തലശ്ശേരി നിയോജക മണ്ഡലത്തില്‍ പൂര്‍ത്തീകരിച്ച അഞ്ച് തീരദേശ റോഡുകളുടെ ഉദ്ഘാടനം നിയമസഭ സ്പീക്കര്‍ അഡ്വ. എ.എന്‍ ഷംസീര്‍ നിര്‍വഹിച്ചു. പിലാക്കൂലില്‍ നടന്ന പരിപാടിയില്‍ തലശ്ശേരി നഗരസഭ ചെയര്‍പേഴ്‌സണ്‍ കാരായി ചന്ദ്രശേഖരന്‍ അധ്യക്ഷനായി. 

മലപ്പുറം:സംസ്ഥാന സാക്ഷരതാ മിഷൻ നടപ്പാക്കുന്ന ചങ്ങാതി ഇതര സംസ്ഥാന തൊഴിലാളി സാക്ഷരത പദ്ധതിയുടെ സംസ്ഥാന തല സർവ്വേ ഉദ്ഘാടനം പോരൂർ ഗ്രാമ പഞ്ചായത്തിലെ ചേരിപ്പറമ്പ് റേഷൻ കടയ്ക്ക് സമീപം എ.പി.അനിൽ കുമാർ എം.എൽ.എ. നിർവ്വഹിച്ചു.

കേരള സംസ്ഥാന ന്യൂനപക്ഷ വികസന ധനകാര്യ കോർപ്പറേഷന്റെ താനൂരിൽ പ്രവർത്തനമാരംഭിച്ച എക്സ്റ്റൻഷൻ സെന്റർ കായിക - ന്യൂനപക്ഷ ക്ഷേമ വകുപ്പ് മന്ത്രി വി. അബ്ദുറഹ്മാൻ ഉദ്ഘാടനം ചെയ്തു. താനൂർ ബി.എസ്.എൻ.എൽ. എക്സ്ചേഞ്ച് ബിൽഡിങ്ങിലാണ് സെന്റർ പ്രവർത്തനമാരംഭിച്ചിരിക്കുന്നത്. 'പെരിന്തൽമണ്ണയ്ക്ക് പുറമേ ജില്ലയിൽ സ്ഥാപിതമാകുന്ന രണ്ടാമത്തെ ഓഫീസ് കൂടിയാണ് ഇത്. കേരളത്തിൽ രണ്ട് എക്സ്റ്റൻഷൻ ഓഫീസുകൾ ഉള്ള ആദ്യ ജില്ല കൂടി ആവുകയാണ് ഇതോടെ മലപ്പുറം. ഒപ്പം തന്നെ വിവിധ പരീക്ഷകൾക്ക് ന്യൂനപക്ഷ വിദ്യാർത്ഥികൾക്ക് പരിശീലനം നൽകാൻ വേണ്ടി താനൂരിൽ പുതിയ കോച്ചിങ് സെന്റർ തുടങ്ങാൻ തീരുമാനമായതായും മന്ത്രി ഉദ്ഘാടന പ്രസംഗത്തിൽ പറഞ്ഞു. 

ക്ഷേത്രകലാ അക്കാദമിയില്‍ ഹ്രസ്വകാല കോഴ്‌സുകള്‍

സംസ്ഥാനത്തെ കാർഷിക മേഖലയ്ക്ക് വലിയ സുരക്ഷയും ആശ്വാസവും നൽകിക്കൊണ്ട് സംസ്ഥാന വിള ഇൻഷുറൻസ് പദ്ധതി വിപുലീകരിച്ചതായി കൃഷി വകുപ്പ് മന്ത്രി പി. പ്രസാദ് പറഞ്ഞു. ഉപ്പുവെള്ളം കയറിയുണ്ടാകുന്ന നെൽകൃഷി നാശത്തിനും പുതിയ പദ്ധതിയിലൂടെ നഷ്ടപരിഹാരം ലഭിക്കും. നിലവിലെ മാനദണ്ഡങ്ങളിൽ കർഷകർക്ക് അനുകൂലമായ ഭേദഗതികൾ വരുത്തിക്കൊണ്ടാണ് പദ്ധതി പരിഷ്കരിച്ചിരിക്കുന്നത്. പുതിയതായി 13 വിളകളെയും ഇതാദ്യമായി തേനീച്ച കൃഷിയെയും ഇൻഷുറൻസ് പദ്ധതിയിൽ ഉൾപ്പെടുത്തിയിട്ടുണ്ട്.

ബഡ്‌സ് യൂണിഫൈഡ് സോക്കര്‍ 2026 ജില്ലാതല മത്സരം ശനിയാഴ്ച

കുടുംബശ്രീ കണ്ണൂര്‍ ജില്ലാ മിഷന്റെ നേതൃത്വത്തിലുള്ള ബഡ്‌സ് സ്കൂൾ വിദ്യാർത്ഥികൾക്കായുള്ള യൂണിഫൈഡ് ഫുട്‌ബോള്‍ ജില്ലാതല മത്സരം മാര്‍ച്ച് 14ന് രാവിലെ ഒന്‍പത്  മുതല്‍ കണ്ണൂര്‍ പോലീസ് ടര്‍ഫില്‍ നടക്കും. ജില്ലാ പഞ്ചായത്ത് പ്രസിഡന്റ് അഡ്വ. ബിനോയ് കുര്യന്‍ ഉദ്ഘാടനം ചെയ്യും. കുടുംബശ്രീ ജില്ലാ മിഷന്‍ കോഓര്‍ഡിനേറ്റര്‍ എം വി ജയന്‍ അധ്യക്ഷനാകും. സമാപന സമ്മേളനവും സമ്മാനദാനവും കണ്ണൂര്‍ കോര്‍പ്പറേഷന്‍ മേയര്‍ അഡ്വ. പി ഇന്ദിര ഉദ്ഘാടനം ചെയ്യും. സ്ഥിരം സമിതി അധ്യക്ഷ അഡ്വ. ലിഷ ദീപക് അധ്യക്ഷയാകും.

*ചെന്നിത്തല തേവർകടവ് ആറ്റുമാലിൽ റോഡിന്റെ ഉദ്ഘാടനവും കൾവെർട്ടിന്റെ നിർമ്മാണ ഉദ്ഘാടനവും മന്ത്രി നിർവഹിച്ചു

സംസ്ഥാനത്തെ നാല് ആരോഗ്യ സ്ഥാപനങ്ങള്‍ക്ക് കൂടി എന്‍.ക്യു.എ.എസ്. (നാഷണല്‍ ക്വാളിറ്റി അഷുറന്‍സ് സ്റ്റാന്റേര്‍ഡ്‌സ്) അംഗീകാരം ലഭിച്ചതായി ആരോഗ്യ വകുപ്പ് മന്ത്രി വീണാ ജോര്‍ജ് അറിയിച്ചു. 

കണ്ണൂര്‍ ചരല്‍ ജനകീയ ആരോഗ്യകേന്ദ്രം (92.83 ശതമാനം), കണ്ണൂര്‍ അമ്പായത്തോട് ജനകീയ ആരോഗ്യകേന്ദ്രം (90.59 ശതമാനം), മലപ്പുറം കെ പുരം ജനകീയ ആരോഗ്യകേന്ദ്രം (90.48 ശതമാനം) എന്നീ ആരോഗ്യ കേന്ദ്രങ്ങള്‍ക്കാണ് പുതുതായി എന്‍.ക്യു.എ.എസ്. അംഗീകാരം ലഭിച്ചത്. ഇതിന് പുറമെ കണ്ണൂര്‍ മാട്ടൂല്‍ കുടുംബാരോഗ്യകേന്ദ്രം 96 ശതമാനത്തോടെ എന്‍.ക്യു.എ.എസ് പുന:അംഗീകാരം നേടി.

കേരള ഫോക് ലോർ അക്കാദമി കണ്ണൂർ സർവ്വകലാശാലയുമായി സഹകരിച്ച് കളരിപ്പയറ്റിൽ സർട്ടിഫിക്കറ്റ് കോഴ്സ് നടത്തുന്നതിനുള്ള ധാരണാപത്രം കൈമാറി. കണ്ണൂർ സർവ്വകലാശാല ക്യാമ്പസിൽ നടന്ന പരിപാടി രജിസ്‌ട്രേഷൻ, മ്യൂസിയം, പുരാവസ്തു, പുരാരേഖാ വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്‌ഘാടനം ചെയ്തു. ധാരണാപത്രം മന്ത്രിയും കണ്ണൂർ സർവ്വകലാശാല വൈസ് ചാൻസിലർ പ്രൊഫ.കെ.കെ.സാജുവും ചേർന്ന് പദ്മ അവാർഡ് ജേതാക്കളായ എസ്.ആർ.ബി.പ്രസാദ്, മീനാക്ഷി, മധു, ഗുരുക്കന്മാരായ ദിനേശൻ വിജയൻ, കുഞ്ഞി മൂസ എന്നിവർക്ക് കൈമാറി  

സാക്ഷരത മിഷന്റെ ആഭിമുഖ്യത്തിൽ ന്യൂ ഇന്ത്യ ലിറ്ററസി പ്രോഗ്രാമിന്റെ ഭാഗമായി വിജയോത്സവവും അന്താരാഷ്ട്ര വനിതാ ദിനാചരണവും സംഘടിപ്പിച്ചു. പരിപാടി ജില്ലാ പഞ്ചായത്ത് പ്രസിഡന്റ്‌ ചന്ദ്രിക കൃഷ്ണൻ ഉദ്ഘാടനം ചെയ്തു. 
ജില്ലയിൽ നടപ്പാക്കുന്ന തുടര്‍വിദ്യാഭ്യാസ പ്രവര്‍ത്തനങ്ങള്‍ക്ക് മികച്ച പിന്തുണ നല്‍കുമെന്നും വനിതാ ഘടക പദ്ധതിയിൽ ഉൾപ്പെടുത്തി സാക്ഷരത മിഷന്റെ സ്മാർട്ട് കോഴ്സിൽ വനിതാ പഠിതാക്കൾക്ക് സൗജന്യമായി പഠിക്കാൻ അവസരമൊരുക്കുമെന്നും ജില്ലാ പഞ്ചായത്ത് പ്രസിഡന്റ്‌ ഉദ്ഘാടന പ്രസംഗത്തിൽ വ്യക്തമാക്കി.