കോട്ടയം: ജില്ലാ പഞ്ചായത്ത് വൈസ് പ്രസിഡന്റായി തലനാട് ഡിവിഷനില്‍നിന്നുള്ള ബിന്ദു സെബാസ്റ്റ്യന്‍ തിരഞ്ഞെടുക്കപ്പെട്ടു. ശനിയാഴ്ച ഉച്ചകഴിഞ്ഞു  നടന്ന തെരഞ്ഞെടുപ്പില്‍ ബിന്ദു സെബാസ്റ്റ്യന് 16 വോട്ടും എതിര്‍ സ്ഥാനാര്‍ഥി കുറിച്ചി ഡിവിഷന്‍ പ്രതിനിധി സുമ ടീച്ചര്‍ക്ക് ഏഴു വോട്ടുമാണ് ലഭിച്ചത്. പ്രസിഡന്റ് ജോഷി ഫിലിപ്പ് വൈസ് പ്രസിഡന്റിന് സത്യവാചകം ചൊല്ലിക്കൊടുത്തു.

ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റ് സീസണ്‍ അഞ്ചിന്റെ സമാപനത്തില്‍ ഫെസ്റ്റിന്റെ ഭാഗമായി സംഘടിപ്പിച്ച വിവിധ കലാകായിക മത്സര വിജയികള്‍ക്കുള്ള സമ്മാനദാനം ടൂറിസം വകുപ്പ് മന്ത്രി പി എ മുഹമ്മദ് റിയാസ് നിര്‍വഹിച്ചു. പ്രധാന വേദിയായ ബേപ്പൂര്‍ മറീനയില്‍ റസിഡന്‍സ്, കുടുംബശ്രീ കലോത്സവങ്ങള്‍, കയാക്കിംഗ്, സെയിലിംഗ്, ഡ്രാഗണ്‍ ബോട്ട് റേസ്, സര്‍ഫിംഗ്, കണ്‍ട്ര ബോട്ട് റേസ്, കൈറ്റ് ചാമ്പ്യന്‍ഷിപ്പ് തുടങ്ങി മത്സര വിജയികള്‍ മന്ത്രിയില്‍ നിന്നും സമ്മാനം ഏറ്റുവാങ്ങി. 

ബേപ്പൂര്‍ മറീനയില്‍ പായ് വഞ്ചികള്‍ തമ്മില്‍ നടന്ന വീറും വാശിയും നിറഞ്ഞ സെയിലിംഗ് റഗാട്ടെ ഫൈനല്‍ മത്സരത്തില്‍ ഒപ്റ്റിമിസ്റ്റ് വിഭാഗത്തിലെ ചാമ്പ്യന് നല്‍കുന്ന ബേപ്പൂര്‍ സെയിലിംഗ് ട്രോഫി സ്വന്തമാക്കി കോഴിക്കോട് ലെയ്ക്ക് സൈഡ് വാട്ടര്‍ സ്‌പോര്‍ട്‌സ് സെയിലിംഗ് അക്കാദമിയിലെ തൃശൂര്‍ സ്വദേശിയായ ആല്‍ഡ്രിന്‍ സ്വന്തമാക്കി. ഒപ്റ്റിമിസ്റ്റ് (ആറ് ടീമുകള്‍), ഫണ്‍ ബോട്ട് (ഏഴ് ടീമുകള്‍), വിന്‍ഡ് സര്‍ഫിംഗ് എന്നീ ഇനങ്ങളിലായി 21 മത്സരാര്‍ത്ഥികളാണ് പങ്കെടുത്തത്. വിരാട്, യുവരാജ് എന്നിവര്‍ രണ്ടും മൂന്നും സ്ഥാനങ്ങള്‍ നേടി. 

ഇനി കാത്തിരിപ്പ് അടുത്ത വാട്ടര്‍ ഫെസ്റ്റിനായി

നൃത്ത സംഗീത വിരുന്നായി സമാപന ദിനം

ബേപ്പൂരിന്റെ മണ്ണില്‍ നൃത്ത സംഗീത വിരുന്നൊരുക്കി അഞ്ചാമത് ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റിവല്‍ സമാപന ദിവസം. ഞായറാഴ്ച വൈകീട്ടോടെ പ്രാദേശിക കലാകാരര്‍, കുടുംബശ്രീ, ആശ പ്രവര്‍ത്തകര്‍, മത്സ്യ തൊഴിലാളികള്‍, അങ്കണവാടി ജീവനക്കാര്‍, ഭിന്നശേഷി വിദ്യാര്‍ഥികള്‍ തുടങ്ങി വ്യത്യസ്ത മേഖലയില്‍ നിന്നുള്ള കലാസംഘങ്ങള്‍ ഒരുക്കിയ കലാവിരുന്നാണ് വിവിധ വേദികളില്‍ അരങ്ങേറിയത്.

ആകാംക്ഷ നിറച്ച് മെഗാ ചെസ് മത്സരം

ചാമ്പ്യന്മാരായി എം ഭഗത്, പവന്‍ വിനായക്, എം ധന്വേഷ്, വത്സരാജ് മാറാട്

ബേപ്പൂര്‍ ഫെസ്റ്റിന്റെ ഭാഗമായി ചാലിയം ഹൈസ്‌കൂളില്‍ സംഘടിപ്പിച്ച മത്സരം തന്ത്രങ്ങളുടെയും ആകാംക്ഷയുടെയും വേദിയായി മാറി. നാല് വിഭാഗങ്ങളിലായി നടന്ന മത്സരങ്ങളില്‍ 80 മത്സരാര്‍ത്ഥികള്‍ മാറ്റുരച്ചു. മത്സരത്തിന്റെ ഔദ്യോഗിക ഉദ്ഘാടനം കടലുണ്ടി ഗ്രാമഞ്ചായത്ത് പ്രസിഡന്റ് ഒ ഭക്തവത്സന്‍ നിര്‍വഹിച്ചു.

കോസ്റ്റ് ഗാര്‍ഡ്, നേവി കപ്പലുകള്‍ സന്ദര്‍ശിച്ച് മന്ത്രി മുഹമ്മദ് റിയാസ്

ചാലിയാറില്‍ ആവേശമായി ഡ്രാഗണ്‍ ബോട്ട് റേസ്

ഡ്രാഗണ്‍ ബോട്ട് റേസ് മലബാറില്‍ ആദ്യം

എകെജി പോടന്‍തുരുത്തി നീലേശ്വരം ജേതാക്കള്‍

നവ്യാനുഭവമായി ബേപ്പൂര്‍ വാട്ടര്‍ ഫെസ്റ്റിന്റെ ഭാഗമായി ചാലിയാറില്‍ നടന്ന ഡ്രാഗണ്‍ ബോട്ട് റേസ്. രാജ്യാന്തര ജലകായിക ഇനമായ ഡ്രാഗണ്‍ ബോട്ട് റേസ് ആദ്യമായാണ് ബേപ്പൂര്‍ ഫെസ്റ്റിന്റെ ഭാഗമാകുന്നത്. ഡ്രാഗണ്‍ ബോട്ട് മത്സരം മലബാറിലെത്തുന്നതും ആദ്യമായാണ്. താളത്തിനൊത്ത് മുന്നേറിയ ബോട്ടുകള്‍ ബ്രേക്ക് വാട്ടറിനു സമീപം അണിനിരന്നത്് വള്ളംകളി കാണികള്‍ക്ക് ആവേശകരമായ അനുഭവമായി. 

ജനപങ്കാളിത്തം കൊണ്ട് ശ്രദ്ധേയമായി മാരത്തണ്‍ മത്സരം

ജനപങ്കാളിത്തം കൊണ്ട് ശ്രദ്ധേയമായി ബേപ്പൂര്‍ അന്താരാഷ്ട്ര വാട്ടര്‍ ഫെസ്റ്റ് അഞ്ചാം പതിപ്പിന്റെ ഭാഗമായി സംഘടിപ്പിച്ച മാരത്തോണ്‍ മത്സരം. ചാലിയം ഓഷ്യാനസ് പരിസരത്ത് നടന്ന മത്സരം കെ എം സച്ചിന്‍ ദേവ് എംഎല്‍എ ഉദ്ഘാടനം ചെയ്തു. മുന്‍ ഇന്ത്യന്‍ വോളിബോള്‍ ടീം ക്യാപ്റ്റര്‍ ഇ കെ കിഷോര്‍കുമാര്‍ മുഖ്യാതിഥിയായി.
രാവിലെ ആറിന് ചാലിയം ഓഷ്യാനസ് പരിസരത്തുനിന്ന് ആരംഭിച്ച മാരത്തണ്‍ 13 കിലോമീറ്റര്‍ പിന്നിട്ട് ബേപ്പൂര്‍ മറീന ബീച്ചിലാണ് അവസാനിച്ചത്. 

കോട്ടയം: ജില്ലാ പഞ്ചായത്ത് പ്രസിഡന്റായി ജോഷി ഫിലിപ്പ് തെരഞ്ഞെടുക്കപ്പെട്ടു.ഇന്നു(ഡിസംബര്‍ 27 ശനി) രാവിലെ നടന്ന തെരഞ്ഞെടുപ്പില്‍ വാകത്താനം ഡിവിഷനില്‍നിന്നുള്ള ജില്ലാ പഞ്ചായത്തംഗമായ ജോഷി ഫിലിപ്പിന് 16 വോട്ടും എതിര്‍ സ്ഥാനാര്‍ഥി ഭരണങ്ങാനം ഡിവിഷന്‍ പ്രതിനിധി പെണ്ണമ്മ ജോസഫിന് ഏഴ് വോട്ടും ലഭിച്ചു. വരണാധികാരിയായ ജില്ലാ കളക്ടര്‍ ചേതന്‍കുമാര്‍ മീണ മുന്‍പാകെ പുതിയ പ്രസിഡന്റ് സത്യപ്രതിജ്ഞ ചെയ്തു. 

എ.ഡി.എം എസ്.ശ്രീജിത്തും തെരഞ്ഞെടുപ്പ് നടപടികളില്‍ പങ്കുചേര്‍ന്നു.