പൊതു വിതരണ ഉപഭോക്തൃ വകുപ്പിന്റെ ദേശീയ ഉപഭോക്തൃ ദിനാചരണം ജില്ലാ കുടുംബകോടതി ജഡ്ജി സി ജെ ഡെന്നി ഉദ്ഘാടനം ചെയ്തു. സാങ്കേതികവിദ്യ മികച്ച രീതിയില്‍ ഉപയോഗപ്പെടുത്തുമ്പോഴും നീതിപൂര്‍വ്വമായ തീര്‍പ്പാക്കലിന് മനുഷ്യ വിഭവ ശേഷിയുടെ പ്രാധാന്യം കുറച്ചു കാണാന്‍ കഴിയില്ലെന്ന് അദ്ദേഹം അഭിപ്രായപ്പെട്ടു. ഉപഭോക്തൃ  സംരക്ഷണ നിയമത്തിന്റെ പ്രാധാന്യം സാധാരണ ജനങ്ങളിലെത്തിക്കുക എന്ന ലക്ഷ്യത്തോടെ ഡിജിറ്റല്‍ നീതിയിലൂടെ കാര്യക്ഷമവും വേഗത്തിലുള്ളതുമായ തീര്‍പ്പാക്കല്‍ എന്ന പ്രമേയത്തെ ആധാരമാക്കിയാണ് ദിനാചരണം സംഘടിപ്പിച്ചത്.

മണ്ണാര്‍ക്കാട് താലൂക്ക് ആസ്ഥാന ആശുപത്രിയിലെ ഡയാലിസിസ് യൂണിറ്റില്‍ 5 ഡീപ് സിങ്ക് സ്ഥാപിക്കുന്നതിന് അംഗീകൃത സ്ഥാപനങ്ങളില്‍ നിന്നും മത്സര സ്വഭാവമുള്ള ടെന്‍ഡറുകള്‍ ക്ഷണിച്ചു. ടെണ്ടര്‍ ഫോമിനോടൊപ്പം 200 രൂപ മുദ്രപേപ്പറില്‍ എഗ്രിമെന്റ് സമര്‍പ്പേക്കേണ്ടതാണ്. ടെന്‍ഡറുകള്‍ ഡിസംബര്‍ 31 രാവിലെ 11 വരെ സ്വീകരിക്കും. അന്നേദിവസം ഉച്ചക്ക് 12 മണിക്ക് ടെന്‍ഡറുകള്‍ തുറന്നു പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍ : 04924 224549

പാലക്കാട് വ്യാവസായിക ട്രൈബ്യൂണലും ഇന്‍ഷൂറന്‍സ് കോടതി ജഡ്ജിയും, എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ ജനുവരി അഞ്ച്, ആറ്, 12, 13, 19, 20, 27 തീയതികളില്‍ പാലക്കാട് റവന്യൂ ഡിവിഷണല്‍ മജിസ്‌ട്രേറ്റ് കോടതി ഹാളില്‍ തൊഴില്‍ തര്‍ക്ക കേസുകളും, ഇന്‍ഷൂറന്‍സ് കേസുകളും വിചാരണചെയ്യുമെന്ന് സെക്രട്ടറി അറിയിച്ചു.

കേരള സംസ്ഥാന പട്ടികജാതി പട്ടിക ഗോത്രവര്‍ഗ കമ്മീഷന്‍, പരാതികള്‍ തീര്‍പ്പാക്കാനായി നടത്തുന്ന അദാലത്ത് ജനുവരി 14ന് രാവിലെ 10 മുതല്‍ ഉച്ചയ്ക്ക് ഒന്ന് വരെ അഗളി മിനിസിവില്‍ സ്റ്റേഷന്‍ റവന്യു ഹാളില്‍ നടക്കുമെന്ന് അസിസ്റ്റന്റ് രജിസ്ട്രാര്‍ അറിയിച്ചു.

പാലക്കാട് ജില്ലാ ആശുപത്രിയിലെ കാത്ത്‌ലാബ് വിഭാഗത്തിലേക്ക് സാമഗ്രികള്‍ വാങ്ങുന്നതിന് ഇ-ടെണ്ടര്‍ ക്ഷണിച്ചു. ആഞ്ജിയോഗ്രാഫിക് ഷീത്തുകള്‍, കത്തീറ്ററുകള്‍, ബലൂണുകള്‍, സ്റ്റന്റുകള്‍, പേസ്‌മേക്കറുകള്‍ മുതലായ കണ്‍സ്യൂമബിള്‍സും ഹാര്‍ഡ് വെയേഴ്‌സ് എന്നിവയാണ് വിതരണം ചെയ്യേണ്ടത്. താല്‍പര്യമുള്ളവര്‍ www.etenders.kerala.gov.in എന്ന വെബ്‌സൈറ്റ് വഴി ക്വട്ടേഷന്‍ സമര്‍പ്പിക്കേണ്ടതാണ്. ക്വട്ടേഷനുകള്‍ ജനുവരി ഏഴ് വരെ സ്വീകരിക്കും. ജനുവരി ഒന്‍പതിന് ക്വട്ടേഷന്‍ തുറന്ന് പരിശോധിക്കും. ഫോണ്‍: 0491 2533327

സംസ്ഥാന ഉന്നത വിദ്യാഭ്യാസ വകുപ്പിന് കീഴിലുള്ള അഡീഷണല്‍ സ്‌കില്‍ അക്വിസിഷന്‍ പ്രോഗ്രാം (അസാപ്) കേരളയുടെ ലക്കിടി കമ്മ്യൂണിറ്റി സ്‌കില്‍ പാര്‍ക്കില്‍ ഗ്രാജ്വേറ്റ് ഇന്റേണ്‍ തസ്തികയിലേക്ക് അപേക്ഷിക്കാം. കരാര്‍ അടിസ്ഥാനത്തിലാണ് നിയമനം.ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. അപേക്ഷകര്‍ 20-നും 30-നും ഇടയില്‍ പ്രായമുള്ളവരായിരിക്കണം. താല്പര്യമുള്ളവര്‍ https://forms.gle/DXMXuhF2hATt4LV4A ലിങ്ക് വഴി അപേക്ഷ സമര്‍പ്പിച്ച് ഡിസംബര്‍ 27-ന് നടക്കുന്ന അഭിമുഖത്തില്‍ പങ്കെടുക്കണം. കൂടുതല്‍ വിവരങ്ങള്‍ക്ക് ഫോണ്‍: 9495999667, 9895967998

ആലത്തൂര്‍ വാനൂരില്‍ ക്ഷീര പരിശീലന കേന്ദ്രത്തില്‍ ജനുവരി അഞ്ച് മുതല്‍ ഒന്‍പത് വരെ ശാസ്ത്രീയ പശുപരിപാലനം എന്ന വിഷയത്തില്‍ പരിശീലനം നടത്തുന്നു. പാലക്കാട്, തൃശൂര്‍ ജില്ലകളില്‍ ക്ഷീര കര്‍ഷകര്‍ക്കായാണ് പരിശീലനം. താല്‍പര്യമുള്ളവര്‍ ജനുവരി മൂന്നിന് ഉച്ചയ്ക്ക് ഒന്നിന് മുന്‍പായി dd-dtc-pkd.dairy@kerala.gov.in വഴിയോ dtcalathur@gmail.com എന്ന ഇ-മെയില്‍ വിലാസത്തിലോ, 04922-226040, 9495228998, 7902458762 എന്ന ഫോണ്‍ നമ്പറിലോ രജിസ്റ്റര്‍ ചെയ്യണം.

2025-26 അദ്ധ്യയന വർഷത്തിൽ യൂണിവേഴ്‌സിറ്റി ഗ്രാന്റ്‌സ് കമ്മീഷൻ അംഗീകരിച്ച എല്ലാ സർവകലാശാലകളിലും/സ്ഥാപനങ്ങളിലും റെഗുലർ/ഫുൾടൈം ഗവേഷണം ചെയ്യുന്ന കേരളീയരായ ന്യൂനപക്ഷ മതവിഭാഗത്തിൽപ്പെട്ട (മുസ്ലീം,