തൃശൂർ ജില്ലാ വിദ്യാഭ്യാസ പരിശീലന കേന്ദ്രമായ രാമവർമ്മപുരം കോമ്പൗണ്ടിലുള്ള 21 മരങ്ങൾ മുറിച്ചുമാറ്റാൻ ക്വട്ടേഷൻ ക്ഷണിച്ചു. യൂക്കാലി, മന്ദാരം, കാറ്റാടി, ബദാം, ശീമക്കൊന്ന, മുള്ളംകൈനി, പ്ലാവ് (വിറക്), വട്ട, മഞ്ഞപ്പാവട്ട, പാല, ഏഴിലംപാല, ആൽമരം (ശിഖരങ്ങൾ) എന്നിവയാണ് ഉള്ളത്. നിരതദ്രവ്യം 1000 രൂപ. ജൂലൈ നാല് വൈകിട്ട് മൂന്ന് വരെ ക്വട്ടേഷൻ സമർപ്പിക്കാം.

ജില്ലാതല ഐ സി ഡി എസ് സെൽ ഓഫീസിലേക്ക് ഏഴ് വർഷത്തിൽ താഴെ  കാലപ്പഴക്കമുള്ള വാഹനം വാടകയ്ക്ക് ലഭ്യമാക്കുന്നതിന് ടെൻഡർ ക്ഷണിച്ചു. നിരതദ്രവ്യം 3000 രൂപ. പ്രോഗ്രാം ഓഫീസർ, തൃശൂർ ജില്ലാതല ഐ.സി. ഡി.എസ് സെൽ, മിനി സിവിൽ സ്റ്റേഷൻ, ചെമ്പുകാവ് വിലാസത്തിൽ ജൂൺ 11 വൈകിട്ട് മൂന്നു വരെ ടെൻഡർ സ്വീകരിക്കും. ഫോൺ: 0487 2321689.

പുല്ലൂട്ട് കെ.കെ.ടി.എം ഗവ. കോളജിൽ സംസ്‌കൃതം ജനറൽ വിഭാഗത്തിൽ താത്ക്കാലിക അധ്യാപക ഒഴിവ്. കോളജ് വിദ്യാഭ്യാസ വകുപ്പിന് കീഴിലുള്ള ഗസ്റ്റ് പാനലിൽ രജിസ്റ്റർ ചെയ്തവർ വയസ്, യോഗ്യത, പരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകൾ സഹിതം ജൂലൈ മൂന്നിന് ഉച്ചയ്ക്ക് രണ്ടിന് കൂടിക്കാഴ്ചയ്ക്ക്  ഹാജരാകണം. ഫോൺ: 0480 2802213.

സുഭിക്ഷ കേരളം-ജനകീയ മത്സ്യകൃഷി- ലൈവ് ഫിഷ് മാര്‍ക്കറ്റ് ഔട്ട്‌ലെറ്റ് പദ്ധതി പ്രകാരം പൊയ്യ ഗവ. ഫിഷ് ഫാമില്‍ ഒരു മത്സ്യവില്‍പന കേന്ദ്രം (Container model using MS sheet, Gl pipe & corrugated sheet) 20'x8'x8' നല്‍കുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ സമര്‍പ്പിക്കേണ്ട അവസാന തിയതി ജൂലൈ 5 ഉച്ചയ്ക്ക് ഒന്നു വരെ. കൂടുതല്‍ വിവരങ്ങള്‍ക്ക് ഫോണ്‍: 0484- 2665479,6238114605

2023 ഡിസംബര്‍ 31 വരെ കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ അനുവദിക്കപ്പെട്ട ഗുണഭോക്താക്കള്‍ 2024 ജൂണ്‍ 25 മുതല്‍ 2024 ഓഗസ്റ്റ് 24 വരെയുള്ള കാലയളവിനുള്ളില്‍ അക്ഷയ കേന്ദ്രങ്ങള്‍ വഴി ബയോമെട്രിക് മസ്റ്ററിംഗ് നടത്തേണ്ടതാണെന്ന് കേരള മോട്ടോര്‍ തൊഴിലാളി ക്ഷേമനിധി ബോര്‍ഡ് ചീഫ് എക്‌സിക്യൂട്ടീവ് ഓഫീസര്‍ അറിയിച്ചു.

കേരള മോട്ടോര്‍ തൊഴിലാളി ക്ഷേമനിധി പദ്ധതിയില്‍ അംഗങ്ങളായ ക്ഷേമനിധി വിഹിതം കുടിശ്ശിക വരുത്തിയ തൊഴിലാളികള്‍ക്ക് കോവിഡ് കാലയളവ് ഒഴികെ അവസാന 3 വര്‍ഷ കാലയളവ് വരെയുള്ള കുടിശിക ഒടുക്കുന്നതിന് (9 ശതമാനം പലിശ സഹിതം) 2024 സെപ്റ്റംബര്‍ 30 വരെ സമയം അനുവദിച്ചതായി ചീഫ് എക്‌സിക്യൂട്ടിവ് ഓഫീസര്‍ അറിയിച്ചു. വിശദവിവരങ്ങള്‍ക്കായി എറണാകുളം എസ്.ആര്‍.എം.റോഡിലുള്ള ഓഫീസുമായി ബന്ധപ്പെടണം. ഫോണ്‍: 0484-2401632. 

കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ നിന്നും വാര്‍ധക്യകാല പെന്‍ഷന്‍ വാങ്ങുന്ന മത്സ്യത്തൊഴിലാളി / അനുബന്ധത്തൊഴിലാളി/ മത്സ്യത്തൊഴിലാളി വിധവ പെന്‍ഷന്‍കാര്‍ തുടര്‍ന്നും പെന്‍ഷന്‍ ലഭിക്കുന്നതിനുവേണ്ടി 25.06.2024 മുതല്‍ 24.08.2024 വരെയുള്ള കാലയളവിനുള്ളില്‍ വാര്‍ഷിക മസ്റ്ററിംഗ് നടത്തണം. ഇതിനായി മതിയായ രേഖകള്‍ സഹിതം അക്ഷയ കേന്ദ്രങ്ങളില്‍ സമീപിക്കണം. മസ്റ്ററിംഗ് ചെയ്യുന്നതിന് പരാജയപ്പെടുന്ന സാഹചര്യം വന്നാല്‍ ലൈഫ് സര്‍ട്ടിഫിക്കറ്റ് ഹാജരാക്കണമെന്ന് എറണാകുളം റീജിയണല്‍ എക്‌സിക്യൂട്ടീവ് അറിയിച്ചു.

ആലുവ സബ് ജയില്‍ റോഡില്‍ സ്ഥിതി ചെയ്യുന്ന ഗവ പ്രീ എക്‌സാമിനേഷന്‍ ട്രെയിനിംഗ് സെന്ററില്‍ കെ ജി ടി ഇ ടൈപ്പ് റൈറ്റിംഗ്, ഷോര്‍ട്ട് ഹാന്‍ഡ്, കമ്പ്യൂട്ടര്‍ വേഡ് പ്രൊസസിംഗ് (ഇംഗ്ലീഷ്, മലയാളം ലോവര്‍, ഹയര്‍) എന്നീ വിഷയങ്ങളടങ്ങിയ ദ്വിവത്സര സ്റ്റെനോഗ്രഫി കോഴ്സില്‍ ചേരുന്നതിന് ആലപ്പുഴ, എറണാകുളം, ഇടുക്കി, കോട്ടയം എന്നീ ജില്ലകളിലെ പ്ലസ് ടു/തത്തുല്യ പരീക്ഷ പാസായ 18 നും 35 നും മദ്ധ്യേ പ്രായമുളള പട്ടികജാതി/പട്ടികവര്‍ഗ്ഗ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു.

എറണാകുളം ഗവ ലോ കോളേജ് കോമ്പൗണ്ടില്‍ ഉപയോഗ ശൂന്യമായ ജി ഐ റൂഫ് ഷീറ്റ് വില്‍പ്പന നടത്തുന്നതിന് ലേലം ജൂലൈ 11-ന് രാവിലെ 11.30 ന് കോളേജില്‍ നടത്തും. ലേലത്തില്‍ പങ്കെടുക്കുവാന്‍ താത്പര്യമുളളവര്‍ അന്നേ ദിവസം ലേല സമയത്ത് ഒരു മണിക്കൂര്‍ മുമ്പ് 500 രൂപ നിരതദ്രവ്യം  കെട്ടിവയ്ക്കണം.  എന്തെങ്കിലും കാരണവശാല്‍ ലേല തീയതിയില്‍ ലേലം നടക്കാതെ വന്നാല്‍ പുനര്‍ ലേലം ഡൂലൈ 18-ന് നടത്തും. കൂടുതല്‍ വിവരങ്ങള്‍ക്ക് ഫോണ്‍: 0484-2352020.