കോട്ടയം: ക്ഷീര വികസന വകുപ്പിന്റെ 2025-26 സാമ്പത്തിക വര്‍ഷത്തിലെ പദ്ധതികള്‍ക്ക് അപേക്ഷ ക്ഷണിച്ചു. പുല്‍ക്കൃഷി വികസനം, ഡയറി ഫാം ഹൈജീന്‍ മെച്ചപ്പെടുത്തുന്ന പദ്ധതി, മില്‍ക്ക് ഷെഡ് വികസനം, ക്ഷീരഗ്രാമം തുടങ്ങിയ പദ്ധതികള്‍ക്ക് ജില്ലയിലെ ക്ഷീരവികസന യൂണിറ്റ് പരിധിയിലുള്ള കര്‍ഷകര്‍ക്ക് അപേക്ഷിക്കാം. താത്പര്യമുള്ളവര്‍ ഡിസംബര്‍ 29നു മുന്‍പ്  www.ksheerasree.kerala.gov.in എന്ന പോര്‍ട്ടല്‍ വഴി രജിസ്റ്റര്‍ ചെയ്യണം. വിശദവിവരങ്ങള്‍ക്ക് ബ്ലോക്ക് തലത്തില്‍ പ്രവര്‍ത്തിക്കുന്ന ക്ഷീരവികസന യൂണിറ്റുമായി ബന്ധപ്പെടണം. ഫോണ്‍: 0481-2562768.

കോട്ടയം: വാഴൂര്‍ ബ്ലോക്ക് ഡവലപ്മെന്റ്  ഓഫീസര്‍ നിര്‍വഹണ ഉദ്യോഗസ്ഥനായി നടപ്പിലാക്കുന്ന 16 പ്രവൃത്തികളുടെ ടെണ്ടറുകളും, റീ- ടെണ്ടറുകളും ക്ഷണിച്ചു. ജനുവരി അഞ്ചിന് മുന്‍പ് നല്‍കണം.  ഫോണ്‍: 8281040553.

കോട്ടയം: വാഴൂര്‍ ഐ.സി.ഡി.എസ്. പ്രോജക്ട് ഓഫീസിന്റെ ഔദ്യോഗിക ആവശ്യത്തിന് കരാര്‍ വ്യവസ്ഥയില്‍ (ഒരു വര്‍ഷത്തേക്ക്) വാഹനം വാടകയ്ക്ക് നല്‍കുവാന്‍ ടെന്‍ഡര്‍ ക്ഷണിച്ചു. ജനുവരി 12 ന് ഉച്ചയ്ക്ക് 12.30 വരെ നല്‍കാം. ഫോണ്‍: 7907209161.

കോട്ടയം: സംസ്ഥാനത്തെ സര്‍ക്കാര്‍ ,സര്‍ക്കാര്‍ എയ്ഡഡ് സ്‌കൂളുകളിലെ ഒന്‍പത്, പത്ത് ക്ലാസുകളിലെ വിദ്യാര്‍ഥികളില്‍ ന്യൂനപക്ഷ സ്‌കോളര്‍ഷിപ്പിന് അപേക്ഷിക്കാത്തവര്‍ക്ക് ജനുവരി ഒന്നു മുതല്‍ 15 വരെ അപേക്ഷിക്കാം. www.egrantz.kerala.gov.in, www.bcdd.kerala.gov.in എന്നീ വെബ്‌സെറ്റുകളില്‍ ഇതുസംബന്ധിച്ച സര്‍ക്കുലര്‍ ലഭിക്കും. വിശദവിവരങ്ങള്‍ക്ക് എറണാകുളം മേഖലാ ഓഫീസുമായി ബന്ധപ്പെടണം. ഫോണ്‍: 0484 - 2983130.

കോട്ടയം: പുതുവര്‍ഷത്തില്‍ നല്ല ആരോഗ്യമെന്ന സന്ദേശവുമായി ആരോഗ്യവകുപ്പ് നടപ്പാക്കുന്ന ആരോഗ്യം ആനന്ദം - വൈബ് 4 വെല്‍നെസ്സ് കാമ്പയിനു മുന്നോടിയായുള്ള കോട്ടയം ജില്ലാതല പരിപാടി നാളെ(ഡിസംബര്‍ 29) നടക്കും.  

വൈകുന്നേരം അഞ്ചിന് തിരുനക്കര മൈതാനത്ത് സഹകരണം-തുമുഖം-ദേവസ്വം വകുപ്പ് മന്ത്രി വി.എന്‍. വാസവന്‍ ഉദ്ഘാടനം നിര്‍വഹിക്കും. തിരുവഞ്ചൂര്‍ രാധാകൃഷ്ണന്‍ എംഎല്‍എ അധ്യക്ഷത വഹിക്കും. 

കോട്ടയം: ജില്ലാ പഞ്ചായത്ത് വൈസ് പ്രസിഡന്റായി തലനാട് ഡിവിഷനില്‍നിന്നുള്ള ബിന്ദു സെബാസ്റ്റ്യന്‍ തിരഞ്ഞെടുക്കപ്പെട്ടു. ശനിയാഴ്ച ഉച്ചകഴിഞ്ഞു  നടന്ന തെരഞ്ഞെടുപ്പില്‍ ബിന്ദു സെബാസ്റ്റ്യന് 16 വോട്ടും എതിര്‍ സ്ഥാനാര്‍ഥി കുറിച്ചി ഡിവിഷന്‍ പ്രതിനിധി സുമ ടീച്ചര്‍ക്ക് ഏഴു വോട്ടുമാണ് ലഭിച്ചത്. പ്രസിഡന്റ് ജോഷി ഫിലിപ്പ് വൈസ് പ്രസിഡന്റിന് സത്യവാചകം ചൊല്ലിക്കൊടുത്തു.

ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റ് സീസണ്‍ അഞ്ചിന്റെ സമാപനത്തില്‍ ഫെസ്റ്റിന്റെ ഭാഗമായി സംഘടിപ്പിച്ച വിവിധ കലാകായിക മത്സര വിജയികള്‍ക്കുള്ള സമ്മാനദാനം ടൂറിസം വകുപ്പ് മന്ത്രി പി എ മുഹമ്മദ് റിയാസ് നിര്‍വഹിച്ചു. പ്രധാന വേദിയായ ബേപ്പൂര്‍ മറീനയില്‍ റസിഡന്‍സ്, കുടുംബശ്രീ കലോത്സവങ്ങള്‍, കയാക്കിംഗ്, സെയിലിംഗ്, ഡ്രാഗണ്‍ ബോട്ട് റേസ്, സര്‍ഫിംഗ്, കണ്‍ട്ര ബോട്ട് റേസ്, കൈറ്റ് ചാമ്പ്യന്‍ഷിപ്പ് തുടങ്ങി മത്സര വിജയികള്‍ മന്ത്രിയില്‍ നിന്നും സമ്മാനം ഏറ്റുവാങ്ങി. 

ബേപ്പൂര്‍ മറീനയില്‍ പായ് വഞ്ചികള്‍ തമ്മില്‍ നടന്ന വീറും വാശിയും നിറഞ്ഞ സെയിലിംഗ് റഗാട്ടെ ഫൈനല്‍ മത്സരത്തില്‍ ഒപ്റ്റിമിസ്റ്റ് വിഭാഗത്തിലെ ചാമ്പ്യന് നല്‍കുന്ന ബേപ്പൂര്‍ സെയിലിംഗ് ട്രോഫി സ്വന്തമാക്കി കോഴിക്കോട് ലെയ്ക്ക് സൈഡ് വാട്ടര്‍ സ്‌പോര്‍ട്‌സ് സെയിലിംഗ് അക്കാദമിയിലെ തൃശൂര്‍ സ്വദേശിയായ ആല്‍ഡ്രിന്‍ സ്വന്തമാക്കി. ഒപ്റ്റിമിസ്റ്റ് (ആറ് ടീമുകള്‍), ഫണ്‍ ബോട്ട് (ഏഴ് ടീമുകള്‍), വിന്‍ഡ് സര്‍ഫിംഗ് എന്നീ ഇനങ്ങളിലായി 21 മത്സരാര്‍ത്ഥികളാണ് പങ്കെടുത്തത്. വിരാട്, യുവരാജ് എന്നിവര്‍ രണ്ടും മൂന്നും സ്ഥാനങ്ങള്‍ നേടി. 

ഇനി കാത്തിരിപ്പ് അടുത്ത വാട്ടര്‍ ഫെസ്റ്റിനായി

നൃത്ത സംഗീത വിരുന്നായി സമാപന ദിനം

ബേപ്പൂരിന്റെ മണ്ണില്‍ നൃത്ത സംഗീത വിരുന്നൊരുക്കി അഞ്ചാമത് ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റിവല്‍ സമാപന ദിവസം. ഞായറാഴ്ച വൈകീട്ടോടെ പ്രാദേശിക കലാകാരര്‍, കുടുംബശ്രീ, ആശ പ്രവര്‍ത്തകര്‍, മത്സ്യ തൊഴിലാളികള്‍, അങ്കണവാടി ജീവനക്കാര്‍, ഭിന്നശേഷി വിദ്യാര്‍ഥികള്‍ തുടങ്ങി വ്യത്യസ്ത മേഖലയില്‍ നിന്നുള്ള കലാസംഘങ്ങള്‍ ഒരുക്കിയ കലാവിരുന്നാണ് വിവിധ വേദികളില്‍ അരങ്ങേറിയത്.