ലഹരിക്കെതിരെ സാമൂഹ്യപ്രതിരോധം തീര്‍ക്കാന്‍ വിദ്യാര്‍ത്ഥികള്‍ മുന്നിട്ടിറങ്ങണമെന്ന് മലപ്പുറം ബ്ലോക്ക് പഞ്ചായത്ത് പ്രസിഡന്റ് അഡ്വ. അബ്ദുറഹ്‌മാന്‍ കാരാട്ട്. അന്താരാഷ്ട്ര ലഹരി വിരുദ്ധ ദിനം ജില്ലാതല ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. ആരോഗ്യവകുപ്പും ആരോഗ്യ കേരളവും സംയുക്തമായി മരവട്ടം ഗ്രേസ് വാലി കോളേജില്‍ നടത്തിയ പരിപാടിയില്‍ പൊന്മള ഗ്രാമപഞ്ചായത്ത് പ്രസിഡന്റ് ജസീന മജീദ് അധ്യക്ഷത വഹിച്ചു.

അതിഥി തൊഴിലാളികളുടെ ആരോഗ്യ പരിരക്ഷ ഉറപ്പുവരുത്തുന്നതിനും പകര്‍ച്ചവ്യാധി വ്യാപനം തടയുന്നതിനും ലഹരി വസ്തുക്കളുടെ ഉപയോഗത്തിനെതിരെ തൊഴിലാളികളെ ബോധവല്‍ക്കരിക്കുന്നതിനുമായി വിവിധ ഇടങ്ങളില്‍ മലപ്പുറം ജില്ലാ ലേബര്‍ ഓഫീസിന്റെ നേതൃത്വത്തില്‍ ലഹരി വിരുദ്ധ ക്യാമ്പുകള്‍ സംഘടിപ്പിച്ചു. അറവങ്കര ഫൂട്ട് വെല്‍ എക്‌സിം എന്ന സ്ഥാപനത്തില്‍ നടന്ന ലഹരി വിരുദ്ധ ബോധവത്കരണ പരിപാടി  ജില്ലാ ലൈബ്രറി ഓഫീസര്‍ ജയപ്രകാശ് നാരായണന്‍ ഉദ്ഘാടനം ചെയ്തു. അസിസ്റ്റന്റ് ലേബര്‍ ഓഫീസര്‍ അബീദ പുഷ്‌പോധരന്‍ സ്വാഗതം പറഞ്ഞു.

 വിദേശത്ത് നിന്ന് മടങ്ങിവന്ന് നാട്ടിൽ സംരംഭം തുടങ്ങാൻ  താല്പര്യപ്പെടുന്നവർക്കായി നോർക്ക റൂട്ട്സും കേരളസർക്കാർ സ്ഥാപനമായ സെന്റർ ഫോർ മാനേജ്മെന്റ് ഡെവലപ്മെന്റും സംയുക്തമായി സൗജന്യ ഏകദിന ശില്പശാല സംഘടിപ്പിക്കുന്നു.  ശില്പശാല ജൂലൈ രണ്ടിന് മലപ്പുറം ജില്ല ആസൂത്രണ സമിതി കോൺഫ്രൻസ് ഹാളിൽ നടക്കും.   യോഗ്യത, തൊഴിൽ പരിചയം എന്നിവ പരിഗണിച്ച് സംരംഭങ്ങൾ തിരഞ്ഞെടുക്കുന്നതിനും പദ്ധതി നടപ്പിലാക്കുന്നതിനും ആവശ്യമായ മാർഗ്ഗ നിർദ്ദേശങ്ങൾ ലഭിക്കും.  കുറഞ്ഞ മൂലധനത്തിൽ നാട്ടിൽ ആരംഭിക്കുവാൻ സാധിക്കുന്ന നൂതന ആശയങ്ങളെ കുറിച്ചും ശില്പശാലയിൽ സംവദിക്കും. കൂടുതൽ വിവരങ്ങൾക്ക്: 8078249505

അധികാരത്തൊടി-കുറ്റാളൂര്‍ റോഡില്‍ നെല്ലിപ്പറമ്പ് ഭാഗത്ത് റോഡ് അപകടാവസ്ഥയിലായതിനാല്‍ ഇതുവഴിയുള്ള ഗതാഗതം പൂര്‍ണമായി നിരോധിച്ചു. വാഹനങ്ങള്‍ മറ്റ് അനുബന്ധ റോഡുകള്‍ ഉപയോഗിക്കണം.

കാലിക്കറ്റ് യൂണിവേഴ്സിറ്റിയുടെ 2025-26 യുജി ഏകജാലക പ്രവേശന രണ്ടാംഘട്ട അലോട്ട്മെന്റുമായി ബന്ധപ്പെട്ട് നിലമ്പൂർ ഗവൺമെന്റ് ആർട്സ് ആൻഡ് സയൻസ് കോളേജിലെ പ്രവേശന നടപടികൾ ജൂൺ 30, ജൂലൈ ഒന്ന്, രണ്ട് എന്നീ ദിവസങ്ങളിൽ നടക്കും.

 അതിശക്തമായ മഴ തുടരുന്നതിനാൽ കോട്ടയം ജില്ലയിലെ എല്ലാ വിധ ഖനന പ്രവർത്തനങ്ങളും ജൂൺ 30 വരെ നിരോധിച്ച് ജില്ലാ കളക്ടർ ജോൺ വി. സാമുവൽ ഉത്തരവായി.

 2024-25 വർഷത്തെ വിദ്യാഭ്യാസ-കായിക പ്രോത്സാഹന ക്യാഷ് അവാർഡ് വിതരണം ജൂൺ 28ന് പടിഞ്ഞാറേക്കര സി സോൺ റിസോർട്ട് ഓഡിറ്റോറിയത്തിൽ വച്ച് നടക്കും. മലപ്പുറം ജില്ലയിലെ മത്സ്യതൊഴിലാളികളുടെയും അനുബന്ധ തൊഴിലാളികളുടെയും കുട്ടികളിൽ എസ്എസ്എൽസി, പ്ലസ് ടു, കായിക തലത്തിൽ സംസ്ഥാന ദേശീയ അംഗീകാരങ്ങൾ ഉൾപ്പടെ നേടിയ, മികച്ച പ്രകടനം കാഴ്ച്ചവെച്ച 126 പേർക്കാണ് അവാർഡ് വിതരണം ചെയ്യുക.

തോളൂര്‍ ഗ്രാമപഞ്ചായത്ത് കൃഷിഭവന്റെ ആഭിമുഖ്യത്തില്‍ സംഘടിപ്പിച്ച ഞാറ്റുവേല ചന്തയുടെ ഉദ്ഘാടനം പഞ്ചായത്ത് പ്രസിഡന്റ് ശ്രീകല കുഞ്ഞുണ്ണി നിര്‍വ്വഹിച്ചു. തോളൂര്‍ ഗ്രാമപഞ്ചായത്ത് വൈസ് പ്രസിഡന്റ് ലില്ലി ജോസ് അധ്യക്ഷത വഹിച്ചു. കൃഷി ഓഫീസര്‍ പി. മനീഷ പദ്ധതി വിശദികരണം നടത്തി.