്നതാണ് ലക്ഷ്യം. പദ്ധതിയുടെ ഭാഗമായി ജില്ലയില്‍ 10 ലക്ഷം വൃക്ഷത്തൈകള്‍ നട്ട് പരിപാലിക്കും. വിവിധ സര്‍ക്കാര്‍ വകുപ്പുകള്‍, സന്നദ്ധ സംഘടനകള്‍ സഹകരണ സംഘങ്ങള്‍, ജീവനക്കാരുടെ സംഘടനകള്‍, കുടുംബശ്രീ, ഹരിത കര്‍മസേനകളുടെയും ഐസിഡിഎസ് വകുപ്പിന്റെയും സഹകരണത്തോടെയാണ് പദ്ധതി നടപ്പാക്കുക.

സംസ്ഥാന കായിക വകുപ്പിന്റെ നേതൃത്വത്തിൽ നടന്ന കിക്ക് ഡ്രഗ്സ് സെ യെസ് ടു സ്പോർട്സ് ലഹരി വിരുദ്ധ സന്ദേശ യാത്രയുടെ സംസ്ഥാനതല സമാപനത്തിന്റെ ഭാഗമായാണ്  അഞ്ച് വയസ്സിന് താഴെയുള്ള കുട്ടികൾക്കായി മെഗാ കളറിംഗ് മത്സരം നടന്നത്. 'പൂച്ചയ്ക്കാര് മണികെട്ടും' എന്ന സന്ദേശത്തിൽ നടന്ന കളറിംഗ് മത്സരത്തിൽ  തിരൂർ, തിരൂരങ്ങാടി പൊന്നാനി താലൂക്ക് പരിധിയിൽ നിന്നെത്തിയ 2500 ഓളം  കുഞ്ഞുങ്ങളാണ് കളറിംഗ് മത്സരത്തിന്റെ ഭാഗമായത്. അമ്മമാരുടെ മടിയിലിരുന്നാണ് മത്സരത്തിന്റെ ഭാഗമായത്.   ഉച്ചയ്ക്ക് രണ്ടിന് ഗവൺമെന്റ് ബോയ്സ് ഹയർ സെക്കൻഡറി സ്കൂളിൽ വച്ചാണ്   കുഞ്ഞുങ്ങളുടെ കളറിംഗ് മത്സരം ആരംഭിച്ചത്.

സംസ്ഥാന കായിക വകുപ്പ് നേതൃത്വം നൽകിയ ലഹരി വിരുദ്ധ സന്ദേശയാത്രയായ  കിക്ക്‌ ഡ്രഗ്സ് സെ യെസ് ടു സ്പോർട്സിന്റെ സമാപന ചടങ്ങിന് മുന്നോടിയായാണ്  വാക്കത്തോൺ നടന്നത്. പെരിന്തൽമണ്ണ ടൗൺ സ്ക്വയറിൽ നിന്നും രാവിലെ ആറുമണിക്ക് കായിക വകുപ്പ് മന്ത്രി വി. അബ്ദു റഹ്മാന്റെ നേതൃത്വത്തിൽ ആരംഭിച്ച മാരത്തോൺ സബ് കളക്ടർ അപൂർവ ത്രിപാഠി ഫ്ലാഗ് ഓഫ് ചെയ്തു.  തുടർന്ന് അങ്ങാടിപ്പുറം, വേങ്ങര എന്നിവിടങ്ങളിൽ നടന്ന സ്വീകരണ സമ്മേളനങ്ങൾക്കും വിവിധ പരിപാടികൾക്കും ശേഷമാണ് തിരൂർ സ്റ്റേഡിയം പരിസരത്ത്  എത്തിച്ചേർന്നത്.

കായിക മന്ത്രി വി. അബ്ദുറഹിമാന്റെ നേതൃത്വത്തില്‍ നടന്ന ലഹരി വിരുദ്ധ സന്ദേശയാത്രയ്ക്ക് സമാപനമായി. മെയ് അഞ്ചിന് ആരംഭിച്ച് 13 ജില്ലകളിൽ പര്യടനം പൂർത്തിയാക്കിയ ശേഷമാണ് സന്ദേശയാത്ര തിരൂരിൽ സമാപിച്ചത്.  വിദ്യാർത്ഥികളും കായികതാരങ്ങളും കലാപ്രവർത്തകരും ചേർന്ന് നടത്തിയ അമ്പ്രല്ല റാലി തിരൂരിന് ആവേശമായി. തിരൂർ സ്റ്റേഡിയത്തിൽ നിന്ന് ആരംഭിച്ച റാലി ബോയ്സ് ഹയർ സെക്കൻഡറി സ്കൂളിൽ സമാപിച്ചു.

ശക്തമായ മഴ തുടരുന്ന സാഹചര്യത്തിൽ നിലമ്പൂർ താലൂക്കിലെ ഹയർ സെക്കൻഡറി ഉൾപ്പെടെ മുഴുവൻ സ്കൂളുകൾക്കും ബഡ്സ് സ്കൂളുകൾക്കും അങ്കണവാടികൾക്കും  മദ്റസകൾക്കും നാളെ (ജൂൺ 27 ന്) ജില്ലാ കളക്ടർ വി.ആർ വിനോദ് അവധി പ്രഖ്യാപിച്ചു. പരീക്ഷകൾക്കും റസിഡൻഷ്യൽ സ്ഥാപനങ്ങൾക്കും അവധി ബാധകമല്ല.